المساعد الشخصي الرقمي

مشاهدة النسخة كاملة : Dar Jellouna والتجربه المميزه

شرقاوي03
2013-06-30, 02:56 PM
اهلين بالجميع،

رجعنا ولله الحمد من زيارة مراكش قبل يومين الى ارض السعوديه ، وكان الهدف من الزياره للعمل وتوقيع بعض اوراق لمطعمنا الجديد وان شاء الله منتدانا راح يكون اول الحاصلين على المعلومات....

لكن الشي المميز في الرحلة هذي طبعا نزلنا بــــDar Jellouna على طريق اوريكه وهناك كانت الصدمه للجميع....

بالمناسبة كنا 7 اشخاص وسيارتنا معانااااا....

راح ابدأ التقرير هذا بالايجابيات لكثرتها طبعا في المكان : (486):

الموقع: طريق اوريكا، قريب من دار الزرابا والدخول اليها عن طريق القنطره الثالثه ( الترعه باللغة المصريه ههههه )، حقيقة المكان ممتاز جدا وهدوء لابعد درجه والدار مستقله بذاتها يعني ماهي داخل مجمع.. تبعد تقريبا عن السيطي سنطر مراكش بمسافة 15 كيلو متر، يعني لازم تاخذ اغراضك كامله من هناك وتجي فيها...

المساحة والمكان : مساحتها خياليه كبيرة جدا ، حديقة كبيره وتصميم ابداعي فيها من واجهة الدار والجوانب والخلف مع المسبح ، تحتوي الدار على 9 اجنحة ومطبخ بالبدروم وصالة في الوسط وجلسات خارجيه على المسبح وفي الحديقة جدا رايقة....

النظافة والاكل والتعامل : حقيقة تقال كان متواجد معانا 4 خادمات في النهار ويبقى 3 خادمات في الليل يعني 24 ساعه ، الدار نظيفة جدا وكمان يغيروا اغراضك في الاجنحة وجميع ماتطلبه، من الاشياء المميزه جدا هو طريقتهم في عمل الشاي ( الاتاي ) ، ممكن الاخوان اللي معاي خبرتهم كانت 15 سنة بالمغرب وقالوها صريحة بان الشاي اللي تسويه الاخت فاطيمه شي ثااااني واول مرررره يحصل لنا بالمغرب ( مالومكم 10 ثلاجات اتاي يوميا :14: )

ماشاء الله عليهم الطباخات اي شي تبغاه يسوونه لك ، بس انت جيب الاغراض وماعليك لاتشيل هم....

الدار حقيقة يبغالها تقريبا 7 اشخاص وحتى لو كانوا 10 اشخاص او اكثر راح تشيلهم بالرااااحة جدا ، اكثر سهراتنا كانت بالدار وجميع الاجهزة الالكترونيه متوفره من دي جي او سماعات فيعني ماطلعنا واجد، فقط علي بن فلاح والنرجس ويومين للديوان والباقي كله بالداااار

ما حصل لنا اي مضايقة من اي احد وبالعكس كان العساسين جدا ممتازين ونشاما .....


ولكن اياااام لن تنسى ولنا عوده لدار جالونا باذن الله ،،،،،

اي استفسار او خدمه انا حاضر ياشباب .....
LeO KSA
2013-06-30, 07:56 PM
الحمد لله على السلامه

و ياليت نشوف صور للدار , و الاسعار .

تحياتي لك و السلام ختام .
Silent212
2013-07-01, 12:08 AM
الحمد لله عالسلااااامة وربي يرزقك ان شالله

ياليت لو تكرمت نشوف صوور الدااار عشان يستفيد العموم
Oscar
2013-07-01, 12:27 AM
الحمد الله عالسلامه

ممكن تشرح لنا هذي الدار عن شو بالضبط

مجموعة فلل ملك اشخاص او ملك لشركه عقاريه .!؟

واذا عندك صور ارفقها يالغالي .. وشكرا لك
RACHIDCAR
2013-07-01, 12:32 AM
الحمدلله على سلاما
ماشي سوقي
2013-07-01, 03:29 AM
كم اسعارها ممكن تفاصيل عن الاسعار
ماشي سوقي
2013-07-01, 03:39 AM
لقيته

هذي صوره \

https://www.mza3et.com/up/uploads/images/mza3et.com-33ba9de170.jpg (https://www.mza3et.com/up/uploads/images/mza3et.com-33ba9de170.jpg)

https://www.mza3et.com/up/uploads/images/mza3et.com-d9cd0cd30d.jpg (https://www.mza3et.com/up/uploads/images/mza3et.com-d9cd0cd30d.jpg)

https://www.mza3et.com/up/uploads/images/mza3et.com-fbf471f10e.jpg (https://www.mza3et.com/up/uploads/images/mza3et.com-fbf471f10e.jpg)

https://www.mza3et.com/up/uploads/images/mza3et.com-538d1b65f5.jpg (https://www.mza3et.com/up/uploads/images/mza3et.com-538d1b65f5.jpg)

https://www.mza3et.com/up/uploads/images/mza3et.com-5dc2a81e07.jpg (https://www.mza3et.com/up/uploads/images/mza3et.com-5dc2a81e07.jpg)

https://www.mza3et.com/up/uploads/images/mza3et.com-7e496c212a.jpg (https://www.mza3et.com/up/uploads/images/mza3et.com-7e496c212a.jpg)

https://www.mza3et.com/up/uploads/images/mza3et.com-8b338db80d.jpg (https://www.mza3et.com/up/uploads/images/mza3et.com-8b338db80d.jpg)

https://www.mza3et.com/up/uploads/images/mza3et.com-942e182f6f.jpg (https://www.mza3et.com/up/uploads/images/mza3et.com-942e182f6f.jpg)


ورقم الحجز: : tele : 00212661778981 / Tel : 002125251186 21
شرقاوي03
2013-07-01, 07:42 AM
مشكورين وبالفعل هذي هي الصور، لكن الطبيعة غير عن الصور وصراحة راح ترتاح جدا فيها...

الفيلا هذي موجوده لوحدها ماهي داخل مجمع او شي، ابد انت داخل لمزرعتك وبداخلها الدار هذي وهذي وحده من الميزات اللي فيها....

طبعا سعرها يوم اخذناه تقريبا 7300 درهم ، وبالنسبة لما تكوني مجموعه ماراح تطلع شي عليكم حتى لو انتم 5 او 4 انا انصح تاخذونها بدل الشقق او الفيلل في النخيل او وسط مراكش..

عموما بتحصلونها في الاوف سيزون ، ارخص من كيذا وراح تجربونها وتنبسطوا كثير كثير....

فيه نقطه ماذكرتها امس بخصوص العمولات للخدم والعساسين، ترى ماحد يطالبك بشي ولا ينتظرون منك تعطيهم اذا انت من طيب خاطرك عطيتهم شي كويس ماعطيتهم تراهم مبسوطين ويخدمونك بعيونهم....
الوهمي
2013-07-01, 10:50 AM
يسلموا عزيزي على هالمعلومات الحلوة والصور الاحلى

الحمدلله على السلامه
شرقاوي03
2013-07-01, 11:20 AM
https://www.mza3et.com/up/uploads/images/mza3et.com-3b380cdb81.jpg

طبعا هذا عشانا ، الشباب فضلوها انها تكون جلسة عربي ههه، الكبسه سيدة المائدة لاتغيب....ز

https://www.mza3et.com/up/uploads/images/mza3et.com-46b248a31c.jpg

هذي الدار من جهة المسبح

جالس احاول ارفع بقية الصور لكن مدري ايش المشكلة
خطاف
2013-07-01, 11:38 AM
أتحفتني يا شرقاوي بالتقرير و أكثر بالصور و أتعبتني حيل لين هديت الحيل بال 7300 درهم : (161):

بس شكلها و اعره جدا 000و أليمه 000و جايه في القلب 0000 في الصميم 000 يا أليم : (114):

