مخطط للسفر بداية اكتوبر وحداني ١٢ يوم

[Az아즈]

الاخوة المزاعيط استفدنا منكم الكثير من المعلومات المتوفرة في جميع اقسام المنتدى ونطمع في المزيد من التفاصيل عبر العام والخاص
اولا نبدأ بوصف بسيط عن شخصيتي وبعدها استفساراتي من بداية حجز التذاكر حتى العوده الى ارض الوطن

احب الهدوء وما احب الازعاج والسهر اتحسس من نوعيات الاكل لا اشرب بتاتاً خجول [emoji85] ما احب الاستغلال والكذب
مخطط اطلع على اكادير من مطار جدة
١. هل التوقيت مناسب؟
٢. التذاكر تنصحوني احجز على اي خطوط؟ ولماذا؟
٣. هل الدخان والعطور والادويه مسموحه في العفش او داخل الطائره؟
٤. النقود ووسائل الدفع هل اخذ كاش ام استخدم الراجحي سفر بلص ام استي سي بي او طرق اخرى واحول في المطار والا احول من السعودية وفين؟ والعملة اللي اخذها معي لتحويلها ريال ام دولار؟
٥. اذا كانت محطة الوصول الدار البيضاء .. افضل طريقة للوصول الى اكادير؟
٦. السكن احجز بوكنق او عن طريق المؤيد ام اذا وصلت وهل احجز كامل المدة والدفع كيف بيكون؟
٧. الاكل والشرب (مطاعم وكفيهات موصى بها)
٨. التنقل افضل طريقه للوحداني؟
٩. المراقص والكازينوهات حدي زيارتين الى ٣ خلال الفترة كاملة
١٠. كيف الاقي من يسليني ويرد علي الصوت خلال رحلتي (النظيف المؤدب)
يمكن اكون ناسي شي ياريت تنبهوني وتساعدوني


ملاحظة:
حبيت المغرب [emoji1173] من المنتدى مع ان ماعمري سافرت المغرب

بانتظار ابداعاتكم ومشاركاتكم على العام والخاص [emoji4]

[خالد الرياض]

مراحب اخوي

التوقيت تمام ماشاء الله والجو من اروع مايكون
اشوف ع السعودية دايركت توقيت رحلات جدة افضل بكثييير من الرياض

الفلوس خذ كاش اذا مدتك قصيرة واصرف عند بنك بريد المغرب من افضل الاسعار بالمطار ( اذا المدة طويلة والمبلغ جامد اودعه في وفا بنك بنفس المطار لهم فرعين
والبطاقة السعودية خلها عند الضروره

العطور والدخان مسموح خذها بحقيبة ظهر داخل المقصورة والادويه من ضمنها

لاتحول للدولار ابداً لانك راح تخسر مرتين ( خلك بالريال لأنه نفس الدولار تقريبا سعره مرتبط وثابت امام بالدولار )

اول ماتنزل لمطار كازا وتصرف تروح تشتري تكت ع الخطوط المغربية في الرحلات الداخليه اسأل موظف البنك وبيوجهك ع طول سهله بنفس الصاله

السكن حسب ذوقك وجوك اذا تحب الصخب او العكس فيه فنادق هاديه وفيه فنادق هيصه على مدار 24

الطاكسي دور لك واحد كويس واتفق معه وخلك شخصيه صارمه معهم تراهم ماينعطون وجه

النظيف والمؤدب انت الي تقييمه ياصديقي من فراستك ونظرتك وتقييمك لهم ولسلوكهم ولو بعض الاحيان المظاهر تخدع

هذا مالدي وانتظر خبرا اكادير

[Az아즈]

شكرا لك مختصر ومفيد وننتظر ابداع المبدعين

[سؤال]

لا تورط الرجال العطور داخل حقيبة الظهر ممنوعه فقط 200 ملل يعني قطرة عين هذا نظام الطيران حطها بحقيبة الشحن قدام عيني وحده رمو عطورها كانت حطتها بحقيبة الظهر
بالنسبة للكاش افضل ما تشيله ابد ولكن حول على نفسك ويستون
بالنسبة لتنقل ان كنت في الدار البيضاء فيه برنامج مثل اوبر حلو لتنقل اسمه indrever
الفندق اذا اول مره تجي المغرب فيه واحد قريب القطار محطة الميناء
اكادير اغلب الاخوان يمدحون المارينا مع اني اشوف المنطقة السياحية افضل قريبه البحر والاسواق والمقاهي فيه واحد هناك عنده شقق بس حدد تبي ضيوف ولا لا
حتى لا تنصدم بالمغرب ترا الاخوان عندهم خبره يعني الجديد يمكن يكره المغرب حاول تسئل اكثر ولازم تسوي حجوزاتك قبل توصل لان اذا وصلت مهي زينه تضيع وقتك بالبحث عن سكن وغيره
الاكل للاسف المغرب فيه اهمال بالصحه يعني اذا حسيت المطعم وسط اتجه الى مكدو او المطاعم المشهوره
الدخان اخذ من السوق الحره بمطار جدة كرزين مسموح لك
بالنسبة لي اكره الرحلة المباشره لاني من هوات النوم بالطائرة مايجين النوم الا بالجو افضل الترنزيت باحد دول حتى اخذ عصير من السوق الحره لان اسوء سوق حر بالعالم حق مطار المغرب

