مزعوطي قادم بقووووه وين اهنجار

[نايف2]

السلام عليكم

انا رايح بعد 12 يوم ان شاء الله للمغرب وبصراحه الكل يمدحها وتحمست اروح لها وان شاء الله ماندم عليها مثل اندوليسيا زحمة وفقر وشحاذة تجيب الهم والغم كانك رايح للإغاثة مو للسياحه على العموم يا اخوان انا رايح وهذة اول سفرة ان شاء الله للمغرب ابي فلل مو فنادق ما احب الضيقة والحجرة ابي فله شرحه مرحه حنا اثنين فقط تقدر تقولون من افضل السواح جدا ومن بغا احد يكملنا ثالث يامرحبا ويامسهلا مثل ماقلت ابي فله في مراكش وسواق معنا دايم وخادمة أيضاً ولا استغني عن نصائحكم وإرشاداتكم ومن يقدر يوصلنا لشخص يظبط شغلنا بأسعار معقولة يعطيه العافية واذا امكن تعطوني معلومات عن افران وش رايكم فيها والفرق بين مراكش واغادير او كازابلانكا وشكرا لكم تقبلوا تحياتي

[نايف2]

عز الله انك تستاهل الطيب يا بو عبدالله اول يوم في المنتدى وعرفت انك انت الزبدة كلها انتظرك لبا قلبك

[Oscar]

شخصين وفيلا .!؟

خذ شقه غرفتين وصاله كبيره وريح راسك

ومافيه فرق بين مراكش واكادير وكازا من ناحية الاسعار باستثناء اكادير السكن فيها اغلى شوي

[نايف2]

الفيلا أفضلها لأني ابي جو حلو مسبح وكذا ولا اعرف كيف نظام الشقة هل هي علوية فوق محلات ولا كيف الامر الاخر قصدي الفرق بين المدن من ناحية الأجواء والطبيعة التضاريس بشكل عام انا ما أحب المدن الساحلية

[Oscar]

لو ابي اعطيك الفرق من عدة نواحي يبيلي موضوع كامل لذلك انصحك انك تلف على اقسام المنتدى

كل مدينه لها قسم خاص في المنتدى وتلاقي فيه كل المعلومات اللي تفيدك

بس نصيحه لك حاول تضبط شغلك لحالك دون الاستعانه بأي شخص آخر

[نايف2]

تسلم لبا قلبك طيب ممكن تعطيني أسعار للفلل والسواق بشكل تقريبي وبشكل عام ميزانية 13 يوم

[Oscar]

اذا سكنت في مراكش وتوفقت بسكن مناسب وسعره جيد

مبلغ 32000 الف ريال كافي لشخصين مدة 13 شامل كل شي

[أهنجار خليجي]

السلام عليكم

انا رايح بعد 12 يوم ان شاء الله للمغرب وبصراحه الكل يمدحها وتحمست اروح لها وان شاء الله ماندم عليها مثل اندوليسيا زحمة وفقر وشحاذة تجيب الهم والغم كانك رايح للإغاثة مو للسياحه على العموم يا اخوان انا رايح وهذة اول سفرة ان شاء الله للمغرب ابي فلل مو فنادق ما احب الضيقة والحجرة ابي فله شرحه مرحه حنا اثنين فقط تقدر تقولون من افضل السواح جدا ومن بغا احد يكملنا ثالث يامرحبا ويامسهلا مثل ماقلت ابي فله في مراكش وسواق معنا دايم وخادمة أيضاً ولا استغني عن نصائحكم وإرشاداتكم ومن يقدر يوصلنا لشخص يظبط شغلنا بأسعار معقولة يعطيه العافية واذا امكن تعطوني معلومات عن افران وش رايكم فيها والفرق بين مراكش واغادير او كازابلانكا وشكرا لكم تقبلوا تحياتي

وعليكم السلام

الشحاذين في كل دول العالم فيلا غرفتين

ما فيه الا بالروز قاردن بس لا يوجد مطبخ

والسعر لليلة 1600 للسكن مع الشغالة

اما بخصوص فرق المدن بامكانك زيارة كل منطقة بقسمها

للتعرف عليها وعلى جمالها

افران تسمى سويسرا المغرب

مدينة عربية بشكل اوروبي بالقرب من فاس ومكناس

وسلامتك يا غالي

[نايف2]

افا يا بو عبدالله الحين اقولك مزعوطي قادم بقوووووة وتقولي مافيه مطبخ لا تكفى قل غيرها اهم الشي المطبخ طيب فلة بثلاث غرف فيها مطبخ وكم سعرها والسواق أيضاً

[Oscar]

عندي شقه دوبلكس يعني دورين في النخيل بوابه رقم 6
3 غرفه فوق والدور ارضي صاله كبيره و حمام ومطبخ

واثاثها جديد .. 2500 درهم مغربي .

[موج البنفسج]

ادا لا تحب البحر و الساحل عليك بافران تستحق الزيارة و بعدها مراكش و بالتوفيق

[نايف2]

الله لا يهينكم جميعا

[Bianconri_q8]

اخوي نايف .. الله يهنيك بهالسفره .. اذا معاكم مبلغ كويس و تبون فله انتو اخبر بنفسكم ..

موجود في روز قاردن اللي فيها 3 غرف فيها مطبخ مثل ماقال بوعبدالله ..

ترجع سالم يارب

[نايف2]

تسلمون ماقصرتوا معي ولكن ابي انتقل بعد مراكش لي افران كم أسعار فللها ابي واحد ينسق معي لاهنتم

[bader ksa]

عليكم السلام ورحمة الله وبركاته انا لسى جاي من المغرب من شهر وكانت احلى سفره بالنسبه للسكن افضل لك فله خاصه وابتعد عن الدرقاوي والنخيل خلك بعيدوحاول تبتعد عن السماسره وصراحه في كم فله يحبهم قلبك بالشغاله والسواق والسعر جدا رمزي وفوق هذا كله امان امان بس ما ادري كيف بقدراتواصل معك وبالنسبه للشحاذه بكل مكان بس اكثر ماتلقاهم في قيليز عند الماك والخ والفنا ههههههههه اتمنى لك سفره ممتعه

[نايف2]

يا خي حرام عليك وش ذا الخط والأسلوب تبي تتعبني معاك وضح ياخي انا متحمس جدا

[ولد جدة]

هذا مقاله الاخ بس الظاهر عنده مشكله بنوع الخط علشان كذا طلعت الحروف متفرقه



عليكم السلام ورحمة الله وبركاته انا لسى جاي من المغرب من شهر وكانت احلى سفره بالنسبه للسكن افضل لك فله خاصه وابتعد عن الدرقاوي والنخيل خلك بعيدوحاول تبتعد عن السماسره وصراحه في كم فله يحبهم قلبك بالشغاله والسواق والسعر جدا رمزي وفوق هذا كله امان امان بس ما ادري كيف بقدراتواصل معك وبالنسبه للشحاذه بكل مكان بس اكثر ماتلقاهم في قيليز عند الماك والخ والفنا ههههههههه اتمنى لك سفره ممتعه

تحياتي للجميع

[نايف2]

تسلم يافتى جدة على الترجمة ولكن الضحكة بالأخير هل هي منك او منه

[أهنجار خليجي]

تسلم يافتى جدة على الترجمة ولكن الضحكة بالأخير هل هي منك او منه

ههههههههههههههههههههههههه هههههههههههههههههه

الله يقلع ابليسك ههههههههههههه

والله اخونا فتى جده عنده امانه بالنقل حتى الضحكة جابها بالضبط

وسلامتكم

[لابتوب1]

النخيل لايعلي عليه