ملخص عن تايلند:-
١:- مده رحلتي 11 يوم تقريبا كلفتني كامل مع التذاكر 12000 ريال.
٢:- الفيزا عندك طريقتين الاولى من المطار وهي الاسهل وتكون مدتها 15 يوم ومجانيه واي يوم تاخير زياده اظن غرامه 1000 بات الطريقه الثانيه عن طريق السفاره وتاخذ يوم او يومين اجراء ومدتها ثلاثه شهور وقيمه الرسوم 150 ريال.
٣:- اجمل منطقه شفتها في تايلند جزيره بي بي .
٤:- تايلند رخيصه مره ومع ذلك لازم تكاسر بالاسعار .
٥:- كثره الجنس الثالث في تايلند احذر تسوي اي شي سواء مع بنت او اي شي مهما كلفك الامر خل جوك تماشي وسياحه وفله بدون خيط بيط.
٦:- افضل سعر صرف تصرف خارج المطار .
٧:- عندهم العلم والملك والبوذا حقهم شي مقدس احذر تسئ لاي شي فيهم لان بعدها بتكون راحت عليك غلطه.
٨:- الشعب التايلاندي بشكل عام لطيف خصوصا النساء خليك دايم مبتسم ولاتكشر وتعامل بادب وخلك محترم وتذكر انه ممنوع السفر ولاتغلط لانهم شعب اذا فصل راحت عليك.
٩:- الاكل البحري ولا اروع شف اللي يعجبك من الاسماك واختاره وبالعافيه.
١٠:- من وجه نظري تايلاند تنفع للشباب وماتنفع للعوائل.
١١:- خذ معاك لتايلاند دولارات افضل من الريال السعودي وخل فلوسك دايم بالسفتي بوكس وخذ مبلغ اللي يمشيك يومك.
١٢:- خلك حذر في التعامل مع اي شخص يقولك بوريك شي ولا بعطيك شي ولا جرب شي نص اللي يبيعوا شرطه سريه والغلطه بتايلاند بتكلفك كثير.
١٣:- تايلاند بمعنى اصح تنفع للعاقل المتزن اللي يعرف ينبسط بحدود ويعرف كيف يتعامل ويكون محترم نفسه والناس بينبسط في تايلند.
١٤:- سعر الطيران الداخلي رخيص جدا بحدود 150 ريال سعودي والمواصلات بشكل عام رخيصه.
واسف على الاطاله