تقريري. البسيط والمفيد لاغادير اللتي علقتني بكرعاني

طير شلوى

مزعوط قدير

المشاركات: 243

تاريخ التسجيل: Mar 2011

2012-08-06, 10:01 PM

المشاركه #1

تقريري. البسيط والمفيد لاغادير اللتي علقتني بكرعاني

السلام عليكم ورحمه الله وبركاته

كيفكم ايها المزاعيط

تحيه خاصه لكل مزعوط ومزعووطه

راح اكتب لكم تقرير بسيط لرحلتي للمغرب الحبيب واعتذر لايوجد صور لاني اكتب لكم من الايباد

صراحه كتبت لكم التقرير الصباح اخذ مني ساعتين تعب وفي الاخير طفا من البطاريه وراح التقرير

والحين بعد ماروقنا المنقه وافطرنا ضبط المزااااااااااج

رحلتي كانت في شهر 4 اللي فات

2 بيرسون << ~~ عنقليزي يعني شخصان

الخطوط اليابسه السعوديه <~~~ كانت سيئه للغايه مقاعد زرقاء جلد تجيب الهم وخدمات مع وجيه عابسه

السعر ب 2800

الوجهه اغادير مراكش كازا لمده 15 يوم

رحلتي السابقه كانت للرباط ومراكش انطباعي عن المدينتين

الرباط <<~~ مدري كيف اوصفها مدينه ممله بشكل مو طبيعي

الشاطي فيها يجيب الهم اللي هو هرهووره نظامها بس جوك في الفله

ممنوع التجول بعد العشا :Abu Ahmed (615):

استغرب من المتولعين بهالمدينه. الكئيبه بالعربي هي حقت شيبان :Abu Ahmed (49): مافيها اي نوع من السياحه

مراكش

مدينه لاباس فيها يتكاثر فيها الدرك بشكل مخيف انواع الاستغلال للسايح الخليجي الاجنبي. مااحد يقربه لانه لايضع درهمه الا في محله

السهر فيها زحمه عيال صغار ها راعين مشاكل

السكن في النخيل جميل منتجعه روعه صراحه هدوووء تحس بس انت ساكن فيه:Abu Ahmed (783):

نكمل خط سير التقرير

وصلنا المغرب الساعه 4 العصر ماواجهنا اي تعقيد ومشاكل بس اللي يختم الجواز قالي اكرمني

قلت الله بيكرمك انت وراسك الطويل ههه كان راسه 3 في 4 ومعبيه هواء40 << دعابه

المهم ماشم ولا درهم لاني غير مقتنع في الاكراميه لشخص واجبه خدمتك ويحصل راتب مقابلها وتضمانا مع حمله المنتدى ضدهم

خلصنا الاجراءات ونزلنا تحت مابي احتك بالسواقين

استاجرت سياره صغيره جديده العداد اصفار قراطيس.الوكاله باقي فيها :p. اخذتها في اليوم ب 300 درهم 140 ريال تقريبا

نصيحه للي يبي يرتاح من. دوشه التكاسي وشحاثه السواقيين يستاجر سياره لان السواقه في المغرب حلوه ومريحه ولااحد يعرف انك خليجي :Abu Ahmed (782):

طلعنا من المطار وعبينا فل بنزين (( لم يكن هناك اي وجهه بالتحديد ولايوجد حجز لاي شي )). قلت للخوي حملك ريش انت مهمتك سولف وصب لي عصير :Abu Ahmed (480):

قلت نجرب اغاااادير اخذنا ثاني دوار يسار وعلا طول ركبنا الخط والمسجل حده قلب قلب وين وين <~ يالبيه علا هاك الجو العداد 160 نبي نلحق السهره

وصلنا اغادير علا الساعه 9 مساء لم نواجه اي شي كاني في السعوديه

السكن.

صراحه من تقارير الاعضاء عرفت مافيه سكن علا مافي الخاطر الا ثلاثه

صحاري <<<~~ كانه مبنا مدرسه :Abu Ahmed (780):

اماديل. وشقق اطلس. مدري وش اسمها

المهم طبعا من صور الاعضاء وكلامهم عنها حرمتها وانا في السعوووديه قلت انا باكتشف شي جديد واريح

لاني صراحه مااحب احد يقيدني من ناحيه ضيوف لان ضيوفي كثير <~~ انتبه ياحاتم الطائي :Abu Ahmed (160):

وبرضو الاكل ماحب احد يجبرني علا اكل معين لاني احب بطني واااااااجد واعتبره نص السفريه :Abu Ahmed (51):

وبرستيجي العالي مايحب اللي صيصير في هالفنادق :Abu Ahmed (83):

المهم اتصلت علا خوي لي معاي بالدوام وكان صاجني بااغادير كل يوم

انا: الو سلام وكيف الحال واخبارك. ياخي انا باغادير وابغالي فله اوشقه فخمه من تحت الارض وبسرعه <<~ طبعا هالكلام بوقت واحد

قال مو مصدق انك باغادير تطورت منفوحه

قلت لايكثر اخلص علي قال ابشر برسلك رقم صاحبي وهو بيضبطك. قلت اوك باااااي

جاني رقم صاحبه اتصلت عليه

وقبل لايتكلم قلت صحارا اماديل مابيها

قال عندي فلتين راح تعجبك وفي حي راقي قلت كفوووووووو

المهم قلت برووح اشتري لي فراش غرف نوم ومخده وبجيك قال موجود بالسكن قلت نوووووووو مااحب فراش لعبو عليه كيرم :Abu Ahmed (203):

ضحك بالزاااف وقال اوك

رحت لمحل واشتريت طقمين لسريرين ب 1900 درهم

وكلمت الرجال ووصفلي المكان ودليته بسرررررعه قابلني بكل حياء واحترام اخذته بالحضن عشان اضبطه :Abu Ahmed (167):

وانا داخل الحي اشوف السيارات رج وبنوز وسيارات فخمه ارتحت بقوووه

دخلنا الفله حوشها مشجر وجلسات حلوه

الدور الاول مليون صاله ومطبخ ودورتين مياه اكرمكم الله.

الدور الثاني 3 غرف بحماماتها وجناح ملكي خاص بصالته

وشغاله مزيااانه ومح ارتحت لها بالزاف

قلت بكم باليوم قال 2000 درهم قلت يابلاش بخاطري وكنت بقوله تم تم. قال خويي بنعطيك 1600 درهم وبناخذ 3 ايام اذا مااعجبنا الوضع بنطلع

واذا ارتحنا بناخذ 15 يوم.

سكت شوي قال اوك هذي ضيافتي لكم اليوم ماراح احسبه لكم من بكره بحسب الاجار ولاتحاسبووني الا بعد ماتخصلون :yess:

قلت كيف الوضع قال جيرانك فرنسيين ومغاربه سوي اللي بدك يااااااه الا تزعج الجيران. قلت هذي ابشششششششششر ماطلبت شي

طلع وصراحه كان شخص خلوق وقمت احضن خويي ورقصنا رقصه بدون مسجل << ~~ مدري احد تجيه هاللحضه :Abu Ahmed (96):

اعجبني فيها قريبه من البحر والاماكن السياحيه ونظافتها وسعرها وبديت احب اغادير.

المهم انا تعبت الحين وبرجع اكمل التقرير في اقرب وقت انتظروووووني

اي استفسار او ملاحضه انا حاضر

المواضيع المتشابهه للموضوع: تقريري. البسيط والمفيد لاغادير اللتي علقتني بكرعاني
الموضوع	آخر مشاركة
ماهي اماكن السهر اللتي بها فرقة وليس بها ال دي جي	2025-01-02 06:47 PM
أرشيفك يعني ذكرياتك اللتي ربما لاتعود	2020-10-12 12:29 PM
السحآبه اللتي حيرت العلمآء من جد سبحآن الله !!	2012-03-22 08:53 PM
ماهي السلبيات اللتي تواجهها في المغرب...	2011-03-09 01:13 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تقريري. البسيط والمفيد لاغادير اللتي علقتني بكرعاني

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)