رجعتتتتتت لكم ... بالسلامة

[خالد الرياض]

السلالالالالام

كيفكم ؟

ان شاءالله طيبين

توي راجع من ديرة المزاعيط ولو اني مزكم وتعبان شوي لكن راح انزل تقرير ملخص من طئطئ لسلامو عليكوم :morocco_5 (102):
كنت حاط براسي ف هالرحلة اشياء كثيرة ... من اولوياتي ان الشباب الي معي لازم يكونوا توب كلاس ... يعني شغل البلدي وابو كلب صراحه يزعجني كثييير :14: ..... خصوصا في بلد برستيجه عال وذوق اهله رفييييع :morocco_5 (7): والي اقصده ف الاخلاق والشكل معاً :star:

المهم ..

انطلقنا انا وواحد من الشباب والثالث قادم بعد العيد ( عيدنا اقصد مهوب عيدهم خخخخ ) المهمم اقلعنا قبل اجازة الحج بكم يوم تفادي للزحام ... وكان خط السير الرياض .. جدة وقفة فنية .. كازا ...... ولو اني ضد الخطوط الايطاليه هههه اقصد السعودية لكن هي ارحم .... مع اني افضل الاماراتية لكن اكتشفت لشرق اسيا تنفع لكن للمغرب ... بعييييدة مره .. عموماً ..

بعد ماتوقفنا امتلت الطيارة من اغلب العائلات بجدة وقلعنا من جدة بعد .. الاقلاع بشوي ...


ترقبوا .. وش سالفة المقلب الي اكلناه بكازا ؟ و وش سالفة صاحبي مغ الطير الصغننو الي نشب له ؟ هذا ماستشاهدونه بالحلقة المقبله هههه << يسمع بالتشويق :sincere sadness:
[/COLOR]

[جوااارديولا]

سلامات ماتشوف شر ... والحمدلله على السلامه

ننتظر يا خالد شد حيلك وعجل بالتقرير لا تطول علينا


مششتاقين للمغرب وسواليفها

[سيف الوفا]

الحمدالله على السلامه

ومن بدايتها كذاااا تشووويق ياخاااااااااالد

على العموووم تقرير من بدايته واعر

ومنتظررررينك

[روداني]

الف حمدا لله على سلامتك اخي خالد 000

ياريت تغير لون الخط ماقدرت اقراه حتى ظللته 000

[ولد جدة]

الحمدلله على السلامه
ولا تطول علينا
تحياتي

[محمد السابع]

الحمدلله على سلامتك ننتظرك يا بطل ،،

ولا هنت مثل ما قال لك ابو تركي اختار لون مريح لعيوننا

شوقتنا يا بطل

[fhd999]

الحمد الله على سلامتك والوليد... الان راح اعذرك على تغريداتك السابقة!!! قول يارجل انك في المغرب ههههه

[fhd999]

ابوالوليد

[مسافر مستانس]

تقرير مبين انه رائع واصل يابطل

[alkaser_azooz]

الحمد لله على السلامه ....

ننتظر التقرير باين عليه وااااعر ...

تحياتي مزعوط جديد

[قرط حنا]

ليش مضببها ياخالد ، غير لون الخط وخل ألوانك زاهية

[الكرموس]

سجلني عندك متابع شكل التقرير فيه تشويق دام بدايتها مطب بكازا وصاحبك وطير زغنونو


وحمدالله على السلامه

[ALJAREH]

حبيبنا خالد بدايه قوية بس لاتطول علينا والحمد لله على سلامتك

[المغرب لا تستغرب]

حمدلله ع السلامه

[مدري مـن]

الحمد لله على السلامه

ننتظر كل شي منك :)

[السمبتيك]

خلو الرجال ياخذ نفس توه واصل

اذا شبع نوم بيكمل التقرير لاتخافون هههه

[خالد الرياض]

مراااحب ع الجميع

سوووري ع التاخير لكن من رجعت وانا ع السرير الابيض .. حرارة وتعب وفلونزا اقوى شي :maroc (927): .. والحمد لله على كل حال ... وان شاء الله طهور .. وهالتعب خلاني اراجع حساباتي بخصوص كتابتي للموضوع خخخخ لاتفهمون غلط .. :morocco_5 (48): ... وتردد كثير صراحة .. وراح اختصر قد ما اقدر لأن السفرة 15 يوم وصادفنا وشفنا كثييير مواقف .. وصعبة اتكلم في جميع التفاصيل ..

