زعلان عليك كثير يا اهنجااار.. فاتن وهقتنا واستغلتنا
السلام عليكم جميعا.. تحياتي للجميع و اخص بالتحية كبير المزاعيط اهنجار..
عتبي كبير على شخص كبير وانا متاكد انه ماله دخل بالموضوع لكنه حاول يساعدني بالشخص الخطأ..
الشخص الخطأ: هي فاتن مديرة التنسيق للسكن بمراكش..
بصراحة انا حقدت عليها للنخااااع.. و راح يكون لي تقرير كامل عن سفرتي, ولكن والله ان فاتن خربت علي الجو..
القصة ببساطة... اني وصلت المغرب يوم 25 مايو و قعدت بكازا الى يوم الخميس 31 مايو وكان كل شي 100 %
طبعا كنت متطمن من ناحية السكن بمراكش لاني مكلم فاتن تضبطلي سكن من وانا بالسعودية وقالت لي فاتن ان الامور تمام وفيلتكم جاهزة.. يوم وصلت المغرب(كازا) كل يومين تقريبا اتصل عليها وانا بكازا واسالها عن الفيلا اللي بمراكش وتقولي جاهزة..
المهم اتصلت عليها قبل ما اتجه على مراكش اللي هو يوم الخميس 31 مايو . وانا بالطريق تقولي ان الفيلا جاهزة. يوم وصلت رحت على الجاردن ستي و انتظرت الست فاتن اكثر من ساعه وانا و خوياي كنا مرهقين جدا ونبي ننام ونرتاح.. طبعا هنا بدأ الاستغلال..
جات الاخت فاتن و بدأت بالاستغلال لانها شايفتنا مرهقين... طبعا الاخت فاتن مجمعة اكثر من شخص لاستغلاله.. لقينا قدامنا اثنين شباب سعوديين وسوت معهم نفس المسرحيه.
طبعا يوم جات قالت لنا السكن بالجاردن سيتي كله مليااان... ومالكم غير فيلا ثانيه اوريكم بس بسعر ثاني : (704):
طيب ليش ما قالت لي من قبل ما اوصل؟؟ وليش يوم وصلت قامت تلف وتدور؟؟ وليش سوت نفس الشي مع الشباب اللي قابلناهم؟؟
المهم هي تستغل انك مرهق وتعبان وتبي تستاجر باي سعر....
طبعا رحنا نشوف الفيلا اللي قالت عليها.. كانت فيلا 4 غرف وعادية جدا.. وبمكان بعيد عن البلد , ويوم اسالها عن السعر قالت لي 5000 : (704):: (704): ليه؟؟ ليه؟؟ يا هنجاااار ليه؟؟
المهم رحنا وتركناها .. وشفتها اجرت ((شقة)) غرفتين للشباب السعوديين ب2500 .... والله حرااااام ... واستغلال... واتمنى تنحط فاتن بالقائمة السوداء. لانها سوت فينا وفي الشباب السعوديين اللي ماينتسوى..
طبعا هدا اللي صار معي باختصار.. واتمنى والله مايحصل لغيري... واتمنى من مشرفنا الغالي يسمح لي اني احط فاتن بالقائمة السوداء واحط كل التفاصيل عنها..
....
....
تحياتي للجميع : (75):