تجربتي في سكن منوار والياسمين بعد التغير

[سعود قطر]

السلام عليكم ورحمة الله وبركاته
شخباركم ياشباب
توني راد من 3 ايام جلست فيها 7 ايام 5 بمراكش و 1 في كازا
كنا 4 اشخاص خذنا التذكره على القطريه ب 2450 كان في عرض
قطتنا كانت 5 الاف ريال شامله سكن وسهرات واكل والسياره
سعر الصرف لريال القطري كان 2.6
تجي للمهم سكن منوار
السعر كان 5600 درهم لفله 4 غرف شامل الخدم
الايجابيات كل شي فيها ايجابي بوابين مايزعجونك ماتاخذ اقل من دقيقه الا وضيفك عندك الاثاث جديد والفلل كلها جديده
صراحه تجربه حلوه السلبيه الوحيده السعر فقط
..........

نجي للياسمين صراحه تغير كبير في المعامله من ذلف عماد
الاخ حسن ماقصر جيت اكثر من مره متاخر وعطاني طاوله بسعرها العادي 1500 درهم وتعامل كان جدا لطيف من الاخ حسن

والتجربه الاخيره لسواق اسمه مصطفى طبعا كل سفراتي معاه ورجل امين
ويجي في مواعيده وحتى الشرطه اذا وقفونا يعطيهم من حسابه

اي استفسار تحت امركم

[عين دار]

الحمدلله علئ السلامه وطابت الأسفااار

[سعود قطر]

الله يسلمك اخوي سهم

[ولـ حائل ـد]

الحمد لله ع السلامه
ياليت توضح لنا موقع السكن فين بالظبط
وارقام التواصل معهم

[LeO KSA]

أسمك جميل و عنوانك جميل و تقريرك جميل ب بساطته

شكرأً لك من القلب , و قبل كل هذا ( الحمد لله على السلامة )

تحياتي و ربي يحفضك و الجميع .

[تش تش]

الحمد الله ع السلامه يا سعود

واحب الناس الايجابيين وخبر جميل يوم غيرو عمادوه

تحياتي يا قميل

[سعود قطر]

الله يسلمك ياليوو شرفني مرورك

ولد حايل حياك يالغالي بالنسبه لطريق فهو على طريق الروز قاردن الي لازم تعدي اول نقطة تفتيش بمراكش وارقامهم وصور الفله تحصله بقسم العروض معلنين عنه

[square]

مرحبا ..

حمدلله على سلامة الأسفار سعود أخويا ..

منتظرين بقية الروبرطاج ..

تحياتي ..

[Alsomamh]

الحمد الله على السلامه

[Kuwaity999]

حمد الله علي السلامه .،.،... ممكن تفصيل زياده عن منوار النخيل من ناحيه الموقع و الامن الخدمات التعامل الشغالات و الضيوف و طريقه الحجز
انا حاليا بالصويره وجاي مراكش باذن الله خلال هاليومين

[خالد المسلم]

حمدلله على سلامتك
وتجربة جميله خصوصا كنا نبي نعرف اكثر عن المنتجع الجديد منوار النخيل

[zgombi]

حمدالله على ااسلامه بومطر
توحشتنا بزااااف

[sultan_20008]

الحمدلله ع السلامه

[سعود قطر]

الله يسلمكم

منور يابو سعوود

[Aadl عادل]

تقرير مختصر وجميل لاكن عندي استفسار ممكن توضحه اخوي سعود
ليش السواق يدفع للدرك فلوس وش المخالفه وكم عطاهم السواق نرجوا التوضيح .
والله يوفقك في حلك وترحالك

[سعود قطر]

حياك عزيزي

بالنسبه لشرطه مايخفى عليك خباثتهم فيوم جاء يبي ينزلنا قدام ماقدونال الي بقليز جاء الشرطي وقاله انت موقف غلط + مو رابط حزام الامان و و و

المهم يوم رحنى بعيد عن السائق قاله الشرطي وين الي معاك يقصدنا حنى

الشاهد انه 70 درهم بجيب الشرطي دفعه السائق لشرطي الغت مخالفات بقيمة 600 درهم

[تركي13]

الحمدلله على السلامه

[برستيج عالي]

مافي احلى من السايق هو اللي يودي ويجيب وتسلم من استغلال الشرطة الماديين ونفسيتك تكون مرتاحة لان لو معك طير في السيارة ماترتاح تظل في قلل حتى تصل للمكان اللي تبيه

[مشعل 79]

ما تشوف أن أسعارهم مبالغ فيها فيله أربع غرف 6500 ليش

[مشعل 79]

بس أسعارهم غاليه جدا فيله أربع غرف ب 6500

[Adventurer]

الحمدلله عالسلامه ..

تقرير جميل ..

[gaabaal]

الحمدلله ع السلامه ويستاااهل الشخص الثقه ان يذكر بالخير
تحياتي لك .....

[sultan 433]

الحمدلله على السلامة ومازال منوار النخيل غالي

[TOTI]

حمد لله على السلامه ياوحش

اذا المكان ممتاز ومافي مضايقات يستاهل المبلغ الجامد
======
بالنسبة للدرك أكثر واحد بالمغرب يتخالف ممكن انا هههههههاي
لكن كل شي يمشي *_^
ولا تعور راسك
الا واحد طماع يبي بخشيش أكثر من المخالفه نفسها ههههههاي
يابن الحلال خذ لك 100 مو راضي 200 مو راضي 300 هم مو راضي
يبي 600درهم
وسالته كم المخالفة قال 500 ههههههاي
قلت عطني مخالفه أعطي الحكومه ولا اعطيك ههههههاي
مشكله اذا طحت لك بواحد مو قنوع

حمد لله ع السلامه حبيبنا مره اخرى

[مزعوط نيو2015]

ممكن رقم السواق يالذيب