دخلت علي حساب مزاجة ووش اشوف هههههه
كله عجيز ومير هههههه
مت ضحك الله يقطع شيطانك

لا وقديمه بالمنتدي من 2012

ماجبت شي جديد من يوم سجلت بالمنتدى وهم يقولون اني واحد من العيال وداخل اخرفن لين صرت اشك بنفسي اني معيض او مسفر واحيانا محماس ههههه

ايه افا عليك من المعمرات انا المفروض يرقوني من زمان بس ماش الحظ ابن الذين عيى يزين

هههههه وش اسوي ماعرف اوصف لاني متعود اعرف الطرق مثل بريده عندنا بس اللحين صارالجيل الجديد الا يحفظ اسماء الشوارع ههههه
اوانا بين بين يعني لاني من الشيبان ولا من جيل النيدو ههههه

ههههه
وضعك بصراحه مريب

لايجي منك صراحه لو الرجال ركز على وصفك زين خاصه الجريق اللي فيه دوارات هههههه تراه بذمتك لو صدم او صار عليه شي

لامريب ولاشي ياابن الحلال الدعوه سهالات راس مالها لسان يرطن بكل اللهجات ماتدري هي هوايه ولا لقافه ههههه مشيها بس

مزاجيه ماعليك من العذال
الشجره المثمره تنرمى بالحجاره دايم
بس المشكله عاد مامنك فايده

هههههههههههههههههههه

ايوه بدينا ؟؟ دخلنا بالصح يعني اممممم ترى ماودي اتربع تربيعتي شينه واحس الدردشه مبطي ماتقفلت وعلى رجعتي بتتقفل تعوذ من ابليس يارجال وفك نفسك الشر ههههه

ههههه
علي طاري الصدم الله يكفينا الشر
فيه مشكله وشي غبي جداااااا في نظام المرور في المغرب
اذا فتحت الاشاره تفتح لك وللي امامك واذ جيت تبي تروح يسار تتقدم شوي وتلف شوي قليلا هههه الي اليسار وتقف حتي تذهب السيارات اللي جايه من الاشارة اللي امامك ثممممممم تقطع التقاطع الي اليسار
فكني الله بغيت اسوي حادث ههههه والغريبه بغيت اسويه يوم عرفت النظام هذا في اخر يوم وانا طالع من كازا للمطار لكم ربك ستر

خدي راحتك بس أهم شي مافيه ممنوعات
معسل وشاي وفصفص لاأكثر

يمقن ايه ويمقن لا ماندري
بس اذا انتي فعلا مغربيه بصراحه وشلون اتقنتي اللهجه القصيميه وفيه ناس سعوديين ماعرفو يتقنونه

ياابن الحلال بالمغرب لاتستغرب لو قالو امش ريوس ريوس الواحد يطلب بس السلامه والحمدلله على سلامتك وثاني مره ركز زين

على طاري الممنوعات والمعسل والفصفص وينهم فرند وشاعرنا محمد وحشتوني حيل وش صار على الباص شكلكم مشيتو بدوني

المشكله مركز بس هماه الاشاره فتاحه واجيك مسرع عشان متصك علي هههههه احسبي بالسعوديه اخذها علي سرعه يسار ههههه بهكا الاحظه مادري وراه اشتغل عقلي الباطن السعودي الله لايبارك بالعدو

والله صراحه ماعندي جواب مقنع غير اني عاشقه لها يعني تقدر تقول مغربيه والنبض قصيمي او يمكن الكليجا والكراث لهم دور ماتدري هههههه

هذا يسمونه العرق ماعليك ههههه كانت بدت تاثيرات السعوديه تحوم حولك ونسيت انك باقي ماطرت ههههه والحمدلله جت سلامات

ههههه اجل النبض
خلاص لاتكملين
الله يجمع بينكم بخير
وانااقول وش هالحماس للهجه القصيميه
مع ان لهجتكم تهبل بزاف توحشتها

يووه رحت بعيد مااقصد نبض القلب يالطيب هههههه نهي نهي

ههههه شكله تسذا
الله يسلمك

لا والله موتسذا هههه

ههههههه ماله تفسير غير هذا

اضحك الله سنك ههههه
قولي امين

اللهم آمين وياك يارب

علي طاري اللهجات
كنت في طنجه واتمشي بالسياره وطلعت من طنجه باتجاه القصر الصغير واشوف الديزل ماباقي الا شوي ويقطع علي واشوف لي ناس واقفين واسالهم اقرب محطه ويهرج علي بالدارجه المغربيه هههه واتنح قلت عربي لو سمحت هههه ويعصب علي قال شكون اني بتكلم عربي هههه قلت لا يالحبيب اقصد لغة عربيه فصحى

عاد طحت بجبالا يعني لهجتهم غير والتعامل معهم اصعب زين انه بس عصب ماسوى شي ثاني ههه بس شسويت بعدين ؟؟

ههههه ضحك وقل شعندك بطنجه جاي مستثمر هههههه قلت لايالحبيب سياحه بريئه ههههه
ابد وصف لي عربي فصحي ورحت علي وصفه
وقطعت البنزين كذا مره افهي ويقطع علي الديزل
ههههه مشكله مانب اركز علي عداد البنزين

طيب بالجايات ركز يرحم شيبانك

ههههه ابشري
وشيبانتس طال عمرتس

بندر بئر الشفاء وبني مكاده احياء شعبيه بطنجه

اها
لاتكون بس الاحياء اللي وانت متجه مخلي الكوريش يسار وتطول ويجيك الموفنبيك يسار وتمشي شوي يجيك بالطلعه علي يمينك حي دخلته كله جفر بس شكل بيوته حليله ماهيب قديمه

لا بئر الشفاء وانت نازل من مرجان تحصل الدوار ماتروح لم طريق الرباط تاخذ اتجاه فندق اهلا وتمشي سيدا هناك فوق تحصل بئر الشفاء ومنها تقدر تنزل لبني مكاده قبل كان هالحيين من اخطر الاحياء بطنجه بس الحين تغيرت الامور وتطورت

اسعد الله اوقاتكم بكل خير ..

واوقاتك بكل خير

ومساك بكل خير

صباح الخير ع الجمييييع

صباح الانوار

حالفه تردين ع كل مشاركه بالدردشه هههههههههههه
وش وضعك ؟؟ داقه خفاره هنا ولا إيش [emoji23][emoji23][emoji23][emoji23][emoji23]