مزاعيط المغرب - السفر الى المغرب - دردشــــــة الـــمزاعيـــــــــط

اقتباس:

المشاركة الأصلية كتبت بواسطة عمر الفاسي (المشاركة 603641)

وصلني بالخاص وقلت أرد بالدردشة لتعم الفائدة (حذفت اسم المرسل)

المواضيع هذي مالها دخل في اللي صار لك في الروز أو بغلاء الأسعار بالمغرب ولكن الغلاء لعدد من الأسباب:

1. تركيز الشباب على مدينتين بالمغرب وهي مراكش وأكادير (بالذات مراكش)

2. السكن في أماكن معينة دون غيرها بسبب توفير تلك المساكن للحرية اللي يدورها البعض وخصوصاً

صوت الموسيقى علشان الافتر بارتي مع تكرار زيارة نفس المكان حتى مع التجارب السلبية

3. كسل الكثير في البحث عن الجديد أو الاعتماد بشكل كامل على تجارب الاصدقاء أو حتى اعضاء من المنتدى

4. عدم الاستفادة من الكم الهائل من المعلومات المتوفرة بالمنتدى ولك في المواضيع الجديدة الكثير من اللي يطلب

برنامج له وانه للمرة الاولى يروح المغرب كأننا في حضانة اطفال , أول ما نزل على الرسول عليه الصلاة والسلام

هي كلمة ( اقْرَأْ ) والمنتدى يغني السائل عن الكثير بس العجز الله يصلحهم

5. عدم مناقشة الكثير من الشباب في مسألة الاسعار بل اكثرهم يدفع بدون ما يناقش وبعضهم يدفع زيادة حتى يأخذ

سكن محجوز سلفاً ويدفع اكثر بس علشان ياخذ حجز غيره

6. الجشع من الطرف المغربي في السكن واللي مو عاجبه الاسعار يقول له في وجهه فيه غيرك يدفع بالتالي همهم مصلحتهم

وغيرها من الأسباب لكن أنا ذكرت اهمها , وبالنسبة للسكن في المدن المفضلة للخليجيين فهي قليله وهو اللي خلى الطلب أكثر

من العرض , مثلا بمراكش عندك بمنطقة النخيل وحي جليز وبريسيتجيا اللي بشارع الملك محمد السادس !!! ثلاث مناطق فيها

تكدس خليجي كبير وما تبغى يصير غلاء , نفس الشي في أكادير بالثلاثي (صحارى اماديل والمارينا) نادر ما تلقى اللي يسكن

بغيرهم والسبب وهم الامن والامان والحرية , بالتالي ما اعتقد ان مواضيع الميزانية سبب الغلاء بالمغرب ترا اللي بالوسط السياحي

من اكثر الاستغلاليين في المغرب ولا هم محتاجين سبب لرفع الاسعار وفي المغرب مسألة رضاء العميل ماهو بذيك الاهمية عندهم

وحتى في أفخم الاماكن ما عندك أحد إلا إذا في سكن عالمي له شركة أم في الخارج لانك لو تقدر توصل لخدمات العملاء للشركة

في اوروبا او امريكا فراح تسبب لهم صداع مزمن حتى ترضى عنهم. لكن لو المسافر واعي وعارف ويبحث عن الافضل من ناحية

الخدمات والمكان اللي يراعيه كان اختلف الوضع كثير

بالنسبة للسيارات بالمغرب فهي في الاصل غالية من زمان وهذا مو جديد ولعدد من الاسباب منها:

1. اغلب الشركات العالمية ما توفر سيارات بجير اتوماتيك للعملاء

2. موديلات السيارات بالشركات العالمية مو جديدة (مو موديل السنة)

3. بسبب التأمين الشامل الايجار غالي من الشركات العالمية وراح اعطي مثال بين شركة دولار وبين بعض اللي بالمنتدى

لهونداي اكسينت اتوماتيك عند دولار بحوالي 950 درهم إلى 1000 درهم باليوم يبنما من اللي بالمنتدى من 250

إلى 350 درهم باليوم بالتالي باقي فيه فجوة بينهم , بعدين الشركات العالمية ما تلقى عندهم مثل السيارات اللي بالمكاتب اللي بالمنتدى

للسيارات الفارهه او حتى العادية لان اغلب سياراتهم فرنسية (طبعا أنا من 2010 وقفت التعامل معهم ومو متابع بالتفاصيل لهم)

لكن البورش والفيراري والرنج والمزراتي وغيرها بمكاتب المنتدى ولا يمكن تكون متوفرة بالشركات العالمية مثل بدجت وغيرها

4. اللي يشرب ويسوق هذا سبب من اسباب الغلاء

فيه فئة من الشباب يستأجر ويدفع وبعدها يمدد لفترة اطول من استأجر فيها أول ما وصل وبعدها يسافر ويخلي السيارة بالمواقف

ولا حتى يعطي خبر للمكتب ولا يكلف نفسه يسدد اللي عليه لان كثير من المكاتب ما يعتمد على بطاقات الائتمان عند التأجير مو

مثل الشركات العالمية اللي ضروري بطاقة ائتمانية قبل ما يعطيك السيارة

صادق اخوي عمر وانت طرحت المشكله وسبب المشكله خاصه في السكن وخلينا نقول ان مشكله رفع الاسعار مشتركه بين مكتب التاجير او السمسار والمستهلك بس باقي الحل عشان يكتمل الموضوع ويستفيد القارىء
وهذي بعض الحلول من وجهه نظري واللي عنده زود لا يقصر:

- اذا كانت الميزانيه محدوده والشخص ملزوم بالسكن ديال الخليجيين لا تكون سفرته في موسم ونقصد العطل عندنا في الخليج لانه راح يرتفع السعر بناء على الطلب الزايد على السكن وهم ما يصدقون يستغلون ذي الفرصه

- وقت المواسم لا تنخدع وتدفع عربون لانك راح تلقى وعود وبالاخير هي تدبيسه عشان تنجبر تسكن عندهم

- مهما كان حاول تكاسر في اوقات غير المواسم لانه بالغالب الطلب قليل وراح تطلع بالسعر اللي براسك وهذي جربتها ونجحت

- السكن في برستيجيا يفرق السعر اذا كانو اثنين عن واحد ونفس الشقه لانه اذا كنت لوحدك راح يقل السعر لانه اذا كلمتهم في الواتس ما راح يسالوك انتم اثنين او واحد على طول راح راح يعطوك سكن ديال اثنين وهو اغلى

- اذا كانت ميزانيه محدود وتبغى تاخذ راحتك بس بدون رفع صوت في مراكش راح تكون منطقه جليز هي مطلبك لكن اعرف انه لكل شي ضريبه

- في الاخير السكن هو اللي يخلي السفره حلوه وبالمقابل هو اللي يخربها عشان كذا للمستجد خاصه قبل تسوي اي شي حوس بالمنتدى وراح تلقى مطلبك ان شاء الله