و تقبل مرووري مع خالص تحياتي و دعواتي لك بالتوفيق و النجاح في رابع ثانوي: (153):
شرقاوي03
2013-07-01, 11:44 AM
يسلمووو حبيب قلبي خطاف، في البداية ذكرت ان يبيلها تقريبا 4 على الاقل عشان يطيح السعر وبرضه كمان يكون فيها حركه في البيت، يعني تخيل حنا كنا 7 اشخاص وبعض الزوار معانا وكمان تحس الدار مافيها احد هههه ، لكن تجربتها وجلستها ماراح تنساها ابد... اهم شي خذ المعسل من الديوانيه بالشرقية وكمان الفحم من السعودية من شان تكتمل الرواية..

وبالتوفيق دامك خلصت الثانوي : (793):
خطاف
2013-07-01, 12:08 PM
هههههههاي على قلبي زي العسل حقون رابع ثانوي: (95):

يا ابويا أنا مخلص و مختم جمرك و داخل دنيا من زمان : (71): 000 بس و الله الفيلا مره خطيره 000 و تستاهل الواحد يأخذ له كم ليله فيها 000 بس شي من الاخر 000 و اعتبر الأوووف سيزون كله عندي:182fd25f9b06446ba41

مشكور على روحك المرحه في تقبل التعليق : (151):
شرقاوي03
2013-07-01, 12:25 PM
باذن الله خطاف نتقابل اكيد وزي ماوعدتكم ، راح يكون افتتاح مطعمي بمراكش قريبا يعني من هنا الى قبل الحج...

اتمنى تكون موجود انت والاخوان اعضاء المنتدى لحضور الافتتاح ، طبعا اكيد راح يكون فيها المسالة عشا خاص لكم : (482):
ابو تولين
2013-07-01, 07:45 PM
جميله جدا بس سعرها غالي ولكن و باين انها فخمه و تنفع لي 5 اشخاص او 6 اشخاص لانها كبيره فعلا على 3 اشخاص او اربعه
عبدالله9
2013-07-01, 11:10 PM
فله راقية وتستاهل السعر هذا كل شي فخم فيها

يس والله ياخوك مد لحافك على قد رجليك

هههههههههههههههههههههه
مزاجية
2013-07-03, 12:38 AM
الصراحه نايس عندي سؤال هي تتاجر لمجموعات بس ولا مثل نظام الفنادق يعني تقدر تحجز غرفه بس لو انت لحالك؟؟
شرقاوي03
2013-07-04, 08:16 AM
شكرا مريومه، لا هي تتأجر برضه لافراد يعني لو تبين تحجزين جناح فيها اوكي مافي اي مشكله....
اليوم اللي وصلنا فيه كان فيه سياح اجانب مختلفين وكانوا نازلين افراد ، ولما جينا اخذنا الدار كامله...
أحمد الظفاري
2013-07-04, 11:26 PM
الحمدلله على السلامة
و تشكر على الصور الرائعة و المعلومات الطازجة
ولد جدة
2013-07-07, 08:17 AM
الحمد لله على السلامه
يا
شرقاوي
والله يوفقكك في مشروعك المطعم
ونتشرف بمعرفتك
ونبي خصم خاص لمزاعيط المنتدى
تحياتي
المزعوط بدر القصيم
2013-07-07, 01:06 PM
مشكور اخوي شرقاوي على هذا التقرير الجميل
وان شاء الله انا رايح بعد الحج واكون زبون للمطعم
اللي تبي تفتحه لس الله الله لمزاعيط المنتدى لاتنساهم بالخصم :)
الله يوفقك شرقاوي
شرقاوي03
2013-07-07, 01:17 PM
مشكووورين على ردودكم المشجعة، اكيد المطعم راح يكون فيه سبيشال اوفر للقروب ولكم جميعا، وراح تكون فيه ليله خاصة للاعضاء باذن الله...

حاليا حنا بمرحلة الديكورات والتجهيز بالمعدات المتطلبه للمطعم ويارب ييسر الاموووور....