عموماً احب اشكر جميع المزاعيط الي ردوا بدون استثناء .. :maroc (1010):

نرجع لتكملة الماضوع :maroc (1050):

بعد ما اقلعت الطائرة بقليل جاء ذاك .......:maroc (1029): يتمايل ييمين ويسار وكاشخ ومتعطر ولابس احلى شي بالدولاب عنده .. :maroc (888): والي يتمسمس واللي يتميلح والي يترزز .. طبعا انا أول المرتزين ههههههه :11:

جلس بجنبي وانا مسوي مهوجس والسماعه باذني وهذيك الجلسة الي كن مدرية ... المهم ...... بعد الاقلاع ب 40 دقيقة تقريبا .. قال ممكن ؟ :morocco_5 (216):
شلت السماعه من اذني وقلت : آمر ؟ .. قال اذا خلصت من السماعه ممكن تعطيني لاني ابغى اسمع اغاني بجوالي ... قلت اوك :morocco_5 (128):

شوي .. واشيل السماعه واعطيه ..... قال ميرسي وصوته كله نهررر من الانوثه :morocco_5 (200):

اخذت السماعه ... بعدها بساعه تقريبا بدو يوزعون الوجبات .. وخذنا وجلسنا ناكل وانا وخويي اكل وطق حنك وسواليف وضحك .. بعد ما خلصوا الناس وجبتهم .. لقيتها تقول .. انت .. لو سمحت .... وانا الي التفت ... قالت خذ يعطيه الصحه مشكور ... قلت عادي خليها معك مابيها الحين ..... قالت لا تسلم في اغنيه ف جوالي وسمعتها وخلصت ...:rainbow: ............. قالت اجل رايحين لكازا ..... قلت ايه .... قالت سياحه ولا شغل ولا ايش ... قلت استجمام وتغيير جو ومن هالسوالف ..... بالاخير طلع موظف بالخطوط الفرنسية :biggrin: ... وعنده اجازة كم يوم وبيرجع ......

المحزن المبكي .. كان قدامنا اثنين هههههههههه استغفر الله العظيم ... انا مدري من اللي لاعب عليهم وقايلهم وجيهكم وجيه سفر خصوصا للمغرب :dunno: ... اشغلوا البشرية ياما قاموا ياما جلسوووو ... وشوي رايحين للحمام مع بعض وشوي راجعين وعيونهم ماطاحت من الطير الي جنبنا ... المشكلة مو هنا ..... المشكلة انهم لابسين ثياب :7::tears: .... وواحد منهم فاصخ الشماغ .. رايح جاي بدون شماغ خخخخخخخخخ قسم بالله ما ادري وش يحس فيه ابو الشباب ... هذا اذا ماخاب ظني حدّه نقل جماعي وماسك طريق عرعر و وجهته الديرة الي بالي بالكم :morocco_219 (9): .... وحنا نتحمد ونقول كله من الربيع العربي لابارك الله فيه :maroc (1102): مالكم بالطوووويلة ..


بعد ماقربنا لكازا .. اعلن الكابتن ربط الاحزمة وقرب الهبوط ....... نزلنا بحفظ الله .. وتعرفون الفوضى الي بمطار كازا ونكبة الشنط والشغل العشوائي .. يالله لقينا الشنط والعفش ..

المهم ... كان التخطيط يستقبلنا سائق توصيه من وحده اتعامل معها ... لكن ...انكبنا وصارت لخبطة بسبب السيارة ( اعفوني .. كنت ناوي اقولكم وش صار بالضبظ .. لكن بعد ماقدمت اعتذارها ان الموضوع صار فيه لبس ولخبطة في التوقيت ومن هالكلام .... قلت جلا ملا يخطئ.. والخطأ غير مقصود ومشيناها ) ..

بعد تجاوزنا للخبطة الي صارت وقلبت جونا وبعد بعصة المزاج .. وارهاق السفر .. مسكنا طريق مراكش اخيييرا ..والشقة محجوزة قدامنا ..:morocco_5 (18):

وصلنااااااااااااااااااااا اااااااااا اخيرا .. بالسلامة :morocco_5 (15):

دخلنا الشقة ورابتنا اغراض ومقاضي المطبخ .. كلها جايبينها معنا ... وينقصنا بعض الاغراض ... بس للاااااااااااسف مرجان مسكر :maroc (1128):
طبعا ً .. فصلت ع السواق وحطيت حرتي فيه مع ان ماله ذنب بالي صار بالمطاااار ... لانه سبب تأخيرنا ... سوينا عشا واكلنا وريحينا شوي ... .. قال : ياخي انت وش تبي نعنبوك ناشب لي ف كل شي ... قد ضبطت امورك بالطيارة وش تبي في هذا :maroc (1203): .................................................. .

