أبي خوي

[AL-DOSARI]

السلام عليكم ورحمة الله وبركاته


أنا جديد في المنتدى وبصراحه منتدى رائع وفطسست ضحك من بعض الموضيع الاعضاء الي سافرو للمغرب ونزلو قصص عن رحلاتهم المهم

انا ناوي اسافر بس والله محتار بين اندونيسيا وتركيا لاكن اخوكم ماعنده لغه انجليزي الا سويه سويه المهم قررت على المغرب

بسافر لحالي مالقيت خوي اول مره اسافر المغرب و >>>>>>>>>>خايف هههه

هل هناك امان والوضع طيب

محتاج خوي من المنتدى

او فيكم احد بيسافر على الاسبوع الجاي يوم الاثنين او الثلاثاء
بتاريخ 25/7 /1432 او يوم 26/7/1432

ابي اخاويه اذا ماعنده مانع

وكم بتكفى فلوس مدة 10 ايام

وكم يساوي الريال مقابل الدرهم

وابي نصائح تكفوووووووون ياشباب من المطارفي جدة الي ارجع بسلامه

[Rabe7]

أول شيء حياك الله معنا .. وان شاء الله تلقى لك خوي تحطه على يمناك ..

ثاني شيء .. الوضع أمان والأمور سهالات ..

ثاني شيء حددلك مدينه تروح لها وأدخل قسم العروض ودور سكن فيها .. بتلقى بأغلب المدن السياحيه فيه عروض تأجير ..

والميزانيه الي تكفيك لمدة 10 أيام .. من 17 إلى 20 ألف .. الأيام هذي صيف والأسعار مرتفعه .. طبعاً من غير التذاكر ..

والنصايح .. أبد أمش على قاعدة ياغريب كُن أديب .. وكل امورك بتمشي تمام التمام ..

الريال مقابل الدرهم .. ريال = 2.1 درهم .. تقريباً يزيد شوي ينقص شوي لانه سعر الصرف موب ثابت .. وإذا تبي شوري خل حساباتك على إن كل ريال يساوي درهمين .. وإرتاح ..

وأي استفسارات ثانيه أنا حاضر ..

[AL-DOSARI]

Rabe7 اشكرك على الرد السريع والله يعطيك العافيه

انت تقول الميزانيه الي تكفيك لمدة 10 أيام .. من 17 إلى 20 ألف من غير التذاكر بعد
وضح اكثر
بريال السعودي ولا الدرهم وضح اكثر....

2-بعدين لا تنسى انا وحداوي يعني بسافر وحدي يعني لحالي وميزانيتي من 10 الاف الى 13 الف ريال سعودي...وبعدين ترا ما احب الاسواق ولا الاكلات والتمشيات ابي حفلات ورقص وسهر بس

3-اذا تعرف اسعار التذاكر بالوقت الحالي كم يليت تفيدني.

وابي رايك في تركيا؟؟؟؟هي ارخص او المغرب؟؟


وبعدين ابيك تدور لي خوي ولا تخاويني انت هههههه...

[Rabe7]

من 17 إلى 20 ألف ريال سعودي ..

وبالعكس كل مازاد العدد خفت المصاريف هذا شيء معروف بالسفر .. لأن الأساسيات راح تنقسم على عدد الأخويا ..

ومن 10 إلى 13 الف ريال ماتكفيك .. مصروفك يومياً من 1700 إلى 2000 ريال بالوقت الحالي .. اقولك الاسعار مرتفعه ..

التذاكر مهيب أقل من 3 الاف ريال .. والخطوط السعوديه انسى انك تلقى .. ادع ربك انك تلقى على المغربيه أو الاماراتيه ..

وخوتك تنشرى يالغالي .. لكن حالياً للاسف ما اقدر .. سفرتي بإذن الله بعد العيد بأسبوعين ..

[AL-DOSARI]

: (115): : (178): : (178):

يعني اشيل المغرب من راسي: (115):: (115):

: (178):: (178):

وين اروح طيب لبنان تركيا ولا اخليها اندونيسيا

[النجم الأول]

هلا عزيزي,,,

اخوي رابح وفى وكفى,,,

والمغرب بلد غالي الاثمان,,,والميزانية اللي قالها لك اخوي رابح هي اقل شي,,,

واذا ميزانيتك 10 الاف والله حبيبي انصحك تشيل المغرب من راسك وتخليها على شرق

اسيا ابرك لك,,,لان مشكلة المغرب راح تنبسط كثير ,,,والانبساط يلزمك تدفع اكثر: (599):,,,

أي إستفسار انا حاظر,,,

تحياتي وأشواقي,,,

[مرسي الزناتي]

يالدوسري ان كان ودكـ بنصيحتي ...

اول شي شيل فكرهـ انكـ تدور لكـ خوي عن طريق النت ياخي مهو كل واحد تخاويهـ

حتى اخوياك نفسهم تلقى نصهم مايصلحون وقت السفر ...

ميزانتك ماتكفي ابد ابد ابد ابد ...

