بعد غياب العوده للمغرب

[!KM]

السلام عليكم و رحمة الله و بركاته
مساء الخير يا مزاعيط
ابشركم نويت اجدد اللقاء بمعشوقة القلب
بعد غياب طويل
ولو اني حالف اني ما ارجع لها
بس احس قلبي حن لها
طالع إن شاء الله لحالي يوم ٢٥-٨
خط السير حايل الرياض كازا اغادير
و العوده يوم ٧-٩
و شكلي بعدلها و اقدمها كم يوم
وش رأيكم في ما يخص السكن
اول مره انزل اغادير و وحداني
ترشحون المارينا او اماديل او صحاري
و كم تتوقعون الميزانيه اللي تكفي لمدة ١٠ ايام
عطونا ارائكم يالمزاعيط
تحياتي لكم

[ابن مراكش]

هلا اخي العزيز ابن عروس الشمال

قبل كل شي ادفع كفارة عن حلفك ولا تعود تحلف هاذي المغرب من جاه اصبح مزعوط فيها ولازم يرجع لها

بنسبه لي سؤالك عن اقادير انصحك المرور على قسم السفر اكادير وبتشوف الي يسرك الشباب يمدحون المارينا واماديل اما صحارا خبري فيه من 4 سنوات والله ما ينفع دمار اذ اتحسن الله وعلم
بنسبه لصرف يختلف من واحد الى اخر لاكن اذا انت معتدل مره وتبيه على قدك احسب 4000 درهم في اليوم مايعاد حوالي 1900 ريال تبي والله تنبسط زودها شوي وخليها على اقل تقدير 5000 درهم لليوم يعني لو حسبنا الرحله تكلف حوالي 22000 الف ريال الى 25000

اما اذا تبي تصير مره قغيطي وتسكن اي كلام وما تسهر كل يوم يكفيك 2000 درهم لليوم

اتمنى لك سفرة سعيده وانا في مراكش اذ تبي شي راسلني على الخاص

[سلفرر]

رجله سعيده اخي العزيز وياريت تقول لنا اش الي خلاك تحلف ماترجع وش صار معاك

[اجودي]

آه بس .. وبعدين مع الزعطه .. انا والله مثلك حالف ومعاهد نفسي ماطبها .. والحين قاعد ارتب امور السفر

[الـدوكالي]

بالتوفيق انشالله ونتمنى لك اطيب واسعد الاوقات بمعشوقتك رحلة سعيدة ,,


تحياتي لك ,,

[مزعوط كازا]

اغادير مولعه بالاسعار واحسب تكلفه ل 10 ايام شامله كل شي 30 الف ريال ودرب السلامه

[FaHaD VIP]

كل واحد يمد رجله على قد لحافه اهم شي لا تهايط قدام احد عادي خلك قعيطي عشان محد يطمع فيك وبرضو لا ترحم نفسك من شي حق نفسك وبس وما عليك بالباقي

ابعد عن المدن السياحيه وانت ترتاح لان لو طبيتها راح تصرف ونظرتهم للخليجي فلوس بفلوس وما يمنع تمرها مرور الكرام كم يوم وتروح لشاطي هادي انت والبحر والقمره واحلى استكنان

نوع بروتينك لا تخليه روتين واحد عشان ما تمل واختار الصحبه الطيبه وسلامتك

[مزعوط الجبيل]

^^^
^^^

هذا الكلام الصح والمفيد

ولو انك مأجل رحلتك شوي الا ما بعد 15 سبتمبر بترجع اسعار السكن في المارينا واماديل لما كانت عليه قبل العيد

مع تمنياتي لك بقضاء أسعد الأوقات ورحلة سعيدة

[فهودي]

اغادير ومراكش كلها ولعت اسعارها