لاتقارني بغيري تربط الناس بمصيري. مخيطو في طنجه

مخيطووو

المشاركات: 1,924

تاريخ التسجيل: Jan 2011

الدولة: في عين خلي

2012-04-16, 02:21 PM

المشاركه #161

رد: لاتقارني بغيري تربط الناس بمصيري. مخيطو في طنجه

تعالي ياهوى قلبي وغرامه

تعـــالـــي

تعالي ياكيف فكري وانسجامه

تعــــالـــي

الحلقة الثالثة

حسيبي عليك الله ياكامل الاوصاف

تعرضتني بالسوق واشغلت لي بالي

انا دايم صابر ومن حبكم ما اخاف

اخاف أن طول البعد يقضي على حالي

احييكم اخواني ببداية الحلقة الثالثة ... وعسى الله يجملنا معكم .. المهم .. صراحة انا صدمت في مدينة طنجة مدينة رائعة اهلها ناس في منتهى الطيبة في منتهى الأدب في منتهى الرقة في منتهى الذوق .. ما لأحد دخل في أحد .. اخذين من طباع اوروبا الشي الكثير .. ولاحظت فيهم زيادة الغنج شي يروع ياجماعة الخير .. هذي نقطة حبيت اوضحها ..
صحينا ذاك اليوم بدري يالله بالله نمت حوالي الساعة 7 الصباح وصحيت الساعة 2الظهر غصب .. وصحيت صاحب علشان نروح ونطلع ونشوف الديرة ونشوف ما حولها المهم طلعنا من الشقة حوالي الساعة 2.30 وخلينا ربعنا والشغالة قلنا بيننا تلفون .. قالت الشغالة فين غادي تمشو؟ قلنا غادي نهجولو المهم لا الربع صحو من النوم قولي لهم الوجه من الوجه يشع بياضاً .. والله ونركب موترنا وحمد الطيار يصدح (الشمس نوره سطع لأجل المزاييني ... لولا المزايين بالدنيا طفى سراجه)

‫حمد الطيار - الشمس نوره سطع لأجل المزايني _ جودة عالية‬&lrm; - YouTube

وعلى انغام ابو ناصر رحمه الله قعدنا نهجول في الديرة ونروح يمين ويسار وعسى الله يبيض وجه فياض اذا ماهو معي على الواتساب على الجوال على طول اتصالاته ماتنقطع عني ولايهون ابوراشد ..شيخ المزاعيط .. وهذي بعض الصور المختارة (علشان الربع اللي يقولون ماتحط صور) هههههههه

هذي منطقة فيها سوق شعبي بس رهيب جداً

وهذي احد الشوارع توصل للكورنيش

ودخلنا داخل المدينة عند ميدان المدفعية .. حصلنا محل حلويات رائع فيه شايب جوه اكه .. زاحف شبكته طبعاً صار صديقي يقول ان عائلته هي اللي تسوي الحلى (حلى مغربي 100%) وهو يبيعه بالمحل بس ايش حلى شي رهيب بجيكم صورته بعد شوي (بريوات بالعسل .. كعب الغزال .. وغيرها وغيرها ...) انارررري ..

قعدنا نتمشى على رجولنا ونتعرف على الاماكن ونشوف الشقق كأننا نبي نستاجر وحنا بس ناخذ فكرة عن الاسعار وش الزين وش الشين .. مالكم بالطويلة طقنا الهدبدب (الجوع) وايضاً خرمة المعسل قلت يلزمنا ياخوي غدوه خفيفه وراس معسل نرتقي بروسنا شوي قال تم طال عمرك .. وعلى فكرة انا ماذكرت لكم خويي (رجل بما تحمله الكلمة من معنى) نازل من الوكالة ريوس مافيه (R) غير موجود عنده كل شي تم عز الله ونعم الخوي يابوعبدالهادي وفرصة اني احييه .

قعدنا نسأل وين محلات الشيشة ياحلووين قالو كل اللي على الكورنيش يخدموا شيشة قلنا حلو ونختار ليالي الأنس .. وندخل ونحصل مديره اسمه محمد رجل راقي جداً ومحترم يشبه لبوفون حارس إيطاليا ..

وكما هي العادة شبكناه .. هههههههههه

طلبنا ...

بعدها ..

وبعدها بشوي ...

