من يجيب لنا العلم

[ابوسلطان العتيبي]

صباح الخير للجميع
جئنا للعلوم الا تجمد علي الشارب
انا رحلتي ان شالله13مارس بجلس 3ايام في كازا
وبعدها بروح لرباط تقريبا 10أيام
المطلوب يالمزاعيط كالتالي
1-وش رائكم فندق اطلنتطس الا في كازا بسكن فيه بكون لوحدي وهل فيه افضل
2-احتاج سياره مع السواق لمدة ثلاث ايايم بكم وكيف استاجر
3-يوم السبت 16 مارس بيجون بقية العزبه وبلقطهم من المطار علي الرباط بلقطار
4-احتاج فله في الرباط اربع غرف بالشغاله
5-كيف الجو في كازا والرباط حر والا برد عشان أجيب الفروه
6-الوجه من الوجه ابيض 17 مارس بنزل مشاركه من الا خدمني ومن الا سحب عليه
تكفون وكلمة تكفي تهز جبال
لاحد يقول روح مراكش او غيرها
هذي وجهة سفري ولا تبخلون بالمعلومات الطيبه والفله السنعه
وترون القهوه والمه

[مزعوط كازا]

هج عنه يبو عتب موظفينه انواع الاستغلال والاسلوب الوسخ كنهم مسكنينك بلاش

[ابوسلطان العتيبي]

وش البديل يا ذيبان

[مزعوط كازا]

ولله حسب وش موقعك وميزنيتك وانت انسان عاقل او راعي ؟

[أهنجار خليجي]

صبحك الله بالخير

شعلومك يا كحيلان

محنا قايلين روح يم مراكش

مير عطنى عنوانك نجيب مراكش يمك

هههههههه

الوكاد فيه قائمة بأسماء الفنادق المضبوطة

مثبــت: فنادق المغرب التي نوصي بها - morocco hotels

اما الرباط نصيحة اخو لا تسكن الا عند ناس ثقة ثقة ثقة

الوضع هناك غير مطمئن

وشوف الشايب ابو تركي زيزوم

تراه ما يقصر عنده معارف بهاك الديار

وسفرة سعيدة

[ابوسعود222]

تراكم طيرتو عقولنا الوضع والوضع هل الوضع من زمان او توه متوتر ويش المشكله وليش

[خالد الأصيل]

حياك يابو سلطان..

والله كنا بنخدمك في الرباط..بس لما شفنا تزكية
مراقبنا أهنجار للحبيب زيزووم..
أبد ماحنا متعدينه..والغالي زيزووم مصدر ثقة..بدون كلام..

وسفرة موفقة

[أهنجار خليجي]

حياك يابو سلطان..

والله كنا بنخدمك في الرباط..بس لما شفنا تزكية
مراقبنا أهنجار للحبيب زيزووم..
أبد ماحنا متعدينه..والغالي زيزووم مصدر ثقة..بدون كلام..

وسفرة موفقة

مساك الله بالخير

انا ما ازكي نفسي دون بزكي غيري ههههههه


اللي يعرف ناس ثقة ثقة ويضمنهم يساعد اخوانه

انا ادري انك من اهل الرباط بس تعرف ناس ثقة تضمنهم انت قدام المنتدى

والكلام هذا اوجهه للجميع سواء عضو مستجد او اداري دون استثناء

وتحياتي لك

[THE BEST]

السلام عليكم
أنا شفت الموضوع فلفت انتباهي ,أنني من الذين استفادوا من خدمات المنتدى ولهم مني جزيل الشكر
وخصوصا الاخ الفاضل والغالي خالد الأصيل الذي لن أنسى ما قدمه لي من مساعدات في اقامتي بمدينة الرباط
وأنا الآن مازلت بجنوب اكادير وقد سكنت في الرباط بفيلا طبعا عن طريق الأصيل لمدة عشرة أيام
والله ماشفت منهم الا خيرا وكانت الفيلا بحق آمنة ومجهزة من كلو
وكان الأصيل الله يحفظو على اتصالات مستمرة طول مدة اقامتي بالرباط للاطمئنان علي
بحول الله راح انزل تقرير عن جولتي في المغرب

هذه شهادة حق اقولها

[مزعوط دبي]

ابتعد عن الرباط قددر المستطاع

وحاول تتعامل مع الناس الموثوقين فقط

[coolmindDude]

لك رسالة على الخاص

[ابوسلطان العتيبي]

ياناس وش فيكم
وش صار وش سويت
كل الردود علي عيني وراسي
لكن مافيه ولا معلومه استفدتها
طيب اقل شي الفروه اخذها معي والا لا
والله انكم لحستم مخي
وحتي وانا زعلان اقولكم
القهوه والمه

[الدجاجة الهاربة]

هههههه لا تزعل اخي سلطان
راح اجاوبك على سؤالك الخامس
كلمت اهل كازا اليوم قالو لي برد مرة وامطار وحتى الرباط والنواحي
اما من هنا 13مارس يمكن يتحسن الجو ويمكن لا المهم انت جيب الفروه
وهني راسك

[ولد جدة]

ياناس وش فيكم
وش صار وش سويت
كل الردود علي عيني وراسي
لكن مافيه ولا معلومه استفدتها
طيب اقل شي الفروه اخذها معي والا لا
والله انكم لحستم مخي
وحتي وانا زعلان اقولكم
القهوه والمه

هلا ابو سلطان تروح وترد بالسلامه
جايك للقهوة بس بها مسمار
اخي العزيز
الموقع التالي يعطيك توقعات الطقس بالمغرب الحبيب

توقعات الطقس في المغرب

الطقس في المغرب. 15 أيام توقعات الطقس. المغرب الطقس. أحوال الطقس الحالية في المغرب. (https://weatherandtime.net/ar/Africa/Morocco/Meknes-weather.html)

تحياتي

[zezuom]

حياك يابو سلطان..

