وش المميز في المغرب

[المغاتير]

السلام عليكم ورحمة الله وبركاتة

انا اتصفح هالمنتدى الجميل وارى مدح كبيير مقابل سلبيات
حتى مع من اجالس لمن اعرض عليهم نسافر واطرح خيارات يقولون لا .... المغرب معك يالله

السهرات في كل مكان فهل السهرات في المغرب مختلفه ؟

كثير اجد السكن في منتجع اسمه النخيل مدري وش اسمه بوابه ١٠ مدري ٨ مافهمت وش المقصد وطريقة الحجز بطريقة بلدي نسق مع واحد ولمن تجي ياخذك تتفرج وييجيك بكرة يقولك الفله عليها حجز بيطلعك منها ..... وين المميز هينا ؟
غيرها لو جاك الدرك قله وقله ... خير يالحبيب انا جاي اتمشى ولا اقوله واقوله واصنع قصص ؟

كثر ماقرأت في المنتدى اجد اشبه بالانتقادات وفي المقابل اقرا من يقول اكره شي في السفر يوم الرجعة للرياض

ودي اسافر للمغرب من كثر مااسمع من يقول الي ماسافر المغرب ماكانه سافر او اخر يقول من كثر سفرياتي حول العالم لكن لمن سافرت المغرب ندمت على كل السفريات القديمة ضيعت وقتي

وهذا وانا اكتب هالموضوع ارسلت لاحد الاصدقاء مشينا المغرب في الشتاء قال قدام والراجع مو رجال ... وش هالصمله ؟؟؟

انا رحت دبي رحت لندن رحت امريكا رحت القاهرة رحت النمساء السهرات في كل مكان والي موجود هينا موجود هناك .... فما هو سر حب السفر للمغرب ... ونسيت اقولكم واحد يقول لمن ارجع للسعودية في الطيارة اخطط للسفرية الجاية ههههههههههه

ودي لو تكرمتو تحطو لو اروح صاحبكم مدرعم ماقد طب المغرب لكن سافرت لغيرها ولو اروح المغرب بكون طبيعي زي اي سفر اوصل اريح في الفندق اقوم اتعشى اسأل عن اماكن سهرات من الاستقبال في الفندق ....اروح ادخل اتفرج واشوف وش الجو هناك نفس النظام لمن اسافر اي مكان

عطونا وين نروح وش الوضع وش السر المميز هناك

في انتظاركم

[مقيم بمراكش]

وش المميز في المغرب ...
والو بس فتنه الله يخارجنا
هههههههه
عموما المغرب بلد عربي اسلامي يحتوي على العديد من المناطق المختلفه الاذواق والمشارب فهو فسيفساء من الثقافات والتضاريس والاطلاله على المحيط

[مهتم]

بالعربي المغرب لنا بالذات شوف بالذات ...احسن ديره وجوها من كل النواحي يناسبنا مليون. مع إنها ماهي مثل أول لكن مازالت.
تقول الأندلس ربي خلقها لنا. تعرف الأندلس هههههه

[سيدي فهد]

يا رجال خل الطيران يفتح وما راح نختلف على السكن [emoji23][emoji23][emoji257][emoji257]

[سيدي فهد]

اذا وصلت وركبت السيارة فدعها تسير واذا انقطع البنزين فحط رحالك وأسكن. وعلى مسئوليتي

[Bnadol]

انا نفسك رحت مشارق الارض ومغاربها لكن بالصدفه الح علي صديق للسفر الى المغرب وماكانت فالبال لكن عزمت ورحت واستشرت اللي راحو طبعا اول ماوصلت المطار يطلبون منك بلطف وانت وكيفك تبي تعطيه ولا سو نفسك ماتفهم وامش اول ماطلعت السياره تنتظرني وركبت وشغلت قوقل ماب وعلى طول مراكش منتجع النخيل خذيت فله وبعدها رحت اتشرى من مرجان الماجله ورجعت للفله اريح شوي وبالليل عاالكاش وثاني يوم الدبليو وبعدها الكاش وهكذا طبعا العصر تروح ساحه الفنا تتمشى شوي والمغرب تروح البولينق والمقاهي وستاربكس هذا اول مره اجيها دليت بمراكش كل شي لانه يجيك حماس ووناسه مو طبيعيه صراحه اجمل سهرات بالكره الارضيه ماتندمت على جميع سفراتي لكن المغرب كانت اجملهم صراحه

[saad007]

المميز هو .....

[ماردونا]

المميز هو .....



