استفسار عن طنجه

[itsmee86]

انا طيارتي بكره الفجر وماعندي خلفيه عن طنجه

فـ ابيكم تفيدوني بليز

خصوصا اني عضو جديد مقدر ارسل ع الخاص

[أتأمل في عيونك]

السلام عليكم

راح يفيدونك المزاعيط

لكن بحب اذكر الاشياء الي انا اعرفها عن طنجه تقع في شمال المغرب تبعد عن كازا 370كيلو تقريبا الطريق جميل ومناظر خلابه

يعني ما راح تحس بالمسافه وممكن الوصول بالقيطار ارخص او بالباص وعيب الباص يوقف كثير ويقوف للغداء مدة ساعه

هي اكثر مدن المغرب حريه طبيعه حلوه يلغب عليها الطابع الاسباني لقربها من اسبانيا

التاكسي رخيص عندهم

لايوجد فيها شقق فيها فلل وبعضها تحتوي على ديجيه اسفل في البادروم علشان الصوت

نصيحه اهم شي السكن حتى لو كان غالي علشان ترتاح وتاخذ راحتك

وهي ارخص من كازا واغادير

لا تفوتك تطوان والمضيق والراس الاسود وسبته قريبه من طنجه ومدن حلوه جدا
ومارينا سمير

الفنادق
نقلتها لك من الانترنت

---
فندق طارق مايتميز به الموقع فقط لاغير على البحر بالقرب من جبل مالباطا
اما النظافة فلك عليها والفندق من فيئة 3 نجوم بس ماتعطيه نجمتين والطلب عليه لأن بعض الخليجيين يرتادونه لاسباب معروفه

اتذكر كان سعره بـ750 درهم الليلة مادري عنه هالايام

الهاتف : 00212539341913

طبعا موقعه جنب الموفنبيك في مكان آمن و ممتاز وجنبه مطاعم كويسه

فندق الأمنية بيورتو

بالجهة المقابله للكورنيش

رقم الهاتف 00381108712044

فاكس 00208070992044

سعر الغرفة لليله الواحده 1020 درهم




------------

تابع

[أتأمل في عيونك]

بالنسبه للفنادق

1- فندق الموفنبيك خمس نجوم
على نفس شاطئ طنجه
2- فندق المنزة
على نفس الكرنيش خمس نجوم
3- فندق لي ميراج خمس نجوم
بعيد عن المدينه بجانب مغارة هرقل
4-فندق رمادا أربع نجوم
على نفس الشاطئ

الأماكن السياحيه :

1- منار بارك
2- مغارة هرقل
3- الكورنيش
4- مقهى الحافه
5- القصبه
6- سوق المدينه
7- سوق كاسبارطا
8- شاطئ سيدي قاسم
9- جلسات ساحه 6 أبريل
10-حمامات البوغاز
11-منطقه عين الحصن ومطاعمها


البرامج السياحيه ليوم كامل:

1- يمكنك الذهاب في الصباح الباكر لمدينه شيفشاون وتناول الغداء والتجوال والرجوع في اليل

2- الذهاب لمغارة هرقل والجلوس في المقاهي القريبه منها ومشاهده غروب الشمس
وأيضا وشاهده التقاء البحرين وتناول العشاء في فندق لي ميراج

3- الذهاب لمدينه تطوان عن طريق السريع والرجوع عن طريق الجبل وسوف تجد مناظر حلوة جدا


المطاعم :


1- مطعم ماربيا في شارع يوسف بن تاشفين قريب الكورنيش
2- مطعم النجمة خلف الكورنيش فيه جميع أنواع السمك التي تخطرفي بالك
3- مطعم مرحبا قريب من القصبة
4- بيتزا أسلو بشلرع محمد الخامس
5- مطعم الأمنية مقابل فندق الأمنية قريب الكورنيش

[أتأمل في عيونك]

المهم فيه فندق اسمه فندق طارق 3 نجوم يمدحونه وفندق لاخر درجة وحلو ورقمه هذا هو التلفون :0021239341913 جنب الموفنبيك بس حسب ماقرات عنه انه فندق ماعندهم مشاكل في الضيوف هذا اول شي وامان ونصيحه مطعم المنصوري على يمين الفندق
مسافة بسيطة وعندك بيتزاهت وفيه فندق الموحدين اليله فيه 850 لشخص والاخر 830 بس تبي الرائي فندق طارق وبس سعره حلو ورخيص وكل شي اوكيه فيه انت جرب الفندق هذا وخبرنا عنه ونستنى تقريرك اوكيه المعلومات هذي من شخص من مزاعيط طنجه وانا مسجلها عندي علشان السفرة الجايه لها اوكيه
ولمحلات السهر عندك محل اسمه موركو بلاس ومكان اسمه 555 ومحل ثالث اسمه بلو روز هذي من 12 فياليل روح لها اذا صرت طفشان ووحداني شوف طنجة مافيها شقق ولا ينصحون فيها نظامها اثنين يافلل زي الرباط او فنادق وهذا رائي واحد مزعوط هناك

[itsmee86]

مشكور والله يعطيك الف الف عافيه

ريحتني والله

لاهنت يالذيب

[أتأمل في عيونك]

اسمع مني

طنجه نعم الختيار وتستاهل العنوه وهي اجمل مدن المغرب وشبابيه واختيار موفق

وارخص مدن المغرب من حيث التمشيات والسكن

ونسيت اذكر ان الفلل معاها على ما اظن شغاله تنظف وتطبخ

وعلى فكره ترا عندهم سوق للغنم والهرفي 250 ريال فقط عندنا يسوا 1200 ريال ههههه

ووممكن تحصل ب 150 ريال افضل من اكل المطاعم

[itsmee86]

ههههههههه اهم شي الهرفي

الله لايهينك يالامير

بغيت اسال عن التكاسي غالين والا لا وابي اذا تعرف مكتب سياحي هناك احجز منه لانهم يقولون المكاتب ارخص
اي وشسمه فيه صرافين بالمطار والا اصرف فلوسي من هنا

[itsmee86]

والله لايهينك يالامير وشكرا علا المعلومات ولاخلا ولاعدم

وادري كثرت عليك �� بس لاتلومني

[أتأمل في عيونك]

من ناحية الصرف تصرف بعد ما توصل هناك

لكن ما ادري الافضل وين ؟ تصرف هنا او هناك

المهم أصرف من البنوك اضمن وآمن من النصب

مكتب سياحي ما اعرف وتبي نصيحتي خلك من المكاتب واحجز من الفندق نفسه ولا تدفع الا لما توصل وحاول تسكن مره فندق وومره فله

وراسلني على الخاص

التاكسي لا مهو غالي انت خذ قيطار من كازا الى طنجه وفي طنجه التكسي رخيص

[كابتن فهد]

الاخ محب مراكش ما قصر بصراحة على المعلومات المفيدة وانا بصراحة استفد منها ولا زوم يغير اسمه الى محب مراكش وطنجة
المهم اخوي لما تروح لا تبخل علينا بتقرير وافي خصوصا عن فندق طارق

[أتأمل في عيونك]

كابتن فيهد ما نستغني عنك وعن اخوانا المزاعيط المعلومات جمعتها من النت بشكل سريع ومهي مرتبه

لان خوينا مستعجل وسفرته قريبه جدا

وممكن المزاعيط يفيودنا أكثر وبشكل مفصل

خاصه من ناحية الصرف والمواصلات والسكن هاذي ثلاث اشياء رئيسيه

نسيت اذكر افضل حي في طنجه (حي مالباطا)

هنا احد الشباب ذكر شي عن السكن :

افضل منطقه للسكن في طنجه هي( حي ملباطا) اسعار الفلل تقريباً من 1200الي2000بالدرهم المغربي وافضل طريقه لاستئجارهذه الفلل الذهاب مباشره الي هذا الحي والاتفاق مع اصحاب الفلل (لاانصحكم بالتعامل مع مكتب الامين)

منقول

[أتأمل في عيونك]

(((المساج ))))

في فندق موفنبيك

منقول

انا سكنت في فندق موفنبيك طنجه وزرت فندق المنزه ...

وأنصح وبقـــــوه موفنبيك فندق متكامل فهو لايحتاج الى مدحي لانه غني عن

التعريف ..ولا يقارن بالمنزه مع أنه أيضآ جدآ مناسب ولاكن بحكم :

1- موقع فندق الموفنبيك : أكثر من مميز ..

2- خدمات الموفنبيك حدث ولا حرج ..شبيه بالمنتجعات العالميه ...

3- المسبح لوحده " عالم أخر " والجلسات هناك أيضآ أكثر من رائعه ...

4- خدمة :الحمام المغربي - المســــــاج - المطـــــــــــاعم- الكوفي -بنك-

سيكورتي على مدار الساعه- سيفتي بوكس -

5- السعر على حد علمي غالي نوعآ يبدأ تقريبآ من 1500

[أتأمل في عيونك]

لا تنسى تاخذ معاك كيمرا احترافيه وصور كل شي وأشحن البطاريه وخذ معاك بطريه احتياط ووصور بالجوال كمان

ترا المناظر حلوه

وابي منك طلب تصور السكن من فلل وفنادق وترشح لنا الافضل اذا ماعليك امر

وتروح وترجع بالسلامه

هداء لك زفه مغربيه اعجبتني لو اني مو فاهم شي من الي تقوله المطربه هههههههههه

Sarah_Clip3 - YouTube (https://www.youtube.com/watch?v=djXaup6FhWs&feature=related)

[itsmee86]

ههههههههههههههه
حلوه الزفه ؛)


ماخلا ولاعدم الله لايهينك يالذيب

[itsmee86]

ممنوع يا كابتن ..!!!

[هيمان فيك]

موضوع مهم ويعطيكم العافيه