|
|
اقتباس:
بلاغ لوزارة التجاره من موقعهم بالنت و رفع كل السندات اللي تثبت .. او راجعهم في مقرهم ما راح ياخذ منك ساعه بعدها حط رجل ع رجل و راح تاخذ اللي تبي و طالب بتعويض و ان لحقتك اضرار من التاخير و راح تجري وراك الوكاله لجل ترضيك |
اقتباس:
لا بس اتصال على وزارة التجارة وينسق معك مندوب ويطلع معاك للوكالة ويغسلهم لك غسل.. لا تستلم ولا توقع شي ابد اهم شي الوكالة عندنا ملاعين جدف |
تكفون لحد يسألني عن اسم الوكالة .. انا ابي اخذ حقي بس وضعت بين الشرطة ووزارة التجارة
التجارة يقولون هذا تخصص الشرطة والشرطة يقولون هذا غش تجاري بلغ التجارة والمرور يقولون مالنا دخل .. والوكالة كلموني الحين يقولون بنخصم من سعر السيارة 5000 ريال وتعال خذها قلت شغلها وشغل مكيفها وارقد فيها والله ما آخذها .. الله يرضى عليكم اللي فاهم بالامور هذي يرشدني بس وجزاه الله خير |
وش طلباتك وش ودك فيه ؟؟
|
اقتباس:
مساء الخير ياعبود اول شي هددهم بوزارة التجاره واذا مانفع اشتكهم والله يا انهم ينخرشون من وزارة التجاره واطلب المدير لاتتفاهم مع البائعين انا قد صارت لي سالفه في مكيف سبلت وبهذلتهم بهذله بعدين مراقبين الوزاره صار لهم نسبه من المخالفه اللي يتابعها عشان كذا يجونك طياره ولاتستلم السياره مهما كان وبالتوفيق ياعزيزي |
اقتباس:
انا ماوقعت على شيء .. يوم رحت استلم سيارتي اكتشفوا ان العامل مركب اللوحات خطأ ولخبط بالسيارتين .. لدرجة معطين العامل رقمي يكلمني ويقول لاتقطع رزقي وانا الغلطان ووو .. رحمته والله بس بنفس الوقت مالي ذنب .. وش يدريني اللبناني اللي استلم سيارتي وش سوا فيها ومرجعها ماشيه 388 كم وين راح ذا ؟!!! |
انتبه وانا اخوك هالايام تخوف ما تدري وش سوا فيها .. بعدين ٤٠٠ كيلو خلال يوم بالرياض وين راح !!
طبيعي يدخلك الشك الله يكفينا الشر |
اقتباس:
مدري والله العظيم وش اسوي ولجأت لكم وللعيال ولقروبات الواتس ماخليت احد .. الاغلب اتفقوا على ان وزارة التجارة هي المسؤولة طيب ليش مايستقبلون مني البلاغ؟!! مرتين كلمتهم يقولون رح للشرطة .. ومبيت النية بكرة اروح للواء الهلال مدير شرطة الرياض يشوف لي حل مع القسم اللي مايبي يشوف شغله .. واخاف ان روحتي له ماتغيّر شيء ومنحاس مخي |
اقتباس:
امشي نظامي و بشكوه رسميه لوزارة التجاره حتى لو كان العامل هو سبب الخطأ و اشك ان الموظف ضاحك عليه لجل يضغطوك و يستغلو طيبتنا و ما تضمن احد هالايام فكيف سياره ماشيه كل هالكيلومترات و بالنهايه النظام واحد عامل ما له حق بانه يقوم بهالامور و قيامه فيها راح يدين البائع اكثر و كـ تحصيل حاصل ارسل للادارة تبع الوكاله المشكله بالتفصيل و انك بكره راح تراجع وزارة التجاره اذا ما نحلت المشكله و انت اصلا مقدم الشكوى |
اقتباس:
الموظف غير فاهم اللي قلك الموضوع .. يخص غش تجاري و انت قدم شكوه رسميه وراح يقبلوها و لا تروح للواء |
| الساعة الآن 03:45 AM |
|
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط