أتمنى الافاده .. من جميع الاعضاَء لـ مراكش

ابو الشباب بالنسبه للصرف جيب معاك سعودي واصرفها من هنا

فيه محلات مخصصه للصرافه الصرف فيها ازين من عندنا وازين من البنوك

بالنسبه لموعد الرحله لو تأخرها بعد العيد بكم يوم يكون افضل لك

لانه في المغرب الكل راح يكون معيد مع اهله في الدار جيت العام الماضي في نفس الموعد وندمت اني ما اخرت الموعد ولا تنسى في فرق يوم بيننا وبينهم في الصيام يعني ان جيت اول يوم الي المغرب راح تكمل معاهم الصيام يا بطل

شوف يا طويل العمر

بامكانك تستانس وتطرب نفسك بعقل

وفلوسك ما ترميها بالارض والناس تصفق لك وهم يضحكون عليك

بامكانك تاخذ اجمل فيلا بخدمها وتستاجر افخم سيارة

وتستانس احسن وناسة بفلوس التنقيط

ولا تخلي الناس تضحك عليك

هذي نصيحتي لك يا ولد عمي

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

اهنجار : لبى قلبك عارف والله بس اللي معاي ادمان سوريا
فهمت علي ولا انا مالي ب أمور التنقيط بس ب أسمع بنصيحتك لبى قلبك و بفهمهم هالشيءء عشان ، يعقلون

اخوي محمد بقولك سالفتي مع قريب لي بعمري سافرت معه مرتين لندن و دول الخليج و ماليزيا و هولندا ونسهر وكل شي .. واخر سفره معه رحنا مصر وفجأه ابو الشباب تنقيط

وانا الي انصدم والله نزلت راسي هو من زمان يروح مصر بس ما قد رحت معه لها الا هالمره وانصدمت انه ينقط ولكن باوربا ما كان يجيب الطاري حتى لانهم متقدمين

لكن زي ما قلتلك والله نزلت راسي وصار بيني وبينه شد بالكلام لاننه حسسني بالهمجيه ترمي فلوسك بالارض ومن دون مقابل واذا فيه مقابل فهو كرهـ وحقد الي حواليك عليك ولكن بالداخل ومن الخارج يعطيك ابتسامه تقولك ( انت غبي )

احمد ربي انه الحمد لله تفهم مني وترك هالعاده بعد كلاااام كثير واقناع بالواقع ..

اتمنى منك انك تكون عون لاخوياك وتحاول تقنعهم بترك هالعاده السيئه ..

صدقني ويشهد الله اني عتابي لك وعتاب اخوي مصطي واخواني الاعضاء عتاب محبين ولا احنا موب دافعين شي من جيوبنا

وزي ما قالك اخوي اهنجار اذا انت والله تبي تصرف الفلوس بأي طريقه ياخي اسكن بـ بقصر خذ احلى سيارهـ بس لا ترمي فلوسك بالأرض ..


ارجع واقولك ياخوك تراني محب لك ولاخوياك الخير ..

تحياتي لك ,,

__________________
ياعرب ترى المكارم والمروّه

سـيف عـز فاللـقـا ما هو بحـاكل

والسمو الى جهـل قيمة سموّه

ما عرف فرق التوكل والتواكل

تنقيط؟؟؟؟؟؟؟؟؟؟؟؟؟؟؟؟؟؟؟؟ ؟؟؟

بصراحه شي يفرح القلب وجود اشخاص امثالكم في هذا المنتدى . فعلا كلامكم من ذهب.

ما دام ميزانيتك راهية أنصحك تأخذ فيلا خاصة فخمة بعيد عن النخيل
اول ايام العيد مشكلة الضيوف يكونوا معيدين مع أهلهم خصوصا الضيوف الطيبين لكن عموما الوضع يكون سالك
فيه بطاقات صراف ( وفا كاش ) محلية تطلع لك و انت واقف مؤ غلط تحط فيها جزء من القطة بدل ما تشيل مبلغ كبير
تكفوووون ابعدوا عن التنقيط و ما دامك امير الرحلة اقضب ربع سوريا
ترى اذا أظهرت البذخ و التبذير تصير صيدة هناك و ممكن لا قدر الله تتعرض للمشاكل
طبعا هذا ما يتعارض انك تدلع نفسك و تأخذ راحتك
اغادير تستحق الزيارة و فندق اماديل فيه جناح ملكي يناسب ميزانيتكم و تفلوها ع الاخر