تقرير زيارتي لكازا مراكش وأغادير ( مغامرات وقصص الف ليلة وليلة)

[المغرب ديالي]

السلام عليكم ورحمة الله وبركاته

بداية أخوتي وقبل البدء في سرد هذا التقرير أود توضيح النقاط التالية :

* سيكون سرد التقرير باللهجة العامية لسهولة ايصال المعلومة .

* ماسيتم ذكره بالتقرير ان شاء الله ليس من باب المجاهرة بالمعصية ولكن لنقل الفائدة للأعضاء وللوصول للهدف المنشود من تواجدنا في هذا المنتدى.

* أتمنى في حال وجود ملاحظات النقد بأسلوب هادف بعيدا عن المساس بأي شخصية كانت.

* سيكون التقرير بأسلوب ساخر نوعا ما آمل تقبل ( سماجتي ) :eyee2:





الحلقة الأولى ( السفر - الوصول - التوجه إلى اغادير والبحث عن سكن )


في يوم من الأيام وانا اسوق سيارتي في مدينة الرياض تقريبا قبل العصر بنص ساعة ، شفت سحابة سوداء مقبلة علي كان هالكلام في بداية شهر 4 ميلادي المهم قلت عسى خير ويجينا هالمطر الزين ما امداني اكمل كلمة المطر الزين الا وانا ماعاد اشوف يدي من الغبار وطلعت هالسحابة غبار شق خشمي ريحته ماصدقت وصلت الاستراحة ، نزلت من السيارة وانا اركض ودخلت الاستراحة وجلست افكر في حالتي المأساوية خصوصا مع هالجو العليل واكلم اخوياي ادور احد يجي الاستراحة محد عطاني وجه ، رجعت البيت المغرب ونمت من الطفش وقمت الصبح ورحت الدوام وادخل على مديري واصلة معي قالي وش فيك قلت ابي أجازة ولا ترى بنتحر المهم كلمة من هنا وهناك قالي بعطيك بشهر 6 ثلاث اسابيع : (736):

قلنا خير وبركة صح انها بعيدة بس ما يخالف خلنا بس ندخل منتدى المزاعيط ونط امورنا ، المهم نوينا أغادير وقلنا بعدها لا صرنا هناك شفنا لنا مكان ثاني ، وين نسكن يا مزاعيط قالوا مالك الا محمد عاطي المارينا مابعده حتسي ، قلنا توكلنا على الله ونكلمة ونسوي حجوزاتنا وننقز لموقع الخطوط ونقص تذكرة بزنس ب 4852 ريال فقط لاغير ، وبعدها نطمر على موقع الخطوط المغربية وناخذ ذهاب وعودة ب 1200 درهم ، عاد الحين اتوقع اني جاهز ومابقى الا نستعد لا قرب السفر ، المهم اني انشغلت فترة وقبل سفرتي بثلاث اسابيع او اكثر واللي كانت بتاريخ 01/06/2012 دخلت المنتدى ، والقى الشباب يقولون صارت مشكلة بالمارينا ولازم فتح غرفة : (89): وتخنقني العبره : (712): الحين وش ازين انا وش اسوي وين اروح له ، مالغيت حجزي وقلت بشوف وش بيصير ، بعدها بفترة والقى اعضاء يقولون المارينا غرمهم على اثاث محروق ومكسور وفيه استغلال المهم اني قلت تصبر يا أبن الحلال واصبر لين نشوف وش يصير ، بعدها بأسبوع ويجي الشيخ مصطي بالخبر المدوي قتل بالمارينا : (824): ، طيب ليه طيب انا وش انا مسوي عشان يسوون فيني كذا طيب انا ودي بمكان حلو على البحر وادخل اكلي على كيفي ودي فيه طيب ، نسأل عن صحارى قالوا مهوب زين نسئل عن اماديل قالوا مهوب زين نسئل عن اسلان قالوا بعيد قلت تدري طب بالديرة وشف وش انت عليه بس.

ومن كثر مانيب زعلان ماعاد دخلت المنتدى ولا شي قلت خل اروح هناك واشوف وش انا عليه ، ركبت الطيارة من الرياض وانا مدري مستانس شوي وخايف شوي ومرتبك شوي مدري وشو هذا بس انه شي مدري المهم ، وصلنا جدة جلسنا ساعتين وبعدها عى كازا ، الرحلة كانت جيدة نوعا ما خصوصا ان أغلب ركاب البزنس كان من العنصر الناعم عشان كذا كانت الأمور هانية ، وصلنا كازا وانا وجهي منصفق مانمت كانت الساعة 4 ونص العصر ورحلتي لأغادير 8 ونص بالليل ، وصلت عند موظف الجوازات خليته يتميلح لين شبع ولا اخذ مني ولا درهم ، يوم وصلت مكان الشنط وألقى محل صرافة قلت خل أشوف سعر الصرف ، يوم شفته مار تنفرج اساريري : (92): لقيت سعر الصرف 2.31 قلت اصررررف قبل ما يهونون صرفت الكاش اللي معي واخذت قشي وعلى صالة الان الداخلي قصيت البوردنق وعطيتهم شنطتي وافتكيت منها ورحت مريت على انوي واخذت شريحتين للبلاك بيري وللايفون وبعدها رأسا على البوابة ، جلست اتلفت هناك واشوف مجموعة لا بأس بها من شبابنا الطيب كل واحد يكلم المعشوق ويواعده في محل وانا سعيد لأني كل ماناظرت واحد ابتسم ابتسامة عريضة حسيت بالوناسة اللي هم فيها .

ركبنا الطيارة ام مراوح ومدري وشلون عدت المهم انها عدت على خير الحمدلله وصلنا مطار المسيرة الساعه 9.10 تقريبا كان فيه طاكسي ينتظرني صاحب واحد من اصحابي يعرفه من فترة طويلة ويمون عليه مره قلت يا حبيبي بناخذ جولة على كم فندق ، قال صافي ونروح لصحارى يوم دخلت طقتني الغلقه قلت ديور بس على اماديل دخلته انظف من صحارى بس فيه ناس بالاستقبال ودك تعجنهم وتفقع وجيههم قلت رح بس لرويال اطلس ، رحنا شفناه حلو بس قوانينهم صارمة وماتدري يوم يكسرونها ويوم لا ، قلت بس رح لمارينا دخلت الغرف رغم وجود بعض الملاحظات بس ارتحت لتعاملهم حسيت انهم متغيرين عن كلام الأعضاء قلت يمكن يوم خفت الزحمة عليهم تغيروا أخذوا جوازي صوروه ورجعوه على طول من دون ما اقولهم قلت زين دخلت الغرفه مسكت اغراضي وزعتها كانت الساعه تقريبا 11.30 بالليل اخذت شور ونمت نومة جميلة وصحيت 4 ونص الفجر لبست وشربت شوي عصير عشان اصحصح : (718): قلت بوجهك على شهرزاد خلنا نشوف اللي حاصل ، لقيت الدنيا عامره قعدت اتلفت يمين ويسار مالقيت شي يفتح النفس قفل الدسكو ورجعت أجر أذيال الهزيمة.: (747):

نمت وصحيت من النوم الساعة 11 الظهر كلمت التكسي صاحبي قلت بوجهك على المرجان شريت لي حوسة نثريات تشمل مواد غذائية وصحية وقدح من العصائر المركزة والمخففة ورجعت ، وأنا بالطريق راجع وقريب جدا من المارينا ويصير لي موقف جميل جدا ، خلال مرورنا بالممرات حقت المشاة اللي تقطع الخط وصلنا لممر كان فيه ( طـير كفخ والناس حوله تراعيه .... أفرد جناحه ثم جاك يتلاعب ) وانا اللي ارفع النظارة الشمسية : (91): وشو هااااااااااذا ، من وين جا منهو حقه شي يفوق الوصف شي يفوق التعبير شي خلا سواق التكسي يقول اشهد ان لا اله إلا الله انهبل معي رغم أني معه محترم وعلاقتنا جدا رسمية بس الموقف لا يحتمل ، طبعا وقف عشان يمر الا اقبل علينا انا حسيت بنفاضة كن حرارتي وصلت 40 وجتني ام الركب وحسيت بدوخه كل شي فيني بدى يتصافق شوي الا تراجع قلت افا ، اثاريه كان بيركب ويوم شاف خليجي هون ، قاله التكسي اركب قال لا لا شكرا ، قال اركب هذا سعودي بيضبطك ، هنا الــ زعل وطنقر كيف تقولي بيطك وانا محترمة وعيب عليك ، شفت أن الموقف يحتاج تدخل حازم مني غمزت للتكسي وفهمها الذيب ، نزلت من التكسي وانا زعلان وقلت له كيف تقول عننا كذا حتى انا محترم وما اسمح لك تتكلم معي بهالطريقة المهم وعطيته حقه وانا زعلان وقلت له روح خلاص ، ووقفت جنب هذا الشيء العجيب في الزنقة انا انتظر تكسي وهو ينتظر تكسي ، لفيت عيني عليه لقيته يطالعني ابتسمت ابتسم :yess:: (11):: (796): سويت كل الحركات الحلوة بيني وبين نفسي حسيت ان الخطة ناجحة لين الحين ، قربت له وجلسنا نسولف طبعا نسينا اننا ننتظر تكسي وصار الكلام له طعم ورونق وكل الأشياء الحلوة ، قلت له وش رايك نروح روتانا كافيه نجلس شوي نحكي فيه وبعدين كل واحد يروح في حال سبيله ، في البداية رفض وعرفت السبب بعدين انه جاي المغرب اسبوعين وراجع اسبانيا وجاي يخلص اوراقه بس في اغادير وخايف احد يشوفه معي ومن هذا الكلام ، ولكن قدرت اني أقنعه نروح شوي لروتانا وبعدين يمشي للمكان اللي يبي ، رحنا روتانا وكنت احس بالفخر والكبرياء ان هذا الشيء جالس معي بنفس الطاولة كان مظهره ملفت للنظر بشكل غير طبيعي كل الناس عيونها تلاقط ، ارتاح كثير بعد حوارنا في الكفي تبادلنا الأرقام وراح في حال سبيله وكان يوم رائع بالنسبة لي جدا جدا جدا .


في الحلقة القادمة ان شاء الله راح نحي عن المواقف السعيدة مع هذا الشيء الجميل في أغادير


إلى اللقاء,,,,

[مسافر بلا موعد]

اسلووب راائع وتقرير رهيب من اوله سجلني اول المتابعين وننتظرك يابطل

[الامارات]

اسلوب رائع

يشدك لمتابعة الحلقات القادمه

في انتظار البقيه

[Dammam]

متابعين اخوي بس أنتبه تطول : (158):

[قناص نجد]

الحمد لله على السلامة اخوي :)

وتعجبني نقظة ذكرتها وهي بخصوص توجه المنتدى :)

وهي :

* ماسيتم ذكره بالتقرير ان شاء الله ليس من باب المجاهرة بالمعصية ولكن لنقل الفائدة للأعضاء وللوصول للهدف المنشود من تواجدنا في هذا المنتدى.

أتمنى منك المواصلة في تقديم الحلقات القادمة مع الثبات على وعدك لنا بما سبق اقتباسه من كلامك :)

وفقك الله ، وكل عام وأنت بخير

أخوك / أبو نواف

[الولهان]

هالله هالله تقرير رهيب من بدايته واسلوب اكثر من رائع جميل جميل جميل هههههه تسلم يالغالي لا تبطي علينا:2:

[تركي13]

سرد رائع وجميل مثل صاحبه
بس عجل السفره قربت
وانت قلت كلمني
ونا مااعرف كيف اتواصل معك

[المغرب لا تستغرب]

بدايه موفقه متابعين التقرير المميز وحمد لله على السلامه

[ابو سارا]

حاجه ممتعه ممتعة جداً التقرير وطريقة السرد
انا متابعك وبشده
احترامي

[المغرب ديالي]

السلام عليكم ورحمة الله وبركاته


في البداية اود ان اشكر جميع الأعضاء على تشجيعهم وثنائهم مما يحفزنا على تقديم كل مانملك في سبيل إرضائهم.

ثانيا سأحاول قدر المستطاع إضافة حلقة يوميا .

الحلقة الثانية ( كسب ثقة الضيف الجديد ) .

بعد لقائي بهذا الشخص الشامخ بجماله وكبريائه صغروا بعيني الباقين ، رحت للسكاي لونج اللي في المارينا وانا اهوجس باللي شفته واتلفت على اللي حولي ، قلت يمكن اني واهم وان فيه ناس كثير زي اللي شفته بس انا من الشفقه تعلقت بهذا ، لكن ماش وين وين وين وش جاب لجاب هو لحاله بكفه وهم بكفه ، المهم اني جلست اتقهوى واشيش في السكاي لين صارت الساعه 9 بالليل بعدها طلعت لغرفتي غيرت ملابسي وبوجهي على زنزي بار ، المكان رايق وكلاس بس لا تجي له وانت لحالك تبي تطقك الغلقه والتكه الا ان كانك تهوى العصير بيصير كل شي زين حزتها :2f87d42f252880131a2 ، طلعت من زنزي بار الساعه 11 تقريبا وبوجهي على مخيطو كان الجو العام حلو جدا وانا اشوفه احلا مكان للسهر في اغادير بلا منازع الصراحة ، سهرت وانا قليبي معلق باللي شفته اليوم دريت ان قليبي اخضر : (719): تلفت يمين يسار ما لقيت شي يفتح العين سهرت مع نفسي :D ، طلعت من موخيطو وبعدها على شهرزاد طبعا مهوب زين في شهرزاد بس عشانه ينفع مره للوحداني ، سهرت فيه ونفس الكلام جلست اتلفت حولي مالقيت شي يسوى كملت سهرتي على انغام سلينا سلينا والأشياء الكويسه وبعدها اخذت تكسي وعلى الغرفة و نوووووومة : (119): .

صحيت من النوم الساعه 10 ونص الصباح تقريبا وعلى طول ارسلت رساله لهذا الشيء الحلو صاحي ؟ ، وجاني الرد في ثواني أيه ، قدمت عرض له اننا نروح نتمشى في المرجان وانا عندي كم غرض ابغى اشتريها ، في البداية كان فيه رفض بحكم انه خايف احد يشوفنا ولكن بعد محاولات عظيمة للاقناع وافق وتواعدنا هناك ، تلاقينا ورحنا نتمشى سوى حاولت ابين اهتمامي لما يوقف عند الملابس وابدي رأيي هذا يناسب لون البشرة وهذا لا ، طبعا فلسفة من مخي بس حنا اهل الخليج أعتقد وصلنا اننا نكون في المرتبة الأولى في الذوق مع الجنس الناعم بحكم التجارب المأساوية اللي عشناها في شبابنا :4f7c50bc2e7eee3c450 ، المهم انه بعد ماخلصنا اقترحت انه يجي عندي السكن نطبخ الأكل سوى وأخليه يذوق كبستنا ، طبعا كالعادة الموضوع مرفوض في البداية ولكن لابد من استخدام عصارة خبرة السنوات الماضية في سبل الإقناع وكسب الثقة ، المهم انه وافق وانشرح صدري بهالموافقة ، رحنا السكن جلسنا نطبخ سوى جهزنا الغدى ، تغدينا وجلسنا نسمع أغاني ونسولف لين صارت الساعه 7 مساء ، كنت متفق معاه انه يمشي قبل غروب الشمس ولكن انا بديت اخذ رشفات من عصيري المميز مما استهوى ضيفي انه يجرب هالعصير وأعجبه ، صار ياخذ معي رشفات من هالعصير ونسمع موسوعة الأغاني في اللاب توب لين زان الجو مره ، اقترحت عليه نطلع نسهر في البداية رفض رفض قاطع ولكن اقنعته نروح اطلانتك وأن المكان مافيه خليجيين كثير وماراح احد ينتبه له ووافق : (732): ، طلع هو بالتاكسي للسكن حقه لبس ولحقني للمكان وانا سبقته وجهزت الأمور ، أول مادخل ( تلفت الناس لامريت -- تكسر رقاب خلق الله ) ، اعتقد وصل لكم شعوري وقتها كان كل شي زين وقتها احس فيه ، وكل الناس تنتظر هذا الشي وين رايح وين بيجلس ، الموهم سهرنا سهرة واعرة جدا جدا جدا ولكن هذا الشيء الجميل شرب عصيرهم كله :011: ، أحس انه صار يتخيلني امه : (599): ، رجعنا السكن وهو ابدا ابدا ماكان مخطط يبات عندي ولكن لما شفته بهالحالة دخلته بالغرفة وخليته ينام وطلعت للصالة ( يامؤدب : (95):) ، طبعا هذا التصرف يندرج تحت اطار كسب الثقة لتبادل المنافع مستقبلا ، جلست في البلكونة في جو عليل جدا وانا في سماي غيوم كثيرة شغلت ابو نورة وضبطت الشيشة ودخلت في عالم آخر ، جلست لين طلع النور الساعة 7 الصباح تقريبا ، طلبت فطور من السكاي لونج وأفطرت وبعدها اخذت لي غطى ووسادة وانسدحت على الكنبة ونمت ، صحيت من النوم 10 ونص على صوت خرفشة في الصالة فتحت عيوني بشوييييييش وشفت هذا الجميل يصلح فطوره ، خليته على راحته وبعد نص ساعة قمت وغسلت وجهي وجلست في الصالة .

كان هذا الشخص وقتها مكشر مره ، ولا يحط عينه بعيني ، وتلعب بي الهواجيس وقتها انا مسوي شي غلط ، قايل شي وانا مدري ، المهم اني خليته على راحته وجلست احوس بالنت ، بعد حوالي ساعة من السكوت والصمت تفاجأت فيه ينط علي ويصيح ، قل بس شكلي جايب العيد والحين بينتقم مني ، يا ابن الحلال وش فيك اذكر الله وراك تصيح ، قال انا زعلان من نفسي تعبتك معي امس وخليتك تنام هنا انت انسان مره محترم وانا اسف على اللي سويته معاك : (480): ، وانا اللي ابدى اصارخ بيني وبين نفسي نجحنا نجحنا طمبق طمبق نجحنا نجحنا هيييييييييييييييييااااااا اا.

بعد ماهديت الجميل وكسرنا جميع انواع وأشكال الحواجز اللي بيننا قلت له جهز نفسك بناخذ بوت وبنطلع البحر ، نزلت تحت لقيت واحد واقف عند جت بوت صغير قلت له ابي بوت ، قال عندي صاحبي عنده بوت قلت بكم قال 4000 درهم : (46): ، قلت مهبول انت تراك فاهم غلط انا ما ابي اشتريه ابي استأجره كم ساعة ، بعد جدال طويل اتفقنا على 2000 درهم بالإضافة ل 400 درهم لواحد صاحبة عنده أيبود وراح يكون مسؤول عن الدي جي ، قال خلاص نص ساعة وانزل ، نزلت بعد نص ساعة وتفاجأ انه جايب يخت : (201): ، قلت ليه انا كنت ابي الصغير ، قال انت قلت تبي بوت الصغير جت بوت هذا ب 1000 قلت يا ابن الحلال دام اننا اتفقنا قبل عطنا هالكبير ، ركبت فيه كان فيه صاله وغرفة ودورة مياه ( اكرمكم الله ) وفيه سماعات حلوة ، نزل صديقي الحلو وجاب معاه العصائر بمختلف انواعها ومشينا ، كانت من أجمل الطلعات البحرية في حياتي انبسطنا فيها كثير الصراحة ، رجعنا على وقت المغرب تقريبا الساعة 8 مساء وجلسنا نريح في السكن ، طلبت منه يسلم السكن اللي هو ماخذه ويجيب أغراضه عندي ووافق ، كانت سهرة منزلية هادية تشمل الكثير من السواليف والقرق والحش والذب وطلعت الضرافة صرت خفيف دم : (10): ، المهم ان الامور كانت هانية جدا ولله الحمد .

في اليوم التالي صحينا متأخر وتوجهنا للنادي الصحي اللي في المارينا بجانب الاستقبال ، كانوا وقتها مسوين عروض مقبولة نوعا ما سوينا مساج وحمام الشخص 450 درهم ، بعدها اخذنا لفة طويلة في الجبل ومعاصر الزيتون ورجعنا مع غروب الشمس ، غيرنا ملابسنا وجلسنا نرتشف قدحا من العصير اللذيذ حتى حان موعد السهر ، انطلقنا مباشرة صوب اطلانتك الديسكو طبعا وسهرنا سهرة واعرة وجميلة وفي نهاية السهرة عدنا ادراجنا ، صحينا مبكرا توجه الجميل لاستلام اوراقه اللي خلته يجي لأغادير بعدها رجع لي ونقل لي خبر محزن جدا انه راح يغادر إلى كازا بحكم ان شغله خلص ومايقدر يجلس ، طبعا انا تعرفت وقتها على أصحاب مغربيين محترمين وكانوا ينقلون لي سوء الأوضاع الأمنية في مراكش وكازا وأن أغادير الحل الأمثل في الوقت الحالي عشان كذا ماكان عندي نية أطلع من أغادير ، بس لما قال صاحبي الجميل أنه بيروح هناك هفني الشوق مدري كني بديت أخور ، المهم اني قلت له إحتمال اني اجي كازا بعد يومين أو ثلاثة قال لي أوكي ، جلسنا في سويعات الوداع الحزينة وبعدها حان موعد المغادرة وسافر إلى كازا : (600): .

قلت وقتها انا حزين خلني اروح المرجان اشوف لي شي اشترية المهم اني أغير جو ، وانا واقف في قسم أدوات التجميل كنت أبغى آخذ شامبو الا وأشوف شي جاز لي ، طبعا مو في مستوى صديقنا السابق ولكنه الأفضل بين اللي شفتهم بعد صاحبنا ، الشاهد من الموضوع ان قلبي فز له : (199): ، قايل لكم قلبي اخضر : (482): ، طالعت فيه شوي ابتسم وقرب قالي تبغى مساعدة ، قلت أي والله أبي شمبو فيه بلسم ويمنع تساقط الشعر ويزيل القشرة : (140): ، طبعا مات من الضحك قالي من وين اجيب لك هذا ، قلت مالي دخل مهوب انت تقول تبي مساعدة يالله ساعدني ، قال مافيه والله قلت اجل عطني رقمك عشان اذا رجعت البيت اشوف وش اسم الشمبو حقي واقولك تجهز مثله : (480): ، قالي صافي ، قلت والله انت الصافي اصفى من لبن حفر العتش ، المهم انه واضح انه اسهل بكثير من صاحبنا السابق ولابأس فيه جدا جدا .


الحين عاد تعبت بكره ان شاء الله نكمل مغامراتنا اللطيفة حتى الآن وحطوا مية خط تحت حتى الآن

[الولهان]

واصل انت:thumbup1:

[هاوي الشمال]

مبدع ماشاء الله

واصل وسجلني من المتابعين

بس تكفى لاتطول علينا

[المغرب لا تستغرب]

تقرير ممتاز وبنتظارك لاطول علينا

[المغرب ديالي]

السلام عليكم ورحمة الله وبركاته

عدنا من جديد إخواني في حلقة جديدة برغم اني احاول جاهدا انزل حلقة كل يوم والوقت الطويل جدا اللي تستهلكه مني كل حلقة بس ياريت تعذروني لو قصرت تحت أي ظرف.


الحلقة الثالثة ( راعي المرجان وعلومه - كازا المنحاسه ) .

بعد ماطلعت من المرجان توجهت مباشرة للسكن ريحت واخذت شاور وطلعت على طول على شواية النهضة : (694): ، بصراحة لا تفوتكم شغل مرتب وعدل وطواجن تعدل المزاااااااااج ، تغديت وريحت عندهم شوي وبعدها مشيت على السكاي ، اخذت لي شيشة على منظر البحر الجميل ومن هنا ابتدت الرسايل بيني وبين راعي المرجان واتفقنا انه يمرني على الساعة 9 مساء ، طلعت من السكاي رحت الغرفة جهزت امور العصير وخلافه واحلا طرب جميل وجلسة استرخاء مع رشفات العصير ، وصل راعي المرجان وطلع معاه صاحبه ، ماكان صاحبه بطال ابدا ابدا تمنيت معي احد عشان يصير معنا ، صراحة انبسطت جدا لجوهم الفرفوشي والمزح والاستهبال ، صارت الساعه 11 مساء كل واحد فينا تجهز ونزلنا لمخيطو بتكسي واحد ، واحنا بالطريق وصلنا لدوار التفت يمين الا واحد من حقين الدرك متوجه لي عرفت انه نواني : (757): ، جهزت 100 درهم واول مافتحت الشباك عشان اسلم عليه سلمت وبيدي المية ، طبعا الرجل استمر على الابتسامة وقال ليلة هانية قلت شكرا ومشينا ، بصراحة كنت مبسوط جدا ومرتاح من هالتعامل الحلو وبدون أي تعطيل ، وصلنا موخيطو واشششششششطح لين قفل ، طلعنا بعدها لاكازار مو مره الجو حقة بس فيه روقان شوي ، رجعنا للسكن بعدها انا وصاحبي فقط لا غير وصاحب صاحبنا ما ادري وين اختفى الشاهد انه سحب نفسه ، رجعنا الغرفة الساعه 6 صباحا تقريبا ريحنا كملنا سهرتنا بشكل هادي على اغاني طرب وسواليف خاثره .

صحينا الساعه 1 الظهر تقريبا جلسنا نتمشى بالكورنيش شوي بعدين رحنا مطعم القلعه حق المؤيد وتغدينا فيه ، نوعا ما جيد بس اسعاره لك عليها ، بعدها رحنا للسكن حق صاحبي واللي اكتشفت وقتها انه من كازا ويشتغل في كازا بس جاي اغادير يغطي واحد من اصحابه يشتغل في المرجان وطالع اجازه ، رحنا للسكن حقه اخذ اغراضه وجا عندي جلسنا في السكن وريحنا جهزنا لوازم السهرة طلع صاحبي للكوافير وانا جلست ارتشف من عصيري الجميل على صوت طرب اصيل واحلا جو عايشه ، رجع لي صاحبي الساعه 11 غيرنا ملابسنا وعلى موخيطو وبعده على شهرزاد ، بصراحة لو مخيطو يفتح لين الصبح كان سهرت فيه لحاله كل يوم ، تعامل راقي من الموظفين احترام كبير جدا اغاني كويسه الناس اللي فيه نظيفة والمكان جدا حلو ، رجعنا السكن وكنت مره طاااااااافي ونمت على طول ولا كملت السهرة .

