هذه احدى قصائدي القديمه من الارشيف لمحبين الشعر من المزاعيط والمعذره على القصور وعلى فكره الطيــور مو اللي على بالكم خخخخخخخ
وين مارحت تلقى لك صديق وعـدو
............صعب ترضي جميع الناس وتودهـا
يا طيــور ٍعلى المـاء بالخفـى وردو
..........عكرت صافي المشروب من وردهـا
لو تبسم بوجهك في القفـى غـرّدو
...........ما تميّز هزيل الهـرج مـن جدهـا
ان تقربت منهـم بالمدايـح شـدو
...........من يحب المدايح ذاق مـن شهدهـا
وان تبعدت .. وجبتهم عليها انتـدو
..........السنتهـم شلافي شابيـن حدهـا
في جهنم ملـوك النـار كـم وقّـدو
.........وألسن الناس كبتهـا علـى خدهـا
ليتهم بالنبـي والصالحيـن اقتـدو
.........زمرة ابليس طاعت شوره وصدهـا
ابعدوا عن غثاهم يالصحاح ابعـدوا
.........الغنيمه من الامـراض فـي بعدهـا
ازرعوا من غروس الطيّبه واحصدوا
........خلوا اهل الردى في مذهب لوحدهـا
حذر الدين منهـم والعـرب حـذروا
..........كلمـة الله فيهـم صـادق ٍ وعدهـا
ما حسبنا حساب النقص وان زودو
...........في النوايف عيون الصقر ويمدها
استراحت طيــور الجو والا غـدو
........وين طارت بها الجنحان مـا اردهـا
وش تكون الطيــور تلـجّ والا هَـدو
..........دامها من طيــور المـا فـلا اعدهـا
دام الافعال تجمـل و الجمايـل قـدو
.........ما على من تجمل لوم مـن بعدهـا
ابتعد عن غثاهم ورتحل فـي هـدوّ
..........خل بعض الطيـــور تموت في حقدهـا
من يحب السلامه شـد شـد البدو
.........لا امحلت كل ديـره لملمـت شدهـا
الحقايـق تجلـت والخوافـي بـدو
.........يا حبايب شربنا المـر مـن يدهـا
..
التعديل الأخير تم بواسطة المتوكل على الله ; 2012-04-10 الساعة 05:09 AM