حفظ البيانات؟ هل نسيت كلمة المرور؟ تسجيل عضوية جديدة

سفرة نهاية الربيع و سلبياتها..

عبدالله فهد · 2012-06-08T02:04:06+00:00

مساء/صباح الخير جميعاً لي كم شهر أعد للرحلة انا و خويي، لكن للإسف تجري الرياح بما لا تشتهي السفن، نشوة السفرة الأولى ما كانت موجودة .. اللي انبسطت منها خرجات النهار.. عالم مختلف عشته, أوركيدا و اكوا بارك(ألعاب مائية) حلوة بس مش مثل حقت دبي، ساحة الفنا و قصر البديع و قصر ثاني.. سد تركوكست أو حاجة زي كذا.. مقاهي مراكش و الحياة و التنوع بشوارع و أحياء مراكش كنت حاجز بقاردن ستي فلة من مراكش بلازا انفسمنت فلة 9 أيام.. حاجز من كم شهر، اتصلت قبل أسبوعين لتآكيد الحجز و قالوا صافي.. قبل بيوم اتصلت اتآكد من الحجز، قالوا اللي ساكنين مددوا يوم، نبي نخليكم بشقة لين اليوم الثاني، حاولت اتصل على الاخ اهنجار بس انحرجت منه لأني ما حجزت عنده من البداية، راسلته واتساب و ما قصر ارسلي رقم فاتن، اتصلت و قالت للإسف ما فيه، تشكرت منها و نسيت أتشكر من ابو عبدالله على تعاونه السريع و هو بسفرته.. المهم سكنت أول يوم بـ اقامات سلمى، الاثاث عادي .. قلنا نريح فيها، بس فكت الشناط صعبة و كنت مآمل نرتب أغراضنا بمكان واحد لأنهم كثار، من بكرا جاء المسؤول عن الفلل يعتذر انهم مددوا ليوم ثاني و كلمة رجال إنكم بكرا بتشيلون عفشكم.. عرفت أن الوضع مزايدات قلنا بكرا بكرا، لو نقول لا فيه غيرنا بيدفع الدبل، حق الجوازات بجدة يقول هذا سادس رحلة ما يمر إلا جوازات خضراء، المرة الأولى يوم أروح الطيارة فاضية، الحين بالذهاب و العودة ما فيه مقعد فاضي.. إقامات سلمى بـ 1300درهم غرفتين.. و لو بالأيام العادية ما أخذتها بأكثر من 600درهم.. المهم أخذنا الفلة للـ 7 الأيام الباقية.. اليوم بـ 2200درهم و شارط عليهم المسبح يكون مليان.. المشكلة الخدمات و السواق نمون عليهم و هذي مشكلة، لا يمونون عليكم.. المسبح ما نظف إلا ليلة خرجتنا، ذحبونا يطفون الكهرباء علشان يشغلون الفلتر، تهاوشنا معهم.. لنا 7 أيام نبي المسبح و اخرتها آخر سهرة لنا يطفون الكهرباء علشان يشغلون فلتر المسبح، عدل بدل لين ما وقفوا شغلهم نفس الفلة آجرت للي بعدنا بـ 5000 درهم( بالشتاء كان فيه أشياء كثيرة خربانة، نفس الأشياء للحين ما اتصلحت، الصيانة معدومة و الاثاث نفسه).. ابقول يا جماعة خلوها لهم بس المزايدات بكل شئ، اللي كانت تكلفة اليوم بـ 2000ريال مع رواد الصيف تبي ترتفع لـ 3000ر، اخذت لفة على فلل جاردن ستي.. تشوف كثير مهجورات، ما فيها اثاث و كهربائها مشيولة اللي عديناهم 10 فلل و ما رحنا للجهة الثانية من الشارع اللي سمحوا لنا نمشي فيه، و الخليجيين ما يآجرون لهم الفلل اللي داخله جوا.. غالبيتهم الفلل اللي على سور المنتجع، تتحمم و تناظر القرية، جينا نبي نتمشى داخل رفضوا.. الخلاصة