قالو المغرب قلت وش تكون من ديرة

[مرامير]

السلام عليكم جميعا اعضاء المنتدى الرائع
انا ناوي اطلع المغرب انا وواحد من الربع لمدة 9 ليالي وهي اول سفره للمغرب وانا بطبعي ما اروح مكان الا وانا قايس الاسعار والصرف زين عشان الواحد مايتوهق هناك يعني امشي على برنامج اسويه من قبل لا اطلع واريح مخي هناك
والنيه بتكون موزعه على اغادير ومراكش
لفلفت المنتدى لين دخت ولقيت ان متوسط السكن لغرفتين وصاله بيطلع بحدود 1200 درهم (550 ريال تقريبا)وهذا شي حلو وسعر ممتاز
التنقلات بحدود 200 (100 ريال تقريبا )درهم
الاكل والشرب معنا العزبه وين مانروح وتكميلاتها بحدود 900 (40 ريال تقريبا )درهم
السهرات الطاوله متوسط 1500 درهم (700 ريال تقريبا )وبدون طاوله الدخول متوسط 150 (70 ريال تقريبا )درهم
ويقولي عن الاسعار لقيتها الدبل عن الي يقولوه الشباب هنا !!!
وش رايكم يالربع نسمع ان المغرب غالي وغالي ومدري ايش لكن الي اشوفه هنا من اسعار انها مناسبه ومافيها هذاك الغلا الزايد لو بنقارنها بمصر مثلا الماريوت جناح غرفه وحده ماخذها بحدود 1400 ريال قبل شهرين الاكل والشرب العزبه وصح هي اقل من المغرب والتنقلات سيارة يوم كامل 150 ريال مع البنزين
السهرات الطاولة لثلاث اشخاص بتاخذها بحدود 700 ريال
يعني مافي فرق وحسب الي اشوفه واقراه هنا ان السكن وهو اهم شي اقل بكثير والسهرات مافي فرق يذكر المغرب تقدر تدخل بدون طاوله
طيب
جينا الواقع هذا يقولي شي خرافي للاسعار
والله احترت شوركم يالربع

[Rabe7]

حسبتك تقريباً مضبوطه .. هذي المغرب وهذي اسعارها ..

رحله موفقه مقدماً ..

أو بحسبه ثانيه من 1300 إلى 1500 ريال مصروف الشخص يومياً .. وأبعدوا عن شغل الهياط والتبذير الي ماله سنع ..

[مرامير]

حسبتك تقريباً مضبوطه .. هذي المغرب وهذي اسعارها ..

رحله موفقه مقدماً ..

أو بحسبه ثانيه من 1300 إلى 1500 ريال مصروف الشخص يومياً .. وأبعدوا عن شغل الهياط والتبذير الي ماله سنع ..

تسلم على ردك السريع اخوي
طيب اذا حسبتي مضبوطه تقريبا تعال نحسبها انا وانت


4950 ريال سكن
900 تنقلات
500 مستلزمات الاكل والشرب للبيت
السهرات بتكون بالطريقه هذي اربع ليالي في النايت واربع في السكن
اربع سهرات برا 2800
اربع سهرات داخليه (متعوب عليها ) 4000
مستلزمات السهر في السكن 2000
مجموع 15000 تقريبا
طيب للحين ماكسرنا حاجز الـ 1000 للشخص
الواحد يعني 7500

برضه محتاج توضيح اكثر شباب
اعذورني على قروشتكم بس محتاج فزعتكم

[Rabe7]

طيب وين المشكله .. حسبتك تمام .. للسكن إذا كان اليوم بـ 1200 درهم ..

التنقلات على حسب بالنهار على العداد وبالليل سعرهم ثابت 100 درهم للمشوار .. ولو إني نادر اتعامل مع التكاسي ..

الأكل والشرب 1000 ريال تكفيكم إذا كان زي ماتقول معكم عزبتكم وهاوين طبخ ..

بالنسبه للسهر حسبتك تمام .. إذا انت متأكد انك بتسهر 4 أيام بس ..!!

لا تنسى عندك طلعة العصر والتمشي والجلسة بالكوفيات .. تقريباً مصروفكم يومياً فيها 250 درهم ..

الأمور الاخرى تعتمد عليكم وحسن تصرفكم بالأمور .. وزي ماقلت لك بحسبه ثانيه من 1300 إلى 1500 ريال باليوم للشخص الواحد شامله كل شيء ..

أما المصاريف الشخصيه كل واحد يتحمل صرفه ..

[أهنجار خليجي]

مرحبا يا غالي

المغرب ليست غالية

ابتعد عن أهم حاجة وانت بخير

1- السهر في المراقص

اسعار السكن من 800 الى 1500 درهم

المواصلات سيارة مع سائق السعر المتوسط 600

الاكل وال**** الوجبات الثلاث 600 سعر متوسط

نفرض سكنت بي 1200 + سيارة 600 + الاكل 600

المجموع 2400 درهم اي ما يعادل 1200 ريال في اليوم

وسلامتك

[مرامير]

مرحبا يا غالي

المغرب ليست غالية

ابتعد عن أهم حاجة وانت بخير

1- السهر في المراقص

اسعار السكن من 800 الى 1500 درهم

المواصلات سيارة مع سائق السعر المتوسط 600

الاكل وال**** الوجبات الثلاث 600 سعر متوسط

نفرض سكنت بي 1200 + سيارة 600 + الاكل 600

المجموع 2400 درهم اي ما يعادل 1200 ريال في اليوم

وسلامتك

مشكور اخوي اهنجار على ردك والغير مستغرب
بخصوص المواصلات انا لي مزاج غريب شوي فيه
البلد الي اول مره ازوره اطقها تكاسي كل شوي مع واحد
والسبب اني اعرف البلد زين من خلال السوالف وطقة الحنك مع السواقين وهم اكثر ناس بيعرفو البلد اخذ من روسهم كل الي ابيه وكل واحد بيعطيني كلام وباخر الرحله اكون كونت انطباع متكامل من خلال ماشفت وسمعت
لكن لو كنت مع سايق واحد من اوصل لين ارجع الكلام نفسه الاسلوب واحد صح اني برتاح من التكاسي لكن انا لي هواية فيها


ومشكور مره ثانية اخوي اهنجار

[ابو تركي 2012]

** عزيزي حسبتك لك عليها لان السكن في اقادير يختلف سعره عن مراكش ,,,,,

** وبما انك راعي سهر يعني معك ربعن غير خويك حطها بالحسبان ,,,,

* والاكل والشرب احسب حساب ضيوفك بعد ,,,,,,

*** يعني يبيلك سكن + سهرات 4 + اكل 9 ايام + موصلات + نذريات = ؟؟؟

[مرامير]

** عزيزي حسبتك لك عليها لان السكن في اقادير يختلف سعره عن مراكش ,,,,,

** وبما انك راعي سهر يعني معك ربعن غير خويك حطها بالحسبان ,,,,

* والاكل والشرب احسب حساب ضيوفك بعد ,,,,,,

*** يعني يبيلك سكن + سهرات 4 + اكل 9 ايام + موصلات + نذريات = ؟؟؟

جميل جدا ابو تركي
طيب بكم القى شقة في اغادير غرفتين كمتوسط ؟

[Rabe7]

يالغالي ترا حسبتي لك على مراكش .. لأني ما انتبهت إنك ناوي تزور أغادير ..

أغادير اعمل حسابك على 2000 ريال باليوم للشخص إذا انت راعي وناسه وسهر ..

-----------

جميل جدا ابو تركي
طيب بكم القى شقة في اغادير غرفتين كمتوسط ؟

غرفتين وصاله كبيره في اطلس مارينا بـ 2100 درهم .. وهي انسب خيار للسكن في أغادير ..


أو عندك الفنادق كل واحد ياخذ غرفه لحاله ..

وهذا رابط أطلس مارينا ..

https://www.mza3et.com/morocco9249.html

[ابو تركي 2012]

** العين ما تعلا على الحاجب **

* رد عليك بالسكن بالمارينا اذا تبي راحت راسك بكل شي والعرض عند اخونا / محمد عاطي ,,,

** وسكنت بالمارينا وغيري من المزاعيط بعدي الشهرين اللي طافو والامور سهالات ,,,,,

[مرامير]

يالغالي ترا حسبتي لك على مراكش .. لأني ما انتبهت إنك ناوي تزور أغادير ..

أغادير اعمل حسابك على 2000 ريال باليوم للشخص إذا انت راعي وناسه وسهر ..

-----------



غرفتين وصاله كبيره في اطلس مارينا بـ 2100 درهم .. وهي انسب خيار للسكن في أغادير ..


أو عندك الفنادق كل واحد ياخذ غرفه لحاله ..

وهذا رابط أطلس مارينا ..

https://www.mza3et.com/morocco9249.html

ياجماعة الخير ماتشوفون ان مبلغ 2000 ريال مبالغ فيه ؟
طيب من يدبرني بشقق فندقيه ؟
ومن يعرف الشقق الي مطله على ساحة قليز ؟ قدام النافورة

[مرامير]

** العين ما تعلا على الحاجب **

* رد عليك بالسكن بالمارينا اذا تبي راحت راسك بكل شي والعرض عند اخونا / محمد عاطي ,,,

** وسكنت بالمارينا وغيري من المزاعيط بعدي الشهرين اللي طافو والامور سهالات ,,,,,

بيض الله وجيهكم جميع

باقي نشوف رد اخونا محمد عاطي وايش عنده من علوم زينه