مزاعيط المغرب - السفر الى المغرب - الفلم من بدايته عام 1998م والزعطه القديمه لـ ماكين والو

منوووورين المزاعيط

وصلت في الموضوع الى العوده الى المغرب بعد 13 عام كانت اعوام تحول في حياتي شخصياً وكنت دايم اتذكره بقلب مفطوور يلهبه شغف الذكرى لهواء عين ذياب ولزنقات كازاا

من محاسن الصدف ان رحلتي الاولى كانت مع خبير كبير في المغرب وهو ابواحمد وحسيت اني شفت اشياء كثيره وعرفت الكثير عن المغرب وكااز خاصه مما كون عندي زخم ذكرى عنها تزاحمت عند طلبهااا للبوووح هههههههههههه

طبعاً السفر الى اي مكان يتطلب التخطيط والترتيب فما بالك بالمعشوقه المغرب بعد هذا الزمن البعيد قال ابن العم تراك الامير ____ قلت ابلش هههههه
قال ماااااااااااا عندي احد هناك ولا عندي واااالو دبرها انت يومك تبي المغرب

قلت كذااا ؟؟؟
طيب انا ولد ابوي

وافرك في راسي ابواحمد عفى عليه الدهر ههههههههه مايصلح اكلمه ما ظن بينفع اني اكلمه لااا خله بعدين

ويطلع في راسي صديق مغربي له في السعوديه 37 سنه ورجل اعرفه عز المعرفه قلت مالها الا هووو

واعيط له هلا ابوعبدالله - هلابك - مافي الا سلامتك انا بسافر للـــــ واسكت هههههههه قال لاااااااااااااا
قلت ايو والله
قال وش الي حصل قلت ماحصل ياصاحبي حصل دابااااا نبي الفزعه
قال ابشر ولد خالتي يستقبلكم وبكلمه اوصيه عليكم وخذ رقمه وبرضوا كلمه وعطه يوم وتاريخ و وقت الوصول

قال طيب وين بتروحون
قلت والله مخططين على الجديده وبنشووف
قال انتم ورغبتكم واقترح عليكم وانتم بهواكم
انكم تريحون في كازاا يوم وليله ومن بكره تمشو لمراكش تقعدو فيها اسبوع وتمشو لاقادير اذا حبيتو
قلت لولد عمي قال قدام على شور ابوعبدالله
ونكلم ولد خالته ونعطيه المعلومات مفصله

واخلص انا من مسأله كانت حمل ثقيل بصراحه ههههه

دابااا الوقت برد عندنا وحتى هناك برد يقص العظم
ونتحوط باللبس والخلاقين الله لايوريك رايحين بدوليب معد هي شناط

باقي على الرحله اكثر من اسبوع
قمت افرفر بالنت واطيح على موقع يهتم في المسافرين للمغرب واتصفحه واثري قوقل طلع لي موقعين
واستقر على مزاعيط المغرب ارتحت له بصراحه ولقيت معلومات واعضاء قمه في الذوووق والاحترام شرواكم ردو على كثير من استفساراتي وتساولاتي

وكانو حريصين على الاعضاء ولايزالون

العلم ان الطياره باقي لها يوم وتقلع
اثر ولد العم اقترح امرح عنده ليلة المسير الي كان يوم جمعه الظهر
وامرح عنده في ليلةً طويله باااارده
ونقوم من صباح الله نفطر ونعين من الله خير ونتقهوى ونرتب اغراضنا والسواق يركب الشنط في السياره
ومتحزمين الساعه 10 ونص صباحاً ماشين لمطار الملك خالد الدولي
تمهيداً للسفر الى الدار البيضاء
وكنت اردد قصيده شهيره

ياخوك ماغابت عن البال كازاا الزرقطوني شارعه وحي برقون

واغنيها بلحن يركب معهااا ههههههههههه
والله كني انا الي قايلها --- قايلهاا عز الله شاعر مزاعيط

جينا المطار وكانت الرحله ترانزيت تنزل في القاهره

اقلعت الرحله ونزلنا القاهره واقلعت لكازا وقلبي يباريها في الهوى ههههههههه

قام يحوووص يوم توجهنا هههههههه

قلت لولد عمي وش شعورك وانت في هالوقت
قال يبيلي اصير شاعر عشان اوصف لك شي يخفق له القلب

والله كنه ياعرب صرف عامااا وياحيلت الله شغل الايام وشلون

قلت ترى مالها دخل هالقصيده هههههه
قال تراك من جمبها هههههههههههه

قلت الا انت تلعب مع الاحتياط هههههههههههه
وضحك وسواليف
القصد : نبي الوقت يمشي نوصل لكازاا

شويات وشويااتات ويعلن الكابتن ربط الاحزمه استعداداً للهبوط لبي قلبك ياكابتن ابشر بنربط انفسنا

نزلنا في مطار كازاا وعلى بال ما خذينا العفش وطلعنا لين الليل حل
شوي الا هذا اسمي مكتوب حرفياً بورقه ماسكهااا رفيقنا بنسميه (( عزيز ))
ونطلع معه بسيارة اجار كنا اتفقنا معه على كذا
بصراحه كنت اتمنى نوصل في النهار لاكن عساها خيره

طلعنا من المطار متوجهين للبلد بصراحه

موقف نفسي فضيع لما تترك مكان حبيته من سنين وترجع له كل الذكريات الاوله مع هالبلد تبلدت خلاص والمنظر جديد

قلبنااا على فنادق كلها عامره
واستقرينا على فندق حصلنا فيه غرفه لاهو زين ولاهو شين لاكن الرحله متعبه ونبي نمدد ونرتاح
وصينا عزيز يجيب لنا اغراض ومن ضمنها شرايح جوال
ورتبنا الي قدرنا نرتبه خلال ذيك الليله وتسهلنا نسولف بعفويه ودهشه من وجودنا في المغرب
الين غلبنا النعاااس ونعسنااا
وللحديث بقيه