الصدفه الحلوه

CHIVAS · 2012-04-02T14:48:31+00:00

[SIZE=5][COLOR=DarkSlateBlue]السلام عليكم ورحمة الله وبركاته اسعد لله مساكم بالخير يالمزاعيط ...... طبعا مع الدوام والطفش الي انا عايش فيه :Abu Ahmed (712): 12 ساعه دوام مكينه ماني انسان قعدت افكر شلون عرفت هالمنتدى الطيب والصدفه الي خلتني اسجل في االمنتدى تعرفون مداوم وفاضي ( شلون تجي ذي ؟ مادري !!!) المهم نبي منكم يامزاعيط كل واحد يعطينا الصدفه الي خلته يسجل في المنتدى وشلون عرف المنتدى ؟ اببدء بنفسي في شهر 9 ميلادي 2011 لا انسى هذا التاريخ ليه ؟ اول زياره لي للمغرب وحنا في مراكش انا وصاحبي لبى قلبه قعدنا نسولف قلتله كيف ماشالله عندك معلومات عن المغرب واشوفك تخارج عمرك قال بالحرف الواحد الله يخلي المزاعيط ماخلو شي الا ذكروه انا هنااااااااااااااا طلع عشرين عصفور حول راسي وش مزاعيطه يابو عاد تخبرون نص تركيز كنت في اول فنجال اتقهوى الله من الشفاحه من العشاء وانا ارتفع :Abu Ahmed (85): الوكاد علمني قال هذا منتدى حق الشباب الي قد سافرو المغرب وماشالله عليهم مايقصرون مع احد قلت مزااااااااعيط والله لاغزيهم بس خلني ارجع للرياض ومن يوم رجعت بدت علاقتي معكم والله لايفرقنا انشالله ...... ملاحظه : بعض الاخوان يمكن يقول وش ذا الموضوع الي ماله داعي او وش يبي ابو الشباب ذا ........ الدعوه اول حاجه مشاركه وتوسيع خاطر بعدين استعادة ذكريات ونبي نشوف الصدف الي انا متاكد ان بعضها راح تكون خطيره ................... ارجو التفاعل :Abu Ahmed (444): ودمتم بالف صحه وعافيه اخوكم / شيفاااااااااااز [/COLOR][/SIZE]

دابا مزعوط

مزعوط نشيط

المشاركات: 68

تاريخ التسجيل: Mar 2012

2012-04-02, 07:42 PM

المشاركه #1

رد: الصدفه الحلوه

شيفاز بالنسبه لي وانا اخوك عرفت المنتدى هاذا قبل سفرت كنت امره باليوم يمكن 5مرات لسبب ان ما عندي اي معلومه وبدون مبالغه يمكن اني حافظ جميع المواضيع اللي للمزاعيط ورجعت من سفرتي وتخبر بالجوف ونه ومقلت ياولد خلنا نسجل مع المزاعيط ونزيدهم مزعوط واحد ومن يوم رجعتي وانا مبللللللط بالمنتدي تقول اني ما شفت خير متشفق تقارير معلومات اي شي ولك احترمي وشكري

CHIVAS

مزعوط مميز

المشاركات: 379

تاريخ التسجيل: Oct 2011

الدولة: الرياض

2012-04-03, 07:01 AM

المشاركه #2

رد: الصدفه الحلوه

اقتباس:

المشاركة الأصلية كتبت بواسطة دابا مزعوط

هلا هلا ب دابا الله يلوم الي يلومك عاد تقارير الاعضاء انا اسميها اعادة شحن للزعطه .

شرفني مرورك ولاتحرمنا من تواجدك يالغالي

__________________
الله يااغلى عمري في عيوني مالك مثيل
تسواي الروح وتغلى وتقول عنها بديل

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري