مريت من هنا لأول مره اهنيك كينق قصيده فوق مستوى الوصف تعكس علا رقِيّك و احساسك المرهف تسلم اناملك للي كتبت القصيده و صوّرت الصوره


و قالو بالبحر.....


انا يا بحر ما جيتك فضى و لـ مشاهدك شفقان
انا جيتك ابنسى الياس وبعض الهم يباريني

علامك يابحر غاضب علامك تصرخ بكتمان
اناجيـــــــتك ابشكيلك وابي منك تواسيني

أنا مثلك بحر لكن وسط نفسي انا غرقان
تعبــــت ابحر مع نفـــــــــسي واسالها انا ويني


انا محتار في وصفي ومع نفسي انا حيران
انا لا قادر افهمـــــــها وهي تجهل مضاميني

أنا مليت من حزني وتعبت ابحث عن السلوان
ولاضــــنيت به شي عن احزاني يسليني

احس ان الحزن عالم بحورة و نْهار ووديان
تخيل يابحر حجمه اذا حجمه سكن فيني

ترى كل الحزن لو غاب وراح لاخر الاوطان
يغيب ويرتحل لحظات ويرجع يستقر فيني

انا والليل والغربه تعانقـــــــــــنا مثل الأخوان
ليلي كل آهــــــــــاتي وللـــــــغربه عناويني

تعبت اسقى ثرى احلامي وأزرع بالوهم بستان
تعبت ولانبت زرعي وتعبت وجفت بساتيني

ألا يابحر جاوبني وش اخر هذي الاحزان .؟
وش اخر رحـــله أوجاعي وعناي وغربه سنيني .!؟