في اليوم التالي جاني خبر حزين اخر ان صاحبنا هذا بعد الليلة لازم يرجع كازا ، طقتني الغلقه مره لأني صار لي 8 أيام في اغادير ماشفت شي يفتح النفس اذا راح هذا من جد بطق اصبع ، حاولت اقنعه شرح لي ظروفه وماقدرت اقول شي ، رحت انا وياه سوق الاحد بصراحة حلو للي بيشتري هدايا واغراض ، كان هو يبغى اغراض لأهله خلصنا من اغراضة وبعدين رحنا لمحطة النقل حقت الباص ، اخذ تيكت وشحنا الشنطة حقته ورجعنا للسكن في انتظار موعد مغادرته الساعة 10 مساء ، طبعا في هذه الأثناء بديت افكر جديا اني اروح لكازا لأن الموضوع صار مره مشجع رغم انه مغامرة ، بعد مامشى صاحبي مريت الاستقبال وبلغتهم اني احتمال اعمل تشيك اوت بكره وكانوا جدا مرنين ومتعاونين من هالنقطه رغم ان حجزي باقي فيه اكثر من 10 ايام ، رجعت السكن وجهزت اغراضي ولميت اغراضي وطلعت اسهر مع نفسي :5b29cc88579aba96baf ، سهرت في مخيطو وبعدها على شهرزاد طبعا دخول بس من غير طاولة ولا شي لأني وحداني وهذي عادتي اذا صرت لحالي والمفروض اي وحداني يسوي كذا ، رجعت ونمت وصحيت الساعة 1 الظهر نزلت الاستقبال وسويت تشيك اوت وكان جدا سلس وبدون أي تعقيدات ولا أي استبزاز ، كلمت التاكسي صاحبي ينزلني كازا ونسقت مع شخص للسكن في شقة ، وانا في الطريق المتعب والطويل جاني اتصال من صاحبنا الأولاني الحلو والجميل والأزين شي بالحياة : (156): ، طبعا فز الخفوق وقلت ياعساه خير كان صوته مهوب زين قالي اسمع لو أنا ما احترمك كان ماكلمتك بس انا ماراح اقدر اشوفك مره ثانية خلاص ، قلت افا ليه قال انا مره متوتر الفترة الماضية وماعرفت انام وانت عارف وضعي وانا كلها كم يوم ومسافر واوعدك اكلمك بعدين على رقمك السعودي بس الحين ارجوك اسمح لي ، حاولت فيه قالي أرجوك اذا تحترمني احترم قراري وكان مره حازم هالمرة ، قلت خيرة الشكوة لله واكلم راعي المرجان قلت له تراني جايكم ، رحت على شقتي مباشرة ولحقني بعدها بساعتين صاحبنا راعي المرجان وكان معاه بنـــت خالته ، معاهم طوموبيل ( سيارة ) المهم قال القريب لازم تطلعون معي بسيارتي اوريكم كازا ، قلنا يالله وعلى طول ودانا التوين والمنطقة اللي حوالينه ، اول ماوصلنا هناك ونشوف الدرك كنهم تكاسي قلت هلا والله بدينا.

انا كنت حاسب حساب هالشي بس ماتوقعت يوصل لهالمرحلة ، المهم صارت في سيارتين للدرك تلاحقنا من شارع لشارع طبعا مو مطارده بس تراقبنا من بعيد تبي تعرف وين نبي نروح ، خوينا راعي السيارة على طول دز على موروكو مول الجديد ونزل في المواقف تحت نزلني دخلت المول وهو طلع من المواقف هو وصاحبي ، تمشيت شوي بالمول وبعدين اخذت تكسي ورحت الشقة ، جلست وقلت مانيب طالع اليوم الا وقت السهر ، لحقوني هم بعدها بساعتين وقالوا الوضع مره متأزم برى وحتى السهر صعب الا اذا بتروح تسهر لحالك وترجع لحالك لأن على كل راس شارع فيه سيارة للدرك وحنا تعبنا لين قدرنا ندخل ، قلت أجل خلونا بس هنا اليوم ورتبنا سهره هادية في الشقة وكانوا هم رايحين للمرجان وجايبين الأغراض اللي نحتاجها ، جلسنا في الشقة وسهرنا سهرتنا الحلوة ونمنا ونام عندنا صاحبنا الجديد ، صحينا الظهر تقريبا طلعوا اصحابي راحوا للبيت يغيرون ويتجهزون وانا اخذت تكسي وعلى موروكو مول ، لحقوني هناك وتغدينا هناك وجونا اثنين جدد يقربون لهم ، انبسطنا الصراحة هناك لما جت الساعه 9 مساء تقريبا طلعت انا لوحدي قبلهم ، لقيت اربع سيارات للدرك عند الباب الرئيسي ، سويت نفسي ما انتبهت لهم وعلى التكسي ولا شالوا عيونهم عني الا يوم مشيت ، وحنا في الطريق للشقه مرينا من المقاهي اللي في عين ذياب ولقيت زحمة للدرك بشكل مايوصف ، سألت التكسي قالي فيه مداهمات للمقاهي اللي هنا ، قلت ايييييييه ممتاز ممتاز ودني الشقة الله يجزاك خير ، رحت الشقة قلت لصاحبي اسمع انت جيت هنا وخلصت امورك ، ترى بكره ماشين مراكش تبي تجي هلا وسهلا ماودك تجي تراني بكره بمشي ، قالي لا خلاص صافي بجي معاك قلت حلو اوكي ، طبعا سهرنا سهرتنا المعتاده في الشقه وجهزنا اغراضنا للسفر بكره لمراكش.

من الحلقة الجاية راح تبدى مغامراتنا مع الدرك وقصص المطاردات البوليسية : (157):

والحين انا تعبت والقاكم على خير ان شاء الله

[isaudi]

تقرير روعه روعه.

أسعدتنا بتقريرك الله يسعد قلبك .

لهالدرجه أغادير مالقيت فيها شي يفتح النفس غيرهم ؟

[بحالي]

هذا مش تقرير .. هذي سينفونيه .. صيغت بابداع ساااحر .

برافو .. برافو


واصل .. السنفونيه ..: (456):: (456):: (456):: (456):: (456):: (456):


: (456):: (456):: (456):: (456):: (456):

[الولهان]

: (790):: (482):

[Dammam]

روعه روعه وبساطه في سرد التفاصيل

ياريت لو توضح شوي في أماكن و تكاليف السكن

واصل يا بعدي واصل

: (149):

[ابووليد]

[SIZE="7"ياخي كل ماقلت الدرك طقتني النفاضه حسبي الله عليهم ادعس يا الحبيب متابعينك[/SIZE]

[العضوx]

:Cool: :Cool:

مغامراتك تثلج الصدر


واصل وانا متابع معك

[المغرب لا تستغرب]

فنتظارك وفنتظار تقريرك المميز

[المغرب ديالي]

السلام عليكم ورحمة الله وبركاته


اشكركم اخوتي على كل الردود الجميلة والمحفزة وبحول الله سأقوم بالرد عليكم جميعا بعد الانتهاء من التقرير.


الحلقة الرابعة ( رحلة القطار المرعبة ) .

بعد ماصحينا الساعة تقريبا 2 ظهرا قالوا لي اصحابي اللي عندي انهم بيروحون البيت يغيرون ملابسهم ، وزي ما اتفقت انا وصاحبي اننا راح ننزل على مراكش وبناء على رأيهم اتفقنا اننا نروح لمراكش بالقطار ، راح صاحبي لبيتهم وانا جلست اجهز ملابسي واتفقنا نتقابل في محطة القطار ، اخذت اغراضي ورحت لمحطة القطار شريت التذاكر كان موعد الرحلة الساعة 16:50 ، وقتها كان باقي تقريبا ساعة رحت لكوفي ملاصق للمحطة وجلست فيه انتظر صاحبي ، وصل صاحبي قبل الرحلة بربع ساعة تقريبا ودخل المحطة دخلت خلفه للمحطة ورحنا للمكان اللي بيوقف فيه القطار ، تأخر القطار تقريبا ربع ساعه لين وصل ، كانت تذكرتي على الدرجة الأولى ( أعلى درجه ) بقيمة 120 درهم للشخص ، وصل القطار وركبنا فيه كانت الدرجة الأولى عبارة عن كبائن مغلقه كل كبينة تحتوي على 6 كراسي ، جلست انا وصاحبي جنب بعض وجلسنا نسولف وكان معاي بنفس الكبينة واحد سعودي بس كان شكله مره تعبان مرهق حسيت في البداية انه مكثر عصير وكنت خايف منه الصراحة ، كان معاه واحد مغربي شكله مره مسكين وفي حاله وشباب مو كبير ، ومعاه صاحب زي صاحبي :2: ، والله تعبني التشفير : (780): ، المهم رفع راسه علي قالي انت سعودي ، جاوبته وانا متروع ايه ، قالي واللي معاك صاحبك ، جاوبته وانا بعد متروع ايه ، قالي نصيحة لوجه الله قم من مكانك ولاتسولفون مع بعض ابد ، قلت ليش قالي فيه ضابط بالقطار لابس مدني وجالس يتصيد للسعوديين اللي معاهم اصحابهم ، وقالي الحين اذا مر بخليك تشوفه وتراه مر من هنا ثلاث مرات قبل شوي ، قلت طيب وش بيسوي ، قال توه ماسكني ومافكني لين عطيته 6000 درهم ، قلت له يا أخي ليه حرام كل هالمبلغ ، قال تعال اجلس جنبي وانا اعلمك ليه .

طلع المسكين سالفته طويلة عريضة ، هو ساكن في اسفي واخوه مسجون له وقتها 11 يوم لأن الدرك مداهمين شقته في اسفي ، وكان معاه ملف كامل وتوه جاي من السفارة السعودية وراجع لآسفي وله يومين مواصل ، المهم شفت اوراق اخوه وضاق صدري عليهم مره ، طبعا أعتقد ان الروابط ممنوعه هنا ولا كان حطيت لكم رابط الخبر حق مسكته ورابط الخبر حق اطلاق سراحة لأن كل الجرايد في المغرب تكلمت عنه ، المهم ان الرجال يقول انا الحين متوهق بسالفة اخوي وابي اخلص منها تبيني اعابط مع هذا واتوهق انا واجلس جنب اخوي في السجن ، بصراحة عذرته وقتها وبنفس الوقت حسيت اني ظلمته لما تخوفت منه في البداية لأنه طلع رجال رجال رجال ، جا الضابط هذا وكان مره قذر وصار يلف على الكباين باستمرار طبعا انا كنت مرتاح شوي لأني بعدت عن صاحبي ، في خلال هالوقت القطار تحرك وكان فيه اثنين شباب سعوديين لوحدهم مامعاهم احد ، راحوا للمنطقه اللي عند دورات المياه اكرمكم الله يدخنون ، وبعدها جا عندهم اثنين من الجنس اللطيف عشان يدخنون بعد ، الضابط ماصدق خبر وقدامي راح لهم يركض واخذ بطاقات البنات وقال للشباب تفضلوا معي ودخلهم كبينه فاضية جنبنا ، كان يبيهم يدفعون ، بس طلعوا هالشباب ذيابه وقام واحد منهم يصرخ وقال انا امس دافع 5000 درهم لأن كان معي صاحبي بس هذولي انا ما اعرفهم ولا راح ادفع ولا درهم لو تجيب لي محمد السادس ، حاول فيهم تفلتوا عليه وقالوا له لو رفعت صوتك علينا توطينا في بطنك تفهم ولا لا ، وطلعوا من الكبينة طبعا جا ودخل البنات في الكبينة اتوقع نفس الكلام يبي فلوس ما اعرف وش صار المهم انهم طلعوا وهو يضحكون ، بصراحة شكيت انهم متعاونين معاه ( مجرد شك والله اعلم).

انا هنا بصراحة قفلت معي لأن اسلوبه مع الناس كان مره قذر وكل شوي يجي عندي ويجلس يطالع يبي يصيد علي أي زله ، جا الموظف اللي يشيك التذاكر ، وكان معي وقتها ثلاث تذاكر مدري وش حقته ، جا اللي يشيك وختم على التذاكر طلعت التذكرة اللي يبين فيها المبلغ والوجهه تذكرة وحده مسجل فيها شخصين ، يعني مستمسك يوديني في داهية طبعا سئلني حق التذاكر وين اللي معاك قلت هذا واشرت على صاحبي ، اول ماراح حق التذاكر التفت علي صاحبنا السعودي وقالي عط صاحبك تذكرته ترى حق التذاكر بيروح للضابط يعلمه وبيجيك ، قلت له انا وصاحبي تذكرتنا وحده ، قال هذي اكبر غلطه الله يستر عليك بس ، هنا انا جلست على اعصابي وما ادري وش اسوي ، الضابط وقتها كان مختفي شوي وأشوفه من بعيد في المكان حق التدخين ومعه حق التذاكر ويطالعون كبينتنا كان القطار وقتها موقف في وحدة من المحطات في طريق مراكش ، طالعوا بالكبينة شوي بعدين نزل حق التذاكر في المحطة ومشى القطار ، حسيت اني خلاص ماعاد بقى بيني وبين القفطه الا شعره ، جلست افكر وش اسوي وش اسوي وتجي في بالي فكرة ، واقوم واشق التذاكر وارميها من الشباك وارسل رسالة لصاحبي قلت له قفل موبايلك ولو سألوك عن التذكرة قل شيك عليها المسؤول وبعدها رميتها ، وانا كنت مخطط اني بقول له نفس الكلام ، وقلت لصاحبي قبل مايقفل موبايله يمسح كل الرسايل والمكالمات ويغير اسمي بموبايله ، وانا سويت نفس الشي ، ما امدانا نكمل ثلاث دقايق بعد هالسالفه الا والضابط فوق راسي .

هنا أنا جاني برود خلاص تساوت معي ، قالي وين تذكرتك قلت له شيك عليها المسؤول ورميتها قالي انا ابغاها الحين ، قلت والله مو معي يعني بكذب عليك ، جالس يطالع فيني وبعيونه شرار ، المهم راح جاب لي المسؤول وطلع واحد ثاني تغير هذاك الاول نزل في المحطة وجا بداله واحد ثاني ، قاله انت شفت تذكرة هذا قال لا ، قلت انا ما ادري عن النظام توقعت زي رحلة الطيارة خلاص يشوفونها اول ماتركب وبعدين ما احد يحتاجها ، قالي لا انت تعرف النظام مضبوط ويغمز لي ، قلت لو اني اعرف النظام مضبوط مارميت التذكرة ، قالي عشانك تعرف النظام رميت التذكرة ويغمز ، قلت ليه مجنون انا اعرف النظام وارمي التذكرة ، قالي المسؤول حق التذاكر لازم تشتري تذكرة ، قلت مو مشكلة غلطتي واتحملها عطني تذكرة ، وشريت تذكرة ثانية بس بقيمة 85 درهم عشان المسافة اقل من محطة اقرب ، الضابط انقهر مره وجلس يدور عند الكبينة يمكن نص ساعه والسعودي اللي معي يضحك ، قلت يا ابن الحلال لا تفضحنا اسكت قالي والله شر البلية ما يضحك ، وصلنا عند المدينة اللي بينزل فيها صاحبنا السعودي بيغير القطار عشان يروح على اسفي ، نزل من القطار وجلست انا وصاحبي في الكبينة لوحدنا ، لما شفت الوضع كذا وانا عارف ان الضابط يدور الزله قمت ووقفت في الممر المقابل للكبينة ، كان فيها مكان تتمسك فيه وتشوف الشباك ، لين الحمدلله ركبت معانا وحدة كبيرة في السن ، كان باقي على وصولنا لمراكش قرابة النصف ساعة ، هذي الكبيرة في السن اول ماركبت دخلت في حوار مع صاحبي ولما ارتاح له صاحبي حكى له اني انا صاحبة وعن مواقف الدرك طول الرحلة ، زعلت الحرمة هذي وخلتني اموت من الضحك كانت بتروح له وتطقه وجالسه تهاوشني وتقولي قوم اجلس جنبها مو حرام شباب زي الورد كل واحد جالس في زاوية : (769): ، طبعا وانا اقولها قصري صوتك صار لنا ساعتين ونص نداري الموضوع نخربها في الأخير ، المهم انها قالت لو تبوني اطلع معكم لين توصلون سكنكم ولا فيه احد يعترض لكم ، شكرتها لاني بصراحة ماعاد صرت اثق حتى بنفسي ، لكن بعدين اكتشفت انها مره طيبة وصار لي معاها مواقف كويسة مره ، المهم انا كنت عارف ان هالضابط منقهر مني وحاطني براسه ، وكنت متوقع انه مبلغ الدرك برى عني ، عشان كذا خليت صاحبي ينزل كأنه مايعرفني وياخذ تكسي ويروح وبعدين نتفاهم ، كنا منسقين حجز سكن مع واحد يتعامل معاه واحد من ربعي السعوديين من مدة والشخص هذا عنده اكثر من شقة في العمارة وجدا راقي المكان في قيليز ، راح صاحبي للشقة مباشرة وانا جلست في ماك اللي بمحطة القطار ، اكلت وريحت وقلت لصاحبي يحط اغراضه ويروح عند اقاربه يسلم عليهم واذا طلع يكلمني عشان اروح انا ، وفعلا بعد نص ساعه تقريبا كلمني وقالي انه طلع بعدها رحت للشقة وانا اشوف الدرك يزفوني وانا طالع وكلهم عيونهم علي : (69): ، بعدها وصلني خبر عن جماعة بو حسون في مراكش وانهم هم ورى الحملة القوية اللي في مراكش ، وصلت للسكن واخذت شور وانسدحت ارتااااااااااااااااااح بعد سفرة كانت متعبة نفسيا وجسديا .

اعذروني اليوم لو خصصت الحلقة كلها عن رحلة القطار بس كانت رحلة عمري ماراح انساها لأنها من بدايتها وحتى نهايتها وهي حافلة بالمواقف.


الى اللقاء في الحلقة القادمة،،،

[الامارات]

فلم رعب

[الولهان]

والله حاله الله يعينك ع هذي الرحله ع قوله الوالد هذا عذاب الهد هد قصه مشوقه والظاهر صار المغرب فيه تشديد الله يعين ع الايام الجايه اسلوب حلو وسرد ممتع واصل يالغالي والقلب داعي لك: (486):

[قلبي هناك]

ا
طلع هو بالتاكسي للسكن حقه لبس ولحقني للمكان وانا سبقته وجهزت الأمور ، أول مادخل ( تلفت الناس لامريت -- تكسر رقاب خلق الله ) ، اعتقد وصل لكم شعوري وقتها كان كل شي زين وقتها احس فيه ، وكل الناس تنتظر هذا الشي وين رايح وين بيجلس ، الموهم سهرنا سهرة واعرة جدا جدا جدا ولكن هذا الشيء الجميل شرب ع

الحمد لله ع السلامه ...الاقتباس اعلاه رجع الذاكره كم سنه ورى وخصوصا من وصفك
وش سويت الله يسامحك والله انك اشغلت فكري وذكرتني بأجمل ايامي بالمغرب ... شكلي بدل مانيب حاط وعد عدم السفر للمغرب هالسنه ابخربها وباروح اجهز الشنطه ...ااااااه يالمغرب .
استمر يالغالي ... تحياتي

[Dammam]

سبحان الله يا أخوان أنا مازرت المغرب الي الان (قريبا أن شاء الله) بس وش ذا الديره اللي تحس أنهم مستقصدينك وين ما تروح و وين ماتجي. بعدين أسلوب خبيث من بعض رجال الامن في طريقة أصطياد الضحايا ونصب الشباك بأسلوب قذر وأبتزازهم بغرض الحصول على أكبر قدر من المال.

بصراحه ديره غريبه جدا - أحس السعودية أصرف بكثير : (210):

[Dammam]

واصل الله يعطيك العافية :2:

[hadia_122]

يعطيك العافية على السرد الحلو والله يهدي الدرك ديالنا والبوليس يديروا عقلهم ويقنعوا راه عيقوا بزاااااااااااااااااااف استغلالين

[بحالي]

ياشيخ والله . . كثير اللي سوسيته بقلبي المسكين . . تعب قلبي !! : (467):

ما فيه حيله فيك .. من ابداع لابداع ..

كمل والله يصبر قليبي .. : (454):



: (465):: (486):: (486):: (209):

[المغرب لا تستغرب]

واصل يامبدع فنتظارك

[ايه احبك]

ياليل كنك بالحصن . انواع المغامرات والقروشة . لكن واصل يامبدع متابعينك ..

[المغرب ديالي]

السلام عليكم ورحمة الله وبركاته

بداية أشكر ادارة المنتدى على ثقتهم وتثبيتهم للموضوع ونتمنى ان نكون عند حسن الظن دائما

وثانيا أشكر كل الأعضاء المشاركين والمحفزين بردود جميلة استعدتني كثيرا

ثالثا انا اعتذر لكم اخوتي بتوقفي عن كتابة التقرير في إجازة نهاية الأسبوع ( الخميس - الجمعة ) ، علما بأنني ان شاء الله سأعود لاستكمال الحلقات ابتداء من يوم السبت .



الحلقة الخامسة ( سهرات مراكش والضيوف الجدد )

صحيت من النوم الساعه 1 بعد منتصف الليل بعد نومة كانت كلها احلام مطاردات وهبال حسيت ان السرير زحف من مكانه شوي من كثر المطاردات في الحلم ، لقيت صاحبي واصل من ساعتين تقريبا وجالس يحضر لنا اكل ، اخذت شور واكلت قالي اننا تعبانين اليوم ومافينا على السهر قلت والله انك صادق جب عصيري المفضل خلني اتفاهم معه بس ، جهز الامور وشغلت اللابتوب وجلسنا نسولف ، المهم ان صاحبي ما ادري وش جاه علي خق لي الماضي حقة كله وقعد يصيح المهم قلنا يالله مو مشكله خلك الصدر الحنون يستاهل تداريه ، المهم وحنا في هالوضعية ويطق باب الشقة : (180): طبعا انا لاشعوريا كذا نقزت من مكاني نقزة وصلت المطبخ ، يعني اوكي يمسكوني بالشارع ولا يمسكوني بالشقة ، طبعا الحين الساعه تقريبا 2 الليل يعني من بيجي اصلا من يدري اننا هنا ، رحت اطل من الشباك ماقدرت اشوف الشارع ، وهذا مصر مره مره كل خمس ثواني يرن رنة قلت لصاحبي ادخل بالغرفة وقفل الباب وخلنا نشوف وش القصة ، طبعا قبل ما افتح الباب رقصت رقصة الاستسلام : (182): ، فتحت الباب بشوييييش ، الا يطلع العساس حق العمارة ، بغيت اخذه بحضني واعطيه جميع انواع واشكال البوسات ، اول ماشفته الابتسامة صارت من اذني اليمين لين اذني اليسار ، بعد فجأة ومن دون سابق انذار قلبت عليه وكشرت : (723): وش عندك جاينا هالحزة روعتني ، قالي لا تخاف لو فيه شي مو كويس برى خليك متأكد اني بصحيكم من نومكم واشوف لكم حل ، قلت يعني احط في بطني بطيخة صيفي قال اكيد ، استانست مره انا وارتحت قلت طيب وش عندك قال كنت بسئلكم تبون تسهرون اليوم قلت لا ليش ، قال لأن فيه سيارة للدرك على راس الشارع مطفي النور وجالس يتصيد فقلت انبهكم ، قلت الله لايبارك في عدوك ما امداني ارتاح دقيقه ونص تجيني بهالسالفة ( وهنا احب انصح الشباب نصيحة ، لازم تختار لك حليف وتحاول تثق فيه حتى لو كان الموضوع فيه مغامرة لأن السيكيورتي او العساس هذا كنت اكرمه وانقذني بعد الله من مشاكل لاتعد ولا تحصى ) ، المهم اني شكرته على اهتمامه وراح ، رجعت لصاحبي وقلت له اطلع وعليك الأمان ايها النورس اللطيف : (107): ، جلست انا وصاحبي لحد ماطلع النور ، في هذه الأثناء كان يكلم واحد من اصحابه في كازا واصر انه يجي يسكن معنا قلت حياه الله ، قال الصاحب اني بيركب قطار 11 صباحا ، يعني يوصل تقريبا 2 الظهر قلنا ماشي ، دخلت انا وصاحبي نمنا عشان نصحى بدري ، صحينا تقريبا الساعه 12 ظهرا قام صاحبي ونظف الشقه كاملة وسوى لنا فطور من الفئة الممتازة ، افطرت وقالي انه بيروح يجيب صاحبه ويجي ، جلست اتسدح وماطولوا الا وهم جايين ، طلع صاحبه هذا عسل وبصراحة سوى لنا جو مو طبيعي في الشقة ، اتفقنا نروح نسهر بالنرجس وراحوا على الساعة 6 مساء تقريبا للكوافير وانا وينك يادرب المحبة السريــــــــــــــــــــ ــــــر : (119): واحلا نومة.

صحوني من النوم الساعة 9 مساء وكانوا توهم واصلين ، جهزوا لي اغراض العصير ونظفوا المكان ودخلوا الغرفه يلبسون ( للمعلومية صاحبي متابع معنا الموضوع هنا : (764): ) ، الموهم جلست امزمز على العصير اللذيذ والخارق لين صارت الساعه 11 ونص ، قلت لهم انا بسبقكم وبروح النرجس وانتم بعد ساعه او ساعه ونص الحقوني قالوا اوكي ، رحت للنرجس اخذت طاولة ب 1600 درهم في مكان مميز وجلست استمع للعراقي صاحب النمرة الأولى في السهرة ، في هذي الأثناء جا صاحبي وصاحبه وانا بدت تتكاثر الغيوم عندي وكنت قريب من أن الجو يكون ملبد بالغيوم فعشان كذا كان وقتها الشطح واجب ، زانت الامور والشطح في كل زاوية وقسم وزنقة ، لما قربت الساعه من 2 ونص قلت لصاحبي خلاص انت روح وانا بلحقكم بعد شوي وطبعا كنا متفقين مع تكسي ، راح وداهم وانا جلست لين قفل وطلعوا كل الناس وانا جوي جدا عليل ، طلعت وركبت التكسي وكانت الساعة تقريبا 3.45 الفجر ، بعد مامشينا تقريبا بخمس دقايق في منطقه بعيدة عن وسط مراكش لحقنا درك بسيارة الخبز حقتهم ، وقف التكسي قالي انزل نزلت قال وين غادي ، قلت البحر : (732): طبعا العصير اللذيذ يخليك مره قوي ، قال حلو انت عارف وين مكان البحر ، قلت يعني تتوقع اني مخي فاصل واني صدق بروح البحر ، ترى انا جالس ارد على سؤالك الحلو لأن ابوي ماعمره سألني وين رايح تجي تسئلني انت ، قالي لا بس احنا من حقنا نسئلك وين رايح ، قلت خلاص بكره بسوي لك ورقة احدد لك فيها نشاطاتي خلال اليوم عشان تعرف وين رايح ووين راجع بعدين انت بأسلوبك هذا على فكرة جالس تخلينا نكره البلد كله وماعاد نجي له ، يعني حتى والواحد متبع النظام وتلاحقونه ، المهم هنا تغير اسلوبه وقال لا احنا وجودنا عشان نحميكم وبدى يتميلح بالكلام ، قلت له المهم تبغى مني شي الحين ، قعد يأشر على جيبه ويسوي حركات ، سويت نفسي ما افهم وقلت له جوازي مو معي في الغرفة والله بكره وعد اذا سهرت اجيبه معي ، زهق مني وقال سير سير اخوي ، مشيت وقعدت اراقب وراي قلت لو لحقني بشوف لي طريقة ماراح اروح الشقة على طول ، المهم انه اشوى ديور وخليت التكسي ينزلني بداية الشارع ومشيت على رجولي بين العماير لين وصلت الشقة بسلام ولله الحمد.

كان صاحبي مره خايف علي عشاني تأخرت وصلت وغيرت ملابسي واخذت شور وكملنا سهرتنا بشكل هادي وموسيقى طربية جميلة لين غلبني النوم ونمت ، صحيت الساعه 2 الظهر تقريبا لقيت صاحبي وصاحبة مو في الشقة ، كلمتهم قالوا انهم رايحين للمرجان بيجيبون اغراض للغدى وبيرجعون ، وصيتهم على كم غرض وبعض العصائر المكملة وجلست اتسدح واسترخي لين وصلوا تقريبا 3.30 العصر ، جهزوا الغدى تغدينا وبعدين اتصل صاحبي على صاحبه الاول بكازا اللي عنده سيارة ، المهم هذاك موظف وماكان عنده اجازة ، كلمني عزمته يجي مراكش واصريت عليه قالي اذا انت مره مصر قدمت اجازة وجيت ، قلت انا مره مره مره مصر انك تجي قال خلاص بحاول ، جلسنا حنا نسولف مع مداعبة بعض انواع العصير الخفيفة لمجرد الاسترخاء ، شوي الا اتصل علي صاحبنا حق كازا قالي شوف انا بصراحة معاي اصحابي ثلاثة من الجنس الناعم غيره هو طبعا ، واثنين من الشباب المغربي الجميل ، قلت حياكم الله كلكم تعالوا ، طبعا انا في البداية مستحيل اثق في أحد وماخذ احتياطاتي بس قلت يمكن يكونون كويسين ، كلموني الساعه 7 مساء تقريبا وقالوا انهم مشوا من كازا قلت خلاص حنا في انتظاركم ، ماجت الساعة 9 الا وهم تحت عند باب العمارة ، العمارة فيها مواقف في الدور السفلي ، وفيها مصعد تحت يطلعك فوق على طول ، نزلت لهم في المواقف وخليت السكيورتي يقفل كراج المواقف ويخليه مقفل ولا يفتحه الا اذا احتاجه احد وقالي صافي ، يوم شفت اصحابنا الجدد بغيت ادوخ ، اولا زاد واحد نفر من الجنس الناعم صاروا 5 ، وثانيا جايين بسيارتين ، دخلنا الشقة جلست معاهم بصراحة حسيت اني اعرفهم من زمان ، الشباب اثنينهم جايين اجازة للمغرب ولا هم عايشين في دولة اوروبية ، مره محترمين واللي خلاني احم اكثر ان المصاريف اليومية كانوا يقاتلون بكل الطرق اني ما ادفع فيها ولا درهم ، انبسطت كثير لهم خصوصا انهم من اهل البلد وعارفين للخبايا .