علشان ما أطول عليكم: - إذا عندك حجز توقع يتكنسل لأن فيه غيرك مستعد يدفع دبل اللي تبي تدفعه. - الاغراض اللي تجيبونها من السعودية، رز - قهوة - شوكلاته - مكسرات - نواشف عادي تحصل نص اللي بالقاردن ستي يآكلون منها، احرص تكون بمكان غير المطبخ خصوصاً المكسرات والشوكلاتة.. - حاولوا تزورون القائمة الموجودة بالموضوع هذا، تغيير عن البرامج المعدة مسبقاً: [url]https://www.mza3et.com/morocco10736.html[/url] - حجزك بالياسمين عادي يتكنسل، تبي تسهر حضر هناك قبل ما يفتحون بخمس دقائق.. المرة اللي راحت سهرنا فيه مرة واحدة و كنا نجي متآخرين و نحصل.. كنا كثار و نسهر بالفلة هالمرة أربع مرات - النايت كلب: سيلفر SILVER [url=https://www.silvermarrakech.com/]SILVER MARRAKECH[/url] - ثيترو THEATRO [url=https://www.theatromarrakech.com/]THEATRO MARRAKECH - BEST NIGHT CLUB I MOROCCO SINCE 2004[/url] - وناسة صغير و أثاثة قديم، بس عيسى يدخلك أجواء حلوة - النرجس هالمره ما سويت له زيارة.. بس أثاثه أفضل الموجود - حاول تتجاهل التنقيط و الهياط اللي حاصل، و حاول تتجاهل اللي يلبسون فنايل رياضية و شورتات سباحة و نظارات شمسية بالمراقص علشان تنبسط - السواق و الطباخة، كل ما مانوا عليك كل ما جلسوا معك أكثر و حاسوا أجواء سفرتك و يجيبون العائلة كلهم و أصدقائهم.. خل تعاملك معهم رسمي بحت و يفهمونها بطريقتهم، إذا ما فاهموا ما لك إلا التصريح أو تغييرهم.. اللي يقدم نفسه عليك لا تعطيه وجه. - النقطة الأهم و لمصلتحك و لدوام زعطتك.. غيروا كل يوم، إذا ما غيرت ما راح يكون فيه دافع للطرف الآخر أنه يقدم لك اي مجهود و بيآخذك تريحه.. تبي تجامل على حساب نفسك جامل.. (علماً أن الإسعار مش متدبلة بس لا فيه اللي متدبل مرتين لأن اللي صاير مزايدات من ربعنا، عموماً واضح أن فيه إتفاق جماعي على رفع الأسعار، أنت و طريقتك لا تدفع أكثر من اللي كنت تدفعه قبل... واللي بيطلع من الأماكن المتعارف عليها بيحصل اللي يشرح الصدر) اللي مشتهي جح(حبحب) يسمونه هناك دلاح :d سفرة هانية.. مع أني ما انصح بالصيف، الموسم قصير و الزوار كثير

برزان

مزعوط مبتدء

المشاركات: 35

تاريخ التسجيل: Jun 2012

2012-06-13, 11:47 AM

المشاركه #1

رد: سفرة نهاية الربيع و سلبياتها..

سقى الله ايام زمان ؟ سبحان مغير الاحوال . شكل المغرب تغيرت كثيررررر .البركه بالخرييييييف العربى

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: سفرة نهاية الربيع و سلبياتها..
الموضوع	آخر مشاركة
الربيع العربي	2012-03-27 12:50 PM
سفرتي للمغرب .. تكاليفها؟سلبياتها؟ايجابياتها؟؟	2011-09-08 08:25 PM

الساعة الآن 03:08 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

سفرة نهاية الربيع و سلبياتها..

روابط سريعه