والله كنا بنخدمك في الرباط..بس لما شفنا تزكية
مراقبنا أهنجار للحبيب زيزووم..
أبد ماحنا متعدينه..والغالي زيزووم مصدر ثقة..بدون كلام..

وسفرة موفقة

هلا خالد ولا يهون اخونا الشايب ابوعبدالله..ابد اااااااااكيد انت راعي الرباط واخونا ابوسلطان العتيبي يستاهل الفزعه وانت ماتقصر ياخالد مع الاخوان..تحيااتي

[zezuom]

هلا ابوسلطان...بالنسبه للسكن في كازا ازهله وخذ لك استوديوا حلو واحسن لك من قروشة الفنادق وابعد عن اطلنتيس وانت الربحان وكذلك السياره بالسواق وسعرها مناسب

ماتتعدى 450 درهم وش تبي بعد اكثر ههههههههههه..وبالنسبه للسكن بالرباط عندك خالدالاصيل وانشالله امورك في السليم..وراسلني وابشر بعزك خلصنا ههههههههههههه

[ابوسلطان العتيبي]

يا ويل كبدي ويلاه
الدجاجه الهاربه خايفه علي
هي الوحيده الا قالت جيب الفروه
شكلها حبتني
والله وزانت علومك يا بو سلطان
هات الدله يا ولد

[ابوسعود222]

هههههه ابوسلطان والله الظاهر حبتك بس بسالك ليش ماسكه على الفروه بس اهم شي لاتدخل الدسكو بالفروه ـ ـ ـ ياليتني معك يالهيلا ااااااااه

[رحال ابها]

ودي ادلو بدلوي

علماً الخبراء افادوك

انا حالياً في كازا الاجواء برد وامطار وما اعطتنا فرصه نطلع نشوف العالم

اطلنتتس لا تسكن فيه بصفه عامه

فنادق كازا لا تسكن فيها ضيوف ممنوع من كازا لازم من برا كازا

خذلك فندق لراحه فقط يوم الوصول ودور براحتك الامور هانيه ولا فيه ما يخوف

انا لحالي والحمد الله كل شي على ما يرام

الرباط لا ازيد على كلام الاخوان لابد من ثقه

نتمنا لك اجازه سعيده

[ابوسعود222]

هلا اخوي رحال ابها هل المغرب وضعها زين فيه ناس ازعجونا يقلون الوضع ماهو زين في المغرب ـ ـ ممكن ترسلي رساله على الخاص باسعار السكن والسهر ونت خابر لاهنت اخوي

[S7S]

ابو سلطان اجل حبتك
ههههههههههههههههههههاي
المهم لا تنسى تاخذ الفروه معك

[رحال ابها]

هلا اخوي رحال ابها هل المغرب وضعها زين فيه ناس ازعجونا يقلون الوضع ماهو زين في المغرب ـ ـ ممكن ترسلي رساله على الخاص باسعار السكن والسهر ونت خابر لاهنت اخوي

هلا بيك والله ابو سعود

الحقيقه لا استطيع ان ارسل رساله خاصه لعدد المشاركات

ولكن احب اطمنك الوضع فوق الممتاز

الاسعار رخيصه بنسبه لسكن لعدم وجود سياح كثير يعني طب وتدلل

ساكن شقه في شارع انفا خلف فندق ريفولي قريبه من كل شي انا اكتب لك الان الساعه 12 بتوقيت المغرب وطالع اشوف حالي

اذا عندك امكانيه ترسل ارسل لي طريقة التواصل معك وبشر بما يسرك

صوره لعيونك من استراحة افريقيا على الخط السيار المتجه لمراكش بعد الاداء اليوم تم التقاطه

الصوره لكازا

https://www.mza3et.com/up/uploads/images/mza3et.com-e3aa7a6ff6.jpg (https://www.mza3et.com/up/uploads/images/mza3et.com-e3aa7a6ff6.jpg)

[zezuom]

العضو ابوسعود222 ماذكرته في مشاركتك لايسمح بذكره وممنوع منعآ باتآ وهذا مايميز منتدانا الرائع..واحترام النااس واجب علينا ونرجوا مراعاة ذلك مستقبلآ ونحسن الظن

فيك وفي الجميع..واي كلام او حديث جانبي بالامكان مراسلة العضو والحديث بشكل خاص هناك...

[تركي13]

رحال ابها نريد معرفة السعر ان امكن
ووصف للشقه لوسمحت حتى يستفيد الجميع

[moheet]

ياناس وش فيكم
وش صار وش سويت
كل الردود علي عيني وراسي
لكن مافيه ولا معلومه استفدتها
طيب اقل شي الفروه اخذها معي والا لا
والله انكم لحستم مخي
وحتي وانا زعلان اقولكم
القهوه والمه

السلام عليكم
أخي العزيز أنا رجعت من كازا يوم 2 مارس . بصراحة المساء برررررد في العظام على طول .

لا تنسى البانادول اكسترا الله يوفقك ويحميك

[رحال ابها]

رحال ابها نريد معرفة السعر ان امكن
ووصف للشقه لوسمحت حتى يستفيد الجميع



هلا بيك اخي الكريم

ابشر ولا يهمك ان شاء الله

ما ودي احرق التقرير سوف يكون هنا ان شاء الله

كرد جميل للاخوان