تحذير من السكن في فلل eden palm

[SIZE="5"]بسم الله الرحمن الرحيم قبل كل شيء اقسم بالله العظيم ان كل كلمة راح اكتبها صحيحة وماراح ازل عليكم بشيء

للاسف حبيت اغير عادتي في السكن بمنتجع النخيل الدرقاوي طموحا في سكن احلى وارتب ( لقافة وفلسفة زايدة ) ولكن ياليتني ماسويتها وراح اقولكم ليش

اولا : تم سرقتنا من قبل سائق التاكسي حيث اننا وثقنا به ثقة عمياء ( يعني جيب غرض من غرفتي او من المطبخ ) طبعا راح تقولون هذي غلطتك وارد عليكم انا اتحمل جزء من المسؤولية لكن الفلا مافيها سيفتي بوكس واجار الفلا 4 غرف ب3500المهم عشان اكون امين في موضوعي يوجد سيفتي بوكس في الادارة فقط والادارة بعيدة عن الفلا بتمشي لين يطيح حظك ويوم سكنا سألنا عن السيفتي بوكس قالوا الموظف موموجود .
ثانيا : طلبوا دفع الايجار كله مقدم وبعد مفاوضات طويلة مع السيد رضوان الله لايذكره بالخير صار الدفع كل 3 ايام .
ثالثا : المسافة بين البوابة والفلا تهد الحيل من جد وتعامل سيء مع الضيوف حسب المزاج .
رابعا : رضوان كل شوي طاق عليك الباب بسالفة او بدون سالفة .
خامسا : اي ضيف يسألك وين ساكن وتقوله ادن بالم شوف تعابير وجهه ( جرب وشوف ) .
بعد البهذلة هذي تم استأجار شقتين في بالموري فيلاج عن طريق الدرقاوي وارحنا آخر راحة من eden palm وطبعا في شغلات صارت اكبر من اللي قلتلكم عليه لكن التزم بقوانين المنتدى

والله على ما اقول شهيييييييييييييييد

D

:smi:

مرحبا يا غالي

الغلطة غلطتك من البداية

اخترت مكان غير مجرب

كيف تسمح لي سائق التكسي الدخول للفيلا

واذا سمحت له مكانه في الصالون معزز مكرم

بس الانسان يستفيد من تجاربة وتجارب غيره

هارد لك تعيش وتأكل غيرها

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

الله يعوضك .. والحياة تجارب .. لكن شرشحهم في المنتديات .. ورزقك على الله .

مو كل سفره تتوفق انا رحت المغرب 4 مرات كلها موفقه معاد الاخيره اكلت فيها مقلب خطير
تتعوض ان شا الله ومراكش من ناحيتي كنسلتها من جميع الرحلات ...ٍِِِِ

اشكركم اخواني على التعليقات والردود الطيبة وانا اتطلع الى تعليقات من ناس جربوا هذا المكان غيري حتى لا اكون ظالم خصوصا بالنسبة للمدعو / رضوان اما الفلوس الله يعوض علينا انشالله وهو ليس بالمبلغ الكبير وشكرا

الله يعوض عليك ممكن تعطينا التقرير كامل ع الرحله مع المنغصات اللي صارت فيها حتى يتم الاستفاده من هذي التجربه ولك جزيل الشكر

هلا اخوي الولهان بالنسبة الى منغصات رحلتنا الى مراكش هو ماتم ذكره سابقا اما باقي الرحلة فهي ممتازة جدا خصوصا عندما غيرنا السكن وطردنا السائق واصبحنا نحن من يقود السيارة واذا ضيعنا شوي بالطريج نسأل المارة من الشعب المغرب الحبيب وهم متعاونين جدا في كل مرة نسألهم وبالعكس لما تسوق السيارة تكتشف اماكن جديدة وحلوة غير المتعارف عليها ولو كانت بسيطة اما بالنسبة للسكن في عدن بالم راح اذكرلك شغلات منها :
1- المطبخ غير مجهز بالكامل وتظطر كل شوي تدق على الرسبشن جيبولي وحطولي عكس المطبخ اللي عند الدرقاوي في منتجع بالموري فيلاج المطبخ جاهز من جميع النواحي .
2- بعض بواب الغرف اقفالها خربانة وقلنا حق رضوان ولا سوى شي بالاضافة الى عدم وجود سيفتي بوكس .
3- حنا انحدينا او اظطررنا الى السكن لان مكلمين تاكسي من ديرتنا وهو اللي شافلنا هالسكن وكنا تعبانين ونبي نسكن اي مكان بعد الرحلة الطويلة .
4 - تخيل انك ناسي شي بالسكن وبرتجع وتوك طالع راح تمشي لين يطيح حيلك عشان توصل السكن لان التاكسي ماتوصل عند الفلا وحتى سيارتك تصفطها بعيد طبعا في فلل قريبة بس طحنا بوحدة بعيدة ومارضوا يغيرونها مع ان المنتجع نصه فاضي .

واي استفسار انا حاضر

على طاري رضوان هذا اكبر نصاب على الاطلاق و الايدن بالم معروف بأدارته السيئه

و حراسه الاكثر من سيئين لي ابعد حد صحيح فلله حلوه ولكن ما تسوى البهذله

اهم شئ راحه البال


وايضا خليل مشرف الحراسات من قوه البجاحه يدق عليك باب الفيلا عشان يطر و ااذا ما اعطيته يوصي عليك الحراس يضايقوك


بالاضافه انه حتى لو عطيته ما راح يتغير في المعامله شئ الكل يبي منك