المساعدة في الرباط

[عبدالرحمن]

السلام عليكم ورحمة الله ومساكم الله بالخير

احترت بصراحة ما ادري وين احط استفساراتي هنا والا في منتدى الاستفسارات.

انا ناوي انشالله بعد شهر على سفرة للمغرب وكنت ناوي على مراكش وبعد ما قريت تقارير وتشاورت انا واللي معي اتفقنا على الرباط.

والان عندي عدة اسئلة عن الرباط:

١/ وش الوضع فيها؟
٢/ هل تنصحون بالفلل في حي الرياض ؟؟ علما اننا ٣ اشخاص وكم الاسعار التقريبية للفلة المؤثثة اثاث ممتاز ونظيف (ما راح اقول فخم) ،ياليت اذا فيه صور.

سمعت عن واحد اسمه يونس اخر رقم جواله ٢٧٨٢ هل فيه احد قد تعامل معه او لا ؟؟
ولما نتفق على فلة هل فيه عقد لازم نوقعه ؟ وطريقة الدفع هل هي يوم بيوم والا اكثر والا كيف؟؟
٣/ وش الاماكن اللي فيها الصيد في الرباط؟
٤/ وش اماكن السهر في الرباط؟ على ما فهمت انا نظامها نظام سهرة في الفلة لكن اكيد فيه كم محل للتغيير.
٥/ وش الاماكن السياحية اللي ضروري الشخص يزورها في الرباط؟
٦/ الحمامات المغربية في الرباط ؟؟

هذي كانت اسئلة عن الرباط والان عندي اسئلة عامة:
١/ هل يحتاج اجيب معي شي من السعودية والا كل شي موجود ؟؟ (رز/ قهوة/ .....)
٢/ بالنسبة للاتصالات : وش افضل شركة؟؟ وهل يقدمون خدمة بلاك بيري للارقام مسبقة الدفع ؟؟ ووش وضع النت بعد ؟؟ وياليت اذا تتذكرون الاسعار
٣/ احنا ناوين ناخذ سيارة. اذا تنصحونا بمحل تأجير مجرب وممتاز ياليت مع الارقام.

ادري اني طولت عليكم لكن عارف معدنكم وبيض الله وجيهكم

[saadora]

اخوي عبدالرحمن يونس سمسار لشركة (الضفتين) شركة عقارية في شارع عقبة اكدال الرجل تعامل معاه 2 ما مدحوه وتعامل معه اخر ومدحة ولكن انا اقولك في المغرب حرص ولا تخون سفرة سعيدة اخوي

[عبدالرحمن]

ماشالله لا اله الا الله

يلوموني في المنتدى !!!

تجاوب اخوان في اسرع وقت

عموما الله لا يهينك طال عمرك بس حبيت استفسر عن الضفتين هذي؟؟ هل تنصح بها او لا ؟؟ واذا تقدر تفيدني بأحد يدبر سكن امن

[saadora]

امر بس انا الان في الرباط

[ابو تولين]

الغااالي موضوعك كله عند ابو راشد ( saadora ) و ما عاد بعد كلامه كلام خاصه في الرباط

واللي تبيه في الرباط ما راح يقصر معك ابد و هو الان هناك


تمنياتي لك بسفره موفقه

[عبدالرحمن]

ما يامر عليك عدو يابو راشد

اتمنى انك تساعدني بإرسال أي معلومة ممكن انها تفيدني.

اما اخوي مصطي فبيض الله وجهك وشهادة من وجه طيب لوجه طيب لكن ان حصل وانا اخوك صور الفلة اللي عندك. سمعنا ان مابعدها ؟؟ انكانها اغرتنا غيرنا الوجهة لمراكش وتحملنا نكد الدرك

[ابو تولين]

ما يامر عليك عدو يابو راشد

اتمنى انك تساعدني بإرسال أي معلومة ممكن انها تفيدني.

اما اخوي مصطي فبيض الله وجهك وشهادة من وجه طيب لوجه طيب لكن ان حصل وانا اخوك صور الفلة اللي عندك. سمعنا ان مابعدها ؟؟ انكانها اغرتنا غيرنا الوجهة لمراكش وتحملنا نكد الدرك



والله يا الغالي ما تحضرني صور لكن والله شاهد الفله ما عليها كلام


والفله تقريبا زي نظاام فلل منتجع جنه النخيل


ولا صاحبتها من احسن اللي تعااملت معااهم امانه و كل شئ


وانا والله مالي مصلحه ابد لا قريب ولا بعيد ولكن نوجه المزاعيط لي الاماكن الافضل

لا اكثر


والتصميم يعني نفس كذا بس الاثاث و اشياء مغيرتها صاحبتها وهي داخل المنتجع

لكن مالها علاقه بأدرات المنتجع و الفلل اللي فيه

https://www.mza3et.com/up/uploads/images/mza3et.com-a4fd6550c4.jpg


تقريبا نفس الجلساات برى


https://www.mza3et.com/up/uploads/images/mza3et.com-1e540b3e51.jpg


الغرف نفس النظام هذا

https://www.mza3et.com/up/uploads/images/mza3et.com-9b00d4050c.jpg



لها حووش برى و مسبح خاص


ومجهزه بكل شئ

[saadora]

اخوي مصطي في مراكش ماراح يقصر عنك

[عبدالرحمن]

