منتجع بيلا روزا

[هيبة ملك]

اعزائي انا مسافر الى مراكش بتاريخ 17 سبتمبر وحبيت اسكن وأغير النخيل واروح منتجع بيلا روزا لأني شفت الصور روعه. هل احد لديه معلومات او اي وسيلة اتصال او سكن فيه. انا أرسلت السواق الي أتعامل معاه وقالوا له ممنوع دخول اي احد من غير الساكنين المنتجع هل هذا صحيح.

[المحب777]

مع احترامي سواقك ما عنده سالفه..المنتجع يدخل الي تبي..وراسلني على الخاص وما لك إلا طيبة الخاطر..صحيح وش اخبار ديرة أبو شكيب

[هيبة ملك]

ربي يخليك يالغالي ، والله السواق سال الحراس يقول . عموما انا مشترك جديد وما اعرف كيف ارسل على الخاص ، لو ترسلي والله اكون لك شاكر، بس ما عرفت ايش تقصد بديرة ابو شكيب . بليز ارسلي اي كوناكت من شان أتواصل معاهم

[اه مراكش]

خلك مع ابو سعود ومورك في السليم نصبحة مجرب ابو سعود ونعم فية

[sarab8]

اتمنى لك اقامه سعيده في المغرب
يقصدون بديرة ابو شكيب سوريا
وزوار المغرب القدماء قلقون بعض الشيء من
للسياح اللي متعودين يروحون سوريا وصاروا يتوجهون للمغرب
بحجة الهياط و الدفع المبالغ فيه و الازعاج اللي قد يتسببون فيه

[سعد الخالدي]

بالتوفيق اخوي

للاسف زيك جديد :)

[zezuom]

انا مريت على الموضوع مرور الكرام وبالتوفيق للجميع..ونصيحه للناس اللي كانوا يسافرون لسوريا او مصر..الخ المغرب غير في كل شي والله

وياغريب كون اديب والمغرب ماهيب حكر على احد عن احد بس ودنا من الشباب اللي اول مره يروحون للمغرب وكانوا في السابق من رواد سوريا

او غيرها وحنا والله جينا سوريا وغيرها وماهو عيب ويلا قبل ميخربها بشار النذل كنا نجيها بس حنا من رواد المغرب وروحاتنا على سوريا خفافيه

وقريبه مننا ولنا ربع نواعدهم هناك وفيها ميزات حلوه بس النصيحه للي يروحون على المغرب وهم من رواد سوريا يبعدون عن حركات اخر الليل

اللي يسونها في سوريا من رمي فلوس ومزايدات.............الخ والله هذي الحركات تسئ لسمعة الجميع والاهم اللبس والله شفنا عجب العجاب

ياخي البس اللي تحب بس رتب الوانك ههههههههههه وهندامك لو شوي بس...وهاذي نصيحة محب وأخو للجميع ومزعوط شااارف تحياااتي

[خبير متقاعد]

أنا أستغرب من لي يسأل عن مراكش .... واهنجار خليجي موجود بينا في المنتدى ومشرف فيه وراعي فزعة للبعيد والقريب ولايفرق بين عضو ,وعضو ثاني... حبيبي ان حضر الماء بطل تيمم عليك والله في اهنجار (بوعبدالله )وارق سنووود ولاقصور في الموجودين ..لكن مراكش معشوقتة .
وبالتوفيق

[ميشو مراكشي]

يعطيكم الصحه والراحه