خصام القهوة مع الاتاي !!!!!!!
قالتلوا:أنا كحلة القمقوما اسنات عليا الحكوما
يشربني الناس مع الصباح وتا تقيل شبعانا مكهوما
وايذا جا الضييف كانستر الحشوما
ماشي بحالك انت حريمل معلق ف الردوما
_________________________________________
قال لها:انا أتاي و أتاي بليا
و الناس كلها مصدقا بيا
يشربوني في الصباح و يشربوني في العشيا
وانا جيت ملكك ف البكيا
عندي اربعا د النجوم و الكتابا عربيا
وسنيات علي الدولة الوطنيا
ماشي بحالك القهوا انت كحلا نقليا
كتباني بحال البريو دبال قنيا
_________________________________________
قالت لو:ان القهوا كحلت السيفا
كايشربني القايد و الخليفا
واللي ماشفني شاي دايزة عليه الحسي
_________________________________________
قال لها:انا أتاي و أتاي الحار
وجيت ملكك في البكية ديال الخنجار
و دايرين لي الحةانت في كل دوار
و دايرين لي الكسان ديال البلار
ماشي بحالك أ القهوا كحلا كيف الغبار
و اللي شربك كاينعس ف السبيطار
_________________________________________
قالت لو:انا القهوا أصلي حبوب
و الله الا كحلا مافيا كدوب
البريق كيتشحر بالعوافي كايدوب
الرابوز كايسوط بالعوافي متقوب
المجمر حامي بالعوافي مقلوب
_________________________________________
قال لها:أنا أتاي المنسوم
جيت ملكك عندي اربعا د نجوم
أتاي بلا ايقاما كلو مظلوم
ماشي بحالك القهوا كحلا بحال لحموم
_________________________________________
قالت لو:انا القهو عندي الراس
جيت ملككة من فاس
دايرين لي البرارد من النحاس
وكنفيقهم ف الصباح باقين ف النعاس
البريق كايتشحر و يعمر الكاس
اخرج يا ولد الحرام غطس خلاص
_________________________________________
قال لها:انا أتاي و أتاي المزيان
في الصدق و لمان
و جيت ملكك على يد مولاي الحسن
مابقيت ش كنتباع في الجورنال
ماشي بحالك القهوة كحلا كيف القطران
سيري بحالك راك وسخت الكيسان
_________________________________________
قالت لو:انا القهوا شا البلاصا
الناس كلها عليا عساسا
الي قارين و مدوزين المدراسا
ماشي بحالك أيتاي غا حلاسا
كايشربوك غا السراح و الخماس
_________________________________________
قال لها:انا أتاي و أتاي زعاما
مانحتج اقاما
و الناس عليا خداما
لااللي ف الارض و لااللي ف السما
ماشي بحالك القهوا كحلا كيف الرخاما
_________________________________________
قالت لو:انا القهوا كحلا مسكينا
الناس كلها تبلات بينا
لااللي ف البادية ولااللي ف المدينة
سير بحالك أيتاي انت بهدلت بينا
اتبعت بكبالا
2012-05-24, 10:32 AM
المواضيع المتشابهه للموضوع: خصام القهوة مع الاتاي !!!!!!!
العرض العادي
الدرهم المغربي مقابل عملات الخليج