شروط الدخول للمغرب

[ziz1am]

السلام عليكم

الكتاب باين من عنوانه شروط دخول المغرب انا رايح يوم الجمعه بالليل ترانزيت على ابوظبي اخذت 3 جرعات فايزر واخر جرعه كانت في شهر 8 سنه 2021 يعني الجرعه الاخيره مر عليها سنه
فيه احد مثل وضعي ودخل المغرب عادي او واجه مشكله ؟
يا ليت يفيدنا احد من تجربه او معلومه مؤكده


Sent from my iPhone using مزاعيط المغرب (http://r.tapatalk.com/byo?rid=81506)

[saad007]

تدخل عادي بس جيب معاك الجواز الصحي اللي يثبت انك خذت ثلاث جرعات وعبي الورقه اللي يعطوك اياها في الطياره وسلام ياصاحبي

[خمسيني المغرب]

تدخل عادي بس جيب معاك الجواز الصحي اللي يثبت انك خذت ثلاث جرعات وعبي الورقه اللي يعطوك اياها في الطياره وسلام ياصاحبي

اخي الفاضل المعلومات عن الجواز الصحي موجودة في توكلنا------ هل هذا المقصود لماتقول جيب معاك الجواز الصحي او تقصد شيء ثاني ؟

[ziz1am]

تدخل عادي بس جيب معاك الجواز الصحي اللي يثبت انك خذت ثلاث جرعات وعبي الورقه اللي يعطوك اياها في الطياره وسلام ياصاحبي



الجواز الصحي اكيد امره هين بتوكلنا
يعني مرور سنه على الجرعه الثالثه ما فيه مشكله ان شاء الله
الله يطمنك يا شيخ ما لي خلق جرعه رابعه والتعب بعدها


Sent from my iPhone using مزاعيط المغرب (http://r.tapatalk.com/byo?rid=81506)

[saad007]

اخي الفاضل المعلومات عن الجواز الصحي موجودة في توكلنا------ هل هذا المقصود لماتقول جيب معاك الجواز الصحي او تقصد شيء ثاني ؟ايه نعم تطبعه من توكلنا وبس

[saad007]

الجواز الصحي اكيد امره هين بتوكلنا
يعني مرور سنه على الجرعه الثالثه ما فيه مشكله ان شاء الله
الله يطمنك يا شيخ ما لي خلق جرعه رابعه والتعب بعدها


Sent from my iPhone using مزاعيط المغرب (http://r.tapatalk.com/byo?rid=81506)مافيه تدقيق سهالات ترى
خل معك بس ورقة تثبت انك ماخذ ٣ جرعات وخلص

[رافا]

التدقيق حسب موظف الجوازات

المطلوب صوره من الجواز الصحي تثبت ثلاث جرعات والتقرير الصحي اللي يوزعونه فالطياره

بالنسبه لي طحت في موظف جوازات غثيث ووجهه يقطع الرزق يبي إكرامية بالقوة.

طلب مني الاوراق وقال لي مافيه اكراميه قلت له الإكرامية باغيها من عندك ومادريت الا مطلع لي ورقه وقلم قلت له شنو هذا قال لي اعمل نفسك تكتب وحط فيه اي شي حتى لو فلوس سعوديه أنا هنا لم أتمالك نفسي وضحكت

قلت له لاسعوديه ولاهنديه اختم الجواز عافاك راك عطلتيني بزاف

قال لي وين ساكن وقلت له في فندق فرح

قال خليني اشوف حجزك ، قلت له جوالي طفا مافيه شارج

طالعني بنص عين وختم الجواز

ونفس الموال سواه مع خويي ونفس كلامي قاله خويي

قبلنا واحد شفته معطيه خمسين ريال ولما طلعنا عند الشنط شفته وقلت له ليش تعطيه ؟ قال عشان مايعطلني!!

الوقفه عنده ما أخذت ثلاث دقايق وهذي وظيفته غصب عنه يختم الجواز لكن بعض ربعنا يستعجل ويعطيه وهو مايستحق .

[ziz1am]

التدقيق حسب موظف الجوازات

المطلوب صوره من الجواز الصحي تثبت ثلاث جرعات والتقرير الصحي اللي يوزعونه فالطياره

بالنسبه لي طحت في موظف جوازات غثيث ووجهه يقطع الرزق يبي إكرامية بالقوة.

طلب مني الاوراق وقال لي مافيه اكراميه قلت له الإكرامية باغيها من عندك ومادريت الا مطلع لي ورقه وقلم قلت له شنو هذا قال لي اعمل نفسك تكتب وحط فيه اي شي حتى لو فلوس سعوديه أنا هنا لم أتمالك نفسي وضحكت

قلت له لاسعوديه ولاهنديه اختم الجواز عافاك راك عطلتيني بزاف

قال لي وين ساكن وقلت له في فندق فرح

قال خليني اشوف حجزك ، قلت له جوالي طفا مافيه شارج

طالعني بنص عين وختم الجواز

ونفس الموال سواه مع خويي ونفس كلامي قاله خويي

قبلنا واحد شفته معطيه خمسين ريال ولما طلعنا عند الشنط شفته وقلت له ليش تعطيه ؟ قال عشان مايعطلني!!

الوقفه عنده ما أخذت ثلاث دقايق وهذي وظيفته غصب عنه يختم الجواز لكن بعض ربعنا يستعجل ويعطيه وهو مايستحق .



صادق سهالات اصمل عليه تمشي امورك
انا طحت بشايب سعودي عمره حول ٥٠ سواليف بالطياره نزلنا سوا احسبه كذاب صارحه يقول انا دايم اجي المغرب سلكت له عقب شفت جوازه ١٧ الف ختم المغرب اخرتها قبل اسبوع بالشهر مرتين ثلاث يروح عادي له شغل هنا الله يزيده
المهم وصلنا الجوازات سوا قال له وين حجزك قال بوكينق بس ما حفظته وساله هذا معك يقصدني قال ايه عطيته نموذج الطياره بس ولا سال عن جرعات ولا طلب درهم اقل من دقيقه خلصني


Sent from my iPhone using مزاعيط المغرب (http://r.tapatalk.com/byo?rid=81506)