[خالد المسافر]

لا تورط الرجال العطور داخل حقيبة الظهر ممنوعه فقط 200 ملل يعني قطرة عين هذا نظام الطيران حطها بحقيبة الشحن قدام عيني وحده رمو عطورها كانت حطتها بحقيبة الظهر
بالنسبة للكاش افضل ما تشيله ابد ولكن حول على نفسك ويستون
بالنسبة لتنقل ان كنت في الدار البيضاء فيه برنامج مثل اوبر حلو لتنقل اسمه indrever
الفندق اذا اول مره تجي المغرب فيه واحد قريب القطار محطة الميناء
اكادير اغلب الاخوان يمدحون المارينا مع اني اشوف المنطقة السياحية افضل قريبه البحر والاسواق والمقاهي فيه واحد هناك عنده شقق بس حدد تبي ضيوف ولا لا
حتى لا تنصدم بالمغرب ترا الاخوان عندهم خبره يعني الجديد يمكن يكره المغرب حاول تسئل اكثر ولازم تسوي حجوزاتك قبل توصل لان اذا وصلت مهي زينه تضيع وقتك بالبحث عن سكن وغيره
الاكل للاسف المغرب فيه اهمال بالصحه يعني اذا حسيت المطعم وسط اتجه الى مكدو او المطاعم المشهوره
الدخان اخذ من السوق الحره بمطار جدة كرزين مسموح لك
بالنسبة لي اكره الرحلة المباشره لاني من هوات النوم بالطائرة مايجين النوم الا بالجو افضل الترنزيت باحد دول حتى اخذ عصير من السوق الحره لان اسوء سوق حر بالعالم حق مطار المغرب



أشكرك سؤال
يا الحبيب دائما حاول تشوف اللى يناسبك من آراء الاخوان احيانا ماهو بضروره اكيد او يكون هناك تغيرات اضرب احسابك لأسواء المواقف
التوقيت تمام و مادام تحب الهدوء امورك تمام
لا تذكر ان سفرتك الاول ابداً
رحله سعيده

[سؤال]

أشكرك سؤال
يا الحبيب دائما حاول تشوف اللى يناسبك من آراء الاخوان احيانا ماهو بضروره اكيد او يكون هناك تغيرات اضرب احسابك لأسواء المواقف
التوقيت تمام و مادام تحب الهدوء امورك تمام
لا تذكر ان سفرتك الاول ابداً
رحله سعيده

العفو اخوي بس انا ما ذكرت آراء انا فقط انبه السوائل بحقيبة الظهر ممنوعه وهذا ليس كلامي كلام هيئة الطيران المدني وجميع شركات الطيران
بالنسبة لتوقيت ماعرف لكن اغلب الاخوان يمدحون الوقت الحالي ياحالي
مافهمت لا تذكر ان سفرتك الاول ابداَ

[ستالين]

الشباب ما قصروا إجاباتهم وافيه
بالنسبة للعطور مسموح لك حد أقصى
لتر واحد يعني مثلاً ثلاثه او اربع عبوات
مجموعها لتر مسموح.. عموما يعتمد على
المطار اللي اقلاعك منه احيانا تحصل شباب طيبين لو عندك كميات تتجاوز المسموح يمشونك وتقدر بعد إنهاء إجراءات السفر تأخذ اللي تريده من السوق الحره ولا احد يكلمك وأفضل طريقة بالنسبه لي هي شحن كل شي بالعفش.
لكن بالنسبه للسجاير هل إذا اخذت مثلا أربعه
كروز مارلبورو احمر هل يمشوني بمطار المغرب والا اذا فتشوني غرامه وتمشي نفسك بالرشوه... لان بتايلند ممنوع تجيب معك أكثر من كرز واحد وإذ فتشونك واحيان يكون تفتيش عشوائي فيها غرامه كبيرة جدا.

[ستالين]

العفو اخوي بس انا ما ذكرت آراء انا فقط انبه السوائل بحقيبة الظهر ممنوعه وهذا ليس كلامي كلام هيئة الطيران المدني وجميع شركات الطيران
بالنسبة لتوقيت ماعرف لكن اغلب الاخوان يمدحون الوقت الحالي ياحالي
مافهمت لا تذكر ان سفرتك الاول ابداَ

لتر مسموح
مجموعه عطور حجمها لتر
مسموح داخل الطايرة وإذ شريت من
السوق الحرة خلاص ما احد يكلمك
وبكول سهوله تأخذها معك داخل الطايرة.

[ستالين]

العطور اهم شي
الكبيدات يحبون العطور
انت لو تمر عبدالصمد القرشي او العربية
تحصل عندهم عروض اشتري كميات كبيرة
وحطها بالعفش.

[ستالين]

بالنسبة لحمل العطور اللي اعرفه ما مجموعه لتر مسموح
الرابط اللي وضعته انت مطار مصري ما ادري عنهم
انا مثل خالد اخذ احيانا ثلاث او اربع عطور معي
بالطيارة والا احد يكلمني. حتى بالطيران العماني
عندهم سوق حرة داخل الطايرة عطور وكحول الخ
وتشتري ليبقيته.. عموما لو مأخذ كميات اكبر يعتمد
على الشباب بالمطار وعندنا بالخليج أكثرهم يمشونا نحن
الخليجيين واذا تريد تفك نفسك من القلق حط كل شي بالعفش.

[ستالين]

السجاير لا تشتري من السوق
الحرة خصوصا المالبورو لانه والله
ما ينفع سويسري وكأنه مغشوش
خذ لك من السوق برا في مدينتك مارلبورو خليجي.

[ستالين]

والله لينصح الناس
شكله اكبر واحد يتخرفن
انا ناوي لو رحت المغرب
اخصص شنطه وحده كامله للهدايا
الله يستر بس هههههه

[Az아즈]

الله يسعدكم كفيتم ووفيتم نبقى اخوه وكلكم على العين والراس [emoji134]
التجارب مختلفة والظروف مختلفة
لا عجب لو اختلفت النتائج الكل صادق كل منكم ينصح حسب تجربته

شكرا لكم [emoji120]

[Az아즈]

اللي عنده معلومة خاصة وحاب يجي على الخاص ما نستغني ابد

[مهران]

والله كلام الشباب رائع ومفيد للجميع
اعجبني الشرح والتفصيل والتسلسل بالافكار
شكلهم شعار او روائيين

[ديلر]

نفس وضعك رايح وحداني بس من دولة ثانية قريبة من المغرب
واشوف ان طنجة مناسبة حقت كم يوم
ووصلوها سهل من كازا بالبراق ساعتين وانت بطنجة
بعد طنجة طيارة لاغادير لحد ماتنتهي مدتك اللي انت محددها
وطيران لكازا ومنها لارض الوطن



أرسلت بواسطة iPhone بإستخدام مزاعيط المغرب

[A TO Z]

شكرا

[مبطي مزعوط]

باختصار
اذا انت كما وصفت نفسك فلا تروح المغرب الا مع صديق يعرف الديرة خاصةً وأنت تقول انها اول رحلة لك للمغرب .
انا هنا لا اخوفك فالبلد امان بعد الله ولكن قد تكره البلد عند اصتدامك باي شي ينغص عليك رحلتك او قد تتعب كثيرأ في البحث عن ما يوافق مزاجك او قد تخسر مالا كثرا في غير مستحقه .
اذا عزمت على السفر لوحدك فكن شجاعا واثقا من نفسك غير متردد ، تعامل مع الناس بثقة وكلمة واحدة واتفاق مسبق على كل شي . وإياك ثم إياك ان تبين لأحد انك اول مرة تدخل المغرب .

[Az아즈]

من ناحية القلب جامد ابشرك لكن مو متعود على اجواء الصخب والرقص وما اشرب لكن ودي بتغييرة جو اشوف الدنيا و اتسلى مع الوجه الحسن
رحلتي السبت القادم وحاجز يومين بفندق مبروك وبقية الرحلة اتحرك حسب الظروف .. افكر استأجر سيارة اذا وصلت مطار كازا واتجه الى اغادير السيارة بتعطيني حريه للتحرك ومشاهدة معالم المدينة والا وش رايكم

[Az아즈]

لا هنتم كم مدة السفر بالسيارة من كازا الى اكادير؟
وكيف الطريق؟
وهل قوقل ماب شغال مظبوط؟

[محمود1987]

لا هنتم كم مدة السفر بالسيارة من كازا الى اكادير؟
وكيف الطريق؟
وهل قوقل ماب شغال مظبوط؟



مدة السفر حوالي 4 الى 5 ساعات ، كلها طريق سريع ،
تدفع عليه رسوم تقريبا ٢٠٠ درهم .
بالنسبة لخرائط google ممتازة لكن يفضل تشغل waze أحسن .

[Az아즈]

لا هنت
ايجار السيارة افضل من المعلنين والا اذا وصلت المطار استأجر

[قطري واعر]

من ناحية القلب جامد ابشرك لكن مو متعود على اجواء الصخب والرقص وما اشرب لكن ودي بتغييرة جو اشوف الدنيا و اتسلى مع الوجه الحسن
رحلتي السبت القادم وحاجز يومين بفندق مبروك وبقية الرحلة اتحرك حسب الظروف .. افكر استأجر سيارة اذا وصلت مطار كازا واتجه الى اغادير السيارة بتعطيني حريه للتحرك ومشاهدة معالم المدينة والا وش رايكم

وجهة نظري انك تاخذ رحله داخليه من كازا الى اغادير مدتها ساعه طيران افضل لك من الطريق لانه الصراحه الطريق طويل ومتعب جدا وبالنسبه لاغادير ماتحتاح انك تستاجر سياره لانها مدينه اماكنها محدوده خصوصا لنا الخليجين

[Az아즈]

وجهة نظر تحترم من قامة من قامات المنتدى
اشكر لك مرورك

[متى السفر]

الطريق السيار من كازا لاكادير جميل وفيه كل الخدمات استراحات على طول الطريق
فيها كل شيء تحتاجه اذا كنت ماتحب الخطوط الطويلة عندك رحلة داخلية من كازا
بالنسبة لي أفضل السيارة

[رافا]

لا هنتم كم مدة السفر بالسيارة من كازا الى اكادير؟
وكيف الطريق؟
وهل قوقل ماب شغال مظبوط؟



المسافه من كازا إلى اغادير تقريبًا 500 كيلومتر الا شي بسيط وتستغرق الرحله بالسيارة مابين 4 الى خمس ساعات تقريبًا.

إذا ناوي تستأجر سياره وهو الأفضل لكن أحرص على ان يكون توقيت وصولك لمطار كازا مبكرًا بأول النهار .

قوقل ماب شغال ومضبوط.

[خالد المسافر]

التوقيت تمام
اذا ماعندك في برنامجك مدينة ثانية و اول مره تروح خلك طيران
الأمور بسيطه و وقت السفره يخدمك و كادير أماكنها محدوده منها تعرف على البلد
و رحله موفقه

[مشتاق لك]

لو يعطوني سياره بلاش من كازا
مامسكت خط وش الي حادني
طياره ي اخوي وانت مرتاح لاقادير
وهناك بامكانك تستأجر سياره
فكر في الرجعه وانت متعب لا تفكر
بالروحه هذي وجهة نظري والله يوفقك

[Az아즈]

شكرا [emoji120] لكم جميعا على استقطاع جزء من وقتكم للرد على استفساراتي

[KSA1977]

لو يعطوني سياره بلاش من كازا
مامسكت خط وش الي حادني
طياره ي اخوي وانت مرتاح لاقادير
وهناك بامكانك تستأجر سياره
فكر في الرجعه وانت متعب لا تفكر
بالروحه هذي وجهة نظري والله يوفقك

إذا المده اسبوعين عادي يأخذ سياره من كازا لاكادير
أما إسبوع الأفضل طيران وريح نفسك.

[مشتاق لك]

إذا المده اسبوعين عادي يأخذ سياره من كازا لاكادير
أما إسبوع الأفضل طيران وريح نفسك.

ترا اسبوعين تروح كأنها يوم ماتستاهل سياره وخذ
فيه ناس تجلس بالاشهر هذا لو استأجر مافيها شيء
وكل واحد وحسب المدينه لكن اقادير كل شيء
قريب عندك لو قلت لي مراكش اقولك لازم سياره
لان الاماكن بعيده عن بعض وسلامتكم

[Az아즈]

كم تقريبا التذكرة من كازا الى اغادير
احجز اذا وصلت كازا صح والا احجز عن اون لاين قبل الرحله

[Az아즈]

واذا بغيت اتحول في اغادير والمناطق القريبة وش افضل برامج التوصيل مثل كريم واوبر والا طاكسي اطلبه عن طريق الفندق

[النمله]

واذا بغيت اتحول في اغادير والمناطق القريبة وش افضل برامج التوصيل مثل كريم واوبر والا طاكسي اطلبه عن طريق الفندق

اذا انت راعي تمشيه نهاريه ومايهمك السهر
روح طنجه قريب شفشاون واماكن جميله