واللي يقول غير ذا الكلام يلف ويدور على نفسه

[أمياس]

اشنو هادا الكلام ..واش مكاين حشمه

[المغاتير]

اشكركم على تجاوبكم

طيب وش احسن مكان للسكن
النخيل
الروز قاردن

ووش ميزات كل منهم

[lafi]

المميز هواءها ومناخها الساحر وتجد الفصول الأربعه في وقت واحد
وكل مدينه لها طابع مميز لاتجده بألأخرى إضافه الى الحرية
وجمال سهراتها وتنوع المقاهي
وتستطيع العيش فيها حتى لو مستواك المادي متدنى

[مغادر]

جمالها واجواها وناسها وكل شي فيها [emoji470][emoji470][emoji470][emoji470][emoji470][emoji470][emoji470]

[The only one]

طبيعتها وأجواءها وناسها الطيبين

[المغاتير]

هل فيه فرق بين منوار النخيل والنخيل درقاوي ... ولا هو نفس المنتجع
وهل تنصحون فيه ووش ميزاته وش احسن شي فيه ورقم تواصل شخص ثقه يضبط الحجز في رأس السنه

[bujassim]

المغرب ماشفت مثلها

صرت ماحب اروح اي ديره غيرها

حتى لو قطعت عنها فتره

اروح أوروبا ودبي للتغيير فقط وبعدها ارجع للمغرب

الدراهم شبه جاهزة ولكن ناطرين يفتحون المطار ويلغون الحجر المنزلي بعد العودة

[سعد محمود]

لو مايجيك إلا الراحة النفسية من نزولك في المطار ، وهذي بشهادة غالبية الآعضاء .
وإذا جاء موعد الرجعة الله يعينك يصيبك إحباط ولالك خاطر في أكل أو شرب ولا كلام .
جرب يمكن تختلف عن غيرك .

[ابو سمير]

المغرب حلاتها بالسهر جوها رهيب سهراتها ماتلقاها في اي مكان بالعالم وفيها راحه نفسيه ونت فيها مايجيك احساس الغربه ومستحيل تطفش ونت فيها

[هام السحب]

المميز هو .....

كل واحد وله شي مميز وهدف

والاهداف مختلفه بين الناس

والامير والمليارديريه لاشك ان اهدافهم تخنلف لان الجفاف والحرمان لايعرف لهم طريقا
وكل شي يطري على باله بأشاره يجيه وهو في بلده دون تكبد مشقة السفر وعلشان اوضح اكثر
وزير سابق شفته في الطياره والرجل كبير في السن لما دققت عند الوصول شفت خوياه معه وشاحن طيور ( اغلبها شواهين) ومندوب من السفاره استقبلهم وخلص امورهم الاجرائية والهدف كما هو باين مقناص في المغرب

[سعد محمود]

كل واحد وله شي مميز وهدف

والاهداف مختلفه بين الناس

والامير والمليارديريه لاشك ان اهدافهم تخنلف لان الجفاف والحرمان لايعرف لهم طريقا
وكل شي يطري على باله بأشاره يجيه وهو في بلده دون تكبد مشقة السفر وعلشان اوضح اكثر
وزير سابق شفته في الطياره والرجل كبير في السن لما دققت عند الوصول شفت خوياه معه وشاحن طيور ( اغلبها شواهين) ومندوب من السفاره استقبلهم وخلص امورهم الاجرائية والهدف كما هو باين مقناص في المغرب

صدقت ياهام السحب هذا الواقع .

[أمياس]

كل واحد وله شي مميز وهدف

والاهداف مختلفه بين الناس

والامير والمليارديريه لاشك ان اهدافهم تخنلف لان الجفاف والحرمان لايعرف لهم طريقا
وكل شي يطري على باله بأشاره يجيه وهو في بلده دون تكبد مشقة السفر وعلشان اوضح اكثر
وزير سابق شفته في الطياره والرجل كبير في السن لما دققت عند الوصول شفت خوياه معه وشاحن طيور ( اغلبها شواهين) ومندوب من السفاره استقبلهم وخلص امورهم الاجرائية والهدف كما هو باين مقناص في المغربواللي رفعها سبع وهبطها سبع عرض عليه فقصور طريق اوريكا معروف اصحايها وشفت العجب وانا مغنيني الله

[هام السحب]

الطيور على اشكالها تقع

[ابو فحيل 999]

المغرب بلد حلو مناظر طبيعية وبشرية جميلة
وطقس رائع متغير واكل جودته ممتازه + البلد رخيص نسبيا مقارنه بأمريكا وأوروبا وايضا شرق آسيا باختصار البلد يرد الروح وتصلح لنا كخليجيين
وامريكان وايضا أوروبيين لعيش حياة هانيه بعد التقاعد وحتي كشباب بزيارات خاطفه .. المهم احترام قوانين البلد واتمنى يبقى المغرب كما هو بقوانييه الحاليه مع التحديث للأفضل .. المغرب كلما التصق بالسعودية ودول الخليج وامريكا فهو في خير وأمن وأمان.

[slimanqq8]

وش نقول وش نخلي؟!

البلد كله على بعضه مميز