جاردن سيتي

[انا وهو]

السلام عليكم
صباح الخير
أرجو الإفادة عن طريق السكن في قاردن سيتي
وماهي مميزاته وعيوبه
وشكرا لكم

[ابو تولين]

تفضل هذا عضو مجربه من كم شهر

https://www.mza3et.com/morocco18669.html



باين انك محتار

انت مقتنع فيه و تبي تسكن فيه ابد توكل على الله وجربه و احكم بنفسك


انا قلت لك رايي فيه في الخاص انه اولا بعيد على طريق اورزازات


الشئ الثاني النخيل الدرقاوي اصرف منه من كل النواحي سواء في الموقع او في النظافه او حتى السعر

يعني تبي تاخذون فيه فيلا 4 غروف بـ 3000 الف درهم

وفي النخيل بتلاقون فيلا دبلوكس 3 غرف على عددكم بـ 2300 درهم


انا قلت لك رأأي هذا في الخاص \\

واتمنى الشباب يفيدوك اكثر

[انا وهو]

كلامك صحيح لاكن الدرقاوي ما فيه فلل
وانا واصحابي من جد ما نحب في الطالعه والنازله هات هات مو المقصد قليله او كثيره لاكن هذا يضجرك
والروز قاردن ما فيه فله 3 غرف
ومشكور يا غالي على الاهتمام

[خالد الرياض]

انا كنت ساكن فيه قبل تقريبا ستة أشهر

حلو وهادي مرررره بس عيبه الاثاث والبوابين فيهم بثارة غير طبيعية

[انا وهو]

أخوي خالد انت تقصد قاردن سيتي
ولا الدرقاوي
وش قصدك البوابين بثاره

[خالد الرياض]

اتكلم عن القارد سيتي

[تركي13]

القاردن ستي حلو بس اثاثه لك عليه والاخوان الي واقفين بالدوار
يترزقون

[السمبتيك]

انا ماسكنت فيه

لكن اذكر قابلنا شباب في كفي وكانو ساكنين فيه

يعانون من المسافه

موقعه بعيد ..

[الهوى الراحل]

القاردن ستي سكنت فيه قبل سنه ممتاز جدا واهم شي الامان. نظام كمباوند ممنوع الدرك او الشرطه يدخلونه. عيبه بعيد نوعا ما عن اماكن التمشيه. اخذنا فله في القادرن سيتي 4غرف ب2500درهم صاحب الفله سعودي بالاضافة لثلاث فلل اخرى. اي مشكله تواجهك اتصل على صاحب الفله السعودي يحلها لك فوراا. رجل ماقبلته ولكن تعامله معنا يستحق الاحترام والشكر.