استفسار عن حد السحب

السلام عليكم ورحمه الله وبركاته
كل عام وانتم بخير
ومن العايدين والفايزين جميعا
اخواني انا كنت قبل رمضان موجود في مراكش وكنت احاول اسحب 8000 درهم كعادتي من الوفاء التجاري ورفضها كتب لي على الشاشه ان حد السحب ٢٠٠٠ درهم وحاولت باكثر من صرافه للوفاء ونفس الشيء اتمنى اللي جرب يسحب عن طريق بطاقة الصراف لبنك سعودي عن طريق الوفاء التجاري مبلغ ٨٠٠٠ مع العلم اني سالت اكثر من شخص وحسب افادتهم لي انه تم تغيير نظام السحب وخاصه في ايام الويكند والله اعلم لهذي المعلومه اتمنى احد يفيدني ان قدر سحب برمضان مبلغ ٨٠٠٠ ريال او اذا فيه بنك بديل لان الوفاء اضطريت اسحب ٢٠٠٠ درهم اربع مرات وكل سحبه خبركم بعموله شفت موضوع اخونا ابو عبدالله في فتح الحساب لكني متخوف منه بصراحه
مع العلم اسافر دايم وفلوسي اقسمها بثلاث بطاقات للاحتياط

لاتتخوف حط فلوسك في الي قال ابوعبدالله انا محاكيك حاطها
تسحب من أي صراف وفاء بنك او التجاري وفاء بنك بدون ماينخصم منك دينار والحد اليومي 6الاف درهم بس
حط لك بطاقتين ولاياكلونك البنوك 4عمليات سحب كل عمليه 50ريال =200ريال =450درهم كل ماتسحب ياخذونها البنوك

خوفي من رد احد الاخوان ان البطاقه لو ضاعت مشكلتها مشكله
سالفه بطاقتين ما فهمتها لنفس الحساب والا كل بطاقه لحساب
اذا لنفس الحساب حلو لو لا سمح الله ضربت وحده الثانيه شغاله
بس اذا كل بطاقه لها حد مستقل هنا اتوهق
وصادق والله عموله البنك جامدة بس محتدين عليها يا الغالي

كل البنوك تقدر تسحب 2000 درهم في اليوم 000

بنك الشعبي 4000 درهم في اليوم 000

لنفس الحساب تقدر تطلع اكثر من بطاقتين بعد وانا عاملها على البنك الاهلي بنفس الرقم السري

يعطيك العافيه حبيبي روداني
هو فعلا الوفاء انا قبل رمضان جنني اسحب الفين الفين والله
لكن انا اقصد بطاقتين لنفس الحساب في المغرب مو بالسعوديه يا الغالي
لاني حسب كلام الاخوان ان الحساب مثل حساب راتبي تقريبا البطاقه احط فيها فلوس وحدها ٢٠ الف درهم
اذا اقدر اطلع لنفس الحساب بطاقتين والحد ٢٠ حلو ابي هالشيء

حبيب قلبي تطلع 100بطاقه بحساب واحد
كل بطاقه تحط فيها اقصي شي 20الف درهم بس المشاكل لو ضاعت يعطونك ورقه الايداع وماتقدر تطلع بطاقه ثانيه الا من نفس الفرع الاصلي بس
يعني لاكنت رايح مراكش او اكادير حطها بالديره الي بتجلس فيها وانا اروح ارجع كم مره ولاضاعت ولاهم يحزنون ومريحه والله جدا وحلوه

هلا حبيبي يعطيك الف عافيه اجل بنجربها هالفكره وما قصرت يا الغالي تسلم ومن العايدين والفايزين
ولو حاب شيء من هناك نجيبيه لك بمشي بعد ٤ ايام وحداني كعادتي :)

مانبي الا سلامتك رحله سعيده وعيدك مبارك
وبخصوص البطاقه هذيك لاتسحب الا من وفاء كاش او وفاء بنك يعطيك تسحب 3مرات كل مره 2000 بدون رسوم ولادرهم يخصمون عليك

الله يسلمك يا الغالي
الف شكر بيض الله وجهك ما قصرت