اغادير و يا طلابة اغادير .. تحلطم

Bianconri_q8 · 2012-04-12T16:55:25+00:00

السلام عليكم جميعا .. الكل شاف بالاونه الاخيره اشكال غريبه عجيبه في المغرب بشكل عام و اغادير بشكل خاص .. تشوف اللي مراهقين و تشوف شباب باعمار متوسطه و تشوف شيبان .. لكن المشكله حسب رايي ما تكمن بعمر القادم الى اغادير .. المشكله بتصرفات القادم الى اغادير .. اكثر الخبره اللي راحو اغادير من قبل الربيع عربي .. شافو الفرق في تصرفات القادمين الى المغرب و خصوصا و تحتها خطين [U][COLOR="Red"]بعد الربيع العربي بالذات[/COLOR][/U] مزاعيط اغادير القدامى .. شافو اغادير قبل و بعد .. انا ما راح اتكلم عن الوضع قبل الربيع العربي شنو كان .. يخلي الاعضاء اللي شافو بهالوقت يتكلمون .. لكن موضوعي عن القادمين لاغادير بعد الربيع العربي .. الكل يدري انه بعد احداث سوريا ( الله يسهل عليهم ) الكثير من رواد سوريا حولو الوجهه الى المغرب و كذلك رواد مصر بعد الاحداث الاخيره .. و مع الاسف جلبو معاهم تصرفاتهم و مهايطهم معاهم .. و صار الوضع انه الناس في اغادير تغيرو عليهم نوعية السياح فا بالتالي شافو المبالغ المهوله اللي قاعد تنصرف على الهياط و الفشخره الزايده .. فا صار التعامل مع الكل سواسيه من ناحية الموظفين و من ناحية اغلب سكان اغادير .. ما قامو يفرقون بطريقة التعامل بين المحترم و بين اللي يهايط و يدفع يمين و يسار بدون اي معنى .. انا بذكر لكم موقف واحد من المواقف .. بالعنبره كان في واحد خليجي جالس و يحي البلد و المدينه والقبيله الفلانيه .. و يرش بهالدراهم يمين و يسار .. قام واحد من ربعنا الخليجيين ايضا و حس بغيره في داخله قال شلون هذا يكل الجو عليه لا والله ما اخليه ! و يقوم صاحبنا و يبدي عملية الرش بمبلغ خيالي ! تجاوز ال 40 الف درهم بدون اي مبالغه يا جماعة !! :Abu Ahmed (103): و احنا الناس اللي قاعدين مستانسين و عايشين جونا نشوف بهالتصرفات و مالنا الا نسكت ! و موقف ثاني ايضا حصل بالعنبره ! قام واحد من ربعنا الخليجيين و يعطي المطرب فلوس و يقوله حي فلان الفلاني .. و هذا فلان لفلاني معروف عندنا بالكويت بمعاداته لقبيلة عريقه حتى وصلت فيه انه تجرء على احد من كبار القبيله .. المهم مالكم بهالسالفه بس توضيح .. و قام صاحبنا المطرب مسكين ما يدري شالسالفه و احلى تحيه لي الج.... و احلى ج..... قاهرهم .. المهم قام واحد من الشباب و كلم مسؤول العنبره بينهم معرفه قديمه و قاله .. ترى الموضوع كذا و كذا و كذا و هذي امور سياسيه و يمكن واحد من هالقبيله العريقه يكون موجود و تصير هوشه كبيره مالها حدود .. فا رجاء كلم المطرب و قوله هذي امور سياسيه ما نبي نتدخل فيها ! وبالفعل قام و كلم المطرب و نبهه على الموضوع .. يعني باختصار الموضوع مجرد تحلطم على الوضع الحاصل في المغرب بشكل عام و اغادير بشكل خاص .. و اذا كل واحد عنده تعليق على النقاط اللي ذكرتها ياريت يشرفنا بردوده تحياتي لكم

مزعوط أغادير

مزعوط نشيط

المشاركات: 67

تاريخ التسجيل: Mar 2011

2012-05-09, 07:09 PM

المشاركه #38

رد: اغادير و يا طلابة اغادير .. تحلطم

انا حالياً موجود باغادير والوضع تغير بشكل كبير للاسوء
وكنت ناوي اجلس شهر وراح اغير الجدول من جديد بالتوجة إلى طنجة وبعدها اسبانيا
باختصار اغادير تغيرت والظاهر انها آخر سفرة لي

وشكراً ياصاحب الموضوع

__________________

جعل الحيا يسقي طواريف كازا

............ ويضفي عليها لين ياصل أغادير

الوقت ضيق وماتكفي الأجازا

............ لكن عسى ماتكرة النفس بة خير

المواضيع المتشابهه للموضوع: اغادير و يا طلابة اغادير .. تحلطم
الموضوع	آخر مشاركة
اغادير بين الحمله الحاليه ورعه اغادير	2023-06-07 10:32 AM
اغادير 18 نوفمبر في اغادير الحبيبة	2015-11-09 04:14 AM
كم يكفيني يوم في اغادير ؟؟؟ ياخبراء اغادير	2012-06-12 11:37 AM
اشارة لموضوع الاخ الغالي Bianconri_q8 " اغادير و يا طلابة اغادير .. تحلطم "	2012-05-17 08:29 PM
للمسافرين الى اغادير ؟؟؟؟ الوقت المسموح بين الرحلة الدولية ورحلة اغادير كم ؟؟؟	2011-05-22 02:06 PM