ودك تروح كازا بس خايف؟

السلام عليكم ياشعب المنتدى المزعوط

اعاد الله علينا وعليكم هذه الايام في اليمن والبركه

في الحقيقه انا زرت المغرب لأول مره في شهر 6-2012 وكنت جالس اقرأ المواضيع والتحذيرات من بعض الاشخاص في المنتدى خلتني ( متخوف ) من كل اجراء ومن كل المغاربه، مثلاً الرشاوي في المطار وسواقين التكاسي ومعاملة الدرك وما الى ذلك، ولكن الأنطباع الاول من اول ماطلعت من المطار الى ان وصلت للفندق كان عجيب، ما اخذوا مني رشاوي، ولا سواق التكسي سوا شيء غلط، غير انه كان ينصحني بن الحلال ماقصر، المهم .. كازا.. وما ادراك ما كازا.. وانا رايح لهذه المنطقه كنت حاس اني داخل منطقه نزاع من كثر المواضيع الي قريتها!! فكنت متأهب للصراع المرير الي راح ادخل فيه بعد شوي الا ان قابلني سائق تاكسي ( طاااكسي على قولتهم ) واخذني وقام يسولف ويهرج ويضحك ( طبعاً علعداد شغلنا يعني مو لمصلحه تزيده ) ولا شفنا منه الا كل نصح وكلام طيب، المهم احتكينا بالشعب المغربي الشقيق الحبيب ولا شفنا منهم الا كل خير وصحيح اني قعدت في كازا فقط 3 ايام ولكن احتكيت مع اكثر من 30 مغربي 5 او 6 منهم سواقين طكاسي والباقي شعب عادي ، لب الموضوع المشاكل بكل مكان في العالم ، ولكن الفرق وين الاماكن الي تغلب فيها المشاكل؟ طبعا بأماكن السهر والليل، انا ماقولك ارقد وأمن وانت بكازا !! اقولك ارتاااح علأخر ماراح تشوف الا الي يرضيك انشالله، ولاتمشي على موضوعي، ولاتمشي على موضوع اي احد ثاني، المهم روح وجرب نفس ماسويت انا ، وراح اسوي قريباً ان شاء الله :)
بعدها رحت مراكش .. حلوه حيل مراكش بس كازا كان لها طعم ثانني بكل شيء :)

ونهايه الختام ياقارئ يامزعوط ، عيدك مبارك مقدماً وآي استفسار انا مشغووول لاتراسلني!! طبعاً اتشاقا معاك عيني، وسلام مربع والوعد ورا العيد سبايدي!! اووه اقصد سلام!