بخصوص الملاهي الليلية
السلام عليكم ورحمة الله وبركاته
قد لا يروق ماسوف أكتبه هنا لبعضكم لكن هو كلام يقرقع بخاطري ودي أقوله وسعوا صدوركم بدون زعل ياحبايب
الأماكن اللي زرتهن
شيك (سهرت فيه)
المليونير(سهرت فيه)
مزازيك( مرور الكرام)
سكاي (مرور شيكت عليه)
مليطو (سهرت فيه)
رأيي الشخصي وهو غير ملزم لأحد:
كلها تحوم الكبد من جميع النواحي دون استثناء
اللي هه يقال انه ممكن ينبلع شوي وتهضمه (مليطو) أنا عجزت أحفظ اسمه لذلك سميته (زلاطيمو) محل حلويات شهير في الأردن
عيوب هالأماكن:
خدماتهم سيئة
إزعاج على غير سنع كلها أغاني وغدان من جيل الهشك بشك
طرب إنسى مافيه
وبنات الديسكو وسخات والله مدري شلون يطلعونهن بعض هالشباب
ضاربات بالشيطان الرجيم من هالمكياح والأصباغ تبي يقال له تغطي الشين زادت الطين بلة
نادرا تلقى اللي خشيشته تفتح النفس
وهالإضاءة سيئة جدا جدا ظلام قسم أمشي وأقول يالله السلامة متى أوصل لطاولتي على خير لا أتخمع بهالكراسي أو شيء
بعدين يبيله الواحد يكون نظره حاد جدا مثل (زرقاء اليمامة) علشان يشوف البنت اللي يبي
الغبنة إن بعضهن ينطبق عليهن المثل(شين وقوي عين)
وقفة تأمل:
أو أسميه حديث نفس وش الله حادك على هالمخاسير وعلى شيء مايسوى
مبلغ هالسهرة أيا كان على سبيل المثال: 900-2000 درهم
والله ياهي تعيشك جو كم يوم بس أنت احسبها صح
لاتكن أسير السكن والسكر والسهر مع بنت
اخلق لك جو نوع شكل غير عدل بدل
طع شوري
والله يا إن التمشية والجلسة بمقاهي ومطاعم المارينا وشوفة هالعالم هناك والمشي على البحر تسوى مليووووون ديسكو
ياخي ترى مهب لازم تسهر مع بنت
وإذا تبي خلها سوالف ووناسة بأماكن عامة
ماهم نافعينك المهايطية طقة فلها وأرخ الريال ... إلى آخره.
كانت هذي وجهة نظري وأرجو أن تتقبلوها يصدر رحب
وإن لم تتقبلوها فتجاهلوها ودمتم سالمين
التعديل الأخير تم بواسطة أبوراكان2019 ; 2019-07-11 الساعة 08:22 AM