كل سنة وانتم بخير ورمضان مبارك عليكم....
روداني
2013-07-08, 05:57 AM
بالتوفيق اخي شرقاوي في مشروعك الجديد 00

وفتح عينك كويس على الاستثمار في المغرب راه صعيب وانا اخوك وخصكم واحد من الملاك يكون متواجد في عين المكان 00

هناك اجانب كثيرون استثمروا في المغرب وللاسف الاغلبيه وبنسبه تصل الى 95 في الميه اوقفوا نشاطهم هناك نماذج في اغادير انا مطلع على احوالهم عن قرب

فرنسيين وعراقيين 00

اتمنى لك النجاح والتوفيق
شرقاوي03
2013-07-16, 01:06 PM
الله يسلمك اخوي روداني ، صحيح الاستثمار في المغرب صعب ويبيله طولة بال... المهم في الامر انه القروب اللي معاك يكونوا على اطلاع كامل بالمسائل القانونية في مرحلة توقيع العقود وايضا يكون اصحاب علاقات في بعض المواقع لدى الدوائر الحكومية... واذا كان الاستثمار كبير جدا فيستحسن ويفضل بدخول شريك مغربي ( VIP ) لضمان عدم اعاقة الامور...

ان شاء الله راح يكون العيد بمراكش السنة هذي للوقوف على التجهيزات عن كثب....

تحياتي
ابو الياس
2013-07-25, 03:22 AM
صور في قمة الروعه مشكور اخوي
المحب777
2013-08-03, 08:14 AM
فله ولا أروع..تسلم أيدك أخوي شرقاوي..وين مطعمك بالضبط أنا في المغرب الحين..
alghazi investissement
2013-08-18, 05:00 AM
الحمد لله عالسلااااامة وربي يرزقك ان شالله

ياليت لو تكرمت نشوف صوور الدااار عشان يستفيد العموم

السلام عليكم

لمن يهمه امر او يحب صور دار جلونة ممكن التواصل مع وكالة الغازي على واتسب 00212675818070
alghazi investissement
2013-08-18, 05:03 AM
مشكورين وبالفعل هذي هي الصور، لكن الطبيعة غير عن الصور وصراحة راح ترتاح جدا فيها...

الفيلا هذي موجوده لوحدها ماهي داخل مجمع او شي، ابد انت داخل لمزرعتك وبداخلها الدار هذي وهذي وحده من الميزات اللي فيها....

طبعا سعرها يوم اخذناه تقريبا 7300 درهم ، وبالنسبة لما تكوني مجموعه ماراح تطلع شي عليكم حتى لو انتم 5 او 4 انا انصح تاخذونها بدل الشقق او الفيلل في النخيل او وسط مراكش..

عموما بتحصلونها في الاوف سيزون ، ارخص من كيذا وراح تجربونها وتنبسطوا كثير كثير....

فيه نقطه ماذكرتها امس بخصوص العمولات للخدم والعساسين، ترى ماحد يطالبك بشي ولا ينتظرون منك تعطيهم اذا انت من طيب خاطرك عطيتهم شي كويس ماعطيتهم تراهم مبسوطين ويخدمونك بعيونهم....
السلام عليكم
الحمد لله انكم انبسطتم معانا ....وشكرا على التعليق
لكن رغم انك نسيت تذكرني ههههههههه
المهم عندي انكم كنتم مرتاحين
صالكوط الرباط
2013-09-01, 11:31 AM
ماشاء الله فخمة جدا
وعلى البركه المطعم وبالتوفيق ان شاء الله
بس مطعمك مختص بأكل معين؟
ماشي سوقي
2013-09-01, 11:33 AM
مزيان تبارك الله
شرقاوي03
2013-09-01, 12:24 PM
مشكووورين على تفاعلكم، طبعا المطعم متخصص في الاكلات الخليجية واليمنية بشكل خاص... اكيد انه راح يكون فيه جزء للاكل المغربي لكن تركيزنا راح يكون على المطعم الخليجي

تحياتي
sat2005
2013-09-21, 05:45 PM
الحمد لله على السلامه واو واعره