حفظ البيانات؟ هل نسيت كلمة المرور؟ تسجيل عضوية جديدة

سفرتي الى كازا الاثنين 17/5/2010

Oscar · 2010-07-26T17:49:22+00:00

[CENTER][SIZE="4"][COLOR="Blue"][B]بعد الاقلاع من مطار الملك خالد في يوم الاثنين الموافق 17 /5/2010 في تمام الساعه 12 ظهرا و انا في نفسي اقول الله يجعلها سفريه ممتعه كما اريد المهم بعد الوصول و كان الوقت في العصر المغرب بس مدري كم بالضبط لاني كنت اترقب لحظه الوصول و كثر ما قريت من تعامل الجوازات في المطار كنت انترقب المهم يوم دخلت المطار طبعا صفينا عشان نختم دخول و كان الواصلين خمس طوابير من رحلات اخرى اللي ضايقني صراحه الطوابير الي ما فيها سعوديين او خليجي كان اجرائاتهم سريعه بعكسنا احنا يجلس مع الواحد ثلث ساعه عشان الاكراميه المهم انتظرت الين جا دوري وعطيته الورق الي فيها المعلومات مع الجواز الي سلمونا هي في الطياره نعبيها و اصر الموظف انه يكتبها لي بنفسه و يعيدها بخط حلو و مرتب على قولته هههههه اقوله يبن لاالحلال واضحه ما يحتاج بس خلصني ابغى امشي المهم انا فهمت ان الوضع بيطول و انا ما فيني صبر قالي ما فيه اكراميه قلتله والله ما عندي درهم مغربي لسى ما صرفت وانت عارف المهم كان معي عشره ريال في جيبي باقي الفطور في المطار عطيته قالي كم هذي ؟؟ ههههههههههه قلتله روح حولها و انت تعرف كم المهم رحب فيني و مشيت الين وصرت نازل عند الدرج و يقولي الثاني ما فيه اكراميه قلتله حضك سيئ اخذها صاحب ضحك و مشيت و كان عند الدرج اسفل راعي عربيه الشناط ذكروني بالحصن كل ما مشيت مكان طبيت في وجه واحد الين تطلع و توصل بر الامان وقعد يلاحقني الا يشيل الشنطه غصب شوي الين طفش ورجع يدور شخص ثاني المهم طلعت من صاله و رحت احول الفلوس و كان سعر الصرف 2.315 ثلاث مكاتب كلهم نفس سعر الصرف و بعدها رحت اسئل عن مكتب اتصالات دخلت مكتب لي midital ميدتيل اخذ تشريحه والله اني نسيت كم عطيته لكن الظاهر 100 درهم اخذتها ومشيت على طول من دون ما اعبي نموذج ولا شئ و شغلتها في جهاز كان ماخذه مخصوص و بصراحه كان فيها عرض حلو كنت اشحن بـ 100 درهم يعطوني 100 درهم يعني اي رصيد يعطونك دبل و برضوا كان فيه عرض الدقائق المجانيه للخارج يعطونك 25 دقيقه بس لازم تدق على رقم 555 وتشغل العرض اول ما تاخذ الشريحه المهم بعدها قلت بجرب اخذ قطار نزلت حصلت القطار مشى قالولي ربع ساعه ويكون موجود فكرت فيها قلت والله ما فيني ابغى اطلع من المطار المهم توجهت برى لتكاسي اخذت تاكسي بـ 250 درهم على المعاريف وصلت المعاريف وسكنت قريب من التوين سنتر شقه غرفتين نوم و بلكونه و صاله و صاله جنب المطبخ لي الاكل وحمام وكان سعرها بعد المكاسره 500 درهم مع شرط تجربه لمده 3 ايام ودف دفعت فقط حق ثلاثه ايام و بعدها مددت يومين وثلاثه ايام الاخيره اه بس كانت الزعطه الحقيقيه ^_* المهم طلعت بعدها اخذتلي اغراض حق الليله وعشى لاني كنت ميت من الجوع و قلت الصباح بروح لتوين المهم سهرت الين الساعه 2 بالليل و نمت صحيت الصبح توجهت لي التوين رحت سوبر ماركت اسيما الي في الدور الارضي و اخذت اللي ابغاه و بصراحه انصح لو كنت في المعاريف تاخذ من هناك احسن وكان فيه بوفيه افطرت فيه جنب السوبر ماركت بعدها مريت مكتب اتصالات ميدتيل midital و اخذ تشريحه بيانات كونكت ب 290درهم تقريبا في حدود السعر ذا تقريبا و طبعا النت مفتوح لمده شهر مع الوصله تحمل اللي تبغاه بعد الشهر اذا شحنتها ب 50 درهم تقعد معك اسبوع