يوم قربت تغيب الشمس .. طلعنا وقلنا يلزمنا حلاق ونروح لحلاق شايب بس للاسف ما شبكته هههههههه ويستلم اخوكم وينعم والدينه خلاني حسيت ان دقني اختفى ماعاد هو طالع .. ونحاسبة 30درهم .. ونروح للكورنيش نبي محل يبيع (CD) وحنا بالطريق له الا شي يمشي على الكورنيش يعور القلب اصايل من اصايل الاسطبل الاخضر .. فرسين بلا لجام .. واحد منهم معه عزكم الله كلب .. على طول فتحت الباب ونزلت والسيارة تمشي مافيه مشاكل الزين يفرض نفسه .. مرحبا .. مرحبتين .. كيدايرين .. لاباس .. معليش انا ... وابغى محل هدايا (وانا من جد ابي هدايا ابي اشتري لصديقي شيفاز هدية) (إيه هين) قالو من هنا ومادري وين المهم بدأ نقاش هادف بناء (على قولة ابوخطط مدروسه) (تبون شي من ورى الشمس ههههههههههههاااي ) انتهى هذا النقاش بعزيمة على العشاء الساعة 9 في ماكدوووو .. يالبى ماكدوو .. المهم تمموا لنا الربع .. وارجع اركب موتري واجحد ام السيديات وعلى الشقة مابقى الا ساعتين ياولد ..
وحنا بالطريق للشقة لقطت لكم كم صورة ..

جينا الشقة الا عائشة الشغالة موجودة كيدايرة ؟ ... لاباس .. اخبار الربع .. قال افطروا ومشيوا .. قلت يالبى اللي يزور ويخفف .. قالت غادي نطيب لكم العشاء ونمشوا قلت امشوا .. عشانا والله خابرينه .. معازيبنا معروفين ... وهذي صورة الشقة .

طقيناها نومه الى الساعة 8.30 صحينا من النوم شاور سريع .. وعلى الماكدو .. يالبى الماكدوو ..

جينا الماكدو الا الربع ينتظرون جلسنا نتجاذب اطرافه ..؟؟ (الحديث طبعاً) جلسنا حوالي الساعة سوالف وعلوم طيبة .. وين الوعد .. قالو نبي نروح الصالون وبعدها نعيط عليكم .. قلنا صافي ..

رجعنا شقتنا .. الا فيه توالي نوم فينا مابعد راحت قلت لخويي اغنم فراشك .. وسحبه نومه ألى ان دق جوالي ... (لاتقارني بغيري تربط الناس بمصيري) الووو ... الووو ... هلا وغلا .. نعستي .. اي والله نعستي ... وينكم ... دابا رايحين 555 سنك سنك سنك .. صافي احنا نجيكم هناك ..

دقيقتين الا احنا لابسي احلى لبس وانواع العطورات اديها يامعلم ماترحمهاش .. وننزل وعلى سنك سنك سنك .. اول مادخلت الا الجو غربي 100% حتى لبس الناس هناك .. شي عجيب شي يبهر .. سهرنا ذيك السهره اللي يحبها قلبك .. .

صورة مستعارة من احد الزملاء في المنتدى ..

وطلعنا منه على الساعة 6 الصبح .. وعلى الشقة ..

وصلنا الشقة الا الحياة هانية والحلى على الطاولة .. ونكمل السهره على انغام

صراحة جو غير طبيعي ...

وهذا انا اشيش ... !!! : (120):

وبعدها احلى نوووومه ...

إلى هنا ياحبايب قلبي اودعكم على امل اللقاء في الحلقة الرابعة ان شاء الله بس الله الله بالردود الطيبة ...

الحلقة الرابعة ان شاء الله عبارة عن مقهى الحافة (اسف ماقدرت اذكره لكثرة السرد في هذه الحلقة) مغارة هرقل .. الفلل في طنجة ومناظر بانورامية .. ولاننسى زرفتنا ... في مبلغ كبير جداً ...

تحياتي لكم واسف على الإطالة ...

التعديل الأخير تم بواسطة مخيطووو ; 2012-04-16 الساعة 02:32 PM

ابوسعود

مزعوط مميز

المشاركات: 314

تاريخ التسجيل: Dec 2011

2012-04-16, 02:38 PM

المشاركه #162

رد: لاتقارني بغيري تربط الناس بمصيري. مخيطو في طنجه

اي إطالة انا قاعد انتظرك صار لي اسبوع ارحمنا يامخيطو

واللي يرحم والديك لاتطووول تكفي

والله نحبك

ارجع تكفي وكمل

والله أحبك يامخيطو

كمل يابطل

ابوسعود

مزعوط مميز

المشاركات: 314

تاريخ التسجيل: Dec 2011

2012-04-16, 02:42 PM

المشاركه #163

رد: لاتقارني بغيري تربط الناس بمصيري. مخيطو في طنجه

اقتباس:

المشاركة الأصلية كتبت بواسطة مخيطووو

الله يجزاك خير يابو سعود ان شاء الله بكره الحلقة الثالثة تنزل لعيوووووووووونك .

