واصحى عاليوم الرابع وفطور وقهوة في البيت وروقان واقرر الخروج من مراكش والبقاء اخر ٣ ايام هناك. وادق عالشايب وقلتله تعال خذ قروشك ومن يوصل و ابلغه بخروجي وهذي حتكون اخر ليله لي وتشكرته عالضيافة واتفق معي بتسليم المفاح للحارس في اليوم التالي ظهراً. خرج الرجل وانا البس واخرج وراه ورحت عالمول قلت بعمل شوية شوبينق وروح بعدها على قليز وقد مريت اخذت زيوت وصوابين وليفه مغربيه وبعض الاشياء العشبيه الجميله في تلك الديار.
رجعت للشقه اودع الاغراض وارتب اموري استعداداً للمغادرة غداً. اخذت شور سريع وانزل قليز ادور كفي واستمتع بالهواء العليل وقلت بما اني نويت الرحيل من مراكش يلزمك زيارة الدبليو الليله بسهره خفيفه. واتصل عليهم واستفسر عالطاولة والتكت وأئمن نفسي بسهرة الليله واخذ بعضي وعالشقه البس واتجهزه واتأكد من جميع اغراضي واطلع عالدبليو. قصيت تكت بار وطلع الشغل وقافي ههههههه وكانت سهرة حلوه وارجع البيت استعداداً للنوم.
صحيت اليوم الخامس واخرج من الشقه العصر واتجه على القطار لاستقل رحلتي متوجهاً لكازا ومن وصلت واخذ تكسي واتفق معهم وياخذني على فندق انقليزي وكان نظيف وجميل واقضي ليلتي في ارجاء كازا بلاصخب وسهر وكانت فاصل اعلان جديد وجميل ههههه واصحى اليوم الثاني الصباح بدري ادور شقه ههههههههههههه على فكرة النظام ذا جميل جدا في المغرب للناس الي زي لا خبره ولا داتا ولا معارف، خذ فندق اول يوم ودور شقتك على عينك بس مهم تكون معك برامج تساعدك في البحث.
المهم لقيت شقق جميله ومواقع ممتازه بس ماحالفني الحظ وكنت مضطر اخذ شقه وقلت مالها الا المعلنين في المنتدى الجميل ذا، ولقيتها فرصه نجربهم ونجرب خدماتهم وبعد بحث وتحري في المعلنين
وتطيح عيني على ابو اميرة واتصل عليه
أبو اميرة: الو
انا: مرحبا كيف حالك ابو اميرة
ابو اميرة: تمام الحمدلله مين؟
انا: احد زباينك وارغب في شقه
ابو اميرة: اهلا وسهلا فيك خويا،، كم شخص وكم غرفة وكم يوم.
انا: استيديو لاني لحالي وباخذها يوم اجرب واذا زان لي الوضع بمدد فيها ويمكن يجون لي شباب وناخذ شي اكبر ( طبعاً انا باقي لي ليلتين واسافر بس عاد لزوم البيع والشراء وماتخلي احد يطمع فيك.
ابو اميرة: ماكاينش غرفة في غرفتين واقل شي ليلتين.
انا: مو مشكلة بس ان شاء الله فيها خدامه وكم سعرها.
ابو اميرة:نعم فيها خدامه وشقه نظيفه وموقعها ممتاز و راح تعجبك
انا: طيب بكم؟
ابو اميرة: روح شوفها وماراح نختلف ان شاءالله
انا: لازم اعرف سعرها قبل اتحرك يمكن خارج البدجت تبعي ( هنا قدمتله صورة الحشر ههههه)
ابو اميرة: وهنا كأنه تحير شويه وملزم علي الا اروح شوفها.
وبعد اخذ وعطى قالي ب ١٢٠٠ تقريباً وقلت له غالي عليا واتفقنا اني اروح اشوفها وماراح نختلف. الرجل ذا لا يعرفني ولا اعرفه وموضوعي ذا قديم بس كان رجل في المجمل محترم وكويس في التعامل رغم بعض العيوب الي مايخلى منها بشر.
ومن شفت الشقه وتعجبني جداً و خدامه صغيره وباين على شكلها بنت حلال وادق عليه وفقلت له ايش هذا الشقه كبيره مره وانا رجل لحالي وهذا اذا جو خوياني تصلح لنا شفلي غيرها وهوا اصلن قالي ماعندي غيرها بس عشان ابعد رغبتي في الشقه هههههه المهم وهو يقولي لو تاخذها مدة اكثر انزلك في السعر واقل مدة ليلتين وانا اقول في خاطري هي ليلتين وماشي وينزلي الرجال الي فيه النصيب والصراحة ماني فاكر بالضبط كم بس كان السعر حق الناس للناس وقلت له مر خذ فلوسك وقالي مايحتاج اذا جيت ماشي امر اخذها. وارسل الخدامة تجيب عدة طبخ يومين وهنا كانت الصدمه من لذة الاكل المغربي الي اول مره اجربه وفي طبخ بيت وصراحة كان طبخ جميل ولذيذ. واقضي ليلتين في كازا بدون سهر سياحة نهارية فقط ولقيت كازا تمتاز بموقعها الجغرافي الخورافي. واقضي ليلتين جميله في كازا وارجع عالمملكة الحبيبة. انتهى،،
العذر والسموحة فالتقصير لان الرحلة قديمه شويه وهذا ماتذكره منها
ملاحظات:
المعلنين لا بأس بهم بس خل في بالك بياخذون زيادة عليك عشان موضوع الامن والامان.
لا تبلغ احد بموعد مغادرتك ولا لاحد حق يعرف.
السكن في فندق اول ليله له فوائد.
حكم عقلك قبل قلبك
المغرب له مفاتيح وبلد يسحرك بجماله وطيبة اهله اذا عرفت مفاتيحه.
عليك بالنهار اكثر من الليل اذا تبي تعرف اي بلد
عدم الافصاح عن رقمك السعودي
رمي الشريحة المغربية في زبالة المطار.
سامحوني على ملاحظاتي بس هي خليط نبع من خبرة سفر سنين ولدول كثيرة ورغم سفرتي الاولى للمغرب
الا اني اتوقع فهمها اكثر من البعض بمراحل.
وهنا سوف تكون رحلتي الثانية للمغرب في هذا الشهر وتحديداً بعدكم يوم ان شاءالله وراح تكون شمالية بطنجة وماحولها ولحالي بعد. راح انزلكم تقرير مفصل تفصيل هندي عنها.