و اذا 100 درهم تقعد معك اسبوعين و اذا 200 درهم تقعد معك شهر و التحميل مفتوح السريعه 3g 7.2 ميقا وبصراحه فادتني كثير منها التواصل مع الحبايب و تطلع أي اغنيه على جوك و امور اخرى طبعا لو معك وصله او مودم باند لكس ويفضل المودم لانه يخدم اكثر من شخص يشبك معك واير لس او كيبل من هنا يمكن بس تكلفك شريحه 150 درهم فقط ما يحتاج تاخذ المودم انا كان معي مودم باندلكس 3g bandluex sim اشغله على الشريحه و يقدر يتصل اكثر من شخص معك بالواير لس حق المودم و ايضا فيه خطوط كيبل كنت مشبك فيه الدريم بوكس واخذت فقط شريحه بيانات وشغلتها مفتوح التحميل لمده شهر ما عندهم نظام البايت يعني كل شئ اوبن لاني مدمن على شوتايم اكشن و الباغات و قنوات الطرب المشفره فكنت اشغل الدريم بوكس على المودم باند لكس عشان الشارنج وكان الشارنج جدا ممتاز عليها و تفك كل القنوات ماخذ عفشي كله ههههههههه تفيد اذا كانت فيه مباراه مشفره ع الجزيره ههه يالله عاد انا كثرت هرج في النقطه ذي بس عشان غيري يستفيد يمكن احد جووه كذا و يحب يتابع اشياء يوميا لان فيه اوقات راح تكون في الشقه او يمكن تمل خل جوك منوع بكل شئ و برضوا النقط هالاهم انا لوحدي يعني ما معي خوي واللي بيتابع كاس العالم وجت سفريته في ذاك الوقت ما يتعب يدور مقهى او مكان ولا شئ المهم بعد ما توجهت للبيت طبعا انا ما كنت ضارب في حساباتي طباخه في البيت فكل اكلي من برى و جربت مطاعم من ظمنها مطعم ايطالي كان يوصل لي الشقه و ما كان ياخذ على التوصيل شئ بس حق الطلب و اسعاره جدا مناسبه و المهم اليومين الاولى كانت روحاتي لتوين لاني كنت مخصص الاسبوع يومين التوين يوم بالنهار و يوم بالليل و عين ذياب يومين وهكذا واخر الليل سهر في الشقه و بصراحه اللي يبغى ينبسط مره يلزمك تستاجر سياره من المطار بس اول مره يفضل التكاسي الين تعرف المدينه مزبوط و ترتاح من غثى التكاسي طبعا لمى تركب مع تاكسي بتجيك عروض فأنت عطه جوه و اذا نزلت سيفون بيعطيك الرقم دقه في الصادر مجامله و اسحب عليه الا التاكسي اللي ترتاحله خله معك تدق عليه لطلعاتك و اتفق معه قبل كل شئ عشان ما يزعجك بعدين ولا تعطي اي احد رقمك ابدا وفيه موقف مع موظف في المطار صارلي اني سئلته عن مكان القطار ونشب فيني نشبه عشان الاكراميه المهم يوم طلعت لتاكسي برى قالي اكرمنا عطيته 20 درهم وشاف معي 100 و ابو 200 درهم كنت حاطها في البوك قالي ابغى من الثانيه ههههه يقصد 100 درهم قلت والله ان تبطي عظم زعل و قالي خلاص ما ابغى و مدري ايش مسوي زعلان سحبت عليه و مشيت يوم ركبت التاكسي لحقني قالي طيب خلاص هاتها ههههههههههه قلت طيب وليه من االاول طيب لا تصير طماع عشان كذا احسن حاول تدج و تدور بنفسك لا تسئل احد الا اذا مره شفت نفسك ضيعت عشان تفتك يمكن تطيح في واحد قلق بعدها حرمت ما اسئل ولا بسئل الا لظروره القصوى المهم بعد ما اخذت مستلزماتي و العده رجعت الشقه و غيرت و قلنا وينك يا عين ذياب قبل ما احكي روحتي لي عين ذياب يوم كنت في سوبر ماركت اسيما كنت عند المحاسب حطيت الاغراض الي في السله و بعدين قالي حسابك 950 درهم قلت ما يخالف عطيته تسع ميه و جلست اجدور في البوك على 50 درهم هو من اللقافه شاف في البوك ريال سعودي طبعا هو ما يدري انه ريال بس شافه اخضر على باله خمسين درهم فقام و قال هذا هي و سحب الريال من البوك طبعا انا استغربت الملقوف ذا يوم سحب الريال من البوك في يدي المهم قلت عطه جوه سكت انا و قعدت احط