عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


هل انت مرجوج؟؟اختبر مستوى رجتك

إضافة رد
 الصورة الرمزية برستيج آنثى
برستيج آنثى

هل انت مرجوج؟؟اختبر مستوى رجتك

المشاركات: 4,488
تاريخ التسجيل: Dec 2011
برستيج آنثى غير متواجد حالياً  
قديم 2012-03-24, 07:34 PM
  المشاركه #1
هل انت مرجوج؟؟اختبر مستوى رجتك

هل أنت مرجوج ..؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذاالاختبار

السؤال الأول
انت توك قايم من النوم وطفشاااان و وااااصلة معك .. قمت تغسل وجهك
وتفاجأت بنملة تبي تدخل خشمك .. ما هي ردة فعلك
1- تمسك النملة وتفعصها بإصبعيك وأنت تكركر ومستانس و تقول :
والله يا أنتي نملة منسمة تبين تخترقيني .. هع هع هااااااي ..
2- توخر النملة عن وجهك و تنتفها وانت تشتمها
3 - تخلي النملة تدخل خشمك

السؤال الثاني
رااااجع من المدرسة أو الكلية او العمل .. المهم وتلقى الواااالدة سرحانة في الصالة
تفكر وش تصلح بكرة إذا بغت تسيير في الضحى على أم صويلح .. ماذا تفعل
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول :
الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع فيك.. حب ورثته من الجدوووود
هع هااااااااااااااااااي والله تسحيبة يمة
2- تجي بشويش من ورى أمك وهي سرحااانة وتصرخ في أذنها وتقول :
مساااااك الله بالخير .. وطبعاهي بتنفجع وبتقول وجع الله يمسيك بعصا إن شاء الله
3- تطلع غرفتك وماتسوي شيء


السؤال الثالث
انت توك مقيل وماخذ لك قيلولة على كيف كيفك ونااازل الصالة إلا
وتشوف خواتك الصغااار عند سبيس تون طااايرة عيونهم .. ماذا تفعل
1- تجي يعنني تكنس وتغطي عليهم التليفزيون <<< أحلى
2-تجي يعنني بتشبك شاحن الجوال وتقوم تفصل فيش التليفزيون وتقول : أوه آسف
3-تقعد تتفرج معهم


السؤال الرابع والأخير
بعد العشاء اشتهيت تويكس ونزلت تشتريه من البقالة
ولقيت سيارة خويك عند باب البقالة :
1- تنسم كفراته الأربعة
2- تسلم عليه وتلزم عليه يعزمك على العشاء
3- تشتري له تويكس معك

النتيجة:
أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجةوحدة

9 - 12
أنت مرجوووج جدا ..
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

5 -8
أنت مرجوج بس على نذااالة شوي ..
مستوى رجتك معقول لكن لا تستخف دمك كثير لأنك راح تجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
و اكل عصفور قبل الغدا مرة في السنة .

4 - 5
يا أخي انت منتب في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون.
الحل : كورس رجة مكثف عندي
ههههههههههههههههههههههههه ههههههههههههههاااااي
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: هل انت مرجوج؟؟اختبر مستوى رجتك
الموضوع آخر مشاركة
تقرير إخباري سياحي: صيف المغرب السياحي و حصاده على مستوى المدن 2016-08-01 09:08 AM
المغرب ينفي رفع مستوى الانذار 2016-07-27 03:21 AM
مقياس مستوى الزعطة لدى الاعضاء 2012-11-27 11:38 PM
ردود الأزواج تحطيم على مستوى 2012-04-20 02:04 AM


الساعة الآن 07:15 PM