لاتقارني بغيري تربط الناس بمصيري. مخيطو في طنجه

مخيطووو

المشاركات: 1,924

تاريخ التسجيل: Jan 2011

الدولة: في عين خلي

2012-03-31, 12:48 PM

المشاركه #91

رد: لاتقارني بغيري تربط الناس بمصيري. مخيطو في طنجه

وش صار .. وش اللي غيرني .. ماصرت أعرفني .. طبيت في المطب

الحلقة الثانية

أدله مع الأيام والوقت ينساق

والإ خفوقي عند غالية موثوق

ياليت قلبي له جناحين خفاق

وياليتني من هاجس الفكر معتوق

تكلمت في الحلقة الماضية اننا ولله الحمد وصلنا طيبين وحصلنا صاحبنا مندوب مكتب تأجير السيارات استلمنا السيارة وكانت نوع هونداي 2012 المهم طلعنا انا وصاحبي والله ونشد الخط إلى طنجه . كان الخط ممتع جداً وكان هناك خطين اثنين إلى طنجه خط مجاني وخط فيه محطات الأداء (السريع) طريق جميل جداً وممتع ومناظر خلابه .. مثل ماتشوفون بالصور ..

وايضاً فيه اماكن استراحات على الطريق ومطاعم صراحه ممتع السفر على هذا الطريق .. وبالنسبة لمحطات الأداء مبالغ بسيطة تبدا من 7 دراهم حتى 60 درهم . اعتقد ان الخط يكلف حوال 120درهم لمحطات الأداء .

المسافة من كازا إلى الرباط حوالي 100 كلم ومن الرباط إلى طنجة حوالي 280كلم يعني الخط كله 400كلم .

ولعيونكم بـــيــــس

وصلنا الحمد لله لطنجة اتصلت وانا بالطريق على الاخ عبدالجليل (ليبي الجنسية) وكان فيه تنسيق مسبق معه على شقه في طنجة تقابلت انا وياه واخذنا للشقة الا هي غير 180درجة شقة سيئة جداً غرفتين وصالة السرير من عهد نوح المهم سيئة جداً وين المواصفات اللي قلتها قال هذي هي لكن اجلسوا بالشقة هذي وبكره اغيرها لكم بشقة احسن ومن هالفيديو كليب (اكتشفنا بعدين ان الحبيب جايينه سياح ومستأجرينها منه وهو ما التزم بكلمته معانا) بالعربي التعامل معه هذا الرجل غير موثوق .. سحبنا عليه وقابلنا الاخت نادية وهي انسانه محترمة جداً واشكرها من خلال هذا التقرير وكانت برفقة اثنين من شباب المنتدى ومستأجرين عن طريقها فرجتنا على شقة لكن للأسف المزاج مبعووووص يعني لو اشوف افخر شي ما راح يملى العين على طول على الحبيب (Booking) ونستأجر في El Minzah Hotel فندق راااايق وعلى كيفك اعتقد اخذناه بــ 1100 للغرفة الواحدة وناخذ غرفتين وريح مخك ودفعت بالماستر كارد إلا الجوع يشكي وعلى طول على مطعم النجمة مطعم حلو بس غالي شوي لكن ممتاز جداً واحلى مأكولات بحرية . بعدها على الفندق وكانت حوالي الساعة 11 بالليل والدنيا عامرة بالزاف يعني زحمه على الكورنيش . بس النوم النوم يا اصدقائي .. دخلنا الفندق الا هو شي رائع وتعامل جميل جداً وعلى طور شوور ونووووومه ..

صحيت الصباح وفطور طال عمرك وبعدها check out ونشيل الشنط ونقعد نطقطق على السماسره ونشوف من هالشقق اخذت ارقامهم عن طريق اخوي ابو راشد يعرفهم وارسلني لهم .. المهم بعد ثلاث او اربع شقق شفنا ذيك الشقة اللي يحبها قبلك .. ثلاث غرف ومطبخ وعزكم الله حمامين اطلالة على البحر راااائعه جداً وصاحبة الشقة انسانه في منتهى الأدب والاحترام وعندها بنتها صغيره عمرها (8سنوات) عسى الله يحفظها ويخليها لها المهم حبينا الشقة وصاحبة الشقة تفرض عليك الاحترام من اسلوبها الراقي في التعامل .. مع الخادمة اخذنا الشقة بـ 1200درهم . والخادمة كانت وحدة اسمها عائشة سيدة كبيرة في السن ماقصرت معنا ابداً عسى الله يخليها لأولادها .

نزلنا نشتري اغراض للشقة و نضبط اللازي منه شرينا الاغراض .. ورجعنا للشقة علشان الخادمة تطيب لنا الغداء ونزلنا نجلس على مقهى بانوراما واطلاله اطلسية ساحرة جداً .

بعد مارجعنا للشقة حوالي العصر إلا الشقة ريحتها غير ونورها زايد ومحلوة وجوها حلو الا فيه حمامتين حطو الرحال في صالتنا .. ياهلا وغلا وعلى قولة (حمامتين في بستان .. لاغردن يطربني .. من شفتهم جيت ولهان ... وجريت صوتي اغني) ياهلا ويامرحبا وطبعا انا اعرف لهجة الحمام قعدت اكلمهم من جابكم قال .... والنعم فيك وفيه عز الله انه اكرمنا .. واحلى سهره .. في ذيك الليلة وعشاء حوالي الساعة 12 بالليل والعشاء الثاني حوالي الساعة 7 الصبح ههههههه ليه اسمه عشاء لاننا كملنا الباقي من عشانا ..

تحياتي لكم الى هنا انتهت الحلقة الثانية

في الحلقة الثالثة

لقاء المزيون .. ليالي الاُنس.. 555 .. تمشياتنا في طنجة .. طبيعة أهــل طنجة .

فياض

المشاركات: 1,932

تاريخ التسجيل: Oct 2011

الدولة: السعودية الرياض

2012-03-31, 10:35 PM

المشاركه #92

رد: لاتقارني بغيري تربط الناس بمصيري. مخيطو في طنجه

ههههه : (434):.. وشدعوا التسحيبه ؟ .. مخيطووو

ما أمدانا ننسجم مع الأحداث إلا ... كت ..: (502):

حسبتها فاصل .. دعايه .. لأول وهله .. أثريها نهاية الحلقه .. :oop1sy:

أويلاه يالنشمي .. الجزء الثالث .. توصى فيه شوي ..: (65):

بلإنتظار على أحر من الجمر ..: (769):

تحياتي ومودتي لك: (463):

https://rooosana.ps/upme_uploads/07112011084456@0.gif

__________________
الله لا اله الا انت سبحانك استغفرك و اتوب اليك

shalsh

مزعوط نشيط

المشاركات: 83

تاريخ التسجيل: Jan 2012

2012-03-31, 11:26 PM

المشاركه #93

رد: لاتقارني بغيري تربط الناس بمصيري. مخيطو في طنجه

بخلت علينا هالمره يامخيطوو على قولة فياض ماامدانا ننسجم إلا وقفت ...لاتطول علينا

عزوز

مزعوط ذهبي

المشاركات: 1,006

تاريخ التسجيل: Jan 2011

الدولة: وسط جبال طي

2012-04-01, 12:57 AM

المشاركه #94

رد: لاتقارني بغيري تربط الناس بمصيري. مخيطو في طنجه

من جد مخيطوااااا امغط التقرير تحيه

othman999

مزعوط خبير

المشاركات: 2,300

تاريخ التسجيل: Aug 2011

الدولة: دولة قطر

2012-04-01, 02:44 AM

المشاركه #95

رد: لاتقارني بغيري تربط الناس بمصيري. مخيطو في طنجه

صور بديعة جداً

وسرد جميل ومميز يامخيطووو

ذكرتني بمقهى بانوراما الجميل والجلسة الحلوة مع القهوة المهرسة

استمتع أخوي استمتع الشمال جميل وبالخصوص عروس الشمال طنجة

كلنا شوق للجزء الثالث لاتبطي علينا

تحياتي مخيطووو ..

__________________

The power of man comes

The strength of his personality

CHIVAS

مزعوط مميز

المشاركات: 379

تاريخ التسجيل: Oct 2011

الدولة: الرياض

2012-04-01, 06:51 AM

المشاركه #96

رد: لاتقارني بغيري تربط الناس بمصيري. مخيطو في طنجه

وش صار وش الي غيرني .................... الله الله يابو محمد لنا رجعه حلقه ولا اروع ............

__________________
الله يااغلى عمري في عيوني مالك مثيل
تسواي الروح وتغلى وتقول عنها بديل

zezuom

مزعوط ذهبي

المشاركات: 1,392

تاريخ التسجيل: Mar 2012

2012-04-01, 07:02 AM

المشاركه #97

رد: لاتقارني بغيري تربط الناس بمصيري. مخيطو في طنجه

سفره سعيده ونتمنى لك التوفيق انت والشله وننتظر تقريرك عن عروووووووس الشمال..تحياتي

zezuom

مزعوط ذهبي

المشاركات: 1,392

تاريخ التسجيل: Mar 2012

2012-04-01, 07:11 AM

المشاركه #98

رد: لاتقارني بغيري تربط الناس بمصيري. مخيطو في طنجه

هههههههههههه قاعد اتخيل كل شي قلته والله العظيم اشتقنا للمغرب..ابوووووووووه بواصل ياشيخ علشانك ههههه بس ماصورت الشقه من داخل صح تقرير مشوق وبالتوفيق اخونا..تقبل مروري وتحياتي

المغرب عشقي

مزعوط قدير

المشاركات: 179

تاريخ التسجيل: Dec 2011

2012-04-01, 11:11 AM

المشاركه #99

رد: لاتقارني بغيري تربط الناس بمصيري. مخيطو في طنجه

واصل يا مخيوط تقرير واعر بالزاف

mmoodd

مزعوط مميز

المشاركات: 346

تاريخ التسجيل: Oct 2010

2012-04-01, 11:29 AM

المشاركه #100

رد: لاتقارني بغيري تربط الناس بمصيري. مخيطو في طنجه

متابعين يالغالي مخيطوووووو وتكفى لا تطول علينا

تقديري

المواضيع المتشابهه للموضوع: لاتقارني بغيري تربط الناس بمصيري. مخيطو في طنجه
الموضوع	آخر مشاركة
مدينة طنجة تربط حدائقها العمومية بالانترنت	2015-11-24 11:14 PM
لارام تربط المغرب وقطر بـ3 رحلات جديدة في الأسبوع	2015-05-07 08:43 AM
فتح 4 خطوط جوية تربط بين برشلونة والمغرب	2012-10-21 06:37 PM
العربية للان المغرب تربط مدينتي الناظور وطنجة بمدريد	2012-08-31 09:14 PM
لا تقارني بغيري ..	2012-01-07 08:51 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

لاتقارني بغيري تربط الناس بمصيري. مخيطو في طنجه

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)