منتدى المزاعيط و المغرب

السلام عليكم ..
اول تقرير لي في المنتدى هذا والمنتديات كامله ..
اتمنى انه يحوز ع رضاكم و "تستيفدون " منه صار لنا كثير من المواقف اللي مانبي تمر عليكم الجدد الرايحين للممغرب ..
طبعا مع الاختصار عشان ماتملون من كثر الكلام


الحلقــ1ـه الاولـ 1ـى


افراد الرحله + وجهتنا للمكان السفر+ " منتدى مزاعيط المغرب " + ترتيب للسفر + قص التذاكر + " الجوازات " و المطار

اربطو الاحزمه ..

انا واخوي..

كنا نخطط للسفره طبعا كنت انا ابي المغرب وهو يبي اندونيسيا وكنا لازم نتفق وانا اقتنعت نروح اندونيسيا نخطط ع شهر 10 عربي السنه اللي راحت وللظروف عمل اخوي ماعطوه اجازه وتنكسلت الرحله وانا قفلت اخلاقي ولا فكرت اسافر لحالي كلمني بدايه شهر 11 قالي رتب نفسك ع نهايه الشهر نسافر المغرب ؟؟ اثنين من اخوياه بيسبقونا هههههههههههه انقلبت السالفه هو يبي المغرب وانا ابي اندونيسيا المهم شهر 11
كنت ابحث ف النت ع البلدين
الا وصدفه واحلى صدفه دخلت ع مزاعيط المغرب " صدفه خير من الف سفريه " اتفقنا ع المغرب بعد كلامكم وهيامكم للمغرب طبعا ؟؟!! تولعنا بها .. طبعن اخذت حذري بحاجات كثيره وتثقفت من منتداكم كثييير مشكورين كل شخص بهذا المنتدى ونفس الوقت اللي سجلت ارقامهم وانا بالمغرب ماردووا علي ؟؟؟؟؟؟؟؟؟؟!

قصيت التذاكر من الصرح للسفر ع القطريه " للاسف " بـ 3300 الواحد ؟؟ ع فجر السبت يوم 24|11

وكان السفر لمد11 يوم
اخر يوم بدت الاتصالات ع اخوياء اخوي هم اثنين في مدينه مراكش و مضبطين شخص يستقبلنا في مطار كازا كنا نتفرج مباراه النصر والاتفاق وكل شوي يدقون علينا ياخذون النتيجه احلى شي كلنا نصراويه متصعبين بالسفر هههههههه

بعدالمباراه طلعنا ناخذ اللي ناقصنا من ملابس وحلقنا وتعشينا الوقت عيى يمشي طبعن نزلنا المطار الساعه 2 والرحله ع الساعه 4 ونص حطينا الشنط وقصينا البوردينق وبنختكم الجوازات
جينا عندهم قال وين فلان قلت انا قال لي معليش جوازك
تالف ماتقدر تسافر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟!!
طبعن انا جوازي مكبوب عليه عطر كل الصفحات قلت له انا اسافر فيه عادي قال وين والجواز فاضي قلت له البحرين ههههههههه قالي ب سلامه واحلى شي صوت التختيم ب سلامه بغيت اركض وسط الصالات كني مسجل هدف الفوز ب دقيقه 95 وانا اصارخ واضرب صدري قووووووووووووووووووووووول !!


الحلقه الثانيه ان شاء الله
السفر + وصلنا مطار كازا + الطريق + اول ثلاث ايام + السكن + اول ثلاث ايام و" سرقننا " للاسف

الحمدع السلامه تقرير واعر من بدايه لا تعلقنا تكفئ واصل بدون فاصل

المغرباوي منطلق .. احجزلي كرسي بالصفوف الاماميه

__________________

اكره السرقه. هههههه. منتطظرينك

__________________

منتظرينك لاتتاخر علينا