أربعة أيام في الرباط .. تقرير في قصيدة ..
تواتيك شهوة الكتابة بعد موقف ممتع .. أو صعب ..
هذا النص يحاول توصيف رحلة قصيرة للرباط ( المدينة التي غادرتها ولم تغادرني )
من انزعط حذراك لا لا تلومه
دابا وصلنا من ديار الحشومه
دار بها كل يحصل لزومه
ويبدا يهل الدمع من محجر العين
*********
عافاك يالطيب ترى القلب ملتاع
و(كبيده ديالي ) تردد بالاسماع
والله وحده عالم كل الاوضاع
أنا غشيم بالهوى والوله شين
*********
الله يافيصل على ذيك الايام
يوم ان خلي صاحي لي ولا نام
يرقص واصفق له والاصحاب قدام
من شاف زينه صار عقله فريقين
*********
إلا شطحت قامت تنكس تنكاس
قصده تسليني وانا منه محتاس
وان قلت له مزيان جاوب بلا باس
واحيا عقب موتي وانا اقول عزين
******
( واخا حبيبي ) كلمته تقعد الراس
يفنى بها ناس ويحيا بها ناس
هو منوتي والخلق غايات واجناس
وجدي على شوفه والانذال نيمين
*********
يقول لي صافي وانا اقول صافي
برجع على بلادك ولو كنت حافي
ماهمني مال ولا هرج هافي
وبشرب من شفاهك وباقول زيدين
*********
يازينها لا منهن جن على ساق
غزلان تجمع زين مع زين الاخلاق
عن وصفهن تقصر طويلات الاوراق
هذي هروج الجد ماهيب تكوين
*********
الله يلعن ديرتك يا فريده
من شارع الدقي لمصر الجديدة
والشام وضياعه مع ارض الحديده
دار الشيون اللي بها يفقد الزين
*********
تقول حال بحال وآقول لا لا
ما هوب حقك تبتعد يا غزالا
لا تبتعد قرب تعالا تعالا
خلك معي أرجوك لا لا تخلين
يا فلة ضمت جموع المزايين
طبو بها شلة شيون محفين
يبون كيف الراس والربع عجلين
ياليتني هامور عندي ملايين
*********
كان ارخص الاموال واشريك حالا
وابدل احوال الشقا بالدلالا
واترك ديار اهل الكرم والفعالا
واسكن بدار الكيف دار المزايين
*********
حنا قعدنا بالرباط اربع ايام
من لذته تسوى طويلات الاعوام
لا خوخ لا تفاح لا هي عنب شام
له لذة تعجز عقول الفهيمين
*********
تفداك يا دار الشيوخ المطانيخ
ديرة هل الدلة وأرض المصابيخ
هذي الصراحة لو تكفخت تكفيخ
مالي عنه لو عوضوني ملايين
*********
جيته عقب غيبه وقلبي بها هام
فيها حسين الدل مدقوق الاوشام
أصير من حسنه صبي و خدام
وأمشي بطوع الزين بالعسر واللين
*********
رشيد أجرنا مهوب اقشر زوين
قال ارحبو ما قال كيف ولا مين
تقل يعرفنا حيل من مدة سنين
فهد يقول ادري خواله كريمين