هذا ماسمح لنا به الوقت ..... وترى قاعد اكتب وانا اكح كح واناشق خخخخ فعشان كذا اعذروني ... و لي باك ان شاء الله ... أرق التحايا :morocco_5 (212):

[قرط حنا]

تقوم بالسلامة يابطل

[روداني]

الحمد لله على السلامه وطهور ان شاء الله

كثير من نوعية اللي قدامكم في المقعد ومايعاكسون الا المضيفات

انا ماادري من دلهم على المغرب 000

[ع السريع]

الحمد لله على السلامه وطهور ان شاء الله

كثير من نوعية اللي قدامكم في المقعد ومايعاكسون الا المضيفات

انا ماادري من دلهم على المغرب 000


وغلطة عمرها إذا إبتسمت له هههههههههههه !

عاد وش يفهمهم الحين انه جزء من عملها

[مجنون الكبيده ديالي]

يالبييييييييييييييييييييي يييييييييييييييييييييه عودا احمدا تكلم ياخوووووووووووووووووي نشفت ريقي

[مجنون الكبيده ديالي]

قال ميرسي وصوته كله نهررر من الانوثه https://www.mza3et.com/images/smilies1/morocco_5%20(200).gif يلعن شيطانك خليتني اشوف الحجوزات وبغيت احجز


الاشخاص اللي لقيتهم انت انا لقيت شخص عطاني محاضره بالمغرب سوى كذا وسوي كذا وتحمل ساءلته كم ره جيت قال اول مره بغيت اصفقه ياشيخ

[جوااارديولا]

ههههههههههههههه حلوه ماسكين خط عرعر

النوعيات اللي جالسين قدامكم مدري وش يحسون لما يلبسون الثياب !!


واللي استغربه اكثر ان بعضهم يلبسون ثياب في المراقص الظاهر على بالهم انهم بمعربا والتل !!


طبعا في النهايه حريه شخصيه بس الافضل ان الواحد مايلتفت انتباه الناس له


التقرير ممتع وننتظر الباقي لا تبطي علينا


اجر وعافيه ماتشوف شر ان شاءالله


انا مدري ايش السالفه كل ماارجع من المغرب اكون تعبان وانفلونزا وكثير من الشباب الظاهر مثلي


ليكون من ال....... !؟ قصدي من الجو لا يروح فكرك بعيد انت وياه ههههههه

[خالد الرياض]

بااااك يالمزاعييييط

الف شكر للاخوان الي ردوا واعذروني لضيق الوقت راح ارد بسرعه و باختصار شديد


مع ان الواحد يقعد يكتب ف الموضوع ويعصر مخه دقايق وربما لساعاااات .. وللاسف يجي مشرف بعيييييد عن المهنية ويمزع ربع او نص الموضوع بدون اي سبب يذكر وياليت يكتب حررت بواسطة المشرف الفلاني ع الاقل ... عشان يكونو الناس على علم .... قسم طالع الموضوع معاااق ومتشتت حتى انا بنفسي رجعت اقرأ موضوعي ومافهمت شي منه ... مع اني لم اتطرق لاشياء جريئة مثل البعض .. بل تكلمت برموز وشفرات القليل يعرف معناها ...... والاسلوب هذا صراحة ينرفز ويرجعنا ١٣ سنة للوراء ويذكرنا بعز ظهور المنتديات والتحفظ الشديد في ذاك الوقت ... لدرجة الواحد لو يقول لبنت احبك .. بلكو عليييه خخخخخخخ

و بايااات كثيرااات :22:

[alkaser_azooz]

الحمد لله على سلامتك وقدامك العافيه بأذن الله

تحياتي لك ...

[الأمن الوطني]

سلامات يا كلاس

والله أنا توني راجع وحاس فيك

انا من الدوام للبيت ومن البيت للدوام

ما قدرت أخرج كثير من كثر التعب ومن هول الصدمة


تحياتي لك ومتابعين لموضوعك عزيزي خالد

[mnmn]

لا تبطي علينا، بانتظار البقية

[باشتان]

ما تشوف شر والحمد لله على السلامة


وفي انتظارك ،، ونطالب جميع المشرفين والادارة ،، خلوووووووووه على راحته يا نقوم مظاهارات في جميع اقسام المنتدى

[mnmn]

أضم صوتي لصوت اخوي باشتان و أقول خلو الرجال على راحته

[يزيد الشعلان]

القروي الي أول مرة يسافر في حياته هو الي يستنكر منظر الثوب ويستنقص راعيه ..

على أساس إن الكيوت الجنتل لا يزم يلبس جينز وتيشيرت أو قميص ههههههههههه

أنا شفت باكستانين يلبسون لبسهم التقليدي في لندن ، وهم معتزين بأنفسهم ، ومن أكثر الناس ثقافة ورقي ..

وكثير من اخوانا الإماراتين والقطرين شفتهم يلبسون ثيابهم وغترهم في أقادير وكازا ومراكش ...

