ونا بمطار البحرين قبل الرحله صرفت دولارات خذيت معاي 1500 دولار كاش والباقي بالبطايق وبعدها جلست بمقهى افكر وين اروح وقررت تكون رحلتي ثلاثة أيام بانكوك - ثلاثة أيام بتايا- ثلاثه أيام بوكيت- اخر ليله بانكوك بعدها دخلت بوكينج حجزت ليلتين في بانكوك مع إمكانيه الالغاءوشريت لي كرز دخان وبعدها اقلعنا وحنا بالطائرة وزعوا علينا كروت نعبيها مثل نظام المغرب سابقا وصلنا مطار بانكوك تقريبا الساعة 8:30 الليل وصلت قريب الجوازات عبيت الكرت وجيت بدخل وقالي العسكري عندك فيزا قلتله لا ياشرلي بيده يقولي تشوف هالاوراق خذ وحده وعبي بياناتك خذيتها والبيانات تشمل رقم جوازك ورقم رحلتك ووين بتسكن واسم الفندق ولازم تكون عندك صوره تكون بالورقه صرفت ميه دولار=2800 بات بعدها رحت محل تصوير جنبهم على السريع صورت وجهزت اموري ورحت عندهم وخذوا الجواز وقالوا لي ريح شوي وجلست اقل من خمس دقايق وعطوني الفيزا بعدها رحت للجوازات وختمت وعلى الشنط وخذيتها وطلعت شريحة اتصال بحدود 700 بات تقريبا.
في واحد من اخوياي راعي تايلند توصلت معاه واتس قلتله انا الحين توني واصل بانكوك وش الوضع جلس يضحك قالي انا الحين في بتايا كانت صدفه بعدها كلمني واتفقنا نتقابل في بتايا رحت مكتب تأجير سياره وطلبت انه يوصلني لفندق في سي بتايا وكانت السياره جيب تويوتا قيمه المشوار 2300بات صرفت بمكتب جنبهم ميه دولار ثانيه ومسكنا الخط وبعد ساعه ونص تقريبا وصلت الفندق في بتايا وكان خويي منتظرني سلام وحضن وعلى الفندق على طول حجزت بالقسم الجديد غرفه بسعر 1300 بات وشور سريع وطلعنا نتمشى ويعرفني على اخوياه صرنا قروب من سته أشخاص .