يوم قريت كلمة لعيونك

ضعت وأنكبت القهوه على رجلي ههههههه

بس كله فدوة لعيونك ياقلبي يامخيطو.

تنزل التقرير ماتنزله

تكمله ماتكمله

أنا أعلنت حبي لك وخلاااص

ههههههههههه
: (746):

مخيطووو

لاتقارني بغيري تربط الناس بمصيري. مخيطو في طنجه

المشاركات: 1,924

تاريخ التسجيل: Jan 2011

الدولة: في عين خلي

2012-04-16, 02:54 PM

المشاركه #164

رد: لاتقارني بغيري تربط الناس بمصيري. مخيطو في طنجه

اقتباس:

المشاركة الأصلية كتبت بواسطة ابوسعود

يالبى روحك يابو سعود انت شرف واضافة للموضوع اللي انت تتواجد معه وكلنا لك يالغالي .

مخيطووو

لاتقارني بغيري تربط الناس بمصيري. مخيطو في طنجه

المشاركات: 1,924

تاريخ التسجيل: Jan 2011

الدولة: في عين خلي

2012-04-16, 02:55 PM

المشاركه #165

رد: لاتقارني بغيري تربط الناس بمصيري. مخيطو في طنجه

اقتباس:

المشاركة الأصلية كتبت بواسطة ابوسعود

يالبى قلبك يالغالي ابوسعود .. وانا ايضاً ارفع لك رايات المعزة والتقدير والصداقة ..

ســـلنقح

البهجاوي

المشاركات: 1,177

تاريخ التسجيل: Jan 2012

الدولة: Dammam@

2012-04-16, 03:27 PM

المشاركه #166

رد: لاتقارني بغيري تربط الناس بمصيري. مخيطو في طنجه

و الله روعه يا مخيطوو

جلست أضحك ألين طلع لي عرق

على غادي نهجولو

منتظرينك لا تطول

الولهان

مزعوط خبير

المشاركات: 1,682

تاريخ التسجيل: Jul 2011

2012-04-16, 10:21 PM

المشاركه #167

رد: لاتقارني بغيري تربط الناس بمصيري. مخيطو في طنجه

: (490):لبه اناملك اللي تلف بحرير يسلمو ع هذا التقرير لايبطى ترا محترينك وسلملي ع صوره الشيشه: (85):

ابوسعود

مزعوط مميز

المشاركات: 314

تاريخ التسجيل: Dec 2011

2012-04-16, 11:10 PM

المشاركه #168

رد: لاتقارني بغيري تربط الناس بمصيري. مخيطو في طنجه

تكفى

يامخيطو

يابعدهم

رقم السمسار

اللي استأجرت منه الشقه

وياليت تعلمني

هي بكم يوميا

تكفي

الله يخليك لكل مزعوط في هالمنتدى

التعديل الأخير تم بواسطة ابوسعود ; 2012-04-16 الساعة 11:16 PM

علي81

مزعوط مميز

المشاركات: 377

تاريخ التسجيل: Aug 2011

2012-04-16, 11:31 PM

المشاركه #169

رد: لاتقارني بغيري تربط الناس بمصيري. مخيطو في طنجه

ابدااع قمه الابداااااع تسلم الايااادي على التقرير اللى اكثر من رااائع

والله انى انتظر الحلقه الثالثة على شوووق والله يعطيك الصحه

فنتظاااارك يالغالي بس لاتبطي علينااااا: (790):

تحياااتي لك يالغلا

علي81

عزوز

مزعوط ذهبي

المشاركات: 1,006

تاريخ التسجيل: Jan 2011

الدولة: وسط جبال طي

2012-04-17, 01:39 AM

المشاركه #170

رد: لاتقارني بغيري تربط الناس بمصيري. مخيطو في طنجه

ويستمر الابداع

__________________

المواضيع المتشابهه للموضوع: لاتقارني بغيري تربط الناس بمصيري. مخيطو في طنجه
الموضوع	آخر مشاركة
مدينة طنجة تربط حدائقها العمومية بالانترنت	2015-11-24 11:14 PM
لارام تربط المغرب وقطر بـ3 رحلات جديدة في الأسبوع	2015-05-07 08:43 AM
فتح 4 خطوط جوية تربط بين برشلونة والمغرب	2012-10-21 06:37 PM
العربية للان المغرب تربط مدينتي الناظور وطنجة بمدريد	2012-08-31 09:14 PM
لا تقارني بغيري ..	2012-01-07 08:51 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

لاتقارني بغيري تربط الناس بمصيري. مخيطو في طنجه

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)