هب البراد وزان وقت المطاريش

[بعيد المطاريش]

هب البراد وزان وقت المطاريش ........واللي يبي المرواح يجهز جوازه




انا ان شالله مسافر لأغادير في 2/2/ وهي اول زياره للمغرب وبغيت استفسر

1-فندق اطلس مارينا كم سعر غرفتين وصاله لاننا شخصين ؟؟؟؟ هل هو يعتبر افضل خيارات السكن في اغادير ؟؟؟؟

2- افضل خطوط احجز عن طريقها للمغرب وكم سعرها تقريبا ؟؟؟

[سيموو]

هلا بك اخوي

اول شي اتمنى لك سفره سعيده
وثاني شي انا مالي اسبوع راجع منها
بالنسبه للجو تراه برد شوي اخر الليل انتبه وخذ معك لبس عشان ما تطيح بفراشك مثل واحد من العيال ههههههه
وبالنسبه للسكن بصراحه انا سكنت في شقق المارينا حلوه وخدمه اكثر من رائعه ولا احد يتعرض لك ..
انا اخذت غرفتين وصاله ب 2500 درهم مغربي في الليله وكانت حلو ومطله على البحر وكبيره ووضعها امان بس نصيحه احجز من المؤيد قبل لا تمشي لان المؤيد يعطيك حجز مؤكد

من ناحية الخطوط انا رحت ورجعت على الخطوط المغربيه طبعا ما فيه تأخير في الرحله اللي طلعنا عليها بس فيها عيب الطياره صغيره ومتعبه شوي ولا من ناحية الخدمه الحق ينقال خدمتهم حلوه وما فيها اي عيب
والعيب الثاني انهم يطلعون من الرياض الى القاهره ويوقفون ساعه تقريبا بعدين تطلع لكازا و ساعتين بعدين تطلع لاقادير مع العلم ان التذكره يكتب فيها الرياض كازا
الطياره اللي من الرياض الى كازا صغيره وقديمه اما الطياره اللي من ككازالاقادير كبيره والمفروض انها تكون دوليه ..

اذا تسمع نصيحتي اطلع على السعوديه صح انها اغلى بشوي لكن اريح لك مافيها ترانزيت على طول من الرياض الى كازا واحجز تذكره داخليه من كازا الى اقادير ..

اتمنى اني افدتك والشباب ماراح يقصرون ان شاء الله معاك واسف على كصر الكلام بس ودي لك بالأفضل ..

ورحله موفقه وترجع بالسلامه ..
واذا تقدر تحطني بالشنطه معاك اروح ولا ارجع ..: (708):

[بعيد المطاريش]

مشكور ماقصرت اخوي

نشيلك بالقلب ماهو بالشناط ههههههههههههههههه

[Bianconri_q8]

بعيد المطاريش تحيه لك

سيمو ما قصر معاك .. و على كلام الاخوان السعوديين الاغلب يون على الخطوط السعوديه من جده دايركت على كازا و داخلي على اغادير ..

و خلال هالفتره الجو برد ديربالك و رحله موفقه

[لوخيروني]

الله يعينك على البرد
انا كنت ناوي اروح في شهر 1 بس كنسلت خليتها شهر3 يكون الجو شوي تعدل لان الحين برد موت والحراره توصل 3 او 7 اخر اليل

[روداني]

ينقل الموضوع للاستفسارات