تكاليف السفر الى المغرب

ياخوي كلها 8 سهرات وأنت مسافر علشان تستانس وتبي تقضيها بالشقة
ليش مسافر ؟؟

موضوع مفيد جدا ورائع واشكرك الجميع علي المشاركه لافادتنا

صراحة تقارير حلوة واستفدت منها كثير

وياليت كل اللي راحو هالسنة 2012 يكتبون لنا تقاريرهم حقت الصرف ولا يبالغون في مصاريفهم

لان هالموضوع راح يستفيد منه كل واحد بيروح للمغرب

صراحة احلى موضوع عرفت اسعار المغرب وانا مابعد جيتها
وعرفت كم بصرف من الحين من خلال التقارير الحلوة


الرجاء من الاعضاء ان يوفرو لنا المعلومات بشكل سليم لأجل يستفيد السائح من خبرت غيرهم

تحيآتي لصاحب الموضوع ولكل عضو شارك في هالموضوع المميز

موضوعك كلام كبير صراحه ومتعوب عليه اهنننيك
والصراحه ماقصرو المزاعيط حسيت اني ساكن فالمغرب من زمان عرفت كل شي عنها

لاهنتو كلكم ..

انا طالع ومعي واحد من المزاعيط 15 يوم والميزانيه 40000 ريال
شامله الفله كلها من الى سهرات و**** والخ ..... تكفى ولا لا

يسلمو ياشباب على المعلومات الحلوة

45000 درهم مغربي جم يوم تكفي ؟
اغادير + كازا ؟

10 أيام أذا كنت لوحدك مسافر ...
بس من خلال تجربتي أذا كنتو 4- 5 أشخاص أو حتي 3 أشخاص تقل ميزانية السفر وتوفر من الدراهم ؟
اللي ياكل ميزانية السفره السهرات لانك كل يوم راح تسهر وأذا كنتو مثل عدد الأشخاص اللي ذكرتها
تكون كل يوم سهره على واحد ماخذ طاولة وعايش جوك :Abu Ahmed (732):

خلاص بخلي ميزانيتي 50 الف درهم

وبروح المغرب 12 يوم

مابين كازا واغادير

شرايكم ؟

تذكرة : من الكويت الى ابوظبي الى كازابلانكا على طيران الاتحاد
180 دينار كويتي = 5678 درهم مغربي 12 يوم من 9-5 الى 21-5

تذكرة داخليه : من كازا الى اغادير 1531 درهم عن طريق موقع طيران المغربي

سعر وسيلة النقل : انا مااستخدمت سائق
بس بكازابلانكا مرات امشي ومرات تكسي ومره بقطار رحت الرباط


سعر السكن :
6 ايام في كازا ( 4 ليالي بفندق السويس سعره 690 باليوم - ليلتين بشقه 1000 درهم بس كبيره وغرفتين وواسعه ومكانه استراتيجي قريب على موروكو مول)
6 ايام في اغادير ( 6 ليالي بفندق صحارى سعره 1050 عن طريق المؤيد)
المقاهي والمطاعم :
في مطاعم غاليه مثل سكي بار ومطاعم مرسى الصيد
اما الباجي موغاليين وماذكر الاسعار كم

الحلاقه والنظافه : انا حلقت بحلاق قريب على صحارى
حلاقه اللحيه ب50 درهم
وصبغ الشعر ب200 درهم شوي غالي بس انا صبغت صوب الزلف كان مشيب وانا عمري 27 :(


أسعار رحلات السياحيه : بكازا مريت على موروكو مول ومسجد حسن الثاني والكورنيش عين دياب
بالرباط رحت مقهى الصفراء والكورنيش وميجا مول وشارع اقدال
بأغادير مارحت الا الكورنيش لان كانت اخر ايام وقلت بفلها زعطه ووناسه :)

السهرات الليليه :
كازا :
الديوان على حسب طلبك
بلاك هاوس دخلته ب200 درهم
سيزار 200 درهم
مارحت غيرهم

اغادير :
ديسكو صحارى شهرزاد دخلته ب100 درهم والطاولة ب1200 درهم
العنبره الطاولة ب1200 درهم
وطاوله الطلبات تحجزها ب400 درهم قبل الحفله

الكماليات اليومية :

صرفت تقريبا 50 الف درهم ب12 يوم ورديت معاي مبلغ 4500 درهم

هالسفره مانساها كانت احلى من سفراتي القديمه المغرب

وان شاء الله لي بعد سفره


المغرب قاره بروحها

مشكووووووور