كانت الفكرة اننا نروح نسهر بالياسمين بس لما زاد العدد رحنا للنرجس ، طلعت انا والشباب مع تكسي على ان اصحابنا يلحقوننا بسيارتين ، دخلت انا والشباب النرجس واخذت طاولة ب 3000 انا دفعت 1600 وهم دفعوا الباقي وطبعا اثنين عصير وطاولة كانت كبيرة مره لأن عددنا صار 10 ، طاولتنا اخترت مكانها في منطقة صاده لأن عددنا دسكو لحاله : (732): ، سهرنا سهرة من أوعر السهرات في حياتي والأجمل فيها ان ناس كثير كانوا يحومون حول اصحابي ويقولون لهم حنا مع هذا ، لدرجة ان فيه واحد سعودي قالي يا أخي خل للفقارى شي :hap: ، المهم لما خلصت السهرة قالوا الشباب اللي معي ماراح ناخذ تكسي وراح نطلع كل خمسة بسيارة قلت انا مالي دخل سوو اللي تبون ، طلعنا ونفس الكلام وبنفس المكان لحقتنا سيارة الخبز ، الشباب كل واحد حط رجله السيارة الثانية راحوا من طريق وحنا طريق المهم انه لحقنا حنا وخلاهم هم ( المقرود مقرود ) ، لما شاف خوينا انهم ناوينه وقف لهم ونزل على طول وراح يتكلم معهم ، طبعا انا راكب ورى وجوي عليل وماكنت شايل هم مره مدري ليه ، المهم رجع خوينا بعد عشر دقايق تقريبا قال كل شي تمام ، قلت كيف قال مادروا انك خليجي وقلت لهم حنا شباب جايين مع اصحابنا من كازا ضيوف عندكم وراجعين دابا كازا ، وعطاه 400 درهم وراح ، قلت كويس ، كلمنا اصحابنا في السيارة الثانية قالوا ان السكيورتي معاه الدباب حقه وجالس يدور في المنطقه يستكشف الموضوع واذا قربتوا يمشي وراكم ويفتح الكراج ويدخلكم ، قلنا اوكي حلو ، وفعلا كان السيكيورتي في المكان كلمناه قال اوكي ادخلوا مع الشارع اللي فيه العمارة دخلنا وعلى طول على المواقف .

نزلنا ودخلنا الغرفة وكان واحد من الشباب هذولا مهبول مره وعليه ذبات في الصميم مت عليه من الضحك ، كملنا سهرتنا الواعرة بسواليف وضحك وبعدين دخلت انا وصاحبي الغرفة ننام والباقين ناموا بالصالة : (140): .

انا الحين تعبت صراحة وموعدنا في الحلقة القادمة يوم السبت وبحاول اكون موجود اليومين الجاية عشان ارد على بعض الاستفسارات .

إلى اللقاء ،،،،

[hadia_122]

جمييييييييل جمييييل جمييييييل التقرير ديالك وعيشتنا المغامرة معاك وتابع السرد احنا متابعينك :thumbup1: وانا بصراحة قتلتني بالضحك لما تقول :damn: ويطق باب الشقة طبعا انا لاشعوريا كذا نقزت من مكاني نقزة وصلت المطبخ ، يعني اوكي يمسكوني بالشارع ولا يمسكوني بالشقة ، طبعا الحين الساعه تقريبا 2 الليل يعني من بيجي اصلا من يدري اننا هنا ، رحت اطل من الشباك ماقدرت اشوف الشارع ، وهذا مصر مره مره كل خمس ثواني يرن رنة قلت لصاحبي ادخل بالغرفة وقفل الباب وخلنا نشوف وش القصة ، طبعا قبل ما افتح الباب رقصت رقصة الاستسلام ، فتحت الباب بشوييييش ، الا يطلع العساس حق العمارة ، بغيت اخذه بحضني واعطيه جميع انواع واشكال البوسات والله انك ذبحتني بالضحك ههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههه ههههههههه واصل يا مبدع يعطيك العافية

[الولهان]

الله يجيبك ياسبت وش يصبرنا اه اه والله عيشتنا جو السفره تقرير من اروع التقارير تكفئ يالغلا لا تبطي وشكرا ع السرد الحلو: (484):

[ايه احبك]

ههههههههههه ياحووول معناة ماهي سفرره للمغرب . بس استفسار صغنون . يووم جيت وسكنت بالمارينا . باقي للحين نظام فتح غرفه ماغيرووه.. ؟؟ وكيف امور المارينا ؟

[المغرب لا تستغرب]

من ابداع الي ابداع واصل التقرير فنتظارك

[alshaer1976]

والله تقرير حلو ههههههههههههههههههههه

[المغرب ديالي]

السلام عليكم ورحمة الله وبركاته،،،

وحشتوني بالزااااااااااااااف

شكرا لكل شخص اتحفنا بردوده الجميلة والمحفزة وعساكم على القوة.


الحلقة السادسة ( شلالات الأوريكا وسهرة الباشا واكتورز , مغامرات حتى الثمالة)

صحينا جميعا الساعة 1 الظهر تقريبا ، طبعا انا في السفر في الغالب 5 ساعات نوم تكفيني ولا احب اقوم لحالي لازم اقوم كل الناس : (97): ، قالوا الشباب اليوم لازم نروح شلالات اوريكا .

ملاحظة ( يوجد لدي اكثر من 600 صورة للرحلة ، وكان في بالي اعرض لكم جزء منها ولكن لما راجعتها عشان اعرض الصالح اكتشفت ان جميع الصور ملغمة بالممنوعات : (96): )

لبسنا وكانوا هالشباب مره محترمين الصراحة طلعت من الشور لقيتهم جايبين اتاي وفطور محترم ، افطرنا وركبنا السيارات وعلى الشلالات ، في الذهاب واجهتنا نقطتين تفتيش وبصراحة نوعا ما في النهار الأمور اهدى شوي من الليل بس الحذر واجب في كل الأحوال ، نقطة التفتيش الأولى عدت بسلام ولله الحمد ، الثانية كانت بعد مابدينا نصعد الجبل بمسافة يمكن 10 كيلو ، طبعا أول ماوصلنا انا لابس نظارة شمسية وحاط عيني بجوالي ومارفعتها وجلس العب تكلم مع السواق وسأله عن اوراق السيارة بعدين جلس يطالعني شوي ، انا هنا انضغطت : (202): ، بس بنفس الوقت محافظ على هدوئي ولا عبرته ، المهم قال لصاحب السيارة وقف على جنب وأخذ الأوراق معه ، نزل له صاحبنا وجلس معه يمكن 10 دقايق وبعدين رجع ومشينا ، قال انه جلس يستهبل عليه شوي ويقوله انتم من وين جايين وليه بتروحون هنا ومين اللي راكبين ورى ومن هالحركات ، المهم ان صاحبنا كان حازم معاه وقاله اننا أولاد ناس وجايين من كازا نتمشى وبنرجع، كملنا طريقنا واصحابنا كانوا سابقيننا في السيارة الثانية قدام ، وصلنا للشلالات وبصراحة المكان كان مره رايق والجو فيه مره عليل وروعة لأبعد حد ، جلسنا في طاولات على الشلالات تبع مطعم وطلبنا طواجن وكان اكلهم جدا لذيذ ، طلعنا انا والشباب على رجولنا للجبل كانت مناظر حلوه وتخليك تستعيد نشاطك شوي ، رجعنا وشربنا الأتاي وجلسنا نتصور شوي ونسولف وبعدين ركبنا السيارات ورجعنا ، وصلنا نفس نقطة التفتيش السابقة وكان فيها نفس الشخص وقفنا وجلس يطالع شوي بعدين قال سير اخوي ، وصلنا وسط مراكش دون مشاكل تذكر ولله الحمد ، خليتهم ينزلوني بالمرجان عشان ماتكون دخلتي معاهم بنفس الوقت ، رغم رفض الشباب لكني اصريت ونزلوني وراحوا للشقه شريت اغراض ابغاها وبعدين رجعوا لي اثنين من الشباب اخذوني ورجعنا الشقة .

كانت الساعة وقتها تقريبا 8 مساء طلعوا اصدقائنا بعدها للكوافير وانا جلست مع الشباب جهزنا العصير وبدينا الرحلة الليلية لهذا اليوم ، جلسنا نمزح ونستهبل ونمزمز على العصير الحلو لين الساعة 11 كلمنا اصدقائنا قالوا يبغالنا نص ساعة قلنا اجل حنا بنسبقكم ونروح للباشا والحقونا بعدين ، رحت انا والشباب على دسكو باشا طبعا دسكو غربي تصميمة جيد نوعا ما بس الدي جي حقة واعر واعر واعر ، قلت له العدد واستغربت انه حسب الطاولة ب 2000 درهم مع العصير ، دخلنا وجلسنا ولحقونا اصدقائنا بعدها بشوي ، كان الدسكو شبه فاضي ماعدى يمكن 6 طاولات على البست فقط ، فهمت ليه حسب لنا الطاولة بهالسعر بس أصلا حنا كنا مسوين رجه لوحدنا ، كانت سهره من أجمل السهرات بصراحة ولكن اللي عكر صفوها حاجة وحدة بس ، التكاسي خارج الدسكو في الشارع المقابل للدسكو يعني لما تقطع الشارع ، من انذل وانجس مارأت عيني في حياتي ، طبعا اصدقائنا طلعوا قبلنا الساعة 2 ونص تقريبا ، واحنا جلسنا لين قفل ثلاث وبعدها جلسنا نسولف مع اللي يشتغلون لين صارت 3 ونص ، من اول ماركبنا التاكسي وهو ماسك جواله ويكتب رسايل ، انا جالس ورى الراكب وأشوفه ، قلت للي جنبي انا ماني متطمن للتااكسي هذا خله ينزلنا على الشارع العام عند اسيما واحنا نمشي على رجولنا ، وفعلا يا أخوان والله ما أزل عليكم بكلمة أول ماوقف التكسي وتوقف وراه سيار للدرك بس مو سيارة الخبز سيارة صغيرة ، جانا واحد قذر ومسوي نفسه فاهم قال انتم وين رايحين ووين اللي كانوا معاكم ، الشباب اللي معاي ماكانوا يبغوني اتكلم بس بصراحة مامسكت نفسي انغبنت ، قلت له خير ان شاء الله وانت شايف معنى احد عشان تقول وين اللي معاكم ، يعني الواحد مايطلع في البلد هذا ابد بعد الساعة 12 ، يا أخي إذا فيه حظر تجول عطونا خبر عشان الواحد يعرف ولا يتحرك من مكانه ، قالي بنفس شينة انت فاهم وش اقصد خبرونا وين اللي كانوا معاكم ولا بناخذكم معانا ، قلت خلي الضابط المسؤول يجي انا ماراح اتحرك من مكاني خطوة ، المهم يوم شافني انافخ نزل شوي من النعرة حقته وقال شوف احنا فاهمين و انت فاهم خلص الموضوع معانا وسير الدار ارتاح ، قلت له اخلص ايش انت ماتفهم ، وجودي بالشارع مخالفة للقانون ؟ قالي لا ، قلت انا سويت الحين شي مخالف للقانون ؟ سكت ، قلت خلاص ياحبيبي ياتخلينا نمشي ياتجيب المسؤول هنا وتخلصنا ، المهم قالي صدقني حنا راح نعرف كل شي ، قلت له بسلامتك ومشينا ، واحد من الشباب كلم واحد من اصحابه ولقى عنده شقة قريبة مره من مكاننا في قيليز ، رحنا له وحلفوا الشباب اللي معي ما ادفع ولا درهم ، اخذنا الشقة ورحنا ننام وكلمنا اصحابنا وشرحنا لهم الموضوع ، صحينا الظهر ورجعنا للشقتنا القديمة اول شي نزلوني وراحوا جابوا لنا اغراض الغدى ورجعوا ، طبعا خلاص صار عندي حصانة من الوضع اللي صاير وعرفت انهم بنفس الليلة داهموا 9 فلل على طريق كازا ، قلت للي معي اليوم ننام هنا في مراكش وبكره بوجهنا على اغادير ، انا بصراحة باقي لي اربع ليالي غير هالليلة وما أبي اضيعها في مطاردات وهبال كننا في فلم أكشن ، اعتذروا اثنين من الشباب وثلاث من اصدقائنا انهم لازم يرجعون كازا بكره واتفقنا اننا نمشي سوى بكره هم على كازا وحنا على اغادير ، بقى واحد من الشباب اللي قلت عنه مهبول قال انا معاك للنهاية لين تركب الطيارة وصاحبي واثنين من أصحابة .

حاولنا نغير جو الليلة اللي راحت وجلسنا نسولف وقلنا اليوم نبغى سهره واعره وداعية للمجموعة الحلوة ، اتفقنا اننا نسهر في اكتورز ، جلسنا جلسة استرخاء وسوالف وقفشات لين جهز الغدى ، تغدينا ورحت انا وصاحبي ننام لأني فاقده من امس : (788): ، صحيت على الساعة 7 ونص تقريبا مساء ، وطلعوا اصدقائنا كالعادة للكوافير وانا جلست مع المهابيل الثلاثة الجلسة الوداعية ، ولما صارت 11 ونص نزلنا ورحنا على اكتورز كن الجو حلو واخذنا طاولة ب 2600 ، كان الجو لا بأس فيه انبسطنا وهيصنا وامورنا كانت جدا في السليم ، الشباب أخذوا موقف من التكاسي وقالوا المره هذي اصدقائنا يحشرون نفسهم بسيارة وحنا نرجع بسيارة ، وفعلا سبقونا للشقة بسيارتهم ، ولحقناهم بعدها بساعة الا ربع ، في طريقنا لحقنا واحد من الدرك كان واقف جنبنا عن الإشارة ولما مشينا لحقنا ووقفنا ، خلص معاه واحد من الشباب ب 200 درهم ومشى ، وصلنا قريب من السكن وكلمنا السيكيورتي وضبط لنا موضوع الكراج وشاف لنا المنطقة ووصلنا بسلام ولله الحمد ، رغم اني كنت متخوف كثير لأني اكره اخر يوم دايم يجي فيه العيد ، بس الحمدلله سلمنا ، دخلت الشقة ألا والقى اصحابنا معتفسين ، وش فيكم قالوا لحقنا الدرك وهربنا منه وطفينا الأنوار والسيكورتي فتح الكراج وطلع يدور بالدباب لين أمن لنا الوضع ودخلنا ، كانوا مره خايفين مرعوبين لأن بعضهم اهلهم مايعرفون انهم في مراكش ، المهم اني لقيتهم مطلعين ملابسهم ويضبطون شناطهم والنفسية مو مضبوطة ، دخلت الغرفة شغلت اللابتوب وجلست احوس بالنت وخليتهم لحالهم بالصالة ، بعد ساعة تقريبا دخلوا بالغرفة وجلسوا يعتذرون لي ويقولون خربنا جوك قلت لا عادي المهم نشبوا لي اطلع بالصالة ونكمل السهرة ، فعلا طلعت معاهم وجلسنا لين الساعة تقريبا 7 الصبح اشوى تعدلت النفسيات وصار في ضحك وهبال واسفهليت انا .

نمت الساعة 7 الصبح تقريبا وصحيت 12 الظهر صحيتهم جهزنا الفطور ونزلنا اغراضنا في السيارات في المواقف تحت سلمنا الشقة توادعنا مع المجموعة حقت كازا بالأحضان والدموع :icon1366: ، ومسكنا الطريق لأغادير يامال السيل ، كان فيه نقطة تفتيش وحدة واحنا طالعين من مراكش عدت بسلام وبعدها مسكنا الطريق ، وقفنا في محطة على الطريق عبينا بنزين وكان فيه مطعم حلو مرة جوى المحطة دخلنا وجلسنا نتغدى فيه ، في هذي الأثناء الشاب اللطيف اللي معاي كلم واحد من اخوياه في اغادير وقالة يدبر لنا سكن ، وجاب لنا فله مره حلوه الصراحة بس يقول أنه مايأجرها لخليجين بسبب المشاكل ، ولكن لما عرف انه بيجي صاحبه نفسه وافق وعطانا الفله بسعر حلو 2400 درهم ، الفلة حلوة وفيها ثلاث غرف نوم ومسبح بس خاصة وما يأجرونها إلا لأوروبيين ، وشدد علي اني انا بالذات احرص في اني ما اكثر دخولي وخروجي خصوصا في الليل ، بالنهار قالي ماكاين مشكل ، قلت انا بالليل طلعتي وحدة وماراح أرجع إلا بالنهار ان شاء الله ، طبعا لما وصلنا حسيت والله العظيم اني ارتحت نفسيا بعد المغامرات والهبال اللي عشته في مراكش وكازا ، لدرجة اني اول مادخلت انسدحت ونممممت .

هذا اللي قدرت اكتبه لحلقة اليوم وموعدنا بكره ان شاء الله مع حلقة قادمة.

إلى اللقاء ،،،

[المغرب لا تستغرب]

من اجمل التقارير الي مرت علي في حياتي سرد ممتع وتفصيل رائع عشنا معاك الجو وقسم بالله كاني مسافر معاك في انتظارك يالغالي

[ايه احبك]

شغلك عنيف لا يختلف هههههههههه

[Nadosh]

تقبل مروري في تقريرك المرح والي كلو اكشن هههههههههههههههههههههههه

لاكن متل مابديت بالاول انك تحب تفيد منو

ياريت ولا عليك امر تذكر الاسعار و متلا كم كلفتك الرحلة الى اوريكا و من هاد القبيل

تقبل مروري
وشكري

[الولهان]

واصل يالغالي متابعين للنهايه ههههههه مغامرات واكشن ولا في الخيال تسلم يالغالي ع الاهتمام: (796):

[بو يوسف]

سديت نفسي عن المغرب.
سفرتي يوم الثلاثاء القادم ان شاء الله لمده 15 يوم
بس بعد ما قرات تقريرك، افكر جديا بالغاء السفر.
بتروح علي قيمه التذكره، مو مشكله ولا ارووح واتضايق هناك

[عبدالله فهد]

سديت نفسي عن المغرب.
سفرتي يوم الثلاثاء القادم ان شاء الله لمده 15 يوم
بس بعد ما قرات تقريرك، افكر جديا بالغاء السفر.
بتروح علي قيمه التذكره، مو مشكله ولا ارووح واتضايق هناك

ما تروح عليك.. يا تغير الوجهة و تدفع الفرق، أو تلغي الحجز و تعيد تفعيله إذا قررت تسافر خلال سنة برسوم بسيطة

[بحالي]

يااا الاهي اااانت جاااهي . . : (443):

ولا حتى في افلام ( توم كروز ) مشن امباسبل . . ههههه

قايلك مافيك حيله .. كل حلقه اوعر من اللي قبلها . .

والله ابحرت بنا معك في اليم . . بين رياح عاتيه لا تهدأ . . وامواج ثائره تكاد تلتهم احلامنا جميعا في قاربك الرومانسي . .

وما بقى امامنا غير الدعاء : (749): . . " يالله النجاة و السلامه . . يالله الخيره "

او بدعاء سيدنا يونس وهو في بطن الحوت " لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ "

مشكوووور يا مبدع . . : (740):

رووح . . رووح . . كمل يالنوخذه . . في انتظار القادم المجهول . : (76):

[المغرب ديالي]

السلام عليكم ورحمة الله وبركاته


نحن الآن في المراحل الأخيرة من التقرير الخاص برحلتي إلى المغرب المعشوق ، واللي اعتبرها شخصيا من الرحلات النادرة والمميزة والغريبة في حياتي ولكن أود التنويه الى بعض النقاط :

* بعد الانتهاء من التقرير ستكون الحلقة الأخيرة ( شي ماشفتوه ) راح تطرق فيها لبعض الملاحظات والاقتراحات والمرئيات لتوضيح بعض الأمور .

* بالنسبة للأسعار التي لم يتم ذكرها في التقرير واللي تطرقت لها الأخت كازاوية لندنية كمثال تكلفة الجلسة في شلالات أوريكا هذي بصراحة الشباب الي معاي كانوا يحاسبون عليها ويرفضون وبشدة اني اعرف اي تفاصيل لذلك أي معلومات عن أسعار أعرفها انا ذكرتها بالتقرير واللي ماذكرته أنا ما اعرفه او ما اطلعت عليه .


الحلقة السابعة ( عمااااااااار يا أغادير )


بعد النومة العميقة والحلوة والجميلة والمريحة صحيت الساعه 9 ونص مساء ، لقيت النفسيات متغيرة والأمور زينة والكل يضحك ويستهبل ، اخذت شور سريع وغيرت ملابسي بس كنت احس وقتها ان مخي مقفل ، فيني فهاوة مو طبيعية ، متنح مره مره مره ، جلست في الصالة وكان في استريو حلو وصاحبي اللطيف والجميل شابك اللاب حقي على الاستريو والطرب عال العال ، جلست في الصالة متنح الا صاحبي يضبط لي عدة العصير ، اول شي سويته كلمت صاحبي حق التكسي الشنب الوحش هذاك تذكرونه اللي ضبط وضعي مع هذاك الشيء الكويس : (153): ، قلت له وش صار معاي واني جيت اغادير قالي انا خدامك وقت ماتبي تطلع كلمني قلت صافي ، قلت للشاب اللطيف حاول تدعس بالعصير لأنك بتسهر سهر عمرك ماسهرته في حياتك ، طبعا هو عايش برى المغرب واذا جا يجي كازا بس عند اهله ولا يروح مراكش ، واغادير جا لها مره وحدة بحياته بس ما قد سهر فيها ، طلعنا على الساعه 10 ونص ورحنا على زنزي بار ، ياسلام يا اغادير الواحد يطلع ويروح ويجي وهو مرتاح ، في الوقت اللي كنت فيه كانت اريح مكان بلا منازع بغض النظر عن كل المنغصات من استغلال وجشع وخلافه ، جلسنا هناك لين الساعه 11 وربع وبعدها طبعا على رجولنا لمخيطو بحكم انهم جنب بعض ، ياسلاااااااااااااااااااام يا مخيطو دخلت وانا مستانس ومبسوط ومرتاح ألا القى بوجهي سيمو وعلى طول بالأحضان قالي وش رجعك انت مو قلت انك رايح خلاص ، قلت له رجعت وانا رجولي فوق راسي يازين الأمان بس ، المهم ويضبط لنا طاولة ونجلس قلت انا اليوم أبي نهر عصير ، ابغى أعيش الجو اللي فاقده وهو جو الراحة ، وفعلا صرت اسابق الزمن مع هذا العصير الخائن اللي لازم اقضي عليه اليوم ، في هذي الأثناء وصلوا اصحابنا بعد ماتجهزوا في الفيلا وأبشركم هذاك اليوم ماراحوا كوافير : (769): ، الموهم قلت الطاولة هذي حقتكم اما انا اليوم مكاني هناك في البست بس خلوا عصيري قريب أبجي اتفاهم معه في الفواصل الإعلانية : (137):.

بصراحة كنت مرة مبسوط وحتى اللي معاي لما شافوني كذا هم نفسيا ارتاحوا حسوا اني اعرف المكان ومتطمن مره وانبسطوا مره ، لما صارت الساعة 2 ونص قالي الشاب اللطيف اللي معي نخلي اصحابنا يمشون الحين ، قلت يمشون وين ، قالي الفيلا خلاص بتخلص السهرة ، قلت ياحبيبي ركز معي شوي احنا في اغادير السهر حتى الصباح يا حبيبي ، قالي يعني بنروح مكان ثاني قلت ايه ، قال طيب نخليهم يروحون هناك الحين ، قلت يا حبيبي انت انسى وخل الموضوع علي ، طلعنا من مخيطو الساعة 3 قلت لهم بنروح مع بعض ولا تشيلون هم ، وخليت صاحبنا الكازاوي اللي عنده سيارة هو اللي يسوق ، وعلى صحارى على طول ، وبكل سهولة ويسر وصلنا ولله الحمد والشاب اللطيف طول الطريق يتلفت قلت يا حبيبي هدي نفسك انت في اغادير ما احد درى عنك ريح بالك ، قالي بصراحة انا شفتك مبسوط بس ماتوقعت ان الأمور هانية في اغادير لهذا الحد ، قلت لا الأمور هانية وبالزاف ، دخلنا شهرزاد واخذنا طاولة وطبعا انا اخذت طاولة لاني محتاج كمية كبيرة من العصير ولا ماراح اجلس فيها ، اخذت صاحبي رحنا على البست وهاتك ياشطح ، بصراحة الجو كان حلو وعليل وجميل وواعر وكل شي حلو ، لما صارت نهاية السهرة كنت احس فيني طاقة ماطلعت كانت محجورة في مراكش وكازا ، رجعنا الفيلا الساعه 6 ونص تقريبا الصباح ونكمل هناك السهرة المجنونة ، كان واحد من أصحابنا مكثر من العصير ومايعرف الحليب من الموية ، اول ماوصلنا وعلى غرفته وينام ، جلست انا والحلوين اللي معاي نشطح ونسولف لين صارت الساعه تسع الصباح ، قلت لهم الحين الموضوع لعبتي خلوني اسوي لكم فطور جميل ننهي فيه هالسهرة المزيانة ، صلحت فطور جميل بمساعدة صاحبي وافطرنا وبعدها كل واحد على الغرفة ونوووووووووووووووم : (716): .

