فلوووس مغربية .. اتمنى المساعده

[مستجد]

السلام عليكم ..

عندي مبلغ من المال مغربي وانا من سكان السعودية بالمنطقة الشرقية ..

ابغا احول هذي الفلوس المغربية إلى سعودي وين اروح أو كيف احولهم ؟؟


المبلغ مو كبير كثير تقريباً اذا حولته إلى سعودي يطلع 800 ريال او اكثر بقليل

لكن لا اعلم ما هي الطريقه لتحويل هذا المبلغ ؟



أرجو الإفادة

[Oscar]

اقرب محل صرافه لك .. يحولون لك المبلغ . اجراء بسيط جدا

[LeO KSA]

أتوقع محطات البنزين اللي

على طريق الرياض ـ الشرقية يغيرونها لك .

لانو من تجربة شخصية , غيرو لي الدرهم الاماراتي الى سعودي .

اتوقع يقبلون المغربي بعد .

:)

تحياتي لك و رحلة سعيدة .

[ابو تولين]

روح الخبر طريق الملك عبدالله مجمع الرحمانيه تلاقي صرافين روح و يغيروها لك

[الرمانسي]

خليها تروح للمغرب قريب عشقها دايم شديد

[bajash]

كم المبلغ بالمغربي وكم طالب فيه وانا من الشرقيه

[سلفرر]

أي محل صراافه العمودي وخلافه
الريال السعودي =2,25درهم
يعني 800ريال تقريبا هي 1800درهم تزيد وتنقض حسب تغيرات سعر الصرف واحيان ينزل الريال الي 1,9درهم واحيان يطلع الي 2,35

[النجدي]

اي صرافين واي بنك سعودي عندهم تحويل عمله

[ابو الياس]

بالتوفيق

[شقران نجد]

البنوك غالبا ما تصرف عمله
لكن الصرافين كما قال الأخوان (( محلات الصرافه )) موجوده بالخبر وموجوده بالدمام في وسط السوق قرب بنك الرياض

[عضو مهم]

اخي البنوك ما تصرف الا عملات صعبة رئيسية

بالنسبة للدرهم محلات الصرافة ... وسعرهم لك عليه شوي .. الافضل تشوف حد مسافر ويشتريها منك بسعر اليوم.. الي تاخذه عن طريق النت مثل موقع xe.net