بعد التفاهم مع ابو راشد اقتنعت بما لا يدع مجالا للشك ان ما يصلح لنا الا مراكش

وحولني على الاخ مصطي

اخوي مصطي بالنسبة للفله اللي تتكلم عنها كم اجارها يوم ٢٨ / ٤ ؟؟ وكم غرفة فيها ؟؟ وهل ضروري ناخذها مدة طويلة والا لا ؟ ومكانها هل هي في الدرقاوي نفسه والا وين بالضبط ؟ ووضعها مع الضيوف والدخول والخروج ؟؟ ياليت ياعزيزي الكريم تفيدني باللي تقدر عليه

[مرهفة الاحساس]

اخوي نصيحتي ابعد عن يونس وتقبل مروري

[ابو تولين]

بعد التفاهم مع ابو راشد اقتنعت بما لا يدع مجالا للشك ان ما يصلح لنا الا مراكش

وحولني على الاخ مصطي

اخوي مصطي بالنسبة للفله اللي تتكلم عنها كم اجارها يوم ٢٨ / ٤ ؟؟ وكم غرفة فيها ؟؟ وهل ضروري ناخذها مدة طويلة والا لا ؟ ومكانها هل هي في الدرقاوي نفسه والا وين بالضبط ؟ ووضعها مع الضيوف والدخول والخروج ؟؟ ياليت ياعزيزي الكريم تفيدني باللي تقدر عليه

يا الغالي الفله كان يأجرونها في الهااي سيزون ب 3000 درهم الى 3500 اذا طارت مره


و في غير موسم راح تعطيك ب 2700 2600 على حسب المده وانت وشطارتك


بالنسبه لموقعها هي داخل المنتجع اللي هو ( منتجع جنه النخيل ) مو في الدرقاوي

بس كلا المنتجعين جنب بعض

يعني من ناحيه امان امان ولا تشيل هم ابد ارقد وامن

اول ما تطلع من مكتب الدرقاااوي خش يمين يجيك حرف T و خش يسار امش شوي تحصل البوابه الثانيه لي المنتجع خش معها و من ظمن الفلل هذي الفله


واذا رحت يمين تجي على يسارك بعد كم متر اول بوابه اللي هي بوابه المنتجع الاولى

عشان اعطيك فكره عن هذا المنتجع هذا المنتجع سلمك الله عنده فلله يأجرها

خاصه فيهم و وضعها تعباان اما الفلل السنعه

كلها ملك لي اشخاص و اغلبها لي اوربيين احيانا يسافرو الاوربيين يخلو اداره المنتجع

يأجروها ولكن يأجروها يا من اوربيين برضو يعني ما يأجرون من الخليجي

الا الفلل حقهم و كلها مخيسه يعني اثاث تعبان المطبخ ما فيه ولا اغراض



وضع الضيف ما عندك اي مشاكل و حتى لو تلقف عليك اي حارس كلم صاحبه الفله

واطلع منها

[عبدالرحمن]

مرهفة الاحساس
مشكورة على النصيحة

الاخ مصطي

انا قد سمعت عن جنة النخيل انه سئ بس بعد كلامك اتوقع انهم يقصدون اللي للايجار العادي مو اللي من اصحابها.

طيب كم غرفة ؟؟ وياليت رقمها

[ابو تولين]

ثلاث غرف نووم

و لك رساله ع الخاااص

[ابو تولين]

مرهفة الاحساس
مشكورة على النصيحة

الاخ مصطي

انا قد سمعت عن جنة النخيل انه سئ بس بعد كلامك اتوقع انهم يقصدون اللي للايجار العادي مو اللي من اصحابها.

طيب كم غرفة ؟؟ وياليت رقمها



وهم صاادقين بالنسبه لي التعاامل مع اداره المنتجع و فلله سيئه

بس مثل ما قلت لك مالهم علاقه بأدراه المنتجع

وفلله

[النجم الأول]

هلا عزيزي عبدالرحمن ,,,

بخصوص الرباط مالك الا شيخ المزاعيط,,,هو اللي بيفيدك,,,

أما مراكش اذا بغيت فله عندك الاداري مصطي,,,

/ هل يحتاج اجيب معي شي من السعودية والا كل شي موجود ؟؟ (رز/ قهوة/ .....)


اذا انت راعي كبسات وقهاوي جب معك خيشة رز صغيرة خمسة كيلو وقهوة من هنا افضل لك,,,

/ بالنسبة للاتصالات : وش افضل شركة؟؟ وهل يقدمون خدمة بلاك بيري للارقام مسبقة الدفع ؟؟ ووش وضع النت بعد ؟؟ وياليت اذا تتذكرون الاسعار


الافضل شركة اتصالات المغرب لشرائح الجوال ورسوم استخراج الشريحة 30 درهم وتشحنها انت بالمبلغ اللي تبي,,,اما خدمة بلاك بيري ماعندي خلفية عنها هناك,,,اما الانترنت انصحك تاخذ من شركة ميدتل انترنت كونكت بقيمة 290 درهم مع اشتراك شهر,,,

٣/ احنا ناوين ناخذ سيارة. اذا تنصحونا بمحل تأجير مجرب وممتاز ياليت مع الارقام


تقدر تمر على موضوع العضو بلادي تحصل عرض بخصوص السيارات وباسعار مزيانة,,,

أي إستفسار أنا حاظر,,,

تحياتي وأشواقي,,,

[عبدالرحمن]

الاخ النجم الاول

الكلمات لا توفيك حقك، ما ادري وش اقول بصراحة !!!