عرض مشاركة واحدة
أبوراكان2019
مزعوط مبتدء
المشاركات: 47
تاريخ التسجيل: Jul 2019
أبوراكان2019 غير متواجد حالياً  
قديم 2019-07-11, 08:47 AM
 
Post تجربتي في فندق خليج أغادير

السلام عليكم ورحمة الله وبركاته
أحدثكم عن تجربتي للسكن في فندق خليج أغادير وأنصح به لمن يبحث عن الراحة والخصوصية وإذا أراد الهدوء فعليه بحجز جناح.
طبعا تم الحجز عن طريق نفس الفندق من الاستقبال حجزت جناح غرفة كبيرة تشمل جاكوزي +وجبة إفطار مع إطلالة على الحديقة والمسبح (جناح أرضي) يقيمة 1857 درهم لليلة الواحدة
ملاحظة: وجبة الإفطار حتى لو ألغيتها السعر نفسه يعني تبي تفطر ولا بسلامتك
كذلك تستطيع إيقاف سيارتك مقابل جناحك (مدخل خاص)
يعني بالعربي لو حبيت ماتشوف موظفين الاستقبال تقدر

الإفطار: مطعمهم صغير وأصنافه محدودة جدا وكأنه مطعم أبونجمة وحدة

من عيوب الفندق:
ممنوع دخول الأكل والشراب (يبون يحدونك على أقصاك تشري من عندهم) لكن إمعصي
بكل بساطة أول ماتدخل الفندق جب حويجاتك وأغراضك بكرتون مغلف مع شنطتك أو بنفس شنطتك مايدققون
من عيوبه كذلك:
الماء أول يوم فقط 3 قويريرات ماوالله تشوف غيرهن
يعني مايحطون لك كل يوم قارورتين
بحصوص الجواز:
يوم دفعت واستلمت مفتاح الغرفة قلت لموظف الاستقبال عطني الجواز
قال خليه عندنا
قلت اسمع ياعطني الجواز يا عطني دراهمي الفنادق واجد
منت نافعني إن ضاع
فتح الدرج وطلع لي جوازات واجد
قلت أنا علي بنفسي مالي. خل بغيري
الجواز ماوالله يقعد عندك ولا يهنالي بال إلا لاصكيت عليه بالسفتي بوكس
الوكاد مالكم بالطويلة عطاني إياه

بالنسبة لمرافق الفندق:
عندهم خيمة فوق فسها سهرة وأفتر بارتي طريقها متاهة
يوم أقبلت عليها ويصيبن (تكَّاك) يا إخوان ماجازت لي
والموظفة كل يوم تتصل علي تعال عندنا تعزم وتلزم
قلت إن شاء الله أجيكم ،،، والمارية الغفلة
فيه مكينة ATM بمدخل الفندق
فيه محل شيشة كل مامريت من عنده أحسب الجو ضباب أثريه الله يجيركم ثعورة هالدخنه طالعه مع الباب
فيه جنب الشيشة حلاق للحريم والرجال
يعني ان بغيت تاخذ خويتك تزين شعرها عكاريش أو لو شعرها عرادة ممكن يسنعونه لها
وميزة الفندق نطحك أماديل وفيه مكتب المؤيد فرع (صغير) موظفة ماتحترم السعوديين كرشتها وطلعت
وفيه مقابل الفندق ديسكو شبك وزلاطيمو (مليطو)????
ونفس الفندق خليج اغادير فيه ديسكو غير خيمة أبوسفيان
وسلامتكم

التعديل الأخير تم بواسطة أبوراكان2019 ; 2019-07-11 الساعة 08:53 AM