وعليكم السلام

انا لي رأي وانت بكفيك اولا واخيرا
طريقتك هذه ماتصلح وراح يستغلونك لأقصى درجه
وفي الأخير راح تكون تكلفة الرحلة مثل الفائدة اللي حصلوها من السمسره من وراك
انزل على مراكش وخذ فندق وخل قلبك جامد خذ تاكسي وروح شوف الفلل والأسعار
اذا ناسبك شي استأجر ما ناسب مدد في الفندق

لكن طريقتك هذه راح تضيع فلوسك وماتستانس
بعدين انت مايحتاج يكون احد معاك يعلمك او يوديك على كيفه
امش بمزاجك ولا ترد على احد اذا لصق فيك واحد راح يبلشك ويحسسك
انه جاي معك على نفس الطيارة ويعيش الجو انه سائح ويعطيك نصايح
هذولا يستغلونك وانا ابي مصلحتك وهو يصلخ فيك
انا اعطيتك رأي بكل وضوح خلك واثق من نفسك و لا تكلم احد تدور مساعده
اذا ماعندك خطة واضحه ومكان تسكن فيه غير البلد او اسكن في فندق

اشوف مواضيع كثير الحقيقة غريبة لذلك راح اتلكم على طريقة واسلوب
ينفع للي يسافر للمغرب وغير المغرب عن تجربة واقتناع قريبا ان شاء الله

عقلية المسافر لابد تتغير لأن بعض المسافرين مثل اللي عنده شقه
يبي يأجرها ويجيب واحد يسكنه في الشقه ويقوله شوفلي مستأجر
أنا مشغول ويقوم هذا يتبطح في الشقه ويقوله مافي مستأجرين
وبعد فتره يفتح ويعرف انه تعرض للأستغلال ويلوم اللي هو مسكنه