تركيا تراها غاليهـ جدا وزود على ذلكـ اللغه بتتعبك معهمـ لاعربي ولا انجليزي وتعال فكك

وفيها عيب عندهمـ شويهـ كرهـ للعرب واستغلالين مثل سوريا ... نصيحتي كنسل تركيا

واندونيسيا ماتصلح الا بقروووووووووب لانها تمشيات ويلعن ام النفسيه وانت لحالكـ

وانت بعد مانت راعي تمشيات ....

ماالكـ الا البحرين او دبي على جوكـ وتكفيكـ

او انكـ تأجل اجازتكـ وتجمع فلوسكـ وعقب الصيفيهـ الا الدنيا رخصت تروح وقتها

[sees]

طيب أخوي المزانيه هذي كبيره
بس أذا الرجال تمشي وشوف بس بدون لمس يسهر بس بدون عمق
كم يكفيه ولا هوب يحب العصير واجد بس مايمنع يرشف له شوي يبعد النعاس بس والنواعم
مستكفي كيف وضع المزانيه وكم تكلف بدون سكن وتذاكر

[عآشق قديم]

يا جماعه بالعكس انا اشوف من وجه نظري ان مبلغ ١٠ الاف تكفي تقريبا الي ٨ ايام
يعني انا للحين ما حصل لي الشرف اني ازور المغرب الحبيب لكن مخطط ان شاء الله تعالي على ١٥ او ١٦ سيبتمبر يعني بعد العيد باسبوعين ومن خلال تصفحي علي هالمنتدي الرائع وبعض المنتديات الاخري واخصص بوابات السفر للمغرب استفدت كثير لدرجه حسبت الميزانيه اليوميه.
علما اني راعي سهر وعلي خفيف سهر بالنايت كلب وراعي تماشي ومقاهي وسينما ورياضه وجولات سياحيه
وليس شرط ان الواحد لازم يشرب التاي ب ٣٠ درهم اي ما يعادل ١٥ ريال حاول انك توزن امورك
يعني يوم سهر ويوم مشي ويوم بحر ويوم رياضه وجلسه بحر ويوم سينما ويوم حمام مغربي وووالخ

تحياتي

[zmany-34]

يالله حييه


انا سويت بحث بالقوقل ولقيت موضوعك

مثل حالتك مالقيت خوي للمغرب

بس انا باطلع على اول الشهر الجاي اذا الله اراد فيك تنتظر 7/2011؟

[واعر بن مزعوط]

انا مسافر انشالله يوم 28\06\2011 ووحداني يليل والوعد بالمغريب

[نبض القلوب]

هلا فيك اخوي بيننا اولاً

ثانيا ماراح اضيف على كلام اخواني المزاعيط فقد اثروا الموضوع بالعديد من النصائح

ثالثاً : اذا بتسمع شوري كنسل السفر حالياً للمغرب

وأجلها لبعد العيد .. بتلاقي اخويا نشامي تخاويك

لانه اكثر المزاعيط مسافرين بعد العيد وأولهم انا : (778):

بسبب زحمه السواح خاصه هالفترة

وانت لك مطلق الحرية في الاول والاخير

أمنياتي لك بسفر سعيد .. اذا نويت شد الرحال لمغربنا المعشوق

[zmany-34]

والله كلام الشباب يحبط


وكثيرين نصحوني بعدم السفر للمغرب في الصيف

اذا فيه خوي لاندونيسيا يا هلا ومسهلا بداية الشهر القادم ننسق ونتواجه هناك او نطلع مع بعض من هنا

[AL-DOSARI]

اشكركم جميعا لك من رد على موضوعي وتحيه طيبه

ويا أخوان انا موظف وطفشت من الدوام وماصدقت تجي الصيفيه عشان اسافر ابي افلللللللللللللللللللها وعشان باقي اجازتي اذا رجعت تكون لزيارة الاقارب عشاني مرتبط بالمدرسه وبعد العيد ما يمديني والسنه الجايه اخلي اجازتي شهر 4 او 5 هجري يكون افضل

لاكن اشرايكم لو اجلس 7 او 8 ايام راح تكفي علما ان ميزانيتي وصلت ولله الحمد 15 الف ريال...........

اخوي زماني انا ماقد حجزت للحين انتظرك اذا لقيت حجز معك نطلع سوا بس قولي كم تاريخ السفر

وابشرك تراني فله : (764):

وشكر خاص للأخ مرسي الزناتي على النصيحه الطيبه صراحه ردك اعجبني كثير ولا يهينون الاعضاء الباقين

[zmany-34]

والله اني اتشرف اخوي الدوسري ومخاواك تنشرى شرى

لكن بعدما رحت لمكاتب ال******ان وبحثت في ال******ان وسألت لقيت ان السفرة للمغرب الحين فوق ميزانيتي وقررت التأجيل لبعد عيد الفطر باذن الله


وجهنا وجهه ثانية اذا ما عندك مانع شرق اسيا دول اوروبا الشرقية اللي تشوفه

ومن طلبت مخاواه خويك اذا الله اراد

استنى ردك واذا والله ما عنك وعن المغرب الغالي فاتمنى لك سفرة سعيدة يالذيب

[شفشاون]

نصيحه لوجه الله يالدوسري الارض الارض زينه