الواحد يحط هدف له يسافر يغير جو ويستمتع بالطبيعة والأكل يزور مناطق جديده ويبعد شوي عن ضغوطات العمل يسهر مافي مشكله .. بالنسبه للأمور الثانيه لاتجعلها أساسيه في سفرتك بل خلها ثانويه ولا تركز عليها وتبني سفرتك كلها عليها ...
وصدقني التصيد خصوصا ف الدسكوات غالبا مايجيب الا المشاكل والأمراض ووجع الراس والأفلام
عش حياتك في السفر وقم النهار تمشى شف العالم طلق رجلينك شوي غير روتينك الممل والمتعب وعط جسمك شوي يرتاح ويسوي ريكفري
لحظات في السفر حتى وان كانت بسيطه لكنها تصنع يومك وتريح عقلك وتصير في ذهنك فترة طويله ما تنساها .. يعني الى الان اتذكر فطوري في بلكونة شقتي بطنجة ومنظر البحر والغيوم والأمطار ولا الجلسه في احد كوفيهات اغادير ومنظر الغروب مع البحر وروقااان اغادير ... ولا رحله اوكيمدون وطريقها الجبلي ومشاهده الثلج في اعلى قمم الجبال والله هالحظات تسوى كثير .... استمتعو حتى لو انتم راعين سهر اطلعو شوفو الدنيا