الاغراض في في الكيس مع العامل و ااراقبه بشوف رده فعله قعد شوي يناظر في الريال و العالم واقفه تطالع فيه زي اللي يقول يا ولد ذي مو بخمسين درهم ولا هم غيروا شكلها ولا مزوره ولا شلون المهم انا سويت نفسي بمشي قام ينادي و يقولي هذا ما يصلح ههههههههههههه قلتله عارف انه ما يصلح هذا ريال سعودي اللي جنبي يحاسبون شايفين الوضع قعدوا يضحكون عليه عاد هو الضعيف ارتبك وبدت علامه الاحراج عليه قلت يالله تستاهل بطل لقافه ثاني مره بعدين عطيته و صرفلي و مشيت يحسبني افدغ ماني عارف شكل الخمسين درهم واني اعمى ما اشوف ا اثم بعد ذلك رجعت البيت غيرت و تاكسي على عين ذياب ركبت في طاكسي الاحمر وقلت يالله سيده على عين ذياب اخذته ب 40 درهم دخلت مقهى ميامي و جلست على الجلسات و منظر البحر و نسيمه كان رائع جدا و مكان المقهى فيه الا القليل و تحت كنت تشوف الملاعب و سياح يستمتعون بروعه البحر فعلا منظر جميل و يوم كان رائع جدا بعد ما حسيت بحراره الجو رجعت البيت وكانت اول طلعه لي اريح و في طريق العوده قالي راعي التاكسي تسمحلي اركب لو شخص معنا ع الطريق قلتله مع اني دافعلك حق مشوار خاص لكن يالله خلنا نهجول شوي المهم ركبت معنا من نوع ارض ارض و تبادلنا اطراف الحور و استفسارها هل حقيقه بأن البنت في السعوديه ما تسوق جاوبتها بنعم حتى سيكل ما تسوقه وحسيت انها ما صدقت او اصيبت بالذهول و قالت انا الي اعرفه ان في الامارات وذا عادي قلت السعوديه مو زي أي دوله و نظامها صارم بحكم انها مهبط الوحي و غثتني شوي باسئلتها كيف الحرمه تروح السوق وا الحياه هناك ولكن قلت يا رجال خلني اتخرفن شوي المهم راعي التاكسي ما عاد عطيته وجه كنت اسولف معه سحبت على مندوبه المهم يوم نزلت قام يسلك و يقول شفت كيف عندنا تتحدث معك المرأه عادي و هنا بساطه هو طايح فيني لغه عربيه على باله معه هارون الرشيد المهم قلت ايه يا رجال ما فيه اشكال و الدعوه اخويه و حسن النيه موجوده و انا عارف انه شال في قلبه علي ا وان تحركت في قلبه الغيره لكن قلت يضرب براسه في اقرب رصيف من بعدها ما عاد وقف ولا لي أي وحده هههههههه صار يركب تماسيح متعمد و ما يوقف لي بنت قلتله شوف حبيبي لا توقف لي احد ترى احسن اني تاخرت و عندي موعد مهم قالي خلاص المهم مشيت ووصلت البيت و حطيتها نوومه الين الساعه 5 والطاكسي رايح جاي بــ 80 درهم و ترى ما يكرب معك احد بس انا في الرجعه اخذتها مزاج عشان نخالط الشعب المغربي المضياف .... يتبع [/B][/COLOR][/SIZE][/CENTER]

صدى المزاعيط

زعــــيـــم الــعــــرب

المشاركات: 557

تاريخ التسجيل: Aug 2010

الدولة: الكويت

2010-08-10, 09:56 PM

المشاركه #11

تقرير جميل جدًا ورائع الله يعطيك الصحه

__________________

https://www.mza3et.com/up/uploads/images/mza3et.com-55e8bde919.jpg

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: سفرتي الى كازا الاثنين 17/5/2010
الموضوع	آخر مشاركة
جوله في كازا بلانكا 2010 بالصور	2013-08-08 02:29 AM
تقرير سفرتي إلى ( الرباط - مراكش - كازا ) 2011م	2012-10-30 12:13 PM
تقرير سفرتي الى كازا ومراكش واغادير	2011-12-30 03:46 PM
سفرتي القادمة الى كازا في 4/2 ميلادي	2011-02-10 05:56 PM
سفرتي يوم الاثنين القادم للمغرب اي خدمة انا مستعد	2010-09-21 01:44 AM

الساعة الآن 01:31 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

سفرتي الى كازا الاثنين 17/5/2010

روابط سريعه