تكاليف السفر الى المغرب

اوك جايك

فيها خاص لزوم نبلغ الشيخ بالسالفه

تكاليف اخر سفره لي قبل شهر مع التذاكر17 الف شامله كل شي المده10 ليالي والعدد5 اشخاص وتم استئجار فله خاص ب6 الاف درهم باليوم يعني تطلع على كل شخص1200 درهم وكان موسم اجازه الاسبوع بالسعوديه المنتجعات كلها عامره ولكن صاحب الفله كلمة عسل قليله عليه وفلهاأصنفها انا 6 نجوم 5 غرف مع ديسكو بالقبو مع مسبح ومساحات شاسعه وكبيره الفله حيييييييل ويوجد بها صالتين مع غرفه صغيره للبلياردو تفتح على الصاله واللي خلاني أثني على صاحب الفله انه خرب مكيف بالفله مع صخان الماء وماخذنا ساعه الا كل شي تمام وافضل شي انك ترفع الصوت لاخر شي واخذنا جيب شروكي مع السواق

دايم السفرات الجماعيه تقلل الصرفيه

تختلف حسب الشخص او مجموعة
ويختلف السعر حسب نوع السلعه ( حسب نوعية السكن ونوعية السياره )
وكذلك يختلف السعر بين الاشخاص لنفس السلعه

اذا هي امور مجتمعه ومتداخله مع بعض

فلا تحكم عن صرفك وصرف غيرك

اجمالا الاسعار مرتفعه ولا ترتقي للخدمه المقدمه

تكلفه السفر تعتمد على نوع السكن والأبعاد عن السهر خصوصآ بمراكش لأني أتوقع من نظرتي الشخصيه هي أغلى مدن المغرب

والله يابوفالح غلطتنا اننا رحنا بموسم كل شي فل فل وغير كذا تقدر تقول زيادة المصاريف بسبب الرفاهيه الزايده

والله يا شباب البلد ماهو غالي ابدا
سواء كنت لحالك او مع مجموعه
ولكن الطلي اللي يدربي رأسه
يستاهل الكوي
واما السهر والمراقص ماذبحنا
غير الورعنه اللي يحجز الطاوله
مثل ما يقولون له
وماذبحني غير الشيلات

انا طالع صوف شيشه وتمشي وكفيهات ٨ ايام كم تكلف واحداني بين كازا وقادير

ماتكلف شي

٥٠٠ درهم سكن (وحدااااااني)
و٥٠٠ درهم اكل وشرب.

والموصلات قطار من كازا لمراكش،

وباص من مراكش لاگادير.

يعني معدل ١٠٠٠ درهم باليوم.

٤٠٠ ريال في ٨ ايام،=٣٢٠٠ ريال.

__________________
حرشة عليا لاشواق، تسلطة عليا لاحماق.