صحيت من النوم الساعة 3 واصحيهم كلهم قلت يالله اغادير شعارها لا للنوم الكثير ، كل واحد راح يجهز نفسة اللي ياخذ شور واللي يلبس الكل نشيط ومبسوط بصراحة حتى انا حسيت رجع لي النشاط كله ، طلعنا الساعه 4 تقريبا وعلى شواية النهضة على طول واحلا طواجن اعجبتهم جدا وكانت تكلفة الغداء تقريبا 460 درهم ، قالي الشاب اللطيف يا أخي انتم في بلدنا تعرفون فيها اكثر مننا ، قلت مابعد شفت شي لين الحين ، بعد الغداء الجميل توجهنا على الكورنيش وجلسنا نمشي ونسولف شوي ، لين وصلنا روتانا كافيه وجلسنا فيه لين الساعه 7 تقريبا ، كانت الجلسة في روتانا رايقة ومريحة جدا ، بعدها طلعنا قالوا اصحابنا انهم بيروحون يتجهزون للسهرة وبيروحون للكوافير قلت لهم صافي انتم روحوا وانا والشاب اللطيف بنروح للسكاي ، رحنا للسكاي وطلبت شيشة ونوع من انواع العصير الخفيفة والجميلة وجلسنا في الجلسات الخارجية على البحر ، جلسنا لين صارت الساعه 10 ونص وبعدها طلعنا من السكاي ، اول ماطلعت من الباب الخارجي والقى واحد سعودي بوجهي ، السلام عليكم قلت وعليكم السلام ، قالي وش اخبارك كيفك ، قلت الحمدلله تمام ، قالي وين اختفيت انت ، قلت من معي وانا اخوك ماعرفتك ، قالي انا سهرت مرتين في اطلانتك وكنت اشوفك هناك وقابلتك هنا في المارينا كم مره ، قلت والله معليش وانا اخوك ما اتذكر والله ، قالي بسئلك سؤال ولو كان محرج شوي ، قلت سم امرني ، قال يا أخي كان معاك صاحب يشق الوجه شي غير طبيعي والله اني كنت اروح اطلانتك ابي اشوفه معك بس حتى اخوياي اللي معي كلهم يقولون هذا كارثه شي مو طبيعي ، جلست اضحك ، قالي بذمتك هو معك لين الحين ، قلت لا ، قالي تكفى ابي رقمه ، قلت بصراحة هذا صديق خاص كان جاي من اسبانيا ورجع الحين ( صح علي صديق خاص : (69):) ( يارب انه مايقرى الموضوع : (710): ) المهم قالي انا اشهد انك عرفت تختار ، قلت له الله يسلمك ، اخذ رقمي وقالي نبي نشوفك اليوم ومدري كيف قلت ان شاء الله ، الولد كان مره محترم بصراحة وله 21 يوم في اغادير ، توجهنا انا والشاب اللطيف للفيلا عشان نجهز نفسنا للسهرة هذي الليلة لأني كل ماقربت رجعتي احس اني ودي افرغ كل الطاقة اللي فيني ، من الحماس ودي اروح لمخيطو الساعة 8 واقولهم يالله يالله ابدوا ترى تأخرنا :011:.


هذا ما استطعت كتابته هذا اليوم وموعدنا يتجدد غدا بحول الله في الحلقة القادمة.

إلى اللقاء،،،

[الولهان]

اتعبيت من بعدك تفاصيل ولااروع تسلم يالغالي متابعين وبحماس: (793):

[ولد حرب]

صراحه ابدعت اهنيك على جو المغامرات والاكشن

بس عندي سوال

اللي اعرفه انو شهرزاد مايدخل الشباب المغاربه يليت تاكد لي هل معلومه

تقبل تحياتي

[المغرب المعشوق]

صراحه ابدعت اهنيك على جو المغامرات والاكشن

بس عندي سوال

اللي اعرفه انو شهرزاد مايدخل الشباب المغاربه يليت تاكد لي هل معلومه

تقبل تحياتي

ولد حرب اللي اعرفه انهم يدخلون ولكن الشغله دائما مزاجيه وافهمها يا فهيم

[المغرب المعشوق]

انا متابع هالتقرير المشوق بكل مغامراتك بسفرتك الممتعه للمعشوقتنا المغرب الفاتنة

[المغرب لا تستغرب]

ما اروعك وماروع تقريرك متابعين يالغالي

[بحالي]

:fish:: (119):

[المغرب ديالي]

السلام عليكم ورحمة الله وبركاته


تعليق بسيط بالنسبة لمنع دخول المغاربة لشهرزاد : بالنسبة للمنع فأغلب أماكن السهر المشهورة بروادها الخليجيين يمنع دخول الشباب المغاربة لها ماعدى استثنائات بسيطة لناس معينين ومعروفين ، وللمعلومية حتى النرجس في مراكش لديه نفس النظام ، ولكن في حال كون المغربي مع خليجي بالإضافة لدهن السير أمورك في السليم ولا تشيل هم ، ولا أحد اصلا قالها لي صراحة انه ممنوع دخول اللي معاي بس اعطيهم اكرامية وتزين الامور .


الحلقة الثامنة ( صاحبنا السعودي الزاحف )

مثل ما انتهينا في الحلقة السابقة اننا طلعنا من السكاي انا والشاب اللطيف الساعة 10 ونص تقريبا مساء ، بعد ماقابلت صاحبنا السعودي واخذ رقمي ، توجهت للفيلا وغيرت ملابسي واخذت رشفات من عصيري المحترم ، وبعدها كلمت التاكسي صاحبي وتوجهنا على مخيطو ، وكان اصحابنا هذا الوقت مازالوا عند الكوافير وبلغناهم اننا توجهنا مخيطو ، اول ماجلست في مخيطو ويكلمني صاحبنا السعودي قالي وين سهران اليوم قلت له مخيطو قال خلاص بسهر هناك اليوم انا وأخوياي ، قلت حياك الله ، كان عددهم ثلاث شباب سعوديين محترمين وفي قمة الأدب والذوق ، قعدت وقتها امزمز على العصير وأسخن للسهرة الحلوة ، وصلوا اصحابنا السعوديين على طول جو عندي وسلموا علي سألوني وحداني اليوم قلت لهم لا جاييني اصحابي بعد شوي ، قالوا أجل نخليك على راحتك كنا نبي نعزمك معنا على الطاولة قلت الله يعطيكم الصحة ومره ثانية ان شاء الله ، قال واحد منهم الله يستر منك ومن اصحابك من شاف هذاك الشيء معاك :rose:يخليني أشك انك جايب شي بمستواه اليوم وتخلينا نجلس نطالع اللي معاك ونعاف كل اللي هنا ، ضحكت وقلت لا هذاك الصاحب ما يتكرر هذاك حلم وانتهى ، المهم بدت تسخن السهرة وكالعادة الشطح الأليم مع أغنية شعلومه حاتم العراقي واللي تعتبر حاجة إلزامية لمخيطو انه يحطها ، وصلوا اصحابي جلسوا معانا بدوا يدخلون في المود معاي واخذت صاحبي وعلى البست ولايوقف ، في هذي الاثناء جا صاحبنا السعودي يشطح معانا وناديت اصحابه واصحابي وصرنا كلنا في البست إلا صاحبنا الشاب اللطيف كان مستحي وعيا يقوم يقول ما اعرف اشطح خليجي ، بعدها جا المطرب رجعنا للطاولات نادوني اصحابنا السعوديين رحت جلست معاهم في الطاولة شوي ، كان معاهم واحد منتهي مره خفيف دم لأبعد درجة بصراحة مت عليه من الضحك ، قال يا أخي قرب بقولك سر ، قلت سم ، قال تدري صاحبك اللي معك الحين مو بمستوى صاحبك هذاك بس مازال افضل من اللي شفتهم هنا كلهم ، الحين انت من وين تجيب هذولي ، قلت هذا من المرجان ، قعد يضضضضضضضضضضضضضضحك ، قلت وش فيك ، قال انت جالس تطقطق علي ، قلت ليه ، قال وشلون من المرجان يعني المرجان يبيع زي هذولي ، انا متتتتتتت من الضحك :2f87d42f252880131a2 ، قلت لا لا لا انت فهمت غلط هذا يشتغل بأسواق المرجان بكازا وكان جاي يغطي بأغادير سبع أيام وتعرفت عليه هناك ، رجع يضحك مره ثانية بس بجنون ، انا جلست اضحك من ضحكة ، قلت وش فيك ، قال يا أخي حسيت اني غبي ، شلون راحت عن بالي انه يشتغل هناك حسبتك تستهبل علي ، المهم انه صرت انا شوي اروح طاولتنا وشوي طاولتهم وشوي ارقص في البست لين انتهت السهرة وقررنا بعدها التوجه لشهرزاد بحكم أن الأغلبية مصرين عليه وخصوصا اصحابنا .

سألوني اصحابنا السعوديين وين بتروح قلت شهرزاد ، قالوا خلاص احنا بنلحقكم هناك ، توجهنا على شهرزاد وعطوني نفس المكان حق امس ، وقتها كان جوي مره مره مره رايق كنت ابي اجلس واسمع اغاني ما أبي اقوم اشطح اهز وانا بمكاني بس ، بصراحة هذا اليوم كان جوي في افضل افضل افضل حالاته ، جلست على الطاوله وكان صاحبي بين الفترة والثانية يقوم مع صاحبه يشطحون ويرجعون ، وأصحابنا السعوديين كل شوي يجي واحد منهم يسولف معي شوي ويروح ، بصراحة انا حبيتهم مره على ذوقهم واخلاقهم ، في هالوقت تحديدا صار موقف ، كان صاحبي جالس يشطح وبعدها طلع فوق جهت دورات المياه وانتم بكرامة وهو طالع جا عنده واحد خليجي ، مسك صاحبي مع يده وقاله وش رايك تجي معاي اليوم ، قاله صاحبي انا معاي حبيبي هذا أولا وثانيا انا ما اطلع مع أي أحد ، طبعا من نقل لي الحوار هذا ، صاحبنا السعودي الزاحف كان هناك وشافهم يتكلمون وقرب لهم على طول ، المهم قال الخليجي لصاحبي كم معطيك حبيبك الف الفين والله لا أعطيك ثلاث آالاف وتاخذها الحين قبل ماتركب التكسي معاي وفوق هذا والله بكره اطلع انا وياك وأشتري لك أحلا هدية ، صاحبي قاله انت ماتفهم اقولك انا ما اطلع مع أحد ومعي حبيبي عيب عليك وبعد عني لو سمحت ، المهم انه نشب لصاحبي وقعد يقوله كم تبي وكل ماجا يمشي صاحبي يوقف قدامه ويمسك يده ، خوينا السعودي الزاحف مادريت الا وهو ناط عندي بالطاولة قالي قم قم قم ، انا انخرشت قلت وش السالفة لا يكون فيه مداهمات هنا ولا بلاوي ، طبعا في هالمنطقة ما اقدر اسمعه وش يقول لأن صوت الأغاني مره عالي ، سحبني مع يدي ورحت معاه ، وأحنا نطلع الدرج كان جالس يأشر لأخوياه السعوديين يجون معاه ، المهم انا لين الحين ما أدري وش القصة ، اول ماخلصنا الدرج ولفيت يمين الا واشوف صاحبي وهذا قدامه وحاط يدينه على الجدار الجلد حقهم مسوي زي القفص عليه ، سمعت صاحبي مره معصب ويقوله بعد عني ويدفه ، انا بصراحة الوضع نرفزني مره وانا لين الحين ما أدري وش القصة ، دفه صاحبي بقوه وجاني ودموعه بعينه ، المهم انا عيني على الخليجي ماشلتها والسعودي واقف جنبي لبى قلبه مسيكين يقولي ترى خويك ماغلط اقسم بالله ماغلط اللي صار كذا وكذا وكذا ، وانا لين الحين ساكت واناظر هذا ، جا عندي وقالي وش تبي قاعد تطالعني ، قلت ابد سلامتك بس ترى مو كل شي بالقوة والفلوس واحترم الناس ترى بالذوق والله توصل لكل شي تبيه ، قالي أنا حر وبجيب اللي أبي بفلوسي ، قلت شفت فلوسك جابت لك اللي تبي تمرمطت عند الناس وانكسر فيك وصار شكلك غبي ويضحك ، شوي ألا نط خوينا السعودي الزاحف قال يخوي انت وراك مح زيادة عن اللزوم خلني ارنه طراق تكفى أبرد حرتي ، ويجي الخلجي بيضرب خوينا السعودي طبعا قبل ما يرفع يده الا البودي جارد شايله بالسماء ، جلسوه برى وقالوا له اهدى ونرجعك ، جانا واحد من البودي جارد وقال وش القصة طبعا عرفت انه يبي اكرامية وخفت يطلعون صاحبنا السعودي وهو ماله ذنب قمت وعطيته وعطاه فوقها صاحبنا السعودي بعد ، قال البودي جارد وش تبون تبوني احطه بلاك لست ، قلنا سو اللي تبي بس فكنا من شره نبي نكمل سهرتنا وحنا مبسوطين .


رجعت لطاولتي بعد ماشكرت اصحابنا السعوديين على موقفهم ولقيت صاحبي متنكد وضايق صدره ، جلست انا وكنت والله مروق نرفزني هذا شوي بس مازال جوي حلو ولا تكدرت مره ، بس جلست أبغى أسوي دعم للجو الحلو ضبطت العصير وجلست امزمز ، صاحبي لما شافني كذا توقع اني زعلان ولا فهمته غلط ويجلس يصيح ويحلف بجميع انوع الحلوف انه ماكان له ذنب وان هذاك كان حقير ، عاد الحين وشلون أقنعه اني مازعلت وبالعكس مبسوط منه ، أحلف له بالله اني مازعلت يجلس يصيح ويقولي ألا مبين من جهك ، كانت السهرة على نهايتها تقريبا أخذت صاحبي بيده ورحت انا وياه لدورة المياه وانتم بكرامة وقلت غسل وجهك وضبط نفسك وانا انتظرك عند الباب ، جلس شوي وبعدين طلع لي رحت انا وياه البست وكانت الأغاني وقتها جميلة جدا أغاني رومانسية مثل أغنية أحبك موت لماجد المهندس وأغنية حكاوي وليد الشامي ، جلست اشطح انا وصاحبي شطح هادي وجلست احلف له بأذنه اني مازعلت وفهمته كل شي ، تحسنت نفسية صاحبي وأنا جالس اشطح الا واسمعهم يحطون أغنية انت غير الناس عندي حقت راشد وكل شوي يوقفون الأغنية ويقولون إهداء من أصحابنا السعوديين لي أنا وصاحبي ، طبعا أصحابنا السعوديين خلوا آخر نص ساعه بالسهرة كلها اهداءات وانا اقولهم وقفوا ياشباب خلاص والشباب ماعندهم نية يقولون انت مالك شغل وخلك مع صاحبك هناك ، كملنا السهرة لين انتهت ورجعت مره ثانية اشكر الشباب على ذوقهم الحلو ، طبعا الخليجي هذاك ماعاد شفته بالدسكو لين انتهت السهرة , لما وصلت الطاولة لقيت صاحبي الشاب اللطيف نايم على الطاولة : (99): ، عرفت انه متقهوي واجد أخذته ورجعنا الفيلا ، كملت سهرتي انا وصاحبي وكانت السهرة رومانسية جدا اعتقد بسبب الموقف اللي صار ، قالي صاحبي انا من اليوم ورايح مارح اتحرك من الطاولة لما نكون بأي دسكو الا وانت معاي ، ضحكت وقلت له وسع صدرك وانسى عادي عادي .

وبعدها لقيت اصحابنا الاثنين مسوين فطور حلو وبصراحة كنت فاقدهم اليوم مره وفاقد حسهم جلسوا معنا وافطرنا سوى وهاوشتهم ليه ماجوا وكملوا السهرة معنا بالصالة ، وقالوا انهم كانوا حابين يخلونا لوحدنا شوي ، بعدها توجهنا للغرفة ونووووووووووووووومة : (119):

هذا كل ماعندي لهذا اليوم ،،،

إلى اللقاء في الحلقة القادمة ،،،

[ولد حرب]

تعرف والله ماقد جلست انتظر تقرير واتابعه يوم بيوم الا تقريرك وتقرير النجم الأول اللي يليته يحن ويكلمه


تقبل تحياتي يامبدع ويليت تمدها شوي

[الولهان]

: (153):: (201):: (69):

[المغرب لا تستغرب]

فنتظارك

[بحالي]

حشوومه . . : (781):

حبيبي . . بلا تردد او شك . . اقدر اقول . . عيبنــــا منــــا وفينا . . حاطين العالم شماعه نعلق عليها

حماقات بعضنا . . . وتخلف البعض الاخر . . ونقول يكرهونا ويضيقون علينا . . . . . .

يالله الخيره بس .

تقريرك الاخير جميل . .

وهو جميل بكونه يحكي عنك وعن اصدقائك الطيبين . ولم يسرني سلوك بعض شخصياته . . التي ( لوثة )

جزء من جمال هذا التقرير . .: (787):: (786)::14: :17:

الله لا يهينك . . انت دائم مبدع .

دق سلف . . وحط الدي . . وادعس البنزين . . والله يصبر قليبي على اللي جاي .: (790):: (172):


: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (486):: (456):: (456):: (456):: (456):: (456):: (456):: (456):: (456):: (456):: (456):: (456):: (456):: (456):: (456):

[المغرب ديالي]

السلام عليكم ورحمة الله وبركاته

أعود من جديد لأكرر شكري وعرفاني لكل الأعضاء الداعمين والمحفزين لهذا التقرير برغم توقعي بتفاعل أكبر وأفضل في قادم الأيام القادمة ان شاء الله .


الحلقة التاسعة ( فكرة تمديد الرحلة : (787): )

بعد السهرة الماضية والأحدات الماضية صحينا من النوم الساعة 1 ونص الظهر تقريبا ، اخذنا شور وجلسنا في الصالة كان خوينا الشاب اللطيف تعبان شوي ما ادري وش جاه ، بس قال خلوني نايم اليوم ماراح اتحرك من الغرفة ، قلت له على راحتك وبنتطمن عليك كل شوي ، واحنا جالسين في الصالة انا وصاحبي واصحابة بصراحة قدموا لي الثلاثة عرض يسيل له اللعاب : (434): مقابل أني امدد سفرتي ، بصراحة العرض احتفظ فيه لنفسي لأني لو قلته بنجلد جلدا مبرحا : (710): ، عاد انا جلست اتغلى شوي رغم اني في قرارة نفسي وافقت وخلصت ، طبعا مدة رحلتي على موعد رجعتي الحالي 19 يوم ، وكان باستطاعتي امددها ثلاث أيام زيادة ، بما أن العرض كان مره مغري وجبار ، اتصلت على الخطوط السعودية بكل ثقة ، الو انا عندي حجز على رحلة يوم كذا درجة رجال اعمال وأبي أغير العودة للتاريخ الفلاني ، قالي لحظات أخوي بعدين قال والله اعتذر منك أخوي بس أقرب موعد متاح تاريخ كذا ، كان التاريخ بعد 6 أيام من موعد رجعتي الحالي وهذا مستحيل مره ، قلت له ليه طيب حرام عليك طيب ماتقدر تسجلني انتظار بدون ما تلغي حجزي هذا يمكن يتاكد ، قالي والله حتى الانتظار مقفل ، قلت طيب انا صديقكم انا عزيزي عضو الفرسان ، انا تحملت اشياء كثير عشانكم عانيت نفسيا ومعنويا وانتم تلطشون فيني يمين ويسار وتأخير رحلات ولازم تمرون على جدة ورغم هذا رفضت كل عروض الانتقال واخلصت للشعار ، قعد يضحك قالي والله لو فيها مجال كان اخذت رقمك وحاولت لك وكلمتك بس والله كل الركاب مأكدين وتعرف الذهاب مو زي العودة العودة نادر احد يلغى حجزه ، قلت بالعكس في المغرب ولا واحد يدري متى بيرجع كلهم مسوين دبل كيك في حجوزات العودة : (741): ، قلت له اسمع ياصديقي طيب انا امس قريت انكم دخلتوا في تحالف سكاي تيم مافي مجال احول تذكرتي على الخطوط الفرنسية بما انها عضو وأدور حجز عوده معهم ولا التركية ، قال اعتقد راح تتاح في المستقبل القريب بس الحين تعرف انضمامنا صار قبل فترة قريبة ومابعد أخذنا طريقة الاجراءات والسياسات حقتها ، قلت الشكوه لله وقفلت الخط .

طبعا نقلت الخبر الحزين للشلة وقلت لهم تمنيت اني أمدد عشان هالعرض المغري بس عاد الشكوه لله ، ضاقت صدورهم شوي ومت من الضحك على الحلول حقتهم لأنها شاطحه وموليه ، لكن فاجئوني اني راح اكسب العرض المغري بناء على محاولاتي الجادة والحثيثة للتمديد ، وبصراحة اسعدني كثير قرار لجنة التحكيم لأني كنت استحق وبكل جداره : (616): ، بعدها اقترحت اننا نطلع ونروح الجبل نتمشى ونغير جو ووافقت المجموعة رحنا في البداية لمطعم اسماعيل ، جلسنا وتغدينا في الجلسة الكبيرة اول ماتدخل على اليمين :yess: ، بعدها طلعنا ورحنا للجبل ، كانت جوله اغلبها بالسيارة وكنا في بعض الأحيان نوقف السيارة ونفتح الشبابيك ونجلس نسولف بالجو العليل والحلو ، اقترحت بعدها نروح للسكاي لأن جوهم مره رايق ، وافقت المجموعه رحنا وجلسنا هناك بعد ماجلسنا تقريبا بنص ساعة اتصل علي صاحبنا السعودي يسئل عن الاخبار ويسلم بصراحة كانوا الشباب قمة في الذوق والخلق الرفيع ، قلت لهم اني بالسكاي وعزمتهم يجون ووافقوا ، بعد ساعه الا ربع تقريبا وصلوا وجلسنا سوى في السكاي ، جلسنا نسولف ونمزح ونضحك لين صارت الساعه 8 المساء تقريبا ، بعدها اصحابي قالوا لازم نمشي عشان نجهز نفسنا ، استأذنت من اصحابنا السعوديين وطلعنا ، قال صاحبي ان صاحبه الأول إذا تذكرونه اللي شفته اول مره في اغادير قبل ما اروح كازا وقلت انه مو شين بالمرة ، قال انه جا اغادير ويبغى يمر صاحبي عليه ويتجهزون عنده ، وصلتهم هناك وكانت الفكرة أني اوصلهم هناك واعطيهم السيارة وأرجع بتكسي للفيلا ، لما وصلنا لصاحب صاحي أصر أني انزل وانه يبي يشوفني ، دخلت وسلمت عليه وكان مره وسيع صدر وغير كذا من أفضل الموجود اذا ماكان الافضل ، وكان معاه صاحبه بعد ونفس الكلام كان ذوقهم رفيع وناس غاية في الروعة ، بدت افكار تلعب براسي قلت بس ، أخويانا السعوديين اولى من غيرهم خل اضبطهم خصوصا انهم ماقصروا معي أبد ، فتحت الموضوع وجلست احكي عنهم وأني شكلي برجع لهم بالسكاي وتلميح لين صاحبي فهمها ، في غفلة مني صاحبي أخذ صاحبه في الغرفة وشرح له الموضوع ووافق صاحبه ، قلت أجل استعدوا سوى لأننا بنسهر سوى اليوم ، اخذت التكسي وطلعت وكلمت خوينا السعودي وفهمته الموضوع وانبسط مره .

بعدها بنص ساعه كلمني السعودي الزاحف قالي يا أخي يلوموني فيك ، انا تعبت نفسيا من اللي اشوفهم كل يوم أبي شي مميز يا أخي ، قلت شوي ونلتقي في مخيطو وان شاء الله تلقى اللي يسرك ، المهم جلست بالفيلا كالعادة اسخن مع عصيري الجميل والبس واستعد لين صارت الساعة 11 بالليل ، رحت للشاب اللطيف بغرفته لقيته نايم قلت له تبي تسهر معنا اليوم قالي لا ما اقدر ، قلت تبغى اوديك الدكتور اجيب لك علاج ، قالي لا بس مرهق وابغى انام ، قلت اوكي براحتك ، طلعت ورحت مخيطو ، لقيت اصحابنا السعوديين ماخذين طاولة كبيرة مره ومنزلين ثلاثة عصير : (764): ، قلت والله والشباب متحمسين اليوم ، قالوا ايه اليوم بنسهر مع بعض بطاولة وحده اليوم غير خلاص صار معنا محارمنا ، طبعا تسدحت من الضحك على هالمهبول صرقع فيني صرقعه كل مادخل احد مع الباب سحبني مع يدي بأقوى ماعنده شف شف شف هم ولا لا ، بعدين أقوله لا يقول اشوى : (92): ، المهم وانا امزمز على العصير واضحك على هالمهستر ، لين وصلوا اصحابنا ، طبعا صاحب صاحبي كنت موضح له انهم ثلاثة وقالي انه اصلا في واحد ثالث من اصحابه جاي على أغادير اليوم وبيوصل على الساعه 1 ، وبلغت الشباب وما اعرف وش سوو المهم انهم ضبطوا امورهم مع بعض ، وصلوا اصحابنا زي ماقلت ولما شافوهم اخويانا السعوديين انفرجت اساريرهم وانا ارتحت لأني كنت شايل هم شوي ، المهم انهم على طول دخلوا في بعض لأني قلت لكم قبل ان صاحب صاحبي فرفوش جدا ووسيع صدر ، الثالث من أخويانا السعوديين كان حزين شوي وحاس انه لحاله ولا قام شطح ولا شي ابد ابد ، قالي صاحب صاحبي ان صاحبه وصل من كازا وراح للسكن عشان يلبس وبيلحقنا على شهرزاد لما نروح ، طبعا اصحابنا السعوديين حلفوا يمين ماندفع ولا شي وانهم عازميني على السهرة كاملة اليوم ،طلعنا عشان نروح شهرزاد طلعت انا والشباب السعوديين بتكسي والبقية لحقونا بالسيارة ، في الطريق كانوا الشباب السعوديين تحف طبعا قالوا من اليوم ورايح انت عمنا وماراح نقولك الا ياعمي ، وأي شي تقوله نسويه ونسمع كلامك ، موتوني من الضحك وفوق هذا أي واحد منهم يذب ذبه يجلس يضحك على ذبته بشكل مجنون ، بصراحة انا هبلوا فيني معهم صرت اضحك وانا مدري وش السالفة كني مهبول ، وصلنا شهرزاد ولقيتهم حاجزين طاولة كبيرة بعد ، بس منزلين 2 عصير لأني انا قلت لهم خلاص حنا بآخر السهره وماراح احد يستفيد منه ، بعد ماجلسنا بمدة بسيطة جو اصحابنا وكانت المفاجأة ان معاهم صاحبنا الجديد اللي توه واصل ، بصراحة من صبر ظفر طلع احلا من الأثنين الثانين ، خوينا الحزين فجأة صار اسعد واحد بالدنيا ووالسهرة هذي كانت اغلبها له خليناه يعيش جو مو طبيعي رومنسي وعاطفي وهبال وكل شي ، طبعا وحنا موجودين لقينا خوينا الخليجي هذاك ، وكان يتصدد عننا قلنا زين اليوم هاجد ، فليناها وانبسطنا على الآآخر بصراحة ولما انتهت السهرة عزمتهم عندنا بالفيلا عشان نكمل هناك ، وافقوا واتجهنا بنفس التقسيمة احنا بتكسي وهم بالسيارة ، مره اعجبتهم الفيلا واستانسوا فيها جلسنا وكملنا سهرتنا لين الساعه 10 الصبح .

بعدها راحوا اصحابنا يجهزون الفطور وافطرنا كلنا عند المسبح وكان الجو يرد الروح ، قالوا لنا انهم بيمشون حاولت فيهم ينامون عندنا رفضوا وقالوا لازم نخليكم على راحتكم قلنا براحتكم ، راحوا للسكن حقهم بتكسي ولحقوهم اصحابهم بتكسي ثاني وانا وقتها كنت اقول وينك يادرب المحبه ، ابي فرااااااااااااشي ، ونوووووووووووومة : (716):


إلى اللقاء في الحلقة القادمة ،،،

[الولهان]

:): (480)::18:

[ولد حرب]

تصبح على خيييييييييييير

مبدع كالعاده

تقبل تحياتي

[الدب]

الغالي
المغرب ديالي

انا اقترح على ادارة المنتدى يتجاوزوا الانظمه
ويغيروا (مزعوط مبتدئ)
ويضعون بدلا منه تحت اسمك (كبير المزاعيط)

استاذي الفاضل
تقرير مميز .. سرد رائع .. تفاصيل تاخذ العقل
اهنئك على هذا التقرير الجميل
عشنا معك كل اللحظات وكل التفاصيل
تقبل مودتي ياعزيزي

[Dammam]

لا يوقف لايوقف لا يوقف


:2:

[المغرب لا تستغرب]

فنتظار ابداعك يامبدع

[كاسبر911]

بداية قويه واسلوب قوي بالطرح واصل ومعك نواصل

[بحالي]

ويلـــي منك . . وويليـــــ عليك ! ! . .