الزبدة عزيزي المسافر : البس الي تبي ، ولا يهمك أحد ، فما يستنقصك إلا ناقص ، والإنسان ما يعيبه إلا أخلاقه ..

[جوااارديولا]

القروي الي أول مرة يسافر في حياته هو الي يستنكر منظر الثوب ويستنقص راعيه ..

على أساس إن الكيوت الجنتل لا يزم يلبس جينز وتيشيرت أو قميص ههههههههههه

أنا شفت باكستانين يلبسون لبسهم التقليدي في لندن ، وهم معتزين بأنفسهم ، ومن أكثر الناس ثقافة ورقي ..

وكثير من اخوانا الإماراتين والقطرين شفتهم يلبسون ثيابهم وغترهم في أقادير وكازا ومراكش ...

الزبدة عزيزي المسافر : البس الي تبي ، ولا يهمك أحد ، فما يستنقصك إلا ناقص ، والإنسان ما يعيبه إلا أخلاقه ..

طيب على هونك وارفق علينا يا الرحاله


ذكرنا من البدايه انها حريه شخصيه بس تعليقي كان على لبسها في النوادي الليليه !!

[محمد السابع]

^

لبسها بالنوادي الليله فيه نوع من الهيط .

لكن في الغالب عادي ولو ان احيانا تجعل نفسك محل انظار الناس

+

المهم اطالب المشرفين والادارة الي هم اخواننا واحبانا وانهم يخلون خالد يكتب على راحته ، لاننا في زمن الكلمة الحرة واعتقد ان مقص الرقيب اصبح من الماضي طالما ان الواحد يراعي الذوق العام

[سهم الارباح]

القروي الي أول مرة يسافر في حياته هو الي يستنكر منظر الثوب ويستنقص راعيه ..

على أساس إن الكيوت الجنتل لا يزم يلبس جينز وتيشيرت أو قميص ههههههههههه

أنا شفت باكستانين يلبسون لبسهم التقليدي في لندن ، وهم معتزين بأنفسهم ، ومن أكثر الناس ثقافة ورقي ..

وكثير من اخوانا الإماراتين والقطرين شفتهم يلبسون ثيابهم وغترهم في أقادير وكازا ومراكش ...

الزبدة عزيزي المسافر : البس الي تبي ، ولا يهمك أحد ، فما يستنقصك إلا ناقص ، والإنسان ما يعيبه إلا أخلاقه ..



احسنت

اعرف ناس كثير بلغ من العمر او تعود على الثوب

مايرتاح الا بوه

ولا في شي لو تلبسه بالكونجرس وتجيك هالنوعيات اللى ذكرت

وتحقر بالرجال ,,, ما يدرون ان غالب اهل الثياب هم من يسمون المزاعيط حقا

من السبيعينات وهم بهالديره .... مو كلااااااس :maroc (1080):

[مزعوط كازا]

الحين صار الي يلبس ثوب بالمغرب كلاس ههههههه الحين الواحد مالن من ثوبه هنا اروح البسه هناك زي مره شفتهم بالديوان بمراكش لابسين ثياب بدون شمغ
وشكلهم غريب بين السهرانيين والكل يضحك عليهم كنهم سواقين سطحه ههههههههههه:14: ومن جينا بكره اشوفهم ماعاد لبسو الثياب شكلهم يحسبون نفهسم ايام معربا والاردن
ذابحهم الهياط يحسبون الدريات يقولن هذا شيخ هههههههههه المغرب النظام فيه مو كذا الله يرحم حالكم حسبي الله ع الربيع العربي بس....

[Dr ALI MADKHALI]

شكرا على التقرير

[السمو]

القروي الي أول مرة يسافر في حياته هو الي يستنكر منظر الثوب ويستنقص راعيه ..

على أساس إن الكيوت الجنتل لا يزم يلبس جينز وتيشيرت أو قميص ههههههههههه

أنا شفت باكستانين يلبسون لبسهم التقليدي في لندن ، وهم معتزين بأنفسهم ، ومن أكثر الناس ثقافة ورقي ..

وكثير من اخوانا الإماراتين والقطرين شفتهم يلبسون ثيابهم وغترهم في أقادير وكازا ومراكش ...

الزبدة عزيزي المسافر : البس الي تبي ، ولا يهمك أحد ، فما يستنقصك إلا ناقص ، والإنسان ما يعيبه إلا أخلاقه ..

انا من الاشخاص الي اشمئز من الي يلبسون ثياب لكن مو علشان الثوب لا والله ولكن غالبا لما تشوف تصرفاتهم فعلا تقتنع انهم يسيئون للثوب ( الاغلب جاهل )

[ابو سمير]

بالتوفيق