شنو التصورات الي كنت ماخذها عن المغرب وتغيرت بعد سفرك لها؟

[رحال965]

عن نفسي اول فكرة كانت غلط عندي هي ان الطيور راح تتحاذف عليك يمين ويسار اول ما تتكلم بلهجتك ويدرون انك خليجي، انصدمت ان البعض ما يبي يكلمك اصلا اذا درى انك خليجي، والصيد ماهو بالسهولة الي توقعتها.

الامر الثاني توقعت ان عدد الخليجيين هناك قليل واكتشفت ان عددنا هناك كبييييييييييير، رغم ان العدد صار اقل الحين الا انه لا يزال كبير، حول 14 الف خليجي يزور المغرب شهريا وفي سنة الذروة كان يوصل 20 الف شهريا.

الجرائم والفساد الاداري منتشرة بشكل كبير مع الاسف، في احد زياراتي حصلت جريمة قتل على بعد كيلو تقريبا من المكان الي كنت سهران فيه، والفساد الاداري حدث ولا حرج في كل القطاعات

شغلة اكتشفتها ايضا ان العلاقات اقوى من الفلوس، على عكس بعض الدول الي كل شي يمشي فيها بالفلوس، في اماكن بالمغرب مو رادين عليك ولا على فلوسك واذا تبي يسنعونك مالك الا انك تجي بتوصية وتلفونات، ورغم ذلك هم راح تدفع.

شنو عندكم تصورات كانت مختلفة عن الواقع؟ وشنو تنصح الي يبي يسافر لاول مرة

[مغربنا الحبيب]

موضوع شيق ومثير للاهتمام رحال
شخصيا بحكم ماسمعته من الشباب وقراءة بعض المنتديات كانت فكرتي عن المغرب انه النصب والسحر شغال علطوول هههه وان الديره كانك مسافر المكسيك بس لقيت الأمر مختلف البلد أمان وشعب طيب ومحترم في مجمله وخصوصا إذا كنت سائح نهاري وكذلك كنت متصور الشرطه راح تبهدلك وتنقص سفرتك وخصوصا اللي معه سياره ولكن الأمر مختلف مع وجود بعض المضايقات احيانا ولكن التغلب عليها ليس بالأمر الصعب وايضاً البلد ليست غاليه جدا كما توقعت وليست رخيصه ولكن المسافر الخبير راح ينبسط مع صرفيات ماليه معقوله ومتوقع انه كازا سئيه لدرجه ماحد يواطنها لكني في الواقع ارتحت فيها اكتر عن بقيه المدن وربما يكون السبب هو بعض الوجيه الطيبه اللي تعرفت عليهم فيها لأجل كما يقال عين تكرم ديره ????
تقبل الله طاعاتكم

[مقيم بمراكش]

انا تخيلت ان المغرب هي كازا ومراكش وطنجه واگادير والباقي مجرد مدن صغيره ليست شي بينما اتضح لي ان هالمدن الاربعه لاشي عند باقي مدن المغرب

[المغاتير]

وش احسن مدينه؟


Sent from my iPhone using مزاعيط المغرب

[أبو هزاع]

أغلب التقارير القديمة والجديدة في المنتدى شفتها بالواقع هناك نسخ لصق ، وهذي فائدة انه كل مزعوط يكتب تقرير عن سفرته، ومن أكثر الأشياء اللي شدة انتباهي بالمغرب هو عزة نفسهم وثقتهم بنفسهم الشخص المغربي كرامته فوق كل شيء البعض للاسف يظن انه جاي سائح وجمع له كم فلس انه بيقدر بفلوسه يمتلك كل شيء ويعامل الناس بأسوأ تعامل،، المغاربة اذا عاملتهم باحترام بيحطونك بعيونهم، والكلام ياعزيزي القارئ ببلاش ، كلمه حلوه من هنا وكلمتين من هنا كسبت الاحترام والخدمة الجميلة، لا احد يظن انه اذا حط مئة درهم في يد اللي يخدم له على الطاوله انه بالفلوس هذي يحسب نفسه ملك الدنيا، ممكن شخص خدمني بطاولتي وابتسمت له وشكرته تسلم الأيادي يعطيك الصحه خويا لو عطيته خمسين كأنها تسوى أضعاف مضاعفه،، والشيء اللي اكتشفته هو انهم مثقفين جداً ثقافتهم تولد معهم من الصغر احترام الكبير والابتسامه والروح الجميله وعدم المقاطعه بالحديث واشياء كثير، ومن الاشياء اللي ماكنت متوقعها هو الثقافه الفرنسية بكل شيء مثل اللغه اكتشفت انه اكثر المغاربة يتكلمون فرنسي واكثر الاماكن مثل المطاعم والمقاهي والمطارات اللوحات مكتوبه بالفرنسي، واكثر شيء ماكنت متوقعه هو دورات المياة وانتو بكرامه بدون شطافات او هوز مثل الخواجات هههههه هذا الشيء صدمني ههههه واخر شيء احب اقوله لمحبين السهر انه أغلب أماكن السهر بجميع دول العالم هي من أكثر الأماكن اللي ممكن تواجه فيها مشاكل وعدم ثقه ونصب وممكن بيوم وليلة الموظف اللي كنت تحجز عنده طاوله باتصال ويخدمك احلا خدمه يقلب عليك ويتغير عليك بلحظه أماكن السهر خليك حريص لأبعد درجه ممكنه ولا تثق بأي شخص سواء يسهر فيها او يعمل فيها


أرسلت بواسطة iPhone بإستخدام مزاعيط المغرب

[Tauosh]

المنتدى بالقائمين عليهم ما قصروا عطوني تصور كامل للوضع ويوم رحت ماعانيت وكاني اعرف الديرة من قبل ..
فيه اشياء اوفر شوي يوم رحت ما صادفتني اضافة على كذا توقعت الديرة غالية طلعت ارخص من التوقعات من ناحيتي انا يمكن عشاني كنت اروح لغيرها فعشان كذا مقياسي يختلف عن غيري ،
بالمجمل نفس الي اطلعت عليه وعطوني تصور عنه الاعضاء شفته هناك