اولا .. اموتـــــ واعرف . . وش هو ( العررررض ) اللي قدموه لك عشان تأخر حجزك ؟ : (480):هههههههههههههههههههههه ه


أأأأه وأأأأه وأأأأهين . . . . و الله . . بدأت تـبان معالم النهايه ! ! : (438): ويا ويلي من النهايه وهم الفراااااق .



اعرف . . ان كل بدايه . . لها نهايه اكيده . . وكل اشراقة شمس . . لابد ان تنتهي بغررروب . . . وهاذي حال الدنيا ! !


كمل يالمبدع كمل : (65): . . في انتظار المزيد من الابداع الذي لا يمــــل . . و ارجو ان تغوص بنا اعمق . . واعمق . . و في تفاصيله

اكثر واكثر . . لتطول بنا حلقات هذا التقرير حتى الادمان .



ياشيخ لله درك : (474): . . ولله در الارض الي حضنت تقريرك و در اهلها . . : (702):: (790):


واصل يــــــــــــــــــــــــ ــــــــــــــــــــــا " زعيم المزاعيط " . .

[المغرب ديالي]

السلام عليكم ورحمة الله وبركاته


شكرا لكم من الأعماق على كل ماتقدمونه من تحفيز وردود تثلج الصدر فشكرا لكم من القلب.



اعتذر منكم لعدم كتابة الحلقة لهذا اليوم ولظروف خارجه عن إرادتي ، وموعدنا يتجدد معكم ان شاء الله يوم السبت في حلقة جديدة.



أرجو منكم قبول عذري ومره أخرى شكرا للجميع.

[ولد حرب]

والله حرام عليك

جالس من اول انتظر الحلقه وفي الاخير مافي

عموما عذرك معاك واتمنى تكون بخير

ننتظر على احر من الجمر

تقبل تحياتي

[الـدوكالي]

هلا بالحبيب واصل منتظرينك في الصفوف الامامية وبانتظااااااااااااار اجمل التقارير

[المغرب لا تستغرب]

فنتظارك

[الضاري666]

في الأنتظار ولا تطول علينا فاتنا المغرب السنة هذي معوضين خير بعد رمضان

[السفير55]

نتقابل ان شاء الله يالضاري بعد رمضان في مراكش على خير : (75):

[الضاري666]

نتقابل ان شاء الله يالضاري بعد رمضان في مراكش على خير : (75):

السفير 55 أن شاء الله كان الوضع مرتب له شهر جولاي ولكن لعل في الأمر خيره تم التأجيل متابعين التقرير في الصفوف الأمامية : (151):

[hadia_122]

حلقة ممتعة واصل

[hadia_122]

انا متابع التقرير بكل شوق وفعلا اكادير يريح الواحد نفسيا

[hadia_122]

مبدع والله متابعين معاك

[hadia_122]

متابعينك وانشاء الله عسى المانع خير

[المغرب ديالي]

السلام عليكم ورحمة الله وبركاته ،،،


شكرا للجميع على قبول عذري ، واعتذر منكم مرة اخرى عن تأخير الحلقة.

انتم عارفين اننا وصلنا لآخر ليلة في المغرب المعشوق ، وبحكم ان الليلة الأخيرة دائما ماتكون حافلة بالمواقف وتحاول تستغل كل لحظة فيها ، بتكلم عن الليلة الأخيرة بكل تفاصيلها بحلقتين ، حلقة راح تخص الأحداث اللي صارت بالنهار وحلقة تخص الأحداث اللي صارت بالليل ، للمعلومية التقرير هذا لعب فيني من جد وكل ما اتذكر ادق التفاصيل واسردها هنا واجي اليوم الثاني واقرى الحلقة السابقة وأبدى اكتب الحلقة الجديدة ، احس اني لين الحين هناك ، واحس اني الحين قربت رجعتي للسعودية ، وعلى طاري السعودية توني داخل موقع الخطوط السعودية مو عشان شي اتمشى بس : (90):.



الحلقة العاشرة ( بداية النهاية : (712): )

صحيت من النوم بعد السهرة الواعرة والمثيرة وكانت الساعة تقريبا 2 الظهر ، لقيت صاحبي صاحي والمود مضروب مره ، وكل ما تصادفت معه وجه بوجه يقعد يناظرني شوي وبعدين تنزل كم دمعه ويصد عني ويكمل شغله : (712): ، كان جالس هو وواحد من اصحابه يرتبون الفيلا بعد حوسة امس خصوصا ان السهرة كانت بعدد كبير أمس ، انا ماعجبني الوضع يعني آخر يوم لازم ننبسط ونستانس ، رحت لصاحبي وقلت له تعال ابغاااك ، دخلت انا وياه الغرفة ، أول مادخلت طب في حضني وطلع اللي بخاطره كله ، قلت له اسمع اليوم هذا المفروض اننا ننبسط فيه عشان يكون يوم عالق بالذاكرة ، واحنا اتفقنا من البداية اننا نكون اصحاب ، وانا قلت لك من اول خربطة حب ونلعب على بعض ما عندي ، انت صاحبي ومبسوط منك مره وماشفت منك الا كل خير ، جلست معاي حول اسبوعين كنت استأمنك على كل شي وكنت دائما قد الثقه ، وانا اقولها لك مو مجاملة ولا حكي في الهوى ، جدا كنت مرتاح معاك ومع اصحابك والدليل اني اخذكم لكل مكان اروح له لأنكم فعلا كان جوكم زي العسل واحس اني اعرفكم من زمان وقتها ، وفعلا حسيت انك شخص نظيف ومو راعي خرابيط ولف ودوران ، ويكفيني ان كل الأماكن اللي اروح لها ماتخليني اتكلم مع أي شخص يبيع عشان مايرفع السعر وكنت حريص معاي بكل شي ، انا اشكر لك كل هالاشياء اللي سويتها على شاني واللي خلتني احترمك ، بس ارجوك ابغى هاليوم يكون غير وننبسط فيه ويكون ختامها مسك ، قالي وحق الله العظيم اني عمري مامثلت ولا اكذب عليك بأي شي ، بس انا انبسطت معاك وكنت مرتاح معاك فوق ماتتصور ، وحتى اصحابي اللي رجعوا كازا يحلفون لي انهم مره كانوا مبسوطين فيك وانهم كلهم راح يجون المطار يودعونك ، ووالله انهم يوميا يكلموني اول حاجه يسئلون عنها انت ، قلت له طيب كويس الحمدلله اجل ليه الدموع والحزن ، قالي انا تعودت عليك والمدة اللي قضيناها مو قليلة ترى الحياة الحلوة والطلعة في كل وقت نهار وليل وضحك ووناسة انا اعرف اني ماراح القاها لما تروح ، وراح ارجع اداوم في مكاني 12 ساعه باليوم وروتين وتعب ولا فيه أحد يحس بتعبك ولا بهمك ولا أحد ياخذك بحضنه ولا شي ، قلت بيني وبين نفسي الله يستر بس ، المهم جلست احاول الطف الجو شوي واستهبل وامزح وطالبت وبشده بتنفيذ العرض اللي وعدوني فيه وقالي صاحبي لا تخاف ماراح تروح الا لما تاخذه : (135): ، صاحبي وقتها كأنه بدى يفكها شوي وقالي بحاول أعديها قلت في خاطري ( الليلة هذي واضحة ليلة فراق -- حاولت اعديها و عيت تعدي ) .

قلت لصاحبي لو جلسنا كذا اليوم بتصير كل الدنيا حزن وكآبه ، خلونا نطلع نغير جو ، قالوا اوكي ، رحت اشوف صاحبي الشاب اللطيف واتطمن عليه لقيته جالس يلعب بجواله بغرفته ، كيفك ياحلو قال الحمدلله اليوم كويس ، قلت له يالله قوم غير ملابسك وخلنا نطلع ، قالي انا اليوم بروح اسلم على اصحابي في اغادير ، لو عرفوا اني جيت ومارحت لهم بيزعلون ، قلت براحتك أجل كلمني اذا خلصت ، قالي صافي مو مشكلة ، اخذت شلتي الحلوه وقلت بنروح سوق الأحد بشتري هدايا لأهل السعودية ، طلعنا ورحنا لسوق الأحد الساعه 3 ونص تقريبا ، كنت ابي ملابس واكسسوارات وان حصل تحف ماعندي مانع ، دخلنا السوق وبديت اشتري من هناك وكان عندهم بيجامات قطن مره حلوه بصراحة ، بالإضافة للزي المغربي كانت فيه اشكال والوان حلوه ، اشتريت مجموعه كويسة بعد أخذ آراء الشله ، وبعدها طلعنا قلنا بنروح للفيلا نحط اغراضنا ونطلع نتغدى ، حطينا اغراضنا بالفيلا ورحنا للمطعم الهندي اللي على الكورنيش ، بصراحة الأكل فيه كويس نوعا ما والأسعار فيه مقبولة ، تغدينا وطلعنا نمشي على الكورنيش تقريبا حوالي ساعه ، كان وقتها الوقت قريب من الساعه 5 ونص ، تعبوا الشله من المشي قلت خلونا نروح نجلس نريح في روتانا كافيه ، لما وصلنا هناك وجلسنا نط صاحب صاحبي راعي كازا اللي معاه سيارة وقال انا عندي لعبه ، قلنا وشي ، قال اسمها لعبة الصراحة ، نسوي قرعه بالأسماء وفي كل مره نسحب اسم ، واللي يطلع اسمه الباقين يحكون كل شي عنه بصراحة الزين والشين ، بس بشرط كل واحد يحلف انه يقول الصراحة ، قلنا موافقين وجهزوا اللعبه ، راح صاحبنا الكازاوي للكاشير وجاب ورقه وقلم وكتب الاسماء ورتبهم وبدينا نسحب ، أول اسم طلع كان صاحبنا الثالث ، انا من ناحيتي قلت انه جدا هادي بس انه خواف مره مره واذا تطمن مع احد ينهبل ويصير مره كويس ، الباقين حكوا عنه اكثر بحكم انهم اصدقاء طفوله ويعرفون بعض من زمان وحكوا عن مواقف صارت بينهم قديمة ، ثاني اسم كان صاحبي وانا طبعا اكثر واحد تكلم عنه وفي الغالب قلت له الكلام اللي قلته له في الغرفة الصباح اول ماصحينا ، الباقين كان نفس الكلام يحكون عن مواقف ماضية وقديمة ، ثالث اسم كان أنا : (11): ، اول من تكلم صاحبي وتكلم بشكل مطول وفي الأغلب كان حديثنا في الغرفة اليوم ، قال انه اكثر واحد من الشله كلها بيتعب لما انا اروح ، صاحبنا المهبول الكازاوي قال انه مره انبسط مني وكان مرتاح لي والدليل انه حكى لكل اصحابه في كازا عني ، ووعدهم انهم يشوفوني لما اجي المغرب مره ثانية ، قلت انا والله لو اني جستن بيبر : (744): ، صاحبنا الثالث قال والله اني ماكنت ناوي ابدا ابدا اجلس معاكم كل هالمدة ، انا كانت كل الفكرة في بالي اني اغير جو ثلاث ايام وارجع ، بس لما شفت نظامكم ووضعكم ارتحت مره رغم مشاكل الدرك والازمات بس قلت ماراح افوت الجلسة هذي ابدا ، وصارحني انه اول يوم شافني حس اني ثقيل دم ومغرور : (701): ، بس بنفس الليلة تغيرت الصورة تماما ، طبعا اخر اسم كان خوينا مخترع اللعبة ، أنا قلت له ان قلبه طيب واني ماراح انسى مواقفه الكويسة بكازا لما كان ياخذنا ويودينا وحريص علينا كان تعاملة مره محترم وراقي معانا ، الباقين بعد نفس الكلام حكوا عن مواقف قديمة بينهم وبين بعض .

بعد ماخلصنا من اللعبه طلعنا من روتانا كافيه وكانت الساعه تقريبا 7 المساء ، قالوا ماراح نروح اليوم الكوافير مانبغى نضيع وقت وراح نتجهز في الفيلا ، قلت اوكي وش رايكم نروح للسكاي عشان نشيش وأبدى الأقلاع مع عصيري المفضل ، قالوا مو مشكله يالله ، رحنا هناك وكان الجو مره رايق دخلنا وكلمني صاحبنا الشاب اللطيف قلت له حنا في السكاي ، قال انا جايكم ، جلسنا نشوف الصور اللي معانا وكل واحد يطلع جواله ويورينا الصور اللي صورها ، بعدها كلمني صاحبنا السعودي توه صاحي من النوم ، قلت له يا مجنون وش هالنوم كله قالي اسكت مابغينا نقوم ، قالي هاه وين رحتوا وينكم فيه قلت له انا بالسكاي تعال حياك ، قالي خلاص بشوف الشباب وأجي ، وصل صاحبنا الشاب اللطيف وحكوا له اصحابنا وش سوينا وحكوا له عن اللعبه ، قلت له انت وش صار فيك فهمني وش جاك امس ، قال والله كنت تعبان احس بحرارة وجلس يعتذر لي انه ماسهر معنا وكذا قلت عادي ياحبيبي اهم شي انك بصحة الحين ، كملت انا هوايتي المفضلة بالاقلاع برفقة عصيري المحترم ، ولما صارت الساعه 8 وربع تقريبا وصلوا اخويانا السعوديين الثلاثة ومعهم اصحابهم الثلاثة ، جلسنا سوى وكان عددنا كبير وجلستنا ملفته للانتباه ، قالوا اخويانا السعوديين تكفى اجلس مدد رحلتك ، وشرحت لهم اني حاولت بس مافيه مجال مره ، قالوا ياليتنا متعرفين عليك اول ماشفناك والله انك بطل ، قلت والله كان لي الشرف بس عاد نصيب ، قال خوينا الزاحف اللي هبل فيني بمخيطو امس ، قال يا أخي توني احس اني بالمغرب ، كذا الواحد ينبسط ، معه اخوياه ويروحون معه ويجون معه ومالين عينه كذا أي مكان تروح له اصلا يصير زين ، قالي انا اول ما ارجع السعودية لازم اكلمك واشوفك يبي لنا جلسة مطولة ، قلت على خير ان شاء الله خلنا ننبسط الحين والسعودية لاحقين عليها ، صارت الساعة 9 المساء قالوا اصحابنا انهم بيروحون الفيلا يتجهزوا وبيروحوا معهم اصحاب اخويانا السعوديين قلت مو مشكله ، وجلست انا واخويانا السعوديين والشاب اللطيف ، جلسنا نسولف ويحكون لي اخويانا السعوديين عن المواقف اللي صارت معاهم بعد ماطلعوا من عندي الصبح وانهم لما رجعوا للسكن في فندق صحارى لحقهم واحد خليجي للغرفة وطق عليهم الباب وقالهم اذا فيه احد من اللي معاكم ماتبونه ترى انا ابيه ، قالوا له خير ان شاء الله حنا نبيع فصفص ، وزعل وسوى مشكله وكان مكثر عصير وطلعوا موظفين الفندق ونزلوه ولا يدرون وش صار معاه بعدها ، لما قربت الساعه 10 المساء كان وقتها جوي عليل ، وبصراحة رغم اني مبسوط ومره الوضع كان مريح بالنسبة لي بشكل مو طبيعي بس في الخاطر ضيقة اني برجع عيت تروح ، قلت لهم خلونا نروح للفيلا سوى ونتجهز هناك عشان ننزل نسهر سوى ، قالوا اصحابنا حنا بنروح السكن نلبس ونلحقكم للفيلا ، قلنا اوكي مو مشكلة ، طلعت أنا والشاب اللطيف للفيلا بعد ماودعت الشباب حقين السكاي واللي كانوا بصراحة ممتازين في التعامل وفي الاحترام ، كنت حزين وانا اغادر السكاي وبصراحة في هاليوم كل مكان اطلع منه اتركه وانا حزين لأنها الزيارة الأخيرة في هالسفرة الجميلة ، والله اعلم متى بتكون اللي بعدها .

هذا اللي قدرت اكتبه هذا اليوم واعذروني على القصور .

إلى اللقاء في الحلقة القادمة ،،،

[prince7]

:cry:: (82):: (82):: (82):: (82):


لحضات الوداع ... شي اليم ....

اشهد بالله انك رشيت الملح ع الجرح ياخوي .. اكادير وايام اكادير


كمل وبنتظارك

[الولهان]

: (712):

[الضاري666]

: (712):: (712):: (712):

[بحالي]

ياااالبــــــــــــــــــ ــــي قلبك : (867):. . بـــاين على المزاااج . . من التقرير الاخير ! !


. . . الله لايلومـــــك .

: (712):


أأأأأه . . أأأأأه . . من اللي جاي . . تهدم قلبي .: (141):


. . يالله . . شدحيلك وكمل: (198): . . واسبح بنا . . يــا شيخ . . في عالم المزاعيط .: (508):: (824):: (718):: (86):: (139):


. . الله لا يهينك . . : (150):

[المغرب ديالي]

السلام عليكم ورحمة الله وبركاته


بصراحة ما احب انوه كثير اننا قربنا من النهاية لأن هالكلمة بحد ذاتها اعتقد انها تكفي ، بس احب اقول ان الحلقة اليوم راح تكون عن آخر ليلة لي في المغرب الجميل ، والحلقة القادمة عن اليوم الأخير والعودة من أغادير إلى كازا ، والحلقة اللي بعدها راح يكون فيها ملاحظات وتعليقات .



الحلقة الحادية عشر ( وداعيه يا آخر ليلة تجمعنا )

في بداية الحلقة بقول شي ، فيه ناس كثير وخصوصا اللي ماسبق انهم زاروا المغرب يستغربون من حزن الوداع ويستغربون اكثر من كمية المشاعر الكبيرة اللتي تحملها دائما الليلة الأخيرة ، وفيه ناس ثانية كانت تعتقد ان المغرب دائما بلد سحر وشعوذه وكل من تعلق قلبه بها وحزن على فراقها وتلهف على العودة لها انه مسحور ! ، نعم انا مسحور : (779): ، ولكن ليس سحر الشعوذة والدجل ، بل سحر الجمال ، جمال الروح وجمال الخلق خفة الدم وخفة الظل ، بصراحة انا ما اشوف صعب على اي شخص تكوين علاقات اخوية وروابط قوية وصداقات أبدية مع ناس كثير بالمغرب ، متى ماتحلى الشخص بالذوق الرفيع ، وانا من خلال قرائتي وتصفحي للكثير والكثير من المواضيع في هذا المنتدى حتى أني اشك اني اتممت قراءة كل المواضيع ، لم أرى شخص واحد من الممكن ان اصفه بقلة الذوق ، الكل يتمتع بخلق عالي والسعي الحثيث لخدمة ومساعدة كل من يلجأ له ، والرد دائما في حال الاختلاف في وجهات النظر دائما مايكون محملا بكل الود والاحترام والتقدير ، لذلك الكثير هنا يعلم معنى العشرة مع شخص مريح ، انا ما اتكلم عن حب ، انا اتكلم عن صداقات مع كلا الجنسين ، بصراحة يعز على النفس فراق من ارتاحت لهم ، ويضيق بالخاطر ردود افعالهم وهم يبادلونك بإحساس صادق تشعر به بأنهم فعلا حزينين لبعدك ، تلك هي الحكاية لمن خفيت عنه الحقيقة.

انا اعتذر اخوتي لو غلب طابع الحزن على هذه الحلقة ، حتى لو تظاهرت اني مبسوط ( في الصدر غصّه ) ، بعد ماوصلت للفيلا انا والشاب اللطيف كملت رشفات العصير لأني كنت احاول بقدر المستطاع ما اتذكر انها الليلة الأخيرة ، فتحت اللاب توب وصرت اسمع اغاني طرب كان الجو عليل ولو اني حزين بس كان فيه شي يواسيك ، كانوا اصحابنا يلبسون ويستعدون واحنا صار الوقت قريب اننا نطلع ، رحت غرفتي البس واستعد ، دخل علي صاحبي الغرفه وكان مالبس ولا سوى شي ، قفل الباب وقالي فيه كلام بخاطري لازم اقوله واخاف مايصير فيه فرصة اقوله لك قبل ما ترجع ، قلت تفضل كلي آذان صاغية ، قالي شوف انا اعرف انك احيانا ما تصدق مشاعر الاهتمام الزايد مني لك ، واعرف انك تتوقع اني اكذب او امثل في بعض المواقف مو كلها ، وانا ما الومك ، لأنو فيه ناس كثير هنا هذا اسلوبها وماتقدر تعرف متى تكون صادقة ومتى تكون كاذبة ، بس انا بقولك كلام طالع من قلبي ويمكن تحس بصدق كلامي او على الاقل تفهم ليه اهتم فيك بهالطريقة ، ويمكن لو قلت لك انك اول صاحب بحياتي بكون كذاب ، انا صااحبت ناس قبل بس كان كل شي ينتهي في البداية ، والغلط مو مني ولا منهم ، هم ناس جايين ينبسطون ومايبغون يشغلون راسهم بأي شي ثاني ولا يفكرون في امور ثانية غير السهر والوناسة ، مع انو في ناس كثير منهم محترمين ، بس انت تعاملت معي بطريقة ثانية ، انت حسستني اني اعيش معاك حياة طبيعيه يعيشها اي انسان ، سافرت معاك طلعت معاك سهرت معاك ، كنت اطلع معاك بالنهار نتمشى ونروح ونرجع ، بالليل نطلع نسهر ننبسط نسوي كل حاجه بخاطرنا ، في اسبوعين بس عرفت كل اصحابي خلال حياتي كلها ، والمشكلة انهم كلهم حبوك ، اهتمامك لي واحترامك لي واحترامك لكل شخص بحياتي خلاني غصب اكون صادق معاك ، صدقني على قد ما انت عيشتني ايام حلوة عمري ما انساها على قد ماراح اتعب لما تمشي ، حتى لما كنا بالقطار ومشاكل الدرك وكل شي حسيت انك مستحيل تتخلى عني ولا تقول انك ماتعرفني وتمشي وتخليني ، رغم كل هالمشاكل وحق الله العظيم حسيت بالأمان معاك فوق ما تتصور انت ، انا ماكنت محتاج اكثر من شخص يعاملني كأنسان كصديق احس بقيمتي اقل حاجه ، حتى اغراضك لما تخليها عندي كنت اخاف عليها من صاحباتي رغم اني عايشة عمري كله معاهم واثق فيهم وانت وقتها ماكملت اسبوع ونص اعرفك بس رغم هذا كنت اثق فيك انت وبس اكثر من أي شخص ثاني : (712): .

: (784): بصراحة انا وقتها كنت مذهول وانا اسمع ، يعني انا ماسويت شي زيادة غير المواقف اللي حكيتها بتقريري ، يعني الكلام بوقتها كان اقرب للمبالغه شوي بالنسبة لي ، بس المشكلة حسيته باحساس غريب وقتها ، لأنه كان وهو يحكي هالكلام ينتفض بشكل غريب حسيته يعتصر ألم كبير بداخله ، وكان كل فترة والثانية يشرق بالكلمة اللي يقولها ، ودموعه مانشفت ولا ثانية من أول لحظة بدى فيها كلامة ، بصراحة ماقدرت اطلع ولا كلمة وقتها لأن الشخص هذا صار لي معاه اسبوعين ، وهالفترة مو بسيطة مع شخص انت معاه ليل ونهار ، عمري ماشفت الشخص هذا بهالمنظر ، قربت منه وحاولت اني ارتب مخي شوي عقب اللي صار قلت له ان كلامه اح ومبسوط فيه وفخور فيه وأشكره على كل شعور كويس وعلى كل كلمة قالها عني ، وطلبته اذا يعزني ينسى هالموضوع لو مؤقتا ويقوم يغسل ويلبس عشان هاليوم ننبسط فيه سوى ، في خلال محادثتنا السابقة خوينا السعودي فججججر جوالي وانا بصراحة ماكنت اقدر ارد عليه وحطيته صامت ، لما راح صاحبي يغسل كلمته وهزئني شوي وبعدين قالي انهم تحت لما شافوني مارديت طقوا الباب وفتح لهم الشاب للطيف ، كانت وقتها الساعه 11 وربع المساء تقريبا ، قالوا الشباب يالله ننزل لمخيطو وهم يلحقونا زي العاده ، شوي الا اسمع صاحبي يناديني ، قالي ماتروح معاهم اليوم انت بتروح معي وبترجع معي وان شاء الله يمسكونا درك اغادير كلهم مالي دخل ، قلت براسك خربانه خربانه ، سبقوني الشباب وانا جلست انتظرهم ، خلصوا من لبسهم والمكياج بعد فترة وجيزة بسبب ان صاحبي خرشهم : (778): ، وقالهم معاكم خمس دقايق ، طلعنا وكانت السيارة ال ال ال زحمة ، وصلنا مخيطو جلسنا وصاحبي جاب كرسي وجلس جنبي ، حاولت اني اشطح بمكاني واغير المود شوي لكن الشباب الله يصلحهم مصرين يذكروني انها وداعيه ، فاجأوني بأغنية ماتوقعت بحياتي ان دسكو اصلا بيوافق يحطها ، كانت أغنية عبدالمجيد عبدالله كيف اسيبك ، بصراحة حسيت حتى اللي مالهم دخل بدى مودهم يقلب ، بعد ماخلص اول كوبليه رحت لحق الديجي وقلت له شلها يرحم امك ، رجعت وقلت لهم تكفون مانبي أغاني وداع وخربطة خلاص خلونا نفرفش ، لكن خوينا السعودي الزاحف الله يصلحه مسكت علي ، جلس طول اليوم يقول يا أخي ليه تروح وتخلينا ، انا اروح معك المطار بكره ونحاول فيهم يلقون لك حجز ثاني ، قلت خلاص بكره نشوف انتم انبسطوا الحين وبكره يصير خير ، المهم طبعا صار فيه اغاني فرفشة وحاولت اشطح بمكاني لين جت أغنية أحبك موت لماجد المهندس ، سحبني صاحبي للبست وجلس يشطح معاي شطح هادي ، جلست على الطاولة وتفاهمت مع العصير لين قضيت عليه ، بس هالسهرة ماشطحنا كثير مع أني كنت متوقع العكس بس ماكان المود يساعد ابد ، حاولوا اصحابنا البقية يمزحون ويستهبلون ، مسكت مع الشباب بعض الأغاني وطلبوها بس اشوى كانت فيها فرفشة شوي ، انتهت السهرة وتجهزنا نروح لشهرزاد .

طلعنا وطبعا صاحبي حالف مايتحرك الا معي اليوم ، ركبت معاهم بالسيارة ما اعرف كيف تراصيت معهم بس المهم ركبنا ، والشباب الحلوين توجهوا قبلنا على شهرزاد ، استقعدوا حقين شهرزاد شوي على واحد من اصحاب اخويانا السعوديين وطبعا كالعاده حل المشاكل في هالاماكن تكون بدهن السير وكل شي يصير تمام ، اخذنا طاولة وكانت صغيرة شوي جلسنا معهم في مفاوضات يمكن نص ساعه طبعا حنا جالسين بطاولتنا وكل شوي جاينا واحد من الموظفين ، لين دبروا لنا طاولة أكبر طبعا اكيد بدهن السير ، جلسنا وبصراحة احسن مافي هالمكان الانوار الخافته يعني الواحد يقدر ياخذ راحته شوي : (480): ، كانت الأغاني حلوه والجو حلو بس انا كنت احس ان ماعاد فيني اتحرك من طاولتي ، حسيت انها تراكمت اشياء كثير اول شي ان طاقتي خلاص انتهت وانا صار لي حدود 20 يوم سهر وهبال ، وفوق هذا المود والاجواء العامة ، كنت مروق بمكاني ومره مره مروق بعد ، بس الافكار والهواجيس هي اللي تخرب شوي ، كملنا سهرتنا بشهرزاد لين انتهت وبعدها طلعنا من المكان حاولت في اصحابنا السعوديين يجون معانا الفيلا بس رفضوا لأنهم قالوا يبغون ينامون عشان يصحون بدري ويجون يودعوننا قبل مانمشي بكره ، خليتهم على راحتهم ورجعت للسكن انا واصحابي والشاب اللطيف ، اخذت عصيري ورحت انا وصاحبي عند المسبح ، جلس يحكي لي كل تفاصيل حياته ، ويحلف انه في أشياء اول مره يحكيها في حياته لأحد ، الماضي حقه وضح لي كثير من الأمور ، ووضح لي كثير من ردود أفعاله ، بعدها دخلت جوى وناديت الباقين ، وقلت لهم يعني تتوقعون انكم انتم رخيصين ، ترى حتى انتم ودي اجلس معاكم اليوم ، وبعدين المفروض اليوم بما انه اخر يوم لي اطلب منكم طلب وكلكم تنفذونه بدون نقاش ، قالوا اطلب اللي تبي واحنا ننفذ بدون نقاش ، قلت كلكم تنزلون معي المسبح ، طبعا مالهم خيار الا انهم ينفذون الطلب ، بصراحة الموية كانت زي الثلج والجو بارد نوعا ما بس كانت مره منعشه ، طبينا كلنا وجلسنا نستهبل ونخترع العاب جديدة وبصراحة نسينا نفسنا لين صارت الساعه 8 الصبح ، طلعنا من المسبح واحنا هلكانين جوع ، راحوا ياخذون شور ورحت انا بعدهم اخذ شور وكنا كلنا نتنافض من البرد ، قلت شكلي جبت فيكم العيد وبتمرضون بس احسن عشان تذكروني :yess: ، نزلت بعد مالبست لقيتهم مجهزين فطور افطرنا سوى وبعدها كل واحد دخل غرفته ونووووووووومة : (119): .


الى اللقاء في الحلقة القادمة ،،،

[الولهان]

: (465):: (732):: (597):

[ابو باسل]

بكل أمانه تقرير في قمة الروعه وحقيقه لواني مارحت للمغرب قبل كذا وقريت تقريرك صدقني غير اروح على اول طياره وصدقني اني عشت القصه كأني معكم لسببين الاول حب المغرب المتغلل في دمي والثاني اسلوبك الراااااااااااااااااااااا ااااااائع فشكرا لك وهنئيا لك بالمغرب عفوا قصدي هنئيا للمغرب بك وتقبل مروري المتوااااااااضع

[Kb61]

حكايتك تميزت .... بالعواطف الجياشه ........والاحاسيس المرهفه ........ والخوف ...... ونوعا ما الرعب ..... والمغامرة .....روح المغامرة ..... متعة المغامرة ..... قمة المغامرة ...... كما تضمنت ..... على الفرح والمرح والسعادة ........ وبعض الحزن ( دعاية مسلسل ) انا حزين لفراق هذه الحلقات .... كما كنت انت حزينا لفراق اصحابك ..... في انتظار ماتبقى من ابداعاتك ....... عسى ماتبقى من عمرك ...... طويل

[بحالي]

الله . . الله , , ( وداعيه يا آخر ليلة تجمعنا )

. . . . دنيا بلا معنى . . . بلا معنا . .

احب اقول شيء . .

المغرب فيه سحر . . نعم فيه . . ولا ابالغ لو قلت انه اكبر بلد فيه سحر .

في المغرب عدة انواع من السحر للي ما راح للمغرب . . هنك سحر اهله . . يسحرونك اهل المغرب بحسن اخلاق اغلبهم . . وكرم تعامل اكثرهم .

وهناك سحر اخر وهو . . سحر طبيعتها الخلابه وتنوع جغرافيتها . . و اعتدال اجوائها . . . ولا انسى بعد سحر مدنها ومظاهر التحضر الواضحه فيها وباهلها .

ولكن اخطر انواع السحر فيها . . هو سحر العيون : (481): . . هذا السحر الرباني , متى ما اصابك . . لن ترجع كما كنت: (457): . . وستهيم غراما بارض المغرب واهلها سنوات

وسنوات . . ( ونصيبك الزعطه . . هههههههههه ) .

وعندما تذهب لقارئة الفنجان لتكشف عن حالك تقول لكبصوت حزين :


. . بصرت.. ونجمت كثيراً

. . لكني.. لم أقرأ أبداً

. . فنجاناً يشبه فنجانك

. . لم أعرف أبداً يا ولدي.. : (240):

. . أحزاناً تشبه أحزانك

. . مقدورك.. أن تمشي أبداً

. . في الحب .. على حد الخنجر

. . وتظل وحيداً كالأصداف

. . وتظل حزيناً كالصفصاف

. . مقدورك أن تمضي أبداً..

. . في بحر الحب بغير قلوع

. . وتحب ملايين المرات...

. . وسترجع كالملك المخلوع . : (438):


وش سويت فينا ؟ ؟ . .

اقول . . ارفع الشباك .: (157): . وكمل بنا يا طويل العمر . .

[المغرب ديالي]

السلام عليكم ورحمة الله وبركاته


من جديد أشكر كل الاعضاء المتفاعلين باستمرار في هذا التقرير ، اشكر تحفيزهم ودعمهم فهو الوقود الحقيقي لكتابة هذا التقرير في وقت قياسي .


الحلقة الثانية عشر ( المغادرة : (712): )

بعد السهرة الحزينة في مساء البارحة ، صحيت من النوم الساعة 11 صباحا ولقيت كل الشله صاحين ، طبعا ما لحقنا ننام ولا ساعتين ، رحت لقيت صاحبي الله يعطيه الصحة رتب اغراضي كلها ، اخذت شور سريع ولبست واكلت الساندويتش اللي مجهزينه لي ، بعدها رحت اساعد الشاب اللطيف في ترتيب الأغراض في السيارة نزلت لقيت صاحب الفيلا عند الباب شكرته على كل شي وهو بعد شكرني اننا مرتبين الفيلا واننا كنا كويسين ومو مزعجين ، وحنا جالسين برى انا والشاب اللطيف وصلوا اصحاب اخويانا السعوديين وقالوا ان اصحابي السعوديين في الطريق جايين في تكسي ثاني ، دخلت الفيلا معاهم وتوادعنا بالأحضان والدموع ، وبعدها جو اصحابنا السعوديين وبصراحة والله حسيت كني اودع اخواني ، بس قالوا هم حنا اللي مصبرنا اننا لاحقينك الرياض بعد اسبوع ان شاء الله ، جاني صاحب صاحبي اللي مع اخوياي السعوديين وقالي ابغاك لحالك ، قالي انا مره اشكرك لكل شي سويته لنا وحتى على انك عرفتنا على الشباب ، لانهم مره طيبين وكويسين قلت عموما انا ماسويت شي من راسي لو ماكنتوا تستاهلون الاحترام ما احترمتكم الدنيا أخذ وعطا ، المهم نزلت دمعه منه قلت بعد انت يرحم امكم حسيت اني بموت بعد شوي كل ماقابلت واحد منكم بوجهي تسابقت دموعه خلاص ماعاد باقي الا انا ماصحت والشاب اللطيف اتوقع باقي شوي ويخقها ، حضني بغى يكسر ضلوعي وودعتهم وقلت للشاب اللطيف شغل شغل تأخرنا ، كانت رحلتي على الخطوط السعودية الساعه 7.30 مساء ، وكان ودي احرص اني امشي بدري تفاديا لأي مشكله ممكن تواجهنا بالطريق يكون معنا مساحة وقت شوي .

قلت لهم جيبوا عصيري وحطوه بالشنطه اتوقع اني بحتاجه لأن المود حقكم واضح انه يبيله كرتون عصير ، مشينا ووقفنا عند اول محطة وانت طالع من اغادير ، كانت مشاعر كثيره مختلطه فيني وانا اودع اغادير ، بس حاولت اني اتجاهلها حفاظا على البرستيج وعشان ما اخقها ، نزلت للسوبرماركت لقيت عندهم الكوب اللي يحفظ الحرارة ودبر لنا كيس ثلج صغير ما يسوى بس قلنا خير وبركه ، جهزت عصيري وحاولت اني ادعس في البداية قبل ما يذوب الثلج واخلي المزمزه في الأخير ، بدى يزين الجو ونزلت المرتبة شوي وكان معنى سي دي ابو نوره ، التفت على صاحبي كم مره لقيته مو هنا ولا يبي يطالعني حتى ، قسم بالله طول الطريق من اغادير لين مراكش وهو يطالع الشباك ولا فتح فمه بكلمه ، جلست اسمع ابو نوره واسولف مع اخوياي في البي بي ، طبعا الطريق من اغادير لين قبل مراكش يمكن ب 30 كيلو مره متعب ، كله جبال وطلعات ونزلات وبلاوي زرقاء ، والشاحنات تمشي صفر بالطلعات وشاحنات تطوف وهي تمشي 10 ، يعني لو اني اسوق كان انهبلت ، لما وصلنا قريب من مراكش كنت وقتها قضيت على العصير ، وكانت الساعه تقريبا 2 الظهر ، اول ماعدينا من اللفه حقت مراكش جتنا محطة دفع حقت الطريق السيار وبعدها فيه محطة حلوه ، وقفنا فيها وتخلصت من آثار العصير وكل شي يتعلق فيه ، بعدها راحوا السوبر ماركت وجابوا اغراض موية وحلويات وخلافه ، لما مشينا عكست الجلسه حقتي وصرت اشوف اصحابنا ورى ، جلسنا نسولف ونتذكر مواقف ونضحك صراحة لطفت الاجواء شوي هالسواليف ، بعدها جانا اتصال من اخويانا اللي في كازا اللي كانوا معانا في مراكش ، شغلوا السبيكر وجلسنا نسولف وقالوا انهم بيجيون المطار ، سألوا عن صاحبي وعيا يرد وقالوا له انه مره متضايق وماله خلق ، جلسنا نسولف ونستهبل معاهم شوي وبعدها قفلوا ورجعنا نكمل سواليفنا ، كان الطريق ولله الحمد خالي من المشاكل ولا كان فيه درك ابد والامور مريحة الحمدلله ، الشاب اللطيف يوم صار الطريق زين بعد مراكش زاد السرعه واخذ راحته ، قربنا من كازا وكانت الساعه تقريبا 4 وربع العصر ، المخرج حق المطار كان على الطريق قبل ماندخل كازا دخلنا معاه وكان فيه محطة دفع اعتقد ، وبعدها دخلنا في اتجاه صالات المغادرة ، وقفوا السيارة نزلت انا والشاب اللطيف واخذت اغراضي والبقية اخذوا السيارة راحوا يوقفونها وبيلحقوننا .

دخلت المطار وتوجهت للكاونتر قصيت البوردنق ودخلت اغراضي وجلسنا ننتظرهم ، تأخروا شوي علينا وكانت الساعه وقتها تقريبا 5 الا ربع ، بعدها دخلوا وكانت معاهم الشلة حقت كازا ، دخلوا المجموعه كلها مع بعض وسلموا علي اصدقائنا القدامى ، بعدها كان فيه كم كوفي شوب على اليمين وقررنا نروح لواحد منها ، رحنا وجلسنا في مكان جوى داخل شوي ، جلسنا نحكي للمجموعة حقت كازا وش سوينا في اغادير والمغامرات وكل شي ، اخذنا الوقت وما انتبهت الا الساعه صارت 6 تقريبا ، طلعنا كلنا للجهة الثانية حقت الجوازات واللي هي المدخل اتجاه صالات المغادرة ، خلاص طبعا في هالمكان لازم نودع المجموعة ونفترق ، سلمت عليهم بالترتيب ، مجموعة كازا كانوا هم البداية ، بعدين اصحابنا اللي كانوا معي في اغادير ، وكان باقي الشاب اللطيف وصاحبي ، سلمت على الشاب اللطيف وخقها ياحبيله ، قالي والله اني ماكنت اعتقد اني بتضايق لهالحد بس والله اني اعزك كثير وانك اكثر من اخ ، طبعا صاحبي اصلا خلقه منهار ولما خقها الشاب اللطيف طاح بحضني صاحبي وقدام الناس كلها وصياااااااااااااااااااااا ح ، طبعا انا ماعاد ادري وش اسوي وقتها الصالة مليانه سعوديين بيروحون معانا بالرحلة والموظفين وحق وزن الشنط وحق تشييك الجواز كلهم قدامي ، وهذا متعلق فيني ولا ادري وش اسوي ، حاولت اهديه واقوله خلاص الناس كلها تطالع فينا ولا كأنه يسمعني اصلا ، المهم جو اخويانا حقين اغادير وتكلموا معاه وسحبوه وجلسوا يهدونه ، ودعتهم على السريع ومشيت وكان والله قلبي يتقطع على فراقهم وانا ماشي ومخليهم ، وصلت لموظف الجوازات اللي يشيك على الجواز في البداية ويشوف انت عبيت البطاقة ولا لا ، قعد يتميلح وانا مالي خلقه خلاص المود الحين صفر مكعب ، لما شافني ماعطيته وجه قالي الكرت مو كامل روح عبيه ، قلت مو مشكله انا وياك اليوم والله ماتاخذ فلس ، جلست اعبي الكرت على مزاجي اكتب شوي والعب بجوالي شوي لين جا وسحب الكرت وقالي سير سير ، المهم مشيت وانا ماعلي منه وصلت لموظفين التختيم ، كان فيه واحد شكله حبوب وماعنده احد رحت له اخذ جوازي ختم لي وقالي مافيه حلاوة ، قلت مامعي دراهم ، قالي اي شي يا أخي عشان حبيبك اللي جالس يبكي عشانك ومتقطع قلبه لك ، ابتسمت ابتسامة صفراء وقت له وش دراك انت وانت هنا ، مستحيل انك تكون شايف الموقف ، قالي ياحبيبي المطار كله درى وانت تقول ايش دراك ، بصراحة كان اسلوبه حلو رغم انه يبي اكرامية بس ما اعرف حبيته لأنه ضحكني ولانه محترم ، عطيته 50 درهم ومشيت .

وصلت عند كاونتر تفتيش الأمتعه والتفتيش الشخصي ، كانوا فيه اثنين كل واحد يقول انا اقذر من الثاني ، حطيت شنطتي في الجهاز حق الشنط ولما جيت بطلع اغراضي اللي في جيبي عشان امر انا من الجهاز قالي لا لا تعال وجيب جوازك ، رحت له وعطيته جوازي ومريت من الجهاز قالي اكرامية وما ادري ايش وبنفس خاااااايسة ، قلت مامعي شي : (786): ، المهم حاول فيني قلت ما معي شي ، قالي طلع الاغراض من جيبك وحطها بالجهاز وارجع انت مر بالجهاز ، قلت طيب ، طلعت اغراضي وحطيتها بالجهاز ومريت وماصفّر الجهاز حقهم ، رحت باخذ اغراضي قام اخذ المحفظة قالي بفتشها ، قلت فتشها بس اقسم بالله العظيم لو ينقص منها ربع درهم وانت عارف ان فيه كميرات والله لا أرفع شكوى وقضية وانك كنت تطلب رشوة وكل هذي واضحة بالكميرا ، دخلتني ولما ماعطيتك رجعتي وطلعت اغراضي وخليتني امر مره ثانية على الجهاز ، المهم قفل المحفظة على طول ورجعها لي وقالي سير سير ، اخذت اغراضي ولما جيت اخذ شنطتي قالي الموظف اللي جالس على الكمبيوتر لحظة لحظة افتحها ، قلت حاظر وفتحتها له ، قالي وش فيها قلت لاب توب ودخان وشواحن جوالات ، قالي بس ، قلت مو انت تقول تبي تفتش ، فتشها وشف وش فيها ، قالي طيب عشان ما تتأخر اعطيني حلاوتي وسير ، قلت لا انا ابغى اتأخر ولو راحت على الرحلة برجع لإدارتك هنا واطالبهم بتعويض عن التذكرة ، قالي واحنا وش خصنا ، قلت لما تروح الرحلة واقدم شكوى راح يشرحون لك وش خصك ، قالي طيب ابي اخذ دخان ، قلت لو نقص من اغراضي شي ان شاء الله ولاعة اقسم بالله لا ارفع شكوى رسمية واصلا انا ودي اجلس زيادة كم يوم بالمغرب ، قام رمى شنطتي وراه بشكل قذر وقالي سير ، قلت والله لو ارفع شكوى ان تتحاسب على الحركة هذي خصوصا ان الشنطة فيها لاب توب وممكن يتضرر من هالحركة بس احمد ربك ان الشنطه ماطاحت من الطاولة ، ناظرني بحقد وده يسوي شي ومهوب قادر ، كانت معي تقريبا 600 درهم ومالقيت صرافة جوى ، شريت من محل حق اكسسوارات جنب السوق الحر ، وبقى تقريبا 200 درهم ، كانوا اللي يشتغلون في المحل واحد ووحده مره محترمين ومؤدبين قلت والله تاخذونها انتم ولا ياخذونها هم ، عطيتهم الدراهم اللي باقيه معي وقلت هذي هدية مني ، ورحت للبوابة انتظر الإعلان الأخير للرحلة ، وانا جالس عند البوابة جتني الموظفة اللي كانت بالمحل وجلست جنبي وجلست تسولف ، بصراحة هفني الشوق وانا قلبي قايلكم اخضر : (159): ، مره مره مره ماكانت شينه بس خلاص الرحلة تلفض انفاسها الأخيرة ، عرض علي المساعدة في أي مره اقرر اجي فيها المغرب بعدين وعطاني رقمه ومشى في حال سبيله ، طبعا وانا في الانتظار كم واحد حاط عينه علي من السعودين اللي راجعين وواحد يناظرني ويتبسم عرفت انه شايف الموقف قبل ما ادخل صالات المغادرة بس قلت سو نفسك ما تدري ، كان النداء الأخير للرحلة يسابق رسايل صاحبي اللي فجرت جوالي ، دخلت الطيارة قفلت جوالي بعد ماودعت صاحبي ، طلعت الشريحة المغربية وحطيت الشريحة السعودية اعلانا لهدوء جوالي من الرسائل والمكالمات ، كانت تذكرتي رجال اعمال والكرسي مشجع جدا للنوم ، اخذت الوضعيه المثالية للنوم طلعت سماعاتي الخاصة وشغلت مجموعة من الأغاني وجلست اسمعها لين نمت ، صحتني المضيفه وكان باقي تقريبا ساعه ونوصل جده ، جابت لي عشى تعشيت بسرعة وبعدها نزلنا في جدة ، نزلوا الركاب اللي يبون جدة وجلسنا في الطيارة تقريبا ساعه ونص وبعدها اقلعت الطيارة للرياض ، وصلت للرياض وانا احس اني محتاج ليومين نوم بعد رحلة اعتبرها من الرحلات الجميلة في حياتي رغم كل المغامرات اللي عشتها فيها .


في الحلقة القادمة والاخيرة ان شاء الله راح اتكلم عن ملاحظات ونصائح ومواقف ماذكرتها بتقريري .

إلى اللقاء في الحلقة القادمة ،،،

[ابو باسل]

اشهد شهادة حق انك زدت سحر المغرب سحر بس فيه شي لفت نظري انك متضايق من البوليس ديالهم بشكل لايوصف ومع ذلك عشت جوك على اكمل وجه وقدرت تتخارج منهم برااااااااااااافو عليك

[الولهان]

من الاخر انت:icon30:وشكرا هذا السرد الحلو والله عيشتنا جو ياليت تذكر المصاريف اللي صرفتها بالمغرب والحمد الله السلامه: (490):

[بحالي]

اولا . . مبروك . . على تثبيت تقريرك الجميل . . وشكرا للادارة .

ثانيا . . لولا اني مسافر بكره لدبي وبنقطع عن متابعة المنتدى . . كان تمخمخت اكثر على

الحلقه اللي كتبتها اليوم . . و لكن خفت الوقت

ما يسعفني ..

انا اقول لك :

شكرا من الاعماق وما قصرت . . كان تقرير في غاية الروع . . كروعة روحك اللي شفناها في تقريرك . .

وبصراحه . . لا اخفي عليك . .

انك استطعت ان تحيي في نفسي . .

ذكريات . . كنت في الماضي . . اخفيها في سجن النسيان .

* * *

قال الوداع.. وقلت ريع لي شويّ
أصبر.. ترى عمر السعاده ثواني

قال الظروف..وقلت عن ظرفها عيّ
تعال... وقف ساعتك في زماني

قال أحترق في شمسك وأنت في فيّ
وما كل ماغطى عيوبك كساني

قلت العفو أصبر على حامي الكيّ
وأكسيك من صبري كساوي حناني

قال الحقيقه شي وأحلامنا شيّ
والشاهد الله ليت هذا مكاني

قلت الوعد..قال الوعد يابعد حيّ
لا صاح لك قلبي وقلبك دعاني




وقلبك دعاني . .
الى اللقاء . . يابعد حيـــــــــــــــــــــــ ـــــي







[/COLOR][/COLOR][/COLOR][/SIZE]

[تيقا تيقا]

ياويل حالي يالوداع ياشينه شيناه


: (601):

[Kb61]

انا بليت بحبكم من هبالي
ولانت ظلن مالنا فيه مقيال
ارمي بروحي في بحرك الزلالي
وتنسفني امواجك على يابس الجال
تقرير لذيذ وشهي

[المغرب لا تستغرب]

أودعك يابدر ظهر له زمان وغاب
أودعك يوم ابعدت نورك عن الديرة
أودعك يابدر سرا والهوا ماطاب
عليه العيون الدمع جرح معابيره
أودعك لجل الحب مع نورك الجذاب
هويته وحبيته ولا شاق لي غيره
وداعة روحي يوم جابه لجل جلاب
جلبها الغلا والحب هذي تدابيره
ترا البعد مايمحى غلا من رماني وصاب
رماني بسهم قاتل يالله الخيره
ألا ياعيوني والله إنك من الاسباب
تسبب بقلبي مااهتنا بسيرة
ضربني ودم القلب ينزف من المضراب
واذا ماتبي زود على الدار والديرة
تصبرت لين الصبر بيح خفاي وذاب
عليكم من الله راعي الحق والجيره
قضى العمر منكم ماحصلي فرح واعجاب
ولا صح لي غير التعب منك يااميرة
أمير الجمال الحسن تخضع لك الارقاب
على كل من دش الهوا مالهم خيرة

[abady_5555]

تحياتي

[المغرب ديالي]

السلام عليكم ورحمة الله وبركاته ،،،


شدتني بصراحة الردود اللي قريتها بعد الحلقة الأخيرة ، والاعضاء اللي ثارت قريحتهم الشعريه أو ذكروا بعض مما حفظوا من ابيات ، يالبى قلوبكم والله انها خضر مثلي : (216): ، بصراحة كان ودي التقرير يطول اكثر بس والله حاولت قدر المستطاع اعصر مخي طول الفترة الماضية واتذكر تفاصيل التفاصيل وارجع لرسايل ومكالمات عندي عشان اشوف الاوقات اللي نسيتها واتذكر بعض المواقف اللي غابت عني ، اتمنى اكون بالنهاية وفقت في طرح تقرير مرضي ، حاولت اذكر تفاصيل الحياة اليومية ومثال لنمط المعيشة اليومية هناك ،اتمنى اني اكون نقلت شي جديد ومختلف ومفيد ، اتمنى ما اكون ثقلت على احد ولا ضايقت احد بتقريري ، واختم بطلب بسيط بعد هالجهد الكبير ( اتمنى اشوف رأي الأعضاء بالطرح سواء كان سلبي او ايجابي وملاحظاتهم لأنها تهمني كثير ).


الحلقة الثالثة عشر والأخيرة ( مشاهدات و شي ماشفتوه - نصائح )







# مشاهدات و شي ماشفتوه :

1:- صار لي موقف غريب في أحد السهرات ، جاني واحد خليجي وانا بديسكو يقول ممكن تحاسب عني الطاولة : (45): ، اليوم اخر يوم لي ومابقى معي الا فلوس قليل بشتري فيها هدية لصاحبي ، قلت طيب كان ماسهرت اليوم عشان توفر الفلوس لهدية صاحبك : (216): .


2:- احد المتسولين الصغيرين في السن جدا في كورنيش أغادير نط على صاحبي الأولاني الخقه : (492): ، وقاله ترى حبيبك اللي معاك يخونك ، انا طارت عيوني قلت ليه كذا ياحبيبي وش سويت لك انا ، قال انت ماعطيتني حاجه ، قال صاحبي هذا مو حبيبي هذا اخوي ، قال اخوك خليجي يعني ابوه مصيدك هههههههههههه : (92): ، بصراحه مت من الضحك وعطيته .


3:- واحنا في طريقنا من مراكش لأغادير بنشر علينا الكفر ، وكان وقتها الشاب اللطيف ماعمره غير كفر سيارته وتوهق ، وطلعت انا البطل المغوار وطلعت العفريته والاستبنه وخاق مع نفسي مره اني انا اللي بنقذهم ، اول ماجيت ارفع السياره ويدخل اصبعي في المدخل حق عصا الرفع : (712): ، اول شي سويت نفسي ماعورتني بس بعدين ماقدرت اتحمل قلت تعال كمل ارفع اصبعي يعورني ، واعترفت لهم اني ماكان ودي اقولهم عشان اصير قوي ومسكوا علي هالسالفة لين رجعت : (203):.


4:- فيه واحد نصب علي نصبة محترمة ، جاب لي شريحة انوي وقال هذي عليها عرض ب 350 درهم انترنت لمدة سنة وكان يشتغل في محل جوالات في اغادير في طريق الحسن ، واخذتها وكلمت انوي وقالوا هذي مافيها لا انترنت ولا حتى رصيد ، رجعت للمحل مالقيته ولقيت المحل مقفل ، حاولت امره بعدها ما امداني ، بس ياشينها اذا لعب عليك احد تنغبن ماودك تحس بهالشعور ابد : (710): .


5:- خلال سفرتي وانا بأغادير عورني حلقي ورحت للصيدليه ، عطوني مضاد حبه باليوم مدة يومين بس ، بصراحة زعلت قلت قطو انا : (827): ، قلت ابي مضاد صدقي حق ثلاث حبات باليوم خمس أيام قالوا مافيه الا هذا : (775): .


6:- وانا في شلالات اوريكا جاني واحد خرشني ، اول ماوقف قالي اسم امي ، قلت اسسسسسسسمع ، اسسسسكت لي ، يرحم امك خذ فلوس وفكني من شرك لا تجلس تفلسف على مخي ومستقبلك مظلم وتقعد تروعني اهوجس شهر ، وأشوى تروع وراح : (96):
































# نصائح



1:- النقطة هذي مهمة جدا الحقيقة واللي هي اجراءات الدرك المتبعه في حال واجهت مشكلة لا سمح الله ، لما كنت في مراكش زارنا صاحبة صاحبي وكانت مهنتها محامية ، وبحكم الاوضاع اللي كانت في مراكش تناقشنا كثير بهالموضوع ، الحقيقة نورني لنقاط كثير كنت اجهلها فحبيت افيد الشباب فيها :

* هناك قانون واضح وصريح في البلد ، ولكن للاسف كثير من الدرك لا يطبقونه وذلك بسبب الجشع ومحاولة استغلال السياح الخليجيين بالذات ، لذلك في حالة مواجهة أي مشكلة مع الدرك في كل مره ستسمع قانون جديد .

* لا يوجد في القانون بند يمنع مرافقة المغربي للأجنبي في الاماكن العامة ، باستثناء تصرف من احد الطرفين أو كلاهما يخدش الحياء العام وهذا نادر الحدوث ، لكن مايحدث من مطاردات وابتزاز في جميع وسائل النقل والأماكن السياحية كلها هدفها الابتزاز ولا غير .

* المشكلة العظمى أن موظف الدرك بإمكانه ايقافك وتعطيلك حتى لو لم ترتكب ذنب ، وذلك يعتمد على مايكتبه في المحضر ، لذلك في حال حدوث مشكلة اجعل هدفك الأول انهائها قبل كتابة المحضر وفي حال عدم الاستطاعة عدم التوقيع على المحضر إلا بحضور محامي أو يتم الاتفاق على الانتهاء من القضية ، وذلك بسبب انه عند توقيعك على المحضر ذلك يعني انها اصبحت قضية لابد أن تعرض على المحكمة وسيحاسب قسم الشرطة في حال لم يتم رفع المحضر للمحكمة بحكم وجود دفاتر محاضر مرقمة ومجرودة على كل قسم .

* في حال لا قدر الله قمت بالتوقيع على المحضر ، لاتقبل بعدها بأي محاولات ابتزاز ولا تدفع أي درهم لأن القضية اصبحت عند المحكمة وأي شخص ستدفع له لن يستطيع تخليصك وستذهب نقودك سدى .

* في حال كنت متزوج لا تعترف ابدا بهذا الشي لأنها ستندرج تحت جريمة الخيانة الزوجية وعندها سيتم طلب ورقة تنازل خطية من زوجتك تسلم لقسم شؤون الرعايا السعوديين في المغرب ومن خلالها تسلم للمحكمة .






2:- السيارة الخاصة خصوصا في الأماكن اللي فيها تشديد راح تريحك كثير من عصابات التكاسي والدرك ( توقع الخيانة من موظفي الدسكو - التكسي - العساس - الصاحب ....الخ ) ، لذلك في حال كنت مضطر لاستخدام تكسي حاول انه ماينزلك امام سكنك مباشرة وامشي على رجولك المشي زين مع العصير : (91): .




3:- الناس اللي عايشة معاك وماشفت منهم شي شين ، حاول تعطيهم الثقة في بعض الامور واحرجهم بذوقك العالي ، حتى لو كان فيهم خصال سيئة صدقني راح يخجلون منك ويسعون بشتى الوسائل يظهرون ولائهم ، عاملهم باحترام ، بعد الله في مراكش كان العساس له دور كبير في اني اكون مرتاح لما ادخل الشقه وساعدني في امور كثير ، مثل هالأشخاص اكرمه مو بس بالمال ، يعني انت طالع تتغدى برى اذكره وجيب معاك اكل له ، لما تروح سوبرماركت جيب له بعض الأغراض مو شرط تكلف على نفسك بس امور بسيطة تحسس الشخص اللي معاك بقيمته ويستميت عشان يكسب صداقتك ، والأكيد لما تثق وترتاح مع اللي معاك رغم كل المشاكل الخارجية راح تحس انك اسعد واحد بالكون.




ماراح اكثر نصائح لأن اغلبها مكرر والشباب ماقصروا اثروا المنتدى بالكثير منها ولكن هذي اللي حسيت انها مهمة وتستحق التذكير .








في الختام شكرا من الأعماق للجميع ادارة ومراقبين ومشرفين واعضاء على كل المجهودات المبذوله ، وبحاول انقح الصور يمكن اطلع بكم صورة اضيفها مسقبلا بالموضوع،،،،


إلى اللقاء ،،،

[الولهان]

صدقني من اروع التقارير اللي قريتها وكنت متحمس في متابعتها واترقبها كل يوم اسلوبك حلو وخفيف وسرد شيق تبارك الله اقترح ع الاداره منحك وسام احسن تقرير بالمختصر انت:0069:

[الدب]

مشكور يالغالي
تقرير مميز
وتفاصيل روعه

والنصايح اللي ذكرتها في حال وجود مشكله
مع الدرك مهمة جدا.
عشان لايقع الشخص في اشكاليات قد تسبب مشاكل اكبر

تحياتي وان شاء الله نتلاقى على المحبه
في رحلة اخرى وتقرير مميز

[المغرب ديالي]

صدقني من اروع التقارير اللي قريتها وكنت متحمس في متابعتها واترقبها كل يوم اسلوبك حلو وخفيف وسرد شيق تبارك الله اقترح ع الاداره منحك وسام احسن تقرير بالمختصر انت:0069:

تسلم وانا اخوك ويشرفني حضورك الدائم والمتميز في التقرير

[المغرب ديالي]

مشكور يالغالي
تقرير مميز
وتفاصيل روعه

والنصايح اللي ذكرتها في حال وجود مشكله
مع الدرك مهمة جدا.
عشان لايقع الشخص في اشكاليات قد تسبب مشاكل اكبر

تحياتي وان شاء الله نتلاقى على المحبه
في رحلة اخرى وتقرير مميز


الله يسلمك وانا اخوك وان شاء الله يستفيد كل الاعضاء من هالملاحظات

[كنحماق عليك]

اول شي الحمد لله على سلامتك ورجوعك لأهلك واحبابك

تقرير جدا راااائع ومشوق اكثر من ساعتين متواصلة وانا اقراء فيه لمين خلصته كله

تقرير 10/10 من ناحية اسلوبك الرائع واحداث رحلتك المشوقة المتقلبة بين الفرح والحزن والرعب والهدوء وراحة البال

من خلال ماقرأته عندي بعض الملاحظات واتمنى انك تسمحلي اذكرها لكي تعم الفائدة للجميع

1- عدم الركوب مع الصديق في سيارة واحدة لكي لاتكون صيد سهلا لذئاب الدرك

2 - عدم إعطاء رقمك الخاص في بلدك لصديقك مهما كانت الضغوط النفسية عليك واعتبرها مرحلة جميلة من مراحل حياتك افضل لك وله

3- من وجهة نظري لا أفضل ان يكون لي صديق واحد طول مدة الرحلة لكي تزيد المشاعر وتكون خارج السيطره فحلاوة البستان في تنوع ثماره وفواكه

4- السكن دائما في الفنادق والمنتجعات امان اكثر من الشقق والفلل الا اذا كنت تعرف صاحبها وسبق ان سكن بها احد من اصحابك

بالاخير اهنئك مرة اخرى على التقرير الراااااااااااااائع الذي لايقل عن روعة شخصك الكريم

دمت بخير

[المغرب لا تستغرب]

انتهت المتعه الي كنت عايشها مع انتهاء تقريرك ابدعت في سرد التقرير انت لم تنقل لنا المغرب بل نقلتنا الي المغرب وخليتنا نعيش معاك الجو لحظه بلحظه بكل صراحه لم استمتع بقراءة تقرير مثل تقريرك يعطيك الصحه اخويا وبنتظار ابداعات قلمك

[ابو باسل]

1:- النقطة هذي مهمة جدا الحقيقة واللي هي اجراءات الدرك المتبعه في حال واجهت مشكلة لا سمح الله ، لما كنت في مراكش زارنا صاحبة صاحبي وكانت مهنتها محامية ، وبحكم الاوضاع اللي كانت في مراكش تناقشنا كثير بهالموضوع ، الحقيقة نورني لنقاط كثير كنت اجهلها فحبيت افيد الشباب فيها :

* هناك قانون واضح وصريح في البلد ، ولكن للاسف كثير من الدرك لا يطبقونه وذلك بسبب الجشع ومحاولة استغلال السياح الخليجيين بالذات ، لذلك في حالة مواجهة أي مشكلة مع الدرك في كل مره ستسمع قانون جديد .

* لا يوجد في القانون بند يمنع مرافقة المغربي للأجنبي في الاماكن العامة ، باستثناء تصرف من احد الطرفين أو كلاهما يخدش الحياء العام وهذا نادر الحدوث ، لكن مايحدث من مطاردات وابتزاز في جميع وسائل النقل والأماكن السياحية كلها هدفها الابتزاز ولا غير .

* المشكلة العظمى أن موظف الدرك بإمكانه ايقافك وتعطيلك حتى لو لم ترتكب ذنب ، وذلك يعتمد على مايكتبه في المحضر ، لذلك في حال حدوث مشكلة اجعل هدفك الأول انهائها قبل كتابة المحضر وفي حال عدم الاستطاعة عدم التوقيع على المحضر إلا بحضور محامي أو يتم الاتفاق على الانتهاء من القضية ، وذلك بسبب انه عند توقيعك على المحضر ذلك يعني انها اصبحت قضية لابد أن تعرض على المحكمة وسيحاسب قسم الشرطة في حال لم يتم رفع المحضر للمحكمة بحكم وجود دفاتر محاضر مرقمة ومجرودة على كل قسم .

* في حال لا قدر الله قمت بالتوقيع على المحضر ، لاتقبل بعدها بأي محاولات ابتزاز ولا تدفع أي درهم لأن القضية اصبحت عند المحكمة وأي شخص ستدفع له لن يستطيع تخليصك وستذهب نقودك سدى .

* في حال كنت متزوج لا تعترف ابدا بهذا الشي لأنها ستندرج تحت جريمة الخيانة الزوجية وعندها سيتم طلب ورقة تنازل خطية من زوجتك تسلم لقسم شؤون الرعايا السعوديين في المغرب ومن خلالها تسلم للمحكمة .






2:- السيارة الخاصة خصوصا في الأماكن اللي فيها تشديد راح تريحك كثير من عصابات التكاسي والدرك ( توقع الخيانة من موظفي الدسكو - التكسي - العساس - الصاحب ....الخ ) ، لذلك في حال كنت مضطر لاستخدام تكسي حاول انه ماينزلك امام سكنك مباشرة وامشي على رجولك المشي زين مع العصير .


اولا اشكرك من الاعماق على هذا التميز وكما احب ان اشكر القائيمن على هذا المنتدى
ثانيا شدني كثيرا النصائح القانونيه المفيده وحقيقه كنت محتاج لهذه النصائح القانونيه لانه قد مررت بمثل هذه المراقف مع البوليس وانا اكره ان ادفع لهم ليس بخل مني ولكن اكره رجل الامن الذي يرتشي
ثالثا اتمنى منك ان تزودنا بكثير من النصائح القانونيه من صاحب صاحبك واعتذر عن الاطاله

[abo.7ayya7]

يااااااااااااااخي أنت كيف تكتب
ما شاء الله عليك
: (456):: (456):: (456):: (456):: (456):: (456):: (456):: (456):

وش اكتب وش أخلي مشاعري في داخلي قامت تتعازم من يطلع أول
لكن ما أقول الا أنت وتقريرك أول من سحرني بالمغرب على زود على يوم تقول المغرب سحر بجمالها

الصراحة تقرير يغنيك عن بقية التقارير من غير قصور
وأتمنى أن أحضى بيوم من الايام بنفس سفرتك (من غير الأكشن طبعا: (828):)

[hadia_122]

تقرير واعر وزوين بزااااااااااااااااااااااا اااف ومتعة هائلة انتهت بانتهاء التقرير المميز صراحة مبدع يعطيك الصحة

[zezuom]

سجلني متابع بقوووووووووووووووووووووه طاااااااااااااااااااااااا اار النوووووووووووووم والله وقلبنا مع اهل كازا هههههههههههههه

والله شكلك بترووح كازا كازا كازا معاد يجوز لك احد في اغادير..ننتظرك على احر من الجمر وتقبل مروري وتحياتي

[zezuom]

تمييييييييييييييييييييز في السرد وكاننا عايشين الجو معاك كمل يالحبيب وحنا متابعين في الصف الاول..تحياتي

[المغرب ديالي]

السلام عليكم ورحمة الله وبركاته


والله اني ودي ارد على كل واحد رد على الموضوع واتحفني بردود تثلج الصدر واعطيه بوسه على راسه بعد ، والشكر موصول لإدارة المنتدى على هذا التكريم الرائع وهذا دليل على متابعة الإدارة وحرصها على تقديم كل ماهو جديد ومفيد .

بحاول أرد على الردود والاستفسارات أما كلمات الشكر والعرفان فيعجز لساني عن الرد عليها حتى ولو كتبت بها معلقات.


شكرا لكم جميعا من القلب :9:

[المغرب ديالي]

اول شي الحمد لله على سلامتك ورجوعك لأهلك واحبابك

تقرير جدا راااائع ومشوق اكثر من ساعتين متواصلة وانا اقراء فيه لمين خلصته كله

تقرير 10/10 من ناحية اسلوبك الرائع واحداث رحلتك المشوقة المتقلبة بين الفرح والحزن والرعب والهدوء وراحة البال

من خلال ماقرأته عندي بعض الملاحظات واتمنى انك تسمحلي اذكرها لكي تعم الفائدة للجميع

1- عدم الركوب مع الصديق في سيارة واحدة لكي لاتكون صيد سهلا لذئاب الدرك

أنا اؤيدك وبشدة في هالنقطة ، بس لاتنسى ان هالتصرف احترازي ولكن لا تستأمن له لأن فيه ناس في الدسكو تراقبك وفي التكسي تراقبك ، انا اشوف خيار السيارة الخاصة من أفضل الحلول من واقع تجربة وتطلع لحالك وتاخذ لفة قبل تروح السكن لا توجه على طول.

2 - عدم إعطاء رقمك الخاص في بلدك لصديقك مهما كانت الضغوط النفسية عليك واعتبرها مرحلة جميلة من مراحل حياتك افضل لك وله

صحيح وهذي عادة عندي ، ولكن هناك وسائل تواصل أخرى غير رقم الهاتف ، كمثال برامج المحادثة أو الأيميل ، لا يمنع من رد العرفان والشكر لمن أكرمك وكان في قمة الذوق والأخلاق معك ، بالإضافة الى أنك تعكس ذوقك الراقي في احترامه كشخص واحترام قيمة الوقت الجميل اللي امضيته معاه.

3- من وجهة نظري لا أفضل ان يكون لي صديق واحد طول مدة الرحلة لكي تزيد المشاعر وتكون خارج السيطره فحلاوة البستان في تنوع ثماره وفواكه

هذي تعتمد على وجهات نظر مختلفة ومتعددة ، في كل سفرة لي كان لها لون وطابع وطريقة ، ولكن ( يامدور الهين ترى الكايد احلى ) ، الشي اللي تحسه صعب المنال وتعرف انه انسان راقي ومختلف تحس بقيمته لاصار معك ، بالإضافة اني اذا شفت احد ودريت انه مميز مره وكل مكان ادخله متأكد مليون بالمية ماراح القى احسن منه ، وفوق هذا اخلاق عاليه ونفس طيبة ، بالنسبة لي هذا شي مريح يخليني ادخل اي مكان وانا مرتاح نفسيا وعيوني قدام لا يمين ولا يسار لأني داري ان كل اللي فيه هم عيونهم علينا : (135):

4- السكن دائما في الفنادق والمنتجعات امان اكثر من الشقق والفلل الا اذا كنت تعرف صاحبها وسبق ان سكن بها احد من اصحابك

انا بصراحة اشوف العكس لأن هالاماكن المعروفة صارت كلها استغلال وحكوا لي كثير عن مشاكل السيكيورتي بالفنادق وتعاونهم مع الدرك وانت طالع من الفندق

بالاخير اهنئك مرة اخرى على التقرير الراااااااااااااائع الذي لايقل عن روعة شخصك الكريم

الف شكر وانا اخوك وشكرا على اهتمامك

دمت بخير



شكرا لك مره أخرى

[الضاري666]

تقرير مختلف بروعة كاتبة عندي أستفسار بسيط خلال هذه الرحله ماشاء الله كم كان الصرف اليومي تقريباً لأن المجموعة الكبيرة من عيوبها الصرفة الكبير

[مسافر جديد]

السلام عليكم ورحمة الله وبركاته ،،،


شدتني بصراحة الردود اللي قريتها بعد الحلقة الأخيرة ، والاعضاء اللي ثارت قريحتهم الشعريه أو ذكروا بعض مما حفظوا من ابيات ، يالبى قلوبكم والله انها خضر مثلي : (216): ، بصراحة كان ودي التقرير يطول اكثر بس والله حاولت قدر المستطاع اعصر مخي طول الفترة الماضية واتذكر تفاصيل التفاصيل وارجع لرسايل ومكالمات عندي عشان اشوف الاوقات اللي نسيتها واتذكر بعض المواقف اللي غابت عني ، اتمنى اكون بالنهاية وفقت في طرح تقرير مرضي ، حاولت اذكر تفاصيل الحياة اليومية ومثال لنمط المعيشة اليومية هناك ،اتمنى اني اكون نقلت شي جديد ومختلف ومفيد ، اتمنى ما اكون ثقلت على احد ولا ضايقت احد بتقريري ، واختم بطلب بسيط بعد هالجهد الكبير ( اتمنى اشوف رأي الأعضاء بالطرح سواء كان سلبي او ايجابي وملاحظاتهم لأنها تهمني كثير ).


الحلقة الثالثة عشر والأخيرة ( مشاهدات و شي ماشفتوه - نصائح )







# مشاهدات و شي ماشفتوه :

1:- صار لي موقف غريب في أحد السهرات ، جاني واحد خليجي وانا بديسكو يقول ممكن تحاسب عني الطاولة : (45): ، اليوم اخر يوم لي ومابقى معي الا فلوس قليل بشتري فيها هدية لصاحبي ، قلت طيب كان ماسهرت اليوم عشان توفر الفلوس لهدية صاحبك : (216): .


2:- احد المتسولين الصغيرين في السن جدا في كورنيش أغادير نط على صاحبي الأولاني الخقه : (492): ، وقاله ترى حبيبك اللي معاك يخونك ، انا طارت عيوني قلت ليه كذا ياحبيبي وش سويت لك انا ، قال انت ماعطيتني حاجه ، قال صاحبي هذا مو حبيبي هذا اخوي ، قال اخوك خليجي يعني ابوه مصيدك هههههههههههه : (92): ، بصراحه مت من الضحك وعطيته .


3:- واحنا في طريقنا من مراكش لأغادير بنشر علينا الكفر ، وكان وقتها الشاب اللطيف ماعمره غير كفر سيارته وتوهق ، وطلعت انا البطل المغوار وطلعت العفريته والاستبنه وخاق مع نفسي مره اني انا اللي بنقذهم ، اول ماجيت ارفع السياره ويدخل اصبعي في المدخل حق عصا الرفع : (712): ، اول شي سويت نفسي ماعورتني بس بعدين ماقدرت اتحمل قلت تعال كمل ارفع اصبعي يعورني ، واعترفت لهم اني ماكان ودي اقولهم عشان اصير قوي ومسكوا علي هالسالفة لين رجعت : (203):.


4:- فيه واحد نصب علي نصبة محترمة ، جاب لي شريحة انوي وقال هذي عليها عرض ب 350 درهم انترنت لمدة سنة وكان يشتغل في محل جوالات في اغادير في طريق الحسن ، واخذتها وكلمت انوي وقالوا هذي مافيها لا انترنت ولا حتى رصيد ، رجعت للمحل مالقيته ولقيت المحل مقفل ، حاولت امره بعدها ما امداني ، بس ياشينها اذا لعب عليك احد تنغبن ماودك تحس بهالشعور ابد : (710): .


5:- خلال سفرتي وانا بأغادير عورني حلقي ورحت للصيدليه ، عطوني مضاد حبه باليوم مدة يومين بس ، بصراحة زعلت قلت قطو انا : (827): ، قلت ابي مضاد صدقي حق ثلاث حبات باليوم خمس أيام قالوا مافيه الا هذا : (775): .


6:- وانا في شلالات اوريكا جاني واحد خرشني ، اول ماوقف قالي اسم امي ، قلت اسسسسسسسمع ، اسسسسكت لي ، يرحم امك خذ فلوس وفكني من شرك لا تجلس تفلسف على مخي ومستقبلك مظلم وتقعد تروعني اهوجس شهر ، وأشوى تروع وراح : (96):
































# نصائح



1:- النقطة هذي مهمة جدا الحقيقة واللي هي اجراءات الدرك المتبعه في حال واجهت مشكلة لا سمح الله ، لما كنت في مراكش زارنا صاحبة صاحبي وكانت مهنتها محامية ، وبحكم الاوضاع اللي كانت في مراكش تناقشنا كثير بهالموضوع ، الحقيقة نورني لنقاط كثير كنت اجهلها فحبيت افيد الشباب فيها :

* هناك قانون واضح وصريح في البلد ، ولكن للاسف كثير من الدرك لا يطبقونه وذلك بسبب الجشع ومحاولة استغلال السياح الخليجيين بالذات ، لذلك في حالة مواجهة أي مشكلة مع الدرك في كل مره ستسمع قانون جديد .

* لا يوجد في القانون بند يمنع مرافقة المغربي للأجنبي في الاماكن العامة ، باستثناء تصرف من احد الطرفين أو كلاهما يخدش الحياء العام وهذا نادر الحدوث ، لكن مايحدث من مطاردات وابتزاز في جميع وسائل النقل والأماكن السياحية كلها هدفها الابتزاز ولا غير .

* المشكلة العظمى أن موظف الدرك بإمكانه ايقافك وتعطيلك حتى لو لم ترتكب ذنب ، وذلك يعتمد على مايكتبه في المحضر ، لذلك في حال حدوث مشكلة اجعل هدفك الأول انهائها قبل كتابة المحضر وفي حال عدم الاستطاعة عدم التوقيع على المحضر إلا بحضور محامي أو يتم الاتفاق على الانتهاء من القضية ، وذلك بسبب انه عند توقيعك على المحضر ذلك يعني انها اصبحت قضية لابد أن تعرض على المحكمة وسيحاسب قسم الشرطة في حال لم يتم رفع المحضر للمحكمة بحكم وجود دفاتر محاضر مرقمة ومجرودة على كل قسم .

* في حال لا قدر الله قمت بالتوقيع على المحضر ، لاتقبل بعدها بأي محاولات ابتزاز ولا تدفع أي درهم لأن القضية اصبحت عند المحكمة وأي شخص ستدفع له لن يستطيع تخليصك وستذهب نقودك سدى .

* في حال كنت متزوج لا تعترف ابدا بهذا الشي لأنها ستندرج تحت جريمة الخيانة الزوجية وعندها سيتم طلب ورقة تنازل خطية من زوجتك تسلم لقسم شؤون الرعايا السعوديين في المغرب ومن خلالها تسلم للمحكمة .






2:- السيارة الخاصة خصوصا في الأماكن اللي فيها تشديد راح تريحك كثير من عصابات التكاسي والدرك ( توقع الخيانة من موظفي الدسكو - التكسي - العساس - الصاحب ....الخ ) ، لذلك في حال كنت مضطر لاستخدام تكسي حاول انه ماينزلك امام سكنك مباشرة وامشي على رجولك المشي زين مع العصير : (91): .




3:- الناس اللي عايشة معاك وماشفت منهم شي شين ، حاول تعطيهم الثقة في بعض الامور واحرجهم بذوقك العالي ، حتى لو كان فيهم خصال سيئة صدقني راح يخجلون منك ويسعون بشتى الوسائل يظهرون ولائهم ، عاملهم باحترام ، بعد الله في مراكش كان العساس له دور كبير في اني اكون مرتاح لما ادخل الشقه وساعدني في امور كثير ، مثل هالأشخاص اكرمه مو بس بالمال ، يعني انت طالع تتغدى برى اذكره وجيب معاك اكل له ، لما تروح سوبرماركت جيب له بعض الأغراض مو شرط تكلف على نفسك بس امور بسيطة تحسس الشخص اللي معاك بقيمته ويستميت عشان يكسب صداقتك ، والأكيد لما تثق وترتاح مع اللي معاك رغم كل المشاكل الخارجية راح تحس انك اسعد واحد بالكون.




ماراح اكثر نصائح لأن اغلبها مكرر والشباب ماقصروا اثروا المنتدى بالكثير منها ولكن هذي اللي حسيت انها مهمة وتستحق التذكير .








في الختام شكرا من الأعماق للجميع ادارة ومراقبين ومشرفين واعضاء على كل المجهودات المبذوله ، وبحاول انقح الصور يمكن اطلع بكم صورة اضيفها مسقبلا بالموضوع،،،،


إلى اللقاء ،،،


والله ماقصرت وبيض الله وجهك تقرير جميل وصدقني تمسكهم فيك اصحابك هذا نابع عن طيب اصلك ومعدنك وحبك للجميع لكن ياكثر شربك للعصير: (126):

[المغرب لا تستغرب]

كل يوم امر على التقرير اقول يمكن في شي جديد

[مدري مـن]

المغرب ديالي

أسم على مسمى

أبهرتنا بمعرفتك الكآمله للمعشوقـه وباسلوبك الراقي

عشنآ معك كل اللحظات بكل تفاصيلها من أكشن ورعب ودرما ورمنسية

وحزنآ للحظات الفرق وشعرنا بالاسئ

آهنئك على كل حرف طرحته هنا

والتثبيت والتكريم ليست الا حق لمن مثلك

واشكرك على كل نصيحـه ادليت بها صريحه أو أخفيتها بين السطور

لا أعرف ماذا اقول لك فالكلمات لا توصف اللحظات التي عشتها معك بتقريرك الواعر

كل عام وانت بخير ..

[المغرب ديالي]

تقرير مختلف بروعة كاتبة عندي أستفسار بسيط خلال هذه الرحله ماشاء الله كم كان الصرف اليومي تقريباً لأن المجموعة الكبيرة من عيوبها الصرفة الكبير

هلا وسهلا وانا اخوك واعتذر عن التأخير في الرد .


بالنسبة للصرف لم يكن مقيد بمبلغ معين ولكن كان بشكل معقول بالنسبة لي لم يتجاوز المتوسط اليومي للصرف 2500 ريال وعليك الحسبة .

[المغرب ديالي]

كل يوم امر على التقرير اقول يمكن في شي جديد



والله وانا اخوك ودي انه يصير فيه جديد ، ودي ان الخطوط لقت لي وقتها حجز ثاني بس الشكوه لله

[المغرب ديالي]

المغرب ديالي

أسم على مسمى

أبهرتنا بمعرفتك الكآمله للمعشوقـه وباسلوبك الراقي

عشنآ معك كل اللحظات بكل تفاصيلها من أكشن ورعب ودرما ورمنسية

وحزنآ للحظات الفرق وشعرنا بالاسئ

آهنئك على كل حرف طرحته هنا

والتثبيت والتكريم ليست الا حق لمن مثلك

واشكرك على كل نصيحـه ادليت بها صريحه أو أخفيتها بين السطور

لا أعرف ماذا اقول لك فالكلمات لا توصف اللحظات التي عشتها معك بتقريرك الواعر

كل عام وانت بخير ..


اشكرك وانا اخوك على اطرائك وهذا من طيب خلقك ,,

[ابوسلطان001]

قصه من اولها تحمس : (788):

[ابوسلطان001]

ههههههههه اقسم بالله اني اقراء و انا خايف من جدددددددد فلم رعب يماه

[ابوسلطان001]

يكل صراحه تقرير رائع جدا جدا جدا
وكلام جميل و خصوصا اللي بالاخير
انا احييك على هذا الموضوع الرائع و ترتيب الافكار و تسلسل القصه

صحيح انه مغصني بطني من حلقه مراكشش
لكن الحمد لله جت العواقب سليمه
لكن السؤال
انا رايح بالعيد و بودي استفسر منك عن بعض الاشياء الصغيره جدا و التي لا تصل الى الخصوصيه فا ياليت ترسل لي رساله على الخاص
ودي اسالك عن مراكش
شكرا لك مره اخرى على هذا التقرير الواعر

[a89]

استمتعت بحروفك حد الثمالة .. تمنيت الحلقات ماخلصت .. :(

[المغرب ديالي]

يا أخوان انا اعتذر عن تأخري بالرد على استفساراتكم بالخاص بحكم اني حاليا في مهمة عمل في اليمن - عدن ، وبحاول قدر المستطاع اني افضى اشوف الصور والمناسب هنا راح احطه بإذن الله بعد التنقيح

دمتم بود ،،،

[oldoz]

تقريييرك حلوو كثيررر سلمت يداك

[`ذيب دبي]

تقرير جميل وموضوع لسفرة متكامله ... ربي يعطيك العافيه.. والى الامام : (91):

[عذب السجايا]

[COLOR="Red"]لما رجعوا للسكن في فندق صحارى لحقهم واحد خليجي للغرفة وطق عليهم الباب وقالهم اذا فيه احد من اللي معاكم ماتبونه ترى انا ابيه





ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههه

قسم بالله مسجل عضوية بس عشان اضحك على هالفضيحة

[حنون المغرب]

شكرالك على التقرير الجميل والمفيد ابداع

[saadsa]

يعطيك العافيه ومشكوور ع النقاط الاخيره المهمه

بس انا عجبتني قصه العصير هع :0069:

[ماجدالمراكشي]

السلام عليكم ورحمة الله وبركاته

بداية أخوتي وقبل البدء في سرد هذا التقرير أود توضيح النقاط التالية :

* سيكون سرد التقرير باللهجة العامية لسهولة ايصال المعلومة .

* ماسيتم ذكره بالتقرير ان شاء الله ليس من باب المجاهرة بالمعصية ولكن لنقل الفائدة للأعضاء وللوصول للهدف المنشود من تواجدنا في هذا المنتدى.

* أتمنى في حال وجود ملاحظات النقد بأسلوب هادف بعيدا عن المساس بأي شخصية كانت.

* سيكون التقرير بأسلوب ساخر نوعا ما آمل تقبل ( سماجتي ) :eyee2:





الحلقة الأولى ( السفر - الوصول - التوجه إلى اغادير والبحث عن سكن )


في يوم من الأيام وانا اسوق سيارتي في مدينة الرياض تقريبا قبل العصر بنص ساعة ، شفت سحابة سوداء مقبلة علي كان هالكلام في بداية شهر 4 ميلادي المهم قلت عسى خير ويجينا هالمطر الزين ما امداني اكمل كلمة المطر الزين الا وانا ماعاد اشوف يدي من الغبار وطلعت هالسحابة غبار شق خشمي ريحته ماصدقت وصلت الاستراحة ، نزلت من السيارة وانا اركض ودخلت الاستراحة وجلست افكر في حالتي المأساوية خصوصا مع هالجو العليل واكلم اخوياي ادور احد يجي الاستراحة محد عطاني وجه ، رجعت البيت المغرب ونمت من الطفش وقمت الصبح ورحت الدوام وادخل على مديري واصلة معي قالي وش فيك قلت ابي أجازة ولا ترى بنتحر المهم كلمة من هنا وهناك قالي بعطيك بشهر 6 ثلاث اسابيع : (736):

قلنا خير وبركة صح انها بعيدة بس ما يخالف خلنا بس ندخل منتدى المزاعيط ونط امورنا ، المهم نوينا أغادير وقلنا بعدها لا صرنا هناك شفنا لنا مكان ثاني ، وين نسكن يا مزاعيط قالوا مالك الا محمد عاطي المارينا مابعده حتسي ، قلنا توكلنا على الله ونكلمة ونسوي حجوزاتنا وننقز لموقع الخطوط ونقص تذكرة بزنس ب 4852 ريال فقط لاغير ، وبعدها نطمر على موقع الخطوط المغربية وناخذ ذهاب وعودة ب 1200 درهم ، عاد الحين اتوقع اني جاهز ومابقى الا نستعد لا قرب السفر ، المهم اني انشغلت فترة وقبل سفرتي بثلاث اسابيع او اكثر واللي كانت بتاريخ 01/06/2012 دخلت المنتدى ، والقى الشباب يقولون صارت مشكلة بالمارينا ولازم فتح غرفة : (89): وتخنقني العبره : (712): الحين وش ازين انا وش اسوي وين اروح له ، مالغيت حجزي وقلت بشوف وش بيصير ، بعدها بفترة والقى اعضاء يقولون المارينا غرمهم على اثاث محروق ومكسور وفيه استغلال المهم اني قلت تصبر يا أبن الحلال واصبر لين نشوف وش يصير ، بعدها بأسبوع ويجي الشيخ مصطي بالخبر المدوي قتل بالمارينا : (824): ، طيب ليه طيب انا وش انا مسوي عشان يسوون فيني كذا طيب انا ودي بمكان حلو على البحر وادخل اكلي على كيفي ودي فيه طيب ، نسأل عن صحارى قالوا مهوب زين نسئل عن اماديل قالوا مهوب زين نسئل عن اسلان قالوا بعيد قلت تدري طب بالديرة وشف وش انت عليه بس.

ومن كثر مانيب زعلان ماعاد دخلت المنتدى ولا شي قلت خل اروح هناك واشوف وش انا عليه ، ركبت الطيارة من الرياض وانا مدري مستانس شوي وخايف شوي ومرتبك شوي مدري وشو هذا بس انه شي مدري المهم ، وصلنا جدة جلسنا ساعتين وبعدها عى كازا ، الرحلة كانت جيدة نوعا ما خصوصا ان أغلب ركاب البزنس كان من العنصر الناعم عشان كذا كانت الأمور هانية ، وصلنا كازا وانا وجهي منصفق مانمت كانت الساعة 4 ونص العصر ورحلتي لأغادير 8 ونص بالليل ، وصلت عند موظف الجوازات خليته يتميلح لين شبع ولا اخذ مني ولا درهم ، يوم وصلت مكان الشنط وألقى محل صرافة قلت خل أشوف سعر الصرف ، يوم شفته مار تنفرج اساريري : (92): لقيت سعر الصرف 2.31 قلت اصررررف قبل ما يهونون صرفت الكاش اللي معي واخذت قشي وعلى صالة الان الداخلي قصيت البوردنق وعطيتهم شنطتي وافتكيت منها ورحت مريت على انوي واخذت شريحتين للبلاك بيري وللايفون وبعدها رأسا على البوابة ، جلست اتلفت هناك واشوف مجموعة لا بأس بها من شبابنا الطيب كل واحد يكلم المعشوق ويواعده في محل وانا سعيد لأني كل ماناظرت واحد ابتسم ابتسامة عريضة حسيت بالوناسة اللي هم فيها .

ركبنا الطيارة ام مراوح ومدري وشلون عدت المهم انها عدت على خير الحمدلله وصلنا مطار المسيرة الساعه 9.10 تقريبا كان فيه طاكسي ينتظرني صاحب واحد من اصحابي يعرفه من فترة طويلة ويمون عليه مره قلت يا حبيبي بناخذ جولة على كم فندق ، قال صافي ونروح لصحارى يوم دخلت طقتني الغلقه قلت ديور بس على اماديل دخلته انظف من صحارى بس فيه ناس بالاستقبال ودك تعجنهم وتفقع وجيههم قلت رح بس لرويال اطلس ، رحنا شفناه حلو بس قوانينهم صارمة وماتدري يوم يكسرونها ويوم لا ، قلت بس رح لمارينا دخلت الغرف رغم وجود بعض الملاحظات بس ارتحت لتعاملهم حسيت انهم متغيرين عن كلام الأعضاء قلت يمكن يوم خفت الزحمة عليهم تغيروا أخذوا جوازي صوروه ورجعوه على طول من دون ما اقولهم قلت زين دخلت الغرفه مسكت اغراضي وزعتها كانت الساعه تقريبا 11.30 بالليل اخذت شور ونمت نومة جميلة وصحيت 4 ونص الفجر لبست وشربت شوي عصير عشان اصحصح : (718): قلت بوجهك على شهرزاد خلنا نشوف اللي حاصل ، لقيت الدنيا عامره قعدت اتلفت يمين ويسار مالقيت شي يفتح النفس قفل الدسكو ورجعت أجر أذيال الهزيمة.: (747):

نمت وصحيت من النوم الساعة 11 الظهر كلمت التكسي صاحبي قلت بوجهك على المرجان شريت لي حوسة نثريات تشمل مواد غذائية وصحية وقدح من العصائر المركزة والمخففة ورجعت ، وأنا بالطريق راجع وقريب جدا من المارينا ويصير لي موقف جميل جدا ، خلال مرورنا بالممرات حقت المشاة اللي تقطع الخط وصلنا لممر كان فيه ( طـير كفخ والناس حوله تراعيه .... أفرد جناحه ثم جاك يتلاعب ) وانا اللي ارفع النظارة الشمسية : (91): وشو هااااااااااذا ، من وين جا منهو حقه شي يفوق الوصف شي يفوق التعبير شي خلا سواق التكسي يقول اشهد ان لا اله إلا الله انهبل معي رغم أني معه محترم وعلاقتنا جدا رسمية بس الموقف لا يحتمل ، طبعا وقف عشان يمر الا اقبل علينا انا حسيت بنفاضة كن حرارتي وصلت 40 وجتني ام الركب وحسيت بدوخه كل شي فيني بدى يتصافق شوي الا تراجع قلت افا ، اثاريه كان بيركب ويوم شاف خليجي هون ، قاله التكسي اركب قال لا لا شكرا ، قال اركب هذا سعودي بيضبطك ، هنا الــ زعل وطنقر كيف تقولي بيطك وانا محترمة وعيب عليك ، شفت أن الموقف يحتاج تدخل حازم مني غمزت للتكسي وفهمها الذيب ، نزلت من التكسي وانا زعلان وقلت له كيف تقول عننا كذا حتى انا محترم وما اسمح لك تتكلم معي بهالطريقة المهم وعطيته حقه وانا زعلان وقلت له روح خلاص ، ووقفت جنب هذا الشيء العجيب في الزنقة انا انتظر تكسي وهو ينتظر تكسي ، لفيت عيني عليه لقيته يطالعني ابتسمت ابتسم :yess:: (11):: (796): سويت كل الحركات الحلوة بيني وبين نفسي حسيت ان الخطة ناجحة لين الحين ، قربت له وجلسنا نسولف طبعا نسينا اننا ننتظر تكسي وصار الكلام له طعم ورونق وكل الأشياء الحلوة ، قلت له وش رايك نروح روتانا كافيه نجلس شوي نحكي فيه وبعدين كل واحد يروح في حال سبيله ، في البداية رفض وعرفت السبب بعدين انه جاي المغرب اسبوعين وراجع اسبانيا وجاي يخلص اوراقه بس في اغادير وخايف احد يشوفه معي ومن هذا الكلام ، ولكن قدرت اني أقنعه نروح شوي لروتانا وبعدين يمشي للمكان اللي يبي ، رحنا روتانا وكنت احس بالفخر والكبرياء ان هذا الشيء جالس معي بنفس الطاولة كان مظهره ملفت للنظر بشكل غير طبيعي كل الناس عيونها تلاقط ، ارتاح كثير بعد حوارنا في الكفي تبادلنا الأرقام وراح في حال سبيله وكان يوم رائع بالنسبة لي جدا جدا جدا .


في الحلقة القادمة ان شاء الله راح نحي عن المواقف السعيدة مع هذا الشيء الجميل في أغادير


إلى اللقاء,,,,


عارف المضحك في الموضوع اني تخيلتك انت وخشتك هههههههه (دعاابة ترى)في الكافي والكبرياء يكسوووووك والله حاسس فيييك ههههههههههه

[ماجدالمراكشي]

السلام عليكم ورحمة الله وبركاته


في البداية اود ان اشكر جميع الأعضاء على تشجيعهم وثنائهم مما يحفزنا على تقديم كل مانملك في سبيل إرضائهم.

ثانيا سأحاول قدر المستطاع إضافة حلقة يوميا .

الحلقة الثانية ( كسب ثقة الضيف الجديد ) .

بعد لقائي بهذا الشخص الشامخ بجماله وكبريائه صغروا بعيني الباقين ، رحت للسكاي لونج اللي في المارينا وانا اهوجس باللي شفته واتلفت على اللي حولي ، قلت يمكن اني واهم وان فيه ناس كثير زي اللي شفته بس انا من الشفقه تعلقت بهذا ، لكن ماش وين وين وين وش جاب لجاب هو لحاله بكفه وهم بكفه ، المهم اني جلست اتقهوى واشيش في السكاي لين صارت الساعه 9 بالليل بعدها طلعت لغرفتي غيرت ملابسي وبوجهي على زنزي بار ، المكان رايق وكلاس بس لا تجي له وانت لحالك تبي تطقك الغلقه والتكه الا ان كانك تهوى العصير بيصير كل شي زين حزتها :2f87d42f252880131a2 ، طلعت من زنزي بار الساعه 11 تقريبا وبوجهي على مخيطو كان الجو العام حلو جدا وانا اشوفه احلا مكان للسهر في اغادير بلا منازع الصراحة ، سهرت وانا قليبي معلق باللي شفته اليوم دريت ان قليبي اخضر : (719): تلفت يمين يسار ما لقيت شي يفتح العين سهرت مع نفسي :D ، طلعت من موخيطو وبعدها على شهرزاد طبعا مهوب زين في شهرزاد بس عشانه ينفع مره للوحداني ، سهرت فيه ونفس الكلام جلست اتلفت حولي مالقيت شي يسوى كملت سهرتي على انغام سلينا سلينا والأشياء الكويسه وبعدها اخذت تكسي وعلى الغرفة و نوووووومة : (119): .

صحيت من النوم الساعه 10 ونص الصباح تقريبا وعلى طول ارسلت رساله لهذا الشيء الحلو صاحي ؟ ، وجاني الرد في ثواني أيه ، قدمت عرض له اننا نروح نتمشى في المرجان وانا عندي كم غرض ابغى اشتريها ، في البداية كان فيه رفض بحكم انه خايف احد يشوفنا ولكن بعد محاولات عظيمة للاقناع وافق وتواعدنا هناك ، تلاقينا ورحنا نتمشى سوى حاولت ابين اهتمامي لما يوقف عند الملابس وابدي رأيي هذا يناسب لون البشرة وهذا لا ، طبعا فلسفة من مخي بس حنا اهل الخليج أعتقد وصلنا اننا نكون في المرتبة الأولى في الذوق مع الجنس الناعم بحكم التجارب المأساوية اللي عشناها في شبابنا :4f7c50bc2e7eee3c450 ، المهم انه بعد ماخلصنا اقترحت انه يجي عندي السكن نطبخ الأكل سوى وأخليه يذوق كبستنا ، طبعا كالعادة الموضوع مرفوض في البداية ولكن لابد من استخدام عصارة خبرة السنوات الماضية في سبل الإقناع وكسب الثقة ، المهم انه وافق وانشرح صدري بهالموافقة ، رحنا السكن جلسنا نطبخ سوى جهزنا الغدى ، تغدينا وجلسنا نسمع أغاني ونسولف لين صارت الساعه 7 مساء ، كنت متفق معاه انه يمشي قبل غروب الشمس ولكن انا بديت اخذ رشفات من عصيري المميز مما استهوى ضيفي انه يجرب هالعصير وأعجبه ، صار ياخذ معي رشفات من هالعصير ونسمع موسوعة الأغاني في اللاب توب لين زان الجو مره ، اقترحت عليه نطلع نسهر في البداية رفض رفض قاطع ولكن اقنعته نروح اطلانتك وأن المكان مافيه خليجيين كثير وماراح احد ينتبه له ووافق : (732): ، طلع هو بالتاكسي للسكن حقه لبس ولحقني للمكان وانا سبقته وجهزت الأمور ، أول مادخل ( تلفت الناس لامريت -- تكسر رقاب خلق الله ) ، اعتقد وصل لكم شعوري وقتها كان كل شي زين وقتها احس فيه ، وكل الناس تنتظر هذا الشي وين رايح وين بيجلس ، الموهم سهرنا سهرة واعرة جدا جدا جدا ولكن هذا الشيء الجميل شرب عصيرهم كله :011: ، أحس انه صار يتخيلني امه : (599): ، رجعنا السكن وهو ابدا ابدا ماكان مخطط يبات عندي ولكن لما شفته بهالحالة دخلته بالغرفة وخليته ينام وطلعت للصالة ( يامؤدب : (95):) ، طبعا هذا التصرف يندرج تحت اطار كسب الثقة لتبادل المنافع مستقبلا ، جلست في البلكونة في جو عليل جدا وانا في سماي غيوم كثيرة شغلت ابو نورة وضبطت الشيشة ودخلت في عالم آخر ، جلست لين طلع النور الساعة 7 الصباح تقريبا ، طلبت فطور من السكاي لونج وأفطرت وبعدها اخذت لي غطى ووسادة وانسدحت على الكنبة ونمت ، صحيت من النوم 10 ونص على صوت خرفشة في الصالة فتحت عيوني بشوييييييش وشفت هذا الجميل يصلح فطوره ، خليته على راحته وبعد نص ساعة قمت وغسلت وجهي وجلست في الصالة .

كان هذا الشخص وقتها مكشر مره ، ولا يحط عينه بعيني ، وتلعب بي الهواجيس وقتها انا مسوي شي غلط ، قايل شي وانا مدري ، المهم اني خليته على راحته وجلست احوس بالنت ، بعد حوالي ساعة من السكوت والصمت تفاجأت فيه ينط علي ويصيح ، قل بس شكلي جايب العيد والحين بينتقم مني ، يا ابن الحلال وش فيك اذكر الله وراك تصيح ، قال انا زعلان من نفسي تعبتك معي امس وخليتك تنام هنا انت انسان مره محترم وانا اسف على اللي سويته معاك : (480): ، وانا اللي ابدى اصارخ بيني وبين نفسي نجحنا نجحنا طمبق طمبق نجحنا نجحنا هيييييييييييييييييااااااا اا.

بعد ماهديت الجميل وكسرنا جميع انواع وأشكال الحواجز اللي بيننا قلت له جهز نفسك بناخذ بوت وبنطلع البحر ، نزلت تحت لقيت واحد واقف عند جت بوت صغير قلت له ابي بوت ، قال عندي صاحبي عنده بوت قلت بكم قال 4000 درهم : (46): ، قلت مهبول انت تراك فاهم غلط انا ما ابي اشتريه ابي استأجره كم ساعة ، بعد جدال طويل اتفقنا على 2000 درهم بالإضافة ل 400 درهم لواحد صاحبة عنده أيبود وراح يكون مسؤول عن الدي جي ، قال خلاص نص ساعة وانزل ، نزلت بعد نص ساعة وتفاجأ انه جايب يخت : (201): ، قلت ليه انا كنت ابي الصغير ، قال انت قلت تبي بوت الصغير جت بوت هذا ب 1000 قلت يا ابن الحلال دام اننا اتفقنا قبل عطنا هالكبير ، ركبت فيه كان فيه صاله وغرفة ودورة مياه ( اكرمكم الله ) وفيه سماعات حلوة ، نزل صديقي الحلو وجاب معاه العصائر بمختلف انواعها ومشينا ، كانت من أجمل الطلعات البحرية في حياتي انبسطنا فيها كثير الصراحة ، رجعنا على وقت المغرب تقريبا الساعة 8 مساء وجلسنا نريح في السكن ، طلبت منه يسلم السكن اللي هو ماخذه ويجيب أغراضه عندي ووافق ، كانت سهرة منزلية هادية تشمل الكثير من السواليف والقرق والحش والذب وطلعت الضرافة صرت خفيف دم : (10): ، المهم ان الامور كانت هانية جدا ولله الحمد .

في اليوم التالي صحينا متأخر وتوجهنا للنادي الصحي اللي في المارينا بجانب الاستقبال ، كانوا وقتها مسوين عروض مقبولة نوعا ما سوينا مساج وحمام الشخص 450 درهم ، بعدها اخذنا لفة طويلة في الجبل ومعاصر الزيتون ورجعنا مع غروب الشمس ، غيرنا ملابسنا وجلسنا نرتشف قدحا من العصير اللذيذ حتى حان موعد السهر ، انطلقنا مباشرة صوب اطلانتك الديسكو طبعا وسهرنا سهرة واعرة وجميلة وفي نهاية السهرة عدنا ادراجنا ، صحينا مبكرا توجه الجميل لاستلام اوراقه اللي خلته يجي لأغادير بعدها رجع لي ونقل لي خبر محزن جدا انه راح يغادر إلى كازا بحكم ان شغله خلص ومايقدر يجلس ، طبعا انا تعرفت وقتها على أصحاب مغربيين محترمين وكانوا ينقلون لي سوء الأوضاع الأمنية في مراكش وكازا وأن أغادير الحل الأمثل في الوقت الحالي عشان كذا ماكان عندي نية أطلع من أغادير ، بس لما قال صاحبي الجميل أنه بيروح هناك هفني الشوق مدري كني بديت أخور ، المهم اني قلت له إحتمال اني اجي كازا بعد يومين أو ثلاثة قال لي أوكي ، جلسنا في سويعات الوداع الحزينة وبعدها حان موعد المغادرة وسافر إلى كازا : (600): .

قلت وقتها انا حزين خلني اروح المرجان اشوف لي شي اشترية المهم اني أغير جو ، وانا واقف في قسم أدوات التجميل كنت أبغى آخذ شامبو الا وأشوف شي جاز لي ، طبعا مو في مستوى صديقنا السابق ولكنه الأفضل بين اللي شفتهم بعد صاحبنا ، الشاهد من الموضوع ان قلبي فز له : (199): ، قايل لكم قلبي اخضر : (482): ، طالعت فيه شوي ابتسم وقرب قالي تبغى مساعدة ، قلت أي والله أبي شمبو فيه بلسم ويمنع تساقط الشعر ويزيل القشرة : (140): ، طبعا مات من الضحك قالي من وين اجيب لك هذا ، قلت مالي دخل مهوب انت تقول تبي مساعدة يالله ساعدني ، قال مافيه والله قلت اجل عطني رقمك عشان اذا رجعت البيت اشوف وش اسم الشمبو حقي واقولك تجهز مثله : (480): ، قالي صافي ، قلت والله انت الصافي اصفى من لبن حفر العتش ، المهم انه واضح انه اسهل بكثير من صاحبنا السابق ولابأس فيه جدا جدا .


الحين عاد تعبت بكره ان شاء الله نكمل مغامراتنا اللطيفة حتى الآن وحطوا مية خط تحت حتى الآن

والله انك استااز ياوديع ابو قلب اخضر راح استخدم قاعدة القلب الاخضر انشالله :wink2:

[هيمان فيك]

سرد جميل وقلم مبدع

[العطاوي]

تقرير جميل جدآ وفكاهي

[asm9272]

تقرير مميز
رائع رائع
رائع رائع

[سيف الوفا]

اولا الف الحمدالله على سلامتك
وثانيا بصراحه ماقصـــــــــــــــــــــ ــــــــــــــــــــرت ابدعت وامتعت كل المنتدى بتقريرك الي افضل واروع من الرائــــــــــــــــــــ ـــــــــــــع

وثالثا اشكرك جزييييييييييييييييييييييي ييييييييييييييييييييل الشكر على هالنصائح الجميله الي افدتنا فيها

[ابو احمد]

تسلم يمينك يالغلا خليتنا نسافر ونعيش الجو وحنا ماتحركنا من محلنا
فعلا موضوع يستحق التثبيت بجداره

[aj911]

تسلم على حذا التقرير

[المغرب ديالي]

الله يسلمكم جميعا واشكر كل شخص شارك ورفع من معنوياتي



طيب واللي الشوق الحين لاعبن فيه لعب وش يسوي : (759):

[بحالي]

الله يسلمكم جميعا واشكر كل شخص شارك ورفع من معنوياتي



طيب واللي الشوق الحين لاعبن فيه لعب وش يسوي : (759):

ياللي الشوووق لاعب فيك . .: (467):
طاااوع الشوق وسافر واااغربي . . وابحث عن الفردوس بأرض المغربي . .

و احذر حبيبي . . ترى عمر السعاده ثواااااني . .

تــــرجع بالسلامه . . وتقرير ولا اروع . .

[المغرب ديالي]

ياللي الشوووق لاعب فيك . .: (467):
طاااوع الشوق وسافر واااغربي . . وابحث عن الفردوس بأرض المغربي . .

و احذر حبيبي . . ترى عمر السعاده ثواااااني . .

تــــرجع بالسلامه . . وتقرير ولا اروع . .



المشكلة وانا اخوك عجزت القى فرصة ولا النية موجودة بس انتظر الفرصة المناسبة وعسى ربك يسهلها بس

[mohra casablanca]

machallah 3aliiik oslooobak aktar man ra2e3

[gaabaal]

((((المغرب ديالي)))))
بصراحه استمتعنا بكل ماجاء في رحلتك مليانه احداث وتشويق واثارة
بس ياخوي حنيت لاغادير ديرتي انا ماعمري جيت مراكش ولاطنجة ولاكازا الا بالمطار اغادير وبس
شوقتني لها يازينها من ديره هاديه واهلها اجواااااااااااااااااااااا ااااااااااااااااااااااد

تقبل مروري وهذي الرحله والا فلااااااااااااااااااااااا اااااااااااااااااااااااا

[المغرب ديالي]

((((المغرب ديالي)))))
بصراحه استمتعنا بكل ماجاء في رحلتك مليانه احداث وتشويق واثارة
بس ياخوي حنيت لاغادير ديرتي انا ماعمري جيت مراكش ولاطنجة ولاكازا الا بالمطار اغادير وبس
شوقتني لها يازينها من ديره هاديه واهلها اجواااااااااااااااااااااا ااااااااااااااااااااااد

تقبل مروري وهذي الرحله والا فلااااااااااااااااااااااا اااااااااااااااااااااااا



حياك الله وانا اخوك والاهم ان الموضوع افاد الأعضاء وهذا هو الهدف المنشود

شكرا لمرورك

[ابو احمد]

المغرب ديالي انت رائع بمعني الكلمه خليتنا نسافر ونعيش الجو وحنا عند اهلنا
اهنيك علي هالاسلوب تقريرك مميز ومن افضل التقارير اللي قريتها بالمنتدي
اشكرك الشكر الجزيل وتسلم يمينك اللي خطت التقرير

[المغرب ديالي]

المغرب ديالي انت رائع بمعني الكلمه خليتنا نسافر ونعيش الجو وحنا عند اهلنا
اهنيك علي هالاسلوب تقريرك مميز ومن افضل التقارير اللي قريتها بالمنتدي
اشكرك الشكر الجزيل وتسلم يمينك اللي خطت التقرير



الله يسلم راسك وانا اخوك والف شكر على كلماتك العذبه

[المخضرم]

ارجوا انك ماتوخذا الضاهر انك ياولد تعلمت السحر من المغربتقريرك مع انه طويل قدرت ترتب افكارك وتسلسل بنقل الاحداث
وصورته بطريقة ابداعية وجذابة ومشوقةالصراحة اول مرة اتابع موضوع بالشكل هذا

[القحطاني]

رووووووووووووعه


على ان التقرير مافيه ولا صورة بس بصراحه تقرير رائع و اسلوب مميز


تحياتي : (790):: (790): هزنا الشوووووووق

[المغرب ديالي]

ارجوا انك ماتوخذا الضاهر انك ياولد تعلمت السحر من المغربتقريرك مع انه طويل قدرت ترتب افكارك وتسلسل بنقل الاحداث
وصورته بطريقة ابداعية وجذابة ومشوقةالصراحة اول مرة اتابع موضوع بالشكل هذا



شكرا على كلامك الجميل والاهم يكون التقرير مفيد بالنسبه لك

[المغرب ديالي]

رووووووووووووعه


على ان التقرير مافيه ولا صورة بس بصراحه تقرير رائع و اسلوب مميز


تحياتي : (790):: (790): هزنا الشوووووووق



حياك الله وانا اخوك ونورت الموضوع وان شاء الله يكون مفيد

[omarkov77]

مثل ما قالوا الاخوان...

احيييييك أستاذي عالتقرير...وسرد ولا فالاحلام...ياخي هذي مفروض تكتبها بكتاب وتنشره هههههه..

بارك الله فييك والله يسعد ايامك..

[bo shaheen]

الحمد الله علي سلامتك

[alm7arb]

تقرير قمة في الروعة



سرد ممتع و مشوق كفيت و وفيت

[samar]

:thumbs_down:: (89):: (703):: (60):: (60):: (60):TA9ARIRE ZIFT

[مغربية جمالها غير]

تقرير مزون بصحتك

[ساهر1001]

بالنسبه للبوت اللي اخذته ب 1000 درهم في اغادير
وين لقيته
وهل عندك رقمه ؟؟